Tag: بچے کی کھوپڑی

بیجنگ: چینی ڈاکٹرز نے کامیاب آپریشن کر کے ایک سالہ بچے کی آنکھ سے دماغ میں گھسنے والی لوہے کی کیل نکال لی۔

چینی میڈیا رپورٹ کے مطابق ایک سالہ بچے کی آنکھ میں حادثے کی وجہ کیل گھسی تھی جس کی وجہ سے اُس کے دماغ میں سوراخ بھی ہوگیا تھا۔

ڈاکٹرز نے کامیاب آپریشن کر کے 10 سینٹی میٹر لمبی لوہے کی کیل کامیابی سے نکالی۔ ماں کا کہنا تھا کہ بچہ ہاتھ میں پلاسٹک کا ڈھکن لے کر کھیل رہا تھا کہ اسی دوران خوفناک واقعہ پیش آیا۔

رپورٹ کے مطابق بچے کا تعلق جینگیانگ کاؤنٹی صوبے سے ہے، ماں نے اس تمام واقعے کو براہ راست دیکھا اور حادثے کے بعد حواس کھو بیٹھی تھی۔

والدین نے میڈیا سے گفتگو کرتے ہوئے بتایا کہ بیٹا پلاسٹک کا برتن پکڑنے کی کوشش کررہا تھا تو اسی دوران وہ گر کر رونے لگا اور آنکھ سے خون نکلا۔والدہ کا کہنا تھا کہ ’جس وقت چوٹ لگی میں گھر پر اکیلی تھی، صورتحال کی سنگینی کو مدنظر رکھتے ہوئے شوہر کو کال کر کے گھر بلایا، مجھے لگ رہا تھا کہ بیٹے کی سیدھی آنکھ ضائع ہوجائے گی‘۔

ہم پیر کی صبح بیٹے کو لے کر بیجنگ کے چلڈرن اسپتال پہنچے جہاں اس کا سی ٹی اسکین اور دیگر ٹیسٹ ہوئے اور پھر ڈاکٹرز نے فوری سرجری کرنے کی تجویز دی۔

ڈاکٹر شی کا کہنا تھا کہ آپریشن کے بعد بھی بچے کی سیدھی آنکھ اور دماغ متاثر ہونے کا خدشہ ہے۔ انہوں نے والدین نے اپیل کی کہ وہ کوئی بھی خطرناک چیز چھوٹے بچوں کے ہاتھ میں نہ دیں۔