لاہور: گنگارام اسپتال میں 5 سال بچی سے زیادتی کی کوشش کی گئی، پولیس نے فوری کارروائی کرتے ہوئے خاکروب کو گرفتارکرلیا۔
اے آر وائی نیوز کے مطابق گنگارام اسپتال میں 5 سال بچی کو ہراساں کرنے کا واقعہ پیش آیا ہے، پولیس نے اسپتال کے خاکروب عابد مسیح کو گرفتار کرکے اس کے خلاف ہراسانی کا مقدمہ درج کرلیا ہے۔
ملزم نے تیماردار بچی کو اسپتال کی پانچویں منزل پر ہراساں کیا، اسپتال ملازم عابد مسیح کا اعترافی ویڈیو بیان بھی سامنے آگیا ہے۔
اعترافی بیان میں ملزم کا کہنا تھا کہ ماں سوئی ہوئی تھی تو بچی کو ہراساں کیا، ماں اٹھی اور بچی کو ہراساں کرنے پر شور مچا دیا۔
عابد مسیح نے کہا کہ مجھ پر شیطان آگیا تھا، واقعے کے بعد متاثرہ بچی کے رشتے داروں نے گنگارام اسپتال کے باہر احتجاج بھی کیا۔