پشاور: خیبر میں پولیس، سیکیورٹی فورسز نے مشترکہ آپریشن کرتے ہوئے تخریب کاری کا منصوبہ بنانے والے 4 دہشتگردوں کو ہلاک کردیا۔
تفصیلات کے مطابق سینٹرل پولیس آفس نے بتایا کہ ہلاک دہشت گرد پشاور میں بڑی تخریب کاری کی منصوبہ بندی کررہے تھے، آپریشن کے دوران 4 دہشت گرد مارے گئے۔ ہلاک ہونے والوں میں دہشت گرد تنظیم کے 2 کمانڈر بھی شامل ہیں۔
سی پی او نے بتایا کہ دہشت گرد اسلحے سے مکمل طور پر لیس تھے۔ دہشت گردوں سے برآمد اسلحے میں 2 ایس ایم جیز اور ایک رائفل شامل ہے۔
سینٹرل پولیس آفس کا کہنا تھا کہ ہلاک دہشت گردوں سے 11 دستی بم بھی برآمد ہوئے ہیں۔ ہلاک دہشت گردوں کے سر کی قیمت لاکھوں روپے مقرر کی گئی تھی۔