مرید کے (10 اگست 2025): ملک میں اس وقت چینی کا بحران اور قیمت 200 روپے کلو کے قریب ہے تاہم وفاقی وزیر نے اس حوالے سے بڑا دعویٰ کیا ہے۔
اے آر وائی نیوز کے مطابق وفاقی وزیر رانا تنویر حسین نے مرید کے میں میڈیا سے گفتگو کرتے ہوئے دعویٰ کیا ہے کہ چینی کا کوئی بحران یا ایشو نہیں۔ اس وقت چینی 173 روپے فی کلو میں فروخت ہو رہی ہے۔
وفاقی وزیر نے گدھے کے گوشت کے حوالے سے کہا کہ گوادر میں گدھوں کے گوشت کی اجازت ہے اور وہاں کا سلاٹر ہاؤس صاف ستھرا ہے۔
انہوں نے دیگر علاقوں (مریدکے) میں گدھے کے گوشت کی فروخت کے حوالے سے کہا کہ گدھے کا گوشت 8 ہزار روپے کلو ہے۔ اتنا مہنگا گوشت یہاں کون خریدے گا۔
وفاقی وزیر نے نے پاک امریکا تعلقات کے حوالے سے کہا کہ امریکا نے بھارت کو چھوڑ دیا اور دنیا میں ہمیں بہت بہتر ٹیرف ملا ہے۔ امریکا سے تاریخ میں پہلی بار قریبی تعلقات ہوئے ہیں اور ان تعلقات پر پاکستان کا کوئی دوست ملک ناراض نہیں۔
رانا تنویر نے پی ٹی آئی کو تنقید کا نشانہ بناتے ہوئے کہا کہ پی ٹی آئی یوم استحصال کے بعد اب جشن آزادی پر احتجاج کر رہی ہے۔ قوم تحریک انصاف کی حرکتیں دیکھ رہی ہے، کوئی انہیں سمجھائے۔
وزیر مملکت برائے انفارمیشن ٹیکنالوجی (آئی ٹی) شزہ فاطمہ خواجہ نے کہا ہے کہ ایکس کا استعمال 2 فیصد سے بھی کم پاکستانی کرتے ہیں۔
قومی اسمبلی میں اظہار خیال کرتے ہوئے وزیر مملکت برائے انفارمیشن ٹیکنالوجی (آئی ٹی) شزہ فاطمہ نے کہا کہ وزارت داخلہ کی ہدایت پر پی ٹی اے نے ایکس کو بند کیا ہے، ایکس کی بندش کا آزادی اظہار رائے سے کوئی تعلق نہیں ہے۔
شزہ فاطمہ خواجہ نے دعویٰ کیا کہ ایکس کا استعمال پاکستان میں 2 فیصد سے بھی کم لوگ کرتے ہیں، پاکستان میں لوگ زیادہ ترفیس بک، وٹس ایپ استعمال کرتے ہیں اور اگر ہمارا مقصد آزادی اظہار رائے پر پابندی کرنا ہوتا تو ٹک ٹاک، فیس بک بند ہوتا۔
وزیر مملکت کا کہنا تھا کہ ملک میں ہمارے خلاف جو زبان استعمال ہوتی ہے وہ ناقابل برداشت ہے ہمیں بار بار کہا جاتا ہے آزادی اظہار رائےکی وجہ سے ایکس بند ہے۔
انہوں نے کہا کہ ہم انکار نہیں کرتے کہ یوزرز اسپیڈ میں فرق پڑا ہے، پی ٹی اے نے رپورٹ دی گزشتہ سال سے انٹرنیٹ میں 28 فیصد بہتری آئی ہے، 24 فیصد موبائل انٹرنیٹ یوزرز میں بھی بہتری آئی ہے۔
شزا فاطمہ کا کہنا تھا کہ یوزرز اسپیڈ کے جہاں چیلنجز ہیں ہم انکار نہیں کرینگے، ہمارے ملک میں فائبرائزیشن 2 فیصد سے کم ہے، بزنس میں چیلنجز ضرور آئے ہیں۔
شزا فاطمہ نے کہا کہ اس ملک میں عاشورےکو پورے ملک میں انٹرنیٹ بند ہوتا تھا لیکن اس بار عاشورے پر پورے ملک میں انٹرنیٹ بند نہیں ہوا، ہماری پوری کوشش ہے ٹیکنالوجی کو استعمال کرکے لوکلائز کریں۔
انہوں نے کہا کہ دشمن ہر وقت سائبر حملوں کے لیے تیار بیٹھا ہے، ان سائبر حملوں کو ہم نے روکنا ہے، یہاں مذہبی بنیاد پر اور سماجی مواد پر ایشوز ہوجاتے ہیں، ایسے مواد کو پی ٹی اے بلاک کرتی ہے، ہم نے اپنے شہریوں کو محفوظ رکھنا ہے۔
وزیر مملکت آئی ٹی نے کہا کہ صرف دو ماہ میں 150 سے زائد ہمارے فورسز کے اہلکار شہید ہوئے، ہماری کوشش ہے کہ ہم ٹیکنالوجی، قومی سلامتی کے ساتھ ساتھ ڈیٹا پروٹیکشن، پرائیوسی کا تحفظ، معاشی اور ٹیکنالوجی کا توازن پیدا کریں، جیسے جیسے معیشت ڈیجیٹلائز ہوتی جائے گی تو ہمیں ڈیجیٹل سیفٹی اور حملوں سے بچنے کے لیے زیادہ کام کرنا ہوگا۔
شزہ فاطمہ نے مزید کہا کہ میرے ہاتھ میں کوئی بٹن نہیں ہے جس سے میں انٹرنیٹ بند کرتی ہوں، ہمیں شوق نہیں ہے کہ انٹرنیٹ بند ہو اور انٹرنیٹ بند کرنے سے کوئی فائدہ ہوتا ہے نا خوشی ملتی ہے، ہم کوشش کرتے ہیں کہ ٹیکنالوجی کو استعمال کرنے والے یوزرز کو کم سے کم تکلیف پہنچے، اس دوران پیش آنے والی تکالیف پر میں معذرت چاہتی ہوں۔
واضح رہے کہ قومی اسمبلی کی قائمہ کمیٹی نے ڈیجیٹل نیشن پاکستان بل کی منظوری مزید مشاورت کیلئے مؤخر کردی، وزیر مملکت آئی ٹی شزہ فاطمہ نے اجلاس کے شرکا کو بل پر بریفنگ دی، بتایا کہ ہم ڈیجیٹلائیزیشن نہیں کریں گے تو اسٹون ایج میں چلے جائیں گے۔
شزہ فاطمہ نے کہا کہ ٹیکنالوجی کسی کا انتظار نہیں کرتی، ہر چیز کو سرویلنس کی نظر سے دیکھنا ہے توسب بند کردیں، اس بل سے پہلے ہم نے سب سے مشاورت کی ہے، ہم نے انڈسٹری کو ساتھ لے کر چلنا ہے، ٹیکنالوجی کوئی نیشنل ایشو نہیں۔
کمیٹی رکن عمر ایوب نے کہا ڈیجیٹل نیشن پلان میں ہم اتنی جلدی کیوں کر رہے ہیں؟ جلدی نہ کریں، ماہرین کو بلائیں اور مزید وقت لیں، نئی بیوکریسی بنائی جا رہی ہے، ہمیں حق ہے ہم پوچھ گچھ کریں۔
میزبان بھارتی ٹیم کی حیدرآباد ٹیسٹ میں شکست کے بعد انگلینڈ کے سابق کپتان مائیکل وان نے بڑا دعویٰ کردیا۔
انگلش ٹیم نے بھارتی سرزمین پر آخری بار 2012 میں ٹیسٹ سیریز اپنے نام کرنے کا اعزاز حاصل کیا تھا۔ اس کے بعد سے بھارتی ریڈ بال ٹیم کافی مضبوط ہو گئی اور انھیں کبھی سیریز جیتنے کا موقع نہیں دیا۔
اخبار میں اپنے کالم میں مائیکل وان کا کہنا تھا کہ مجھے اب بھی لگتا ہے کہ بھارت سیریز جیتنے کے لیے فیورٹ ہے کیونکہ اب ان کی جانب سے ردعمل سامنے آئے گا۔ تاہم بھارت کو یہ اندازہ لگانا ہوگا کہ انھیں کس طرح کی پچز تیار کرنی ہیں۔
سابق انگلش کپتان نے کہا کہ میں نے سیریز سے پہلے کہا تھا کہ بھارت زیادہ ٹرن والی وکٹ کے بجائے فلیٹ وکٹ تیار کرے جو اس کے لیے زیادہ بہتر رہے گا۔
انھوں نے یہ بھی کہا کہ بلیو شرٹس کو ایسی پچز تیار کرنے سے گریز کرنا چاہیے جس سے اسپنرز کو بہت فائدہ ملے۔
واضح رہے کہ مائیکل وان بحیثیت کمنٹیٹر اپنی اننگز جاری رکھے ہوئے ہیں۔ ان کی قیادت میں انگلینڈ نے 2005 کی مشہور ایشز سیریز میں کامیابی حاصل کی تھی، جو کہ 18 سالوں میں آسٹریلیا کے خلاف انگلینڈ کی پہلی ٹیسٹ سیریز جیت تھی۔
بنگلہ دیش کے وکٹ کیپر و بیٹر مشفق الرحیم نے بھارت کے سابق کپتان ویرات کوہلی سے متعلق بڑا دعویٰ کیا ہے۔
بنگال ٹائیگرز نے حالیہ برسوں میں بھارت کے ساتھ ٹکر کا مقابلہ کیا ہے، تاہم پونے میں جاری میچ میں بھی شائقین کو سخت مقابلہ دیکھنے کو مل رہا ہے۔
میچ سے قبل بنگلہ دیش کے تجربہ کار وکٹ کیپر مشفق الرحیم نے ویرات کوہلی کی بیٹنگ سے متعلق اہم انکشاف اور بڑا دعویٰ کیا ہے، انہوں نے کہا کہ جب کوہلی بیٹنگ کرتے ہیں تو میں اس دوران انہیں تنگ نہیں کرتا ہوں۔
بنگال کیپر کا کہنا تھا کہ میں کوہلی کو تنگ کرنے سے پرہیز کرتا ہوں کیونکہ اس سے سابق بھارتی کپتان کا حوصلہ مزید بڑھ جاتا ہے، میں بولرز کو یہ کہتا ہوں کہ وہ جلد از جلد بھارتی اسکیپر کو آؤٹ کرے۔
مشفق الرحیم نے کہا کہ ’ دنیا کے کچھ بلے باز بیٹنگ کے دوران اپنے اوپر ہونے والے طنزیہ فقرے کو پسند کرتے ہیں، کیوں کہ اُن فقروں سے انہیں موٹیویشن ملتی ہے، اس لیے جب کوہلی بیٹنگ کررہے ہوں تو میں ہمیشہ اپنے باؤلرز سے کہتا ہوں کہ جلد از جلد اس سے چھٹکارا حاصل کریں۔
بنگلا دیشی وکٹ کیپر نے کوہلی سے متعلق مزید کہا کہ کوہلی کوئی بھی میچ ہارنا نہیں چاہتے، وہ مخالف ٹیم کی جانب سے ملنے والے چیلنجز کو پسند کرتے ہیں اور اسی چیز کو ہتھیار بنا کر مخالف ٹیم کے خلاف بیٹنگ کرتے ہیں۔
