Tag: بچے

والدین کو بچوں کی دماغی صحت کو مدنظر رکھتے ہوئے کس عمر میں انھیں موبائل فون دینا چاہیے اس حوالے سے تفصیلات ذیل میں پیش کی جارہی ہیں۔

اس وقت دنیا کا چاہے کوئی بھی ملک ہو اس میں بچوں میں موبائل فون کا استعمال تقریباً عام ہوگیا ہے، اس کی مد نظر رکھتے ہوئے سعودی ادارے العربیہ ڈاٹ نیٹ نے بچے کو پہلا اسمارٹ فون دینے کے لیے مناسب عمر کے حوالے سے بچوں کی نشوونما کے ماہرین کے ایک برطانوی ڈیلی میل پول کا جائزہ لیا۔

والدین اور اسمارٹ فون
اعداد و شمار بتاتےہیں کہ 10 سال کی عمر سے پہلے 65 فیصد بچے اسمارٹ فون کے مالک ہیں، یعنی کہ بچے اوائل عمری سے ہی اپنے فون استعمال کرتے ہیں، یہ بھی دلچسپ بات ہے کہ والدین پانچ سے سات سال کی عمر بچوں کو بھی موبائل فون دے رہے ہیں۔

امریکہ میں ایک بچہ اوسطاً اپنا پہلا فون 11.6 سال کی عمر میں استعمال کرتا ہے، ساڑھے 12 سال کے بچوں میں تو تیزی سے فون رکھنے کی شرح بڑھ رہی ہے، وہ بچے جن کے پاس اسمارٹ فون نہیں ہیں وہ والدین سے ٹیبلیٹ جیسے آلات لے کر اپنا شوق پورا کرتے ہیں۔

طویل مدتی نقصان
برطانوی کمیونیکیشن ریگولیٹری باڈی ’آف کام‘ کی حالیہ رپورٹ میں انکشاف کیا گیا ہے کہ تین سے چارسال کی عمر کے 90 فی صد بچے انٹرنیٹ استعمال کرتے ہیں اور ان میں سے 84 فی صد یوٹیوب دیکھتے ہیں۔

ان اسباب کی بنا پر اسمارٹ فونز جلد طویل مدتی نقصان کا باعث بن سکتے ہیں، بچوں کی خدمات اور مہارتوں کے لیے تعلیمی دفتر آفسٹڈ کی چیف انسپکٹر امانڈا سپیلمین کا کہنا ہے کہ میں چھوٹے بچوں کے لیے انٹرنیٹ تک لامحدود رسائی کے حق میں نہیں۔

انھوں نے کہا کہ میں بہت حیران ہوتی ہیں جب ابتدائی عمر کے بچوں کے پاس اسمارٹ فون ہوتے ہیں، یہاں تک کہ ہائی اسکول میں بھی بچوں کے پاس فون ہوتے ہیں۔

بچوں کی نشونما میں رکاوٹ
سب سے بڑی تشویش یہ ہے کہ بچوں کو بہت جلد اسمارٹ فون دینا ان کی نشوونما کو روک سکتا ہے، اگرچہ یہ سائنسی بحث تاہم شواہد بتاتے ہیں کہ اسمارٹ فون کے استعمال سے نقصان دہ اثرات مرتب ہو سکتے ہیں۔

موجودہ تحقیق بتاتی ہے کہ چھ سال کی عمر بچپن کی نشوونما کے لیے ایک اہم نکتہ ہو سکتی ہے۔ اس سے پہلے کسی بچے کو کسی بھی قسم کا انٹرایکٹو میڈیا دینا مناسب نہیں ہو سکتا، یعنی کہ 6 سال سے پہلے بچے کو موبائل فون سے دور رکھا جائے۔

بل گیٹس کی رائے
مائیکروسافٹ کے بانی بل گیٹس کا کہنا ہے کہ وہ اپنے بچے کو 14 سال کی عمر تک اسمارٹ فون رکھنے کی اجازت نہیں دیں گے جب تک دماغ اچھی طرح سے نشو نما نہ پاچکا ہو۔

تحقیق سے پتا چلا کہ چھ سال سے کم عمر بچے اسمارٹ فونز استعمال کرتے ہیں تو یہ ان کی نیند میں خلل ڈالنے کا سبب بن سکتا ہے اور اس کے اثرات خاصے حساس ہوسکتے ہیں، جیسے جیسے بچے بڑے ہوتے جاتے ہیں ان کا دماغ مکمل طور پر نشوونما پاتا ہے اور کم متاثر ہو سکتا ہے۔

خودکشی کے خیالات
مغربی سیپین لیبز ریسرچ گروپ کے سائنسدانوں کی تحقیق میں تجویز کیا گیا ہے کہ ایک بچہ اپنا پہلا فون جتنی دیر میں حاصل کرے گا، بالغ ہونے کے بعد اس کی ذہنی صحت اتنی ہی بہتر ہوگی۔

اس کے برعکس بچہ جتنا چھوٹا ہوتا ہے جب وہ اپنا پہلا فون حاصل کرتا ہے، اس کے بعد کی زندگی میں خودکشی کے خیالات کا سامنا کرنے کا امکان اتنا ہی زیادہ ہوتا ہے۔

والدین کا طرز عمل
تحقیق سے پتہ چلتا ہے کہ والدین اپنے سیل فون کو کس طرح استعمال کرتے ہیں بچہ بھی اس چیز کو اپنانے کی کوشش کرتا ہے، تھائی تحقیق جس نے فون کے استعمال اور بچون کی خراب نشوونما کے درمیان تعلق کی نشاندہی کی، اس میں اس بات کا انکشاف کیا گہا کہ والدین جتنا زیادہ وقت اپنے فون پر گزارتے ہیں بچے اتنا ہی زیادہ وقت اپنا فون استعمال کرتے ہیں۔

ماہریں کہتے ہیں کہ والدین اگر اسمارٹ فونز کا زیادہ استعمال کرتے ہیں تو یہ بچوں کے ساتھ ان کی بات چیت کو متاثر کرتا ہے، اور یہ بات قابل تشویش ہوتی ہے۔

بچوں میں سیکھنے کی بے پناہ صلاحیت ہوتی ہے، اگر شروع سے ان سے گھر کے چھوٹے موٹے کام کرائے جائیں تو یہ آگے جاکر کافی فائدہ مند ثابت ہوسکتا ہے۔

آج کے دور کے بچے نہ صرف اپنی چھوٹی سی عمر میں پچھلی نسل کے مقابلے میں زیادہ سمجھدار ہیں بلکہ ٹیکنالوجی نے ان کی ذہانت میں بھی اضافہ کیا ہے، بچوں کی کی صحیح تربیت اور رہنمائی کی جائے تو نہ صرف وہ مستقبل میں کامیاب ہونگے بلکہ کام کرنے کی عادت انھیں کافی فائدہ بھی پہنچائے گی۔

بچوں کو اگر کم عمری سے ہی چھوٹے چھوٹے کاموں کرنے کا عادی بنائیں تو سب سے بڑا فائدہ والدین کو یہ ہوتا ہے کہ بچوں میں فرمانبرداری آجاتی ہے اور والدین کی باتیں سن کر اس پر عمل کرنے کی عادت بناتے ہیں۔

اپنے کام خود کرنے کے باعث بچوں میں دوسروں پر انحصار کرنے کی عادت بھی کم ہوجاتی ہے اور یہ عادت پختہ ہوجائے تو یہ زندگی میں آگے چل کر بہت کام آتی ہے۔

بچوں میں کھیلنے کودنے کا رجحان زیادہ ہوتا ہے جس کا مطلب یہ ہوتا ہے کہ بچے صحتمند اور چاق و چوبند ہیں اس لیے انھیں کھیلنے سے نہ روکیں بلکہ کھیل ہی کھیل میں اپنا کام خود کرنے کی عادت سیکھانے کی کوشش کریں۔

جیسے کھانے کی میز پر یا دسترخوان پر بچوں سے چھوٹے چھوٹے کام لیے جاسکتے ہیں، مثلاً بچوں سے پانی کا گلاس رکھوائیں یا انھیں پلیٹ لاکر رکھنے کو کہیں۔

گھر کی صفائی ستھرائی کے دوران بھی بچوں کو اپنے ساتھ ملا کر ان سے چھوٹے چھوٹے کام لیے جاسکتے ہیں، بچے اپنی تعریف سن کر بہت خوش ہوتے ہیں لہٰذا ان کے ہر کام پر حوصلہ افزائی کریں تاکہ وہ خوشی خوشی سیکھنے کا عمل انجام دیں۔

اکثر چھوٹے چھوٹے کام بچے خوش اسلوبی سے انجام دیتے ہیں، اسی طرح آہستہ آہستہ بچوں کو کئی اور کام خود کرنے کی عادت ڈالیں تاکہ ان میں خود اعتمادی پیدا ہو اور وہ جو کام بھی کریں درست طریقے سے انجام دینے کے اہل ہوتے جائیں۔

بچوں کو صبح اسکول جاتے وقت انھیں خود تیاری کرنے کے مواقع دیں، ناشتے کی تیاری میں بھی ان سے مدد لی جاسکتی ہے۔ گھر سے نکلنے سے پہلے ان کی یونیفارم، اسکول بیگ اور تمام چیزیں ان سے ہی چیک کروائیں تاکہ کسی کمی کی صورت میں اس کا ازالہ کیا جاسکے۔

جب بچہ اسکول سے واپس آئے تو یونیفارم کی تبدیلی ہو یا کوئی اور کام وہ بچے سےکروائیں، انھیں ذہنی طور پر تیار کریں کہ کسی طرح وارڈروب سے کپڑے نکالنے اور دوبارہ سلیقے سے رکھنے ہیں۔

بچوں کو غلطی کی صورت میں ڈانٹنے کے بجائے پیار سے سمجھائیں کہ بیٹا یہ کام اسطرح نہیں بلکہ اس طور پر انجام دیا جائے، کھانے کے بعد دسترخوان سے پلیٹیں اٹھوانے میں بھی بچوں کی مدد لیں۔

جیسے جیسے بچوں کی عمر بڑھے ان پر ذمہ داری بھی بڑھائیں تاکہ ان میں خود اعتمادی پیدا ہو مگر ان میں ذمہ داری بڑھانے میں جلدبازی کا مظاہرہ نہ کریں، بالخصوص بچیوں پر خاص توجہ دیں کیونکہ مستقبل میں انھیں دیگر گھریلو ذمہ داریوں کے ساتھ بچوں کی پرورش بھی کرنی ہے۔