پتوکی میں 2 اوباش لڑکے قوت سماعت وگویائی سے محروم 14 سالہ بچی کو زیادتی کا نشانہ بناڈالا۔
تفصیلات کے مطابق پتوکی کے نواحی گاؤں کھریپڑ شریف میں 2 اوباش لڑکے قوت سماعت وگویائی سے محروم 14 سالہ بچی سے باری باری مبینہ زیادتی کر کے ویڈیو بناتے رہے۔
پولیس کا کہنا ہے کہ ملزمان نے بچی سے زیادتی کی ویڈیو بھی بنائی، متاثرہ بچی کےچچا کی مدعیت میں مقدمہ درج کیا گیا ہے، ایف آئی آر میں نامزد 2 میں سے ایک ملزم کو گرفتار کرلیا گیا ہے۔
اہل علاقہ کا کہنا ہے کہ ڈی پی او قصور اس واقعہ کا نوٹس لیں اور ظالم درندوں کے خلاف سخت ترین کارروائی کر کے انہیں نشان عبرت بنائیں۔
کراچی: عدالت نے بچی کو زیادتی کا شکار بنانے والے درندہ صفت پھوپھا کو سزا سنادی، بچی اپنی پھوپھی کے زیرِکفالت تھی۔
تفصیلات کے مطابق ڈی آئی جی ساؤتھ نے بتایا کہ عدالت نے 13 سالہ بچی کو متعدد بار زیادتی کا شکار بنانے والے مجرم پھوپھا کو بامشقت عمرقید اور 2 لاکھ روپے جرمانے کی سزا سنائی ہے، بچی اپنی چھوٹی بہن کے ہمراہ پھوپھی کے زیرکفالت تھی، مجرم بچی کو زیادتی کا نشانہ بناتا رہا۔
اسد رضا کا بتانا تھا کہ 13 سالہ بچی کے والدین نشے کا شکار تھے، مجرم بچی کو زیادتی کا نشانہ بناتا رہا جب بچی کی طبیعت خراب ہوئی تو عقدہ کھلا۔
اس گھناؤنے واقعے کا مقدمہ تھانہ اتحاد ٹاؤن میں درج تھا، ساؤتھ زون پولیس نے مؤثرانویسٹی گیشن سے مجرم کو سزا دلائی۔
ڈی آئی جی ساؤتھ اسد رضا نے بتایا کہ 2023 میں درج کیے گئے مذکورہ مقدمے کی سماعت ایڈیشنل جج ویسٹ کی عدالت نے کی۔
نوعمر بچی سے زیادتی کے الزام میں گرفتار ملزم پر عدالت کے باہر ایک شخص نے حملہ کردیا، واقعے کی ویڈیو وائرل ہوگئی۔
تفصیلات کے مطابق نوعمر لڑکی کو جنسی زیادتی کا نشانہ بنانے کے الزام میں پکڑے گئے 59 سالہ یوسف اعظمی پر لاس ویگاس کے کمرہ عدالت کے باہر حملہ ہوا جس میں اسے مکوں سے نشانہ بنایا گیا۔
یوسف اعظمی پر اغوا، فحاشی اور جنسی حملوں کے الزامات کے حوالے سے 23 جنوری کو ابتدائی سماعت ہونے والی تھی۔ ملزم سماعت سے پہلے کمرہ عدالت سے باہر آیا تھا کہ ایک شخص نے موقع پا کر حملہ کیا۔
وائرل ویڈیو میں دیکھا جاسکتا ہے کہ مذکورہ شخص اچانک اعظمی کے پاس جاتا ہے اور اسے مکوں سے مار کر زمین پر گرا دیتا ہے۔ کہا جارہا ہے کہ مذکورہ شخص اس کیس میں متاثرہ نوعمر لڑکی کا رشتے دار ہے۔
اس دوران کئی افراد بشمول ایک افسر ملزم اور اس شخص کی طرف بڑھے۔ زیادتی کے ملزم کو مارنے والے فرد کی شناخت گلین کروم ویل جونیئر کے نام سے ہوئی ہے۔
عدالتی دستاویزات کے مطابق یوسف اعظمی، ایک اداکار ہے جو کہ افغانستان میں پیدا ہوا، اس نے ستمبر میں اپنے گھر میں ایک نوعمر لڑکی کو مبینہ طور پر جنسی زیادتی کا نشانہ بنایا۔
3 ستمبر 2023 کو پولیس کو اطلاع ملی تھی جس میں لڑکی کا کہنا تھا کہ وہ اعظمی کی گاڑی میں بیٹھی جہاں وہ اسے اپنے گھر لے گیا اور اس کے ساتھ زیادتی کی۔ نوعمر لڑکی مبینہ جرم کے وقت 14 یا 15 سال کی تھی۔
اس نے پولیس کو بتایا کہ وہ کچھ پینے اور کھانے کی تلاش میں گھوم رہی تھی جب اس کا سامنا یوسف اعظمی سے ہوگیا اور یہ واقعہ پیش آیا۔
کراچی : شہر قائد میں ایک اور بچی کو زیادتی کا نشانہ بنا دیا گیا ، پولیس نے ملزم کو گرفتار کرکے مقدمہ درج کرلیا ہے ، جبکہ ملزم نےدوران تفتیش زیادتی کااعتراف کرلیا۔
تفصیلات کے مطابق کراچی میں بچی سے زیادتی کا افسوسناک واقعہ پیش آیا ، جہاں کورنگی کے علاقے میں گزشتہ رات10سالہ بچی کو زیادتی کا نشانہ بنایا گیا۔
ایس ایس پی کورنگی شاہ جہاں خان نے بتایا کہ زیادتی میں ملوث ملزم کو گرفتار کرکے مقدمہ درج کرلیا ہے جبکہ دوران تفتیش ملزم نے زیادتی کا اعتراف بھی کرلیا۔
ایس ایس پی کورنگی کا کہنا تھا کہ گرفتارملزم اور بچی کا میڈیکل کرایا جارہا ہے۔
یاد رہے گذشتہ ماہ کراچی میں گھر کی چھت پر سوتی بچی کو اٹھا کر خالی گھر میں لے جاکر مبینہ زیادتی کا نشانہ بنایا گیا تھا۔
بعد ازاں پولیس نے کراچی کے علاقے اسٹیل ٹاؤن میں 8 سالہ بچی سے مبینہ زیادتی کے ملزم کو گرفتار کرلیا تھا۔
منچن آباد: پنجاب کے ضلع بہاول نگر کے شہر منچن آباد میں 9 سال کی بچی کو اغوا کے بعد زیادتی کا نشانہ بنانے والا ملزم گرفتار کر لیا گیا ہے۔
تفصیلات کے مطابق منچن آباد کے علاقے گھمنڈ پور میں 45 سالہ بھکاری نے 9 سالہ بچی کو اغوا کرنے کے بعد اس کے ساتھ زیادتی کی تھی، پولیس نے ملزم کو گرفتار کر لیا ہے۔
گھمنڈ پور پولیس کا کہنا ہے کہ بہاولنگر کے رہایشی ملزم مشتاق ڈھڈی نے اعتراف جرم کر لیا ہے، میڈیکل رپورٹ میں بھی بچی کے ساتھ زیادتی ثابت ہو گئی ہے۔
پولیس کے مطابق مشتاق ڈھڈی پیشہ ور گداگر ہے اور بھیک مانگنے کے لیے مختلف شہروں کا رخ کرتا رہتا ہے، ملزم نے گھمنڈ پور کے رہایشی محنت کش بارش علی سے راہ و رسم نکالی، اور وقتاً فوقتاً مالی امداد کر کے اپنا اعتماد بنایا۔
مشتاق ڈھڈی 3 نومبر کو بارش علی کی دوسری جماعت کی طالبہ 9 سالہ بیٹی کو بہلا پھسلا کر اپنے ساتھیوں کی مدد سے اغوا کر کے فیصل آباد لے آیا۔ اس کے بعد بھکاری بچی کو اپنے گینگ کے ہمراہ لے کر مختلف شہروں میں پھرتا رہا اور بچی کو زیادتی کا نشانہ بھی بناتا رہا۔
گھمنڈ پور پولیس نے بچی کے والد کی مدعیت میں 5 نومبر کو ملزم کے خلاف ایف آئی آر درج کی اور کال ڈیٹا کی مدد سے ملزم کو ٹریس کیا جانے لگا، بار بار جگہیں تبدیل کرنے کے باعث پولیس ملزم کو پکڑنے میں ناکام ہوتی رہی تاہم آخر کار ملزم کو لالہ موسیٰ کے ایک ویران علاقے سے گرفتار کرنے میں کا میاب ہو گئی۔
چھاپے کے دوران ملزم کی جھونپڑی سے بچی کو بھی بازیاب کرا لیا گیا، ملزم نے دوران تفتیش بچی کو اغوا اور زیادتی کا اعتراف کرتے ہوئے پولیس کو بتایا کہ اس کا ارادہ تھا کہ وہ بچی کو ہمیشہ اپنے پاس رکھے گا اور بھیک منگوائے گا۔
سکھر: صوبہ سندھ کے شہر سکھر کے علاقے پنو عاقل میں مسجد کے پیش امام کی بچی کے ساتھ زیادتی کے معاملے کی تصدیق ہو گئی ہے۔
تفصیلات کے مطابق پنو عاقل میں دس سالہ بچی افسانہ بنت احسان سمیجو سے زیادتی ہونے کی تصدیق ہو گئی، ملزم شفقت سمیجو کو سکھر کی انسداد دہشت گردی کی عدالت میں پیش کر دیا گیا۔
یہ افسوس ناک واقعہ پنوعاقل کے قریبی گاؤں دلدار سمیجو میں ایک ہفتہ قبل پیش آیا تھا، جس میں مسجد کے پیش امام نے دس سالہ بچی افسانہ بنت احسان سمیجو کے ساتھ زیادتی کی تھی۔
اس سلسلے میں بچی کی میڈیکل رپورٹ سامنے آ گئی ہے جس میں بچی کے ساتھ زیادتی کی تصدیق کی گئی ہے، واقعے کے ملزم پیش امام شفقت سمیجو کو پولیس نے گزشتہ دنوں گرفتار کیا تھا، ملزم کو آج پولیس نے سکھر کی انسداد دہشت گردی عدالت میں پیش کیا، عدالت نے گرفتار ملزم کا 14 روزہ جسمانی ریمانڈ دے دیا۔
واضح رہے کہ بچی ملزم کے پاس قرآن پڑھنے جاتی تھی جس کے دوران اس نے بچی کو زیادتی کا نشانہ بنایا، ملزم بچی کے ساتھ زیادتی کا اعتراف بھی کر چکا ہے۔
اے آر وائی نیوز کے مطابق متاثرہ بچی نے اپنے والدین کو واقعے سے آگاہ کیا تھا جس کے بعد انھوں نے درخواست دائر کی اور پھر پولیس نے اسے حراست میں لے لیا، متاثرہ بچی اور والد کی تصویر بھی سماجی رابطے کی ویب سائٹ پر وائرل ہوئی تھی۔
پاکپتن : پنجاب میں معصوم بچی سے زیادتی کا ایک اور واقعہ سامنے آگیا، پینتالیس سالہ شخص نے چھ سال کمسن طالبہ کو اپنی ہوس کا نشانہ بنا ڈالا، واردات کے بعد ملزم فرار ہونے میں کامیاب ہوگیا۔
تفصیلات کے مطابق پنجاب کے ضلع پاکپتن میں چھ سالہ معصوم بچی سے زیادتی کا ایک اور واقعہ سامنے آیا ہے، متاثرہ بچی کو زخمی اسپتال منتقل کردیا گیا جہاں اسے طبی امداد فراہم کی جارہی ہے۔
پاکپتن کے نواحی علاقہ کلیانہ میں چھ سالہ کمسن بچی سے زیادتی کا ایک اور واقعہ رپورٹ ہوا ہے،45سالہ شخص نے چھ سال کی بچی سے مبینہ زیادتی کی جس کے بعد بچی کو حالت تشویشناک حالت میں اسپتال منتقل کیا گیا۔
اس حوالے سے پولیس کا کہنا ہے کہ تیسری جماعت کی طالبہ آمنہ کو گھرمیں اکیلا پاکر درندگی کا نشانہ بنایا گیا، ملزم موقع سے فرار ہوگیا جس کی گرفتاری کیلئے مختلف علاقوں میں چھاپے مارےجارہے ہیں۔
پولیس کا مزید کہنا ہے کہ میڈیکل رپورٹ میں لیڈی ڈاکٹر نے بچی سے زیادتی کی تصدیق کردی ہے، ملزم کے خلاف مقدمہ درج کرلیا گیا ہے۔
فیصل آباد: ایڈیشنل سیشن جج نے بچی سے زیادتی اور اُسے قتل کرنے کا جرم ثابت ہونے پر ملزم عبدالرزاق کو تین بار سزائے موت کا حکم دے دیا۔
تفصیلات کے مطابق فیصل آباد کے سیشن کورٹ میں 6 سالہ بچی سے زیادتی اور قتل کیس کی سماعت ہوئی جس میں جج نے گزشتہ روز محفوظ ہونے والا فیصلہ پڑھ کر سنایا۔
ایڈیشنل سیشن جج انعام الہیٰ کا کہنا تھا کہ فریقین کے دلائل مکمل ہونے اور ملزم کے اعتراف کے بعد ملزم پر جرم ثابت ہوگیا۔ عدالت نے فیصلہ جاری کیا کہ ملزم عبدالرزاق کو 3 بار سزائے موت دی جائے جبکہ اُسے 35 لاکھ روپے جرمانہ ادا کرنے کا حکم بھی دیا۔
یاد رہے کہ فیصل آباد کے علاقے مظفر کالونی کے رہائشی عبدالرزاق نے گزشتہ برس 6 سالہ بچی کو اغوا کر کے زیادتی کی اور پھر اُسے قتل کردیا تھا۔ قانون نافذ کرنے والے اداروں نے ملزم کو بیرونِ ملک فرار ہوتے وقت لاہور ائیرپورٹ سے گرفتار کیا تھا۔
ملزم نے دوران حراست اپنے جرم کا اعتراف بھی کیا اور جج کے روبرو پیش ہوکر بتایا کہ اُس نے دوسری جماعت کی طالبہ کو اپنی خواہش پوری ہونے کے بعد اس لیے قتل کیا کیونکہ بچی نے اُسے پہچان لیا تھا۔
طالبہ کی بوری بند لاش فیکٹری سے ملی تھی جس کے بعد پولیس نے اہل خانہ کا بیان ریکارڈ کر کے تفتیش کا آغاز کیا، مقتولہ کے والد لیاقت کا کہنا تھا کہ بچی کو دودھ لینے بھیجا اُس کے بعد سے وہ گھر واپس نہیں آئی۔
پولیس نے شک کی بنیاد پر دودھ فروش اور اُس کے ایک اور ساتھی کو حراست میں لے کر سوالات کیے جس کے دوران دونوں ملزمان پولیس کو مشکوک لگے تو باقاعدہ مقدمہ درج کر کے اُن سے تفتیش شروع کی گئی تھی۔
کراچی : معصوم بچی سے زیادتی کے گرفتار ملزم کو پی ٹی آئی کی ممبر سندھ اسمبلی نے تھپڑ جڑ دیا، منظورکالونی میں بی کام کی طالبہ سے اجتماعی زیادتی کے واقعے کی رپورٹ آئی جی سندھ نے طلب کرلی۔
تفصیلات کے مطابق کراچی سپرہائی وے کے علاقے خادم گوٹھ میں پانچ سال کی بچی خدیجہ سے زیادتی کی کوشش کرنے والے ملزم کو شہریوں نے پکڑکر پولیس کے حوالے کردیا۔
پولیس نے مقدمہ درج کرکے ملزم کو گرفتار کرلیا، واقعے کے بعد تحریک انصاف کی نو منتخب ایم پی اے دعا بھٹو متاثرہ بچی کو گود میں اٹھائے اس کے اہل خانہ کے ہمراہ سہراب گوٹھ تھانے پہنچیں اور غصے میں آکر ملزم کو تھپڑ جڑدیا۔
علاوہ ازیں کراچی کے علاقے منظور کالونی میں بی کام کی طالبہ کو چار لڑکوں نے اجتماعی زیادتی کا نشانہ بنایا۔ لڑکی کا کہنا کہ ملزمان ضمانت پر رہا کردیئے گئے ہیں، ملزم مقدمہ واپس لینے کیلئے دھمکیاں دے رہا ہے۔
متاثرہ طالبہ کا کہنا ہے کہ مجھے زبان کھولنے پر جان سے مارنے کی دھمکیاں دی گئیں ہیں، پولیس بھی تعاون نہیں کررہی اور کیس عزیز بھٹی تھانے منتقل کردیا گیا ہے، متاثرہ طالبہ نے آئی جی سندھ اور چیف جسٹس سے واقعے کا نوٹس لینے کی اپیل کی ہے۔
طالبہ سے اجتماعی زیادتی کی اے آر وائی نیوز کی خبر پر آئی جی سندھ امجد جاوید سلیمی نے نوٹس لیتے ہوئے واقعے کی پیشرفت سے متعلق رپورٹ طلب کرلی۔
کراچی: شہرِ قائد کے علاقے سچل تھانے کی حدود میں کائنات زیادتی و قتل کیس میں اہم پیش رفت سامنے آ گئی، پولیس نے کہا ہے کہ کم سِن بچی سے زیادتی اور قتل کا ملزم اس کا بہنوئی نکلا۔
تفصیلات کے مطابق کراچی کے علاقے بھٹائی آباد میں کم سِن بچی کائنات سے زیادتی اور قتل کی لرزہ خیز واردات کا ملزم اس کا بہنوئی نکلا، پولیس کا کہنا ہے کہ ملزم نے دورانِ تفتیش اہم انکشافات کیے ہیں۔
ایس ایس پی ملیر انویسٹی گیشن عابد قائم خانی نے بتایا ’بچی کے بہنوئی نے اعتراف جرم کر لیا، عارف نامی ملزم بچی سے کئی بار پہلے بھی زیادتی کر چکا ہے۔‘
پولیس کے تفتیشی افسر نے کہا کہ ملزم نے کئی انکشافات کیے، وہ بچی کو ڈرانے کے لیے اس پر تشدد بھی کرتا تھا۔ خیال رہے کہ بچی سے زیادتی اور قتل کیس میں پولیس نے چار ملزمان کو گرفتار کیا تھا۔
پولیس کے مطابق کیس میں گرفتار چاروں ملزمان کائنات کے قریبی رشتے دار ہیں، بچی کے بہنوئی عارف کو چار دن قبل حراست میں لیا گیا تھا، ملزمان کا میڈیکل ٹیسٹ بھی لے لیا گیا ہے۔
ایس ایس پی ملیر کا کہنا ہے کہ ملزم عارف کے خون کے نمونے ڈی این اے ٹیسٹ کے لیے بھجوا دیے گئے ہیں جب کہ ملزمان کے خلاف مقدے میں دہشت گردی کی دفعات بھی شامل کر دی گئی ہیں۔
واضح رہے کہ چند دن قبل گلستانِ جوہر کے علاقے بھٹائی آباد سے کم سِن بچی کائنات کی لاش بر آمد ہوئی تھی جسے زیادتی کے بعد گلا دبا کر قتل کر دیا گیا تھا۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
