کراچی : خالی مکان سے کئی روز پرانی 6 سالہ بچی کی لاش برآمد ہوئی، پولیس کا کہنا ہے کہ لاش بچی کی ہے یا بچہ اس یہ بھی واضح نہیں۔
تفصیلات کے مطابق کراچی کے علاقے گلشن اقبال اسکاؤٹ کالونی کے خالی مکان سے کئی روز پرانی چھ سالہ بچی کی لاش برآمد ہوئی ہے۔
پولیس حکام کے مطابق ملنے والی کئی روز پرانی لاش بخش علی گوٹھ کے خالی مکان سےملی، لاش بارہ سے پندرہ روز پرانی معلوم ہوتی ہے، جو شناخت کے قابل نہیں ہے۔
پولیس کا کہنا تھا کہ لاش بچی کی ہے یا بچہ اس یہ بھی واضح نہیں ہوا تاہم لاش کو اسپتال منتقل کیا گیا ہے، میڈیکل رپورٹ کے بعد کچھ کہا جاسکے گا۔
حکام نے کہا کہ مکان مالک نے بتایا کہ مکان کچھ روز قبل ہی خالی ہوا ہے، جس مکان سے لاش ملی یہ سیلاب متاثرین کو دیا ہوا تھا۔
پولیس کے مطابق سیلاب متاثرین دو ماہ سے یہاں رہائش پذیر تھے، جو پندرہ روز پہلے مالک مکان کو بتائے بغیر مکان خالی کرکے چلے گئے تھے۔
