قاہرہ : مصر میں اپنے پانچ سالہ بچے کو قتل کرکے اس کا گوشت پکا کر کھانے والی ماں کی عدالت سے بریت کے فیصلے کے حوالے سے نئے اور چشم کشا حقائق سامنے آئے ہیں۔
رپورٹ میں کہا گیا ہے کہ زقازیق کے علاقے میں منصورہ کی یونیورسٹی میں سائیکاٹری کے پروفیسرز کی طرف سے بنائی گئی کمیٹی نے ملزمہ کا معائنہ کرنے اور اس کی حالت کا تعین کرنے کے لیے عدالت کی درخواست پر استدعا کی کہ اس کے طبی معائنے کرایا جائے۔
جس میں خون کی جامع جانچ، گردے اور جگر کی رپورٹس، ای ای جی، دماغ کا ایم آر آئی، ذہانت کا ٹیسٹ اور جسمانی حالت کے دیگر ٹیسٹوں سے معلوم ہوا کہ وہ بے حس تھی اور اس کی سوچ میں ظلم و ستم کا وہم تھا۔
اس کے ذہن میں یہ سوچ تھی اس کی بھابھی اور اس کے چچا کی بیوی جان بوجھ کر اسے اور اس کے بیٹے کو جادو ٹونے سے نقصان پہنچا رہی تھیں جبکہ رپورٹ میں اس بات کی تصدیق کی گئی ہے کہ ملزمہ وقت اور جگہ سے اچھی طرح واقف ہے۔ قریب اور دور کے واقعات کے لیے اچھی یادداشت رکھتی ہے اور اس کی ذہانت طبی تخمینے میں اوسط سے کم ہے۔
رپورٹ میں واضح کیا گیا کہ ملزمہ معاملات کے ناقص فیصلے اور اپنے حالات کی سنگینی کو سمجھنے میں کمی کا شکار ہے، اور اس کا ماننا تھا کہ اس نے جو گھناؤنا جرم کیا وہ محض ایک غلطی تھی جس کے بدلے خون بہا ادا کرنا پڑا۔
خاتون کے اعمال سے ظاہر ہے کہ وہ ذہنی تکلیف میں تھی اسے سوچنے میں دشواری تھی، خاص طور پر اس عرصے میں جب اس کے شوہر سے اس کی طلاق ہوئی تو وہ بہت زیادہ ذہنی دباؤ میں تھی۔
رپورٹ کے مطابق وہ اپنے بچے کے لیے بیماری اور خوف کی حد تک پہنچ گئی تھی اور اسے لگتا تھا کہ اسے اور اس کے بچے کو زہر دے دے گا اس لیے اس نے اپنا گھر چھوڑ دیا اور اپنے بچے کے ساتھ ایک ایسے ویران گھر میں رہنے لگی جس میں زندگی کی بنیادی ضروریات کا فقدان تھا۔
رپورٹ میں یہ بھی انکشاف کیا گیا کہ ملزمہ نے متعدد اور بگڑتے ہوئے طبی خدشات کے پیش نظر اپنی زینب نامی پڑوسی سے کہا کہ وہ ایک گڑھا تیار کرکے اسے اور اس کے بیٹے کو اس میں دفن کر دے اور اس نے اس بات کو جواز بنا کر اس سے چھپانے کی کوشش کی۔
انہوں نے تصدیق کی کہ ملزمہ کے آئی کیو ٹیسٹ سے معلوم ہوا کہ اس کا آئی کیو 60 فیصد ہے. یہ صورتحال اسے ہلکی ذہنی معذوری کے زمرے میں رکھتی ہے۔
واضح رہے کہ یہ دل دہلا دینے والا واقعہ مصر کی شرقیہ گورنری کے فاقوس پولیس سینٹر سے منسلک ابو شلبی گاؤں میں پیش آیا۔ عینی شاہدین کے مطابق سفاک ماں نے اپنے 5 سالہ بچے کو قتل کر کے اس کی لاش کے نہ صرف ٹکڑے کیے بلکہ اسے پکا کر کھا بھی لیا۔
