کراچی: شہر قائد میں دسمبر 2024 سے اب تک کتنے لاپتہ اور قتل کئے گئے بچوں کی تفصیلات سامنے آگئیں۔
تفصیلات کے مطابق کراچی میں دسمبر 2024 سے اب تک لاپتہ اور بازیاب کئے گئے بچوں کی تفصیلات سامنے آگئیں۔
جس میں بتایا گیا ہے کہ کتنے بچے خود گھر واپس آئے اور کتنوں کو قتل کیا گیا؟
اے آر وائی نیوز نے کراچی پولیس کی جانب سے مرتب ریکارڈ کی کاپی حاصل کرلی، رپورٹ میں بتایا گیا کہ مجموعی طور پر کراچی سے 12 بچے اغوا اور لاپتہ ہوئے تھے۔
رپورٹ میں کہا گیا کہ ویسٹ زون سے 3 بچے لاپتا ہوئے، بلال کالونی سے مبینہ اغوا ہونے والے بچے کو قتل کیا گیا۔
پولیس رپورٹ میں کہا ہے کہ گلبہار سے لاپتہ ہونےوالابچہ بازیاب کیاگیا جبکہ منگھو پیر سے لاپتہ بچہ خود گھر آیا۔
رپورٹ کے مطابق ایسٹ زون سے 6 بچے لاپتہ ہوئے تھے، گلستان جوہر کی 2 سالہ کنیز تاحال لاپتہ ہے جبکہ مبینہ ٹاون سپرہائی وے سے لاپتہ 2 بچوں اور زمان ٹاون اور شاہ لطیف سے لاپتہ 3 بچوں کو بازیاب کرایا گیا۔
پولیس رپورٹ میں کہنا تھا کہ ساوتھ زون سے 3 بچے لاپتہ ہوئے تھے جبکہ سعیدآباد سے لاپتا 4 سالہ بچے کا بھی تاحال کچھ پتہ نہ چل سکا۔
