ARYNews.tv | Urdu – Har Lamha Bakhabar

Tag: بڑی خوشخبری

  • طلباء کے لیے بڑی خوشخبری

    طلباء کے لیے بڑی خوشخبری

    اسلام آباد(4 اگست 2025) پاکستانی انٹرمیڈیٹ سرٹیفکیٹس جلد ہی غیر ملکی یونیورسٹیوں میں داخلے کے لیے براہ راست قبول کیے جائیں گے۔

    انٹر بورڈ کوآرڈینیشن کمیشن (آئی بی سی سی) کے ایگزیکٹو ڈائریکٹر ڈاکٹر غلام علی ملاح نے اعلان کیا ہے کہ پاکستانی انٹرمیڈیٹ سرٹیفکیٹس کو بہت جلد غیر ملکی یونیورسٹیوں میں داخلے کے لیے براہ راست تسلیم کیا جائے گا۔

    انٹر بورڈ کوآرڈینیشن کمیشن (آئی بی سی سی) کے ایگزیکٹو ڈائریکٹر ڈاکٹر غلام علی ملاح نے ایک انٹرویو میں سرٹیفیکیشن کے عمل کو جدید اور ڈیجیٹائز کرنے کے لیے اصلاحات کے سلسلے کی تفصیل بتائی ہے۔

    انہوں نے انکشاف کیا کہ IBCC برطانیہ کے ECCTIS کے ساتھ فعال طور پر کام کر رہا ہے تاکہ یونیورسٹی میں داخلے کے لیے پاکستانی انٹرمیڈیٹ قابلیت کو براہ راست تسلیم کیا جا سکے۔ اسی طرح کی پیش رفت دیگر ممالک اور بین الاقوامی تعلیمی بورڈز کے ساتھ کی جا رہی ہے۔

    ان کا کہنا تھا کہ 29 تعلیمی و ٹیکنیکل بورڈز کی آن لائن ویری فکیشن شروع ہو چکی ہے، اور مدارس کے علوم کی بھی تصدیق کا عمل آن لائن ہو جائے گا۔

    ویزا اور امیگریشن سے متعلق خبریں

    انہوں نے کہا کہ اب تصدیق کے لیے لفافے کی شرط ختم کر دی گئی ہے جبکہ تمام بورڈز کا ڈیجیٹل ریکارڈ مرکزی ڈیٹا بیس میں جمع کیا جا رہا ہے، ساتھ ہی غیر ملکی بورڈز کے لیے ریگولیٹری فریم ورک کو بھی فعال کر دیا گیا ہے۔

    ڈاکٹر ملاح کے مطابق طلبا کی سہولت کے لیے آن لائن ایکولینس و اٹیسٹیشن کا نظام، QR کوڈ سرٹیفکیٹس، SMS/ای میل نوٹیفکیشنز اور کسٹمر سپورٹ ڈیسک بھی قائم کر دی گئی ہے۔ برطانیہ سمیت کئی ممالک کے ساتھ پاکستانی اسناد کی براہ راست منظوری کے لیے بات چیت جاری ہے۔

  • حج سے محروم رہ جانے والے عازمین کیلئے بڑی خوشخبری

    حج سے محروم رہ جانے والے عازمین کیلئے بڑی خوشخبری

    اسلام آباد(2 اگست 2025): پیسے جمع کرانے کے باوجود رواں برس حج سے محروم رہ جانے والے عازمین کے لیے خوشخبری سامنے آئی ہے۔

    ذرائع کے مطابق حج سے محروم رہ جانے والے عازمین انہی پیسوں میں آئندہ برس حج کرسکیں گے، پرائیویٹ حج آپریٹرز ہوپ نے وزارت مذہبی امور کو یقین دہانی کرا دی ہے۔

    ذرائع کا کہنا ہے کہ پرائیویٹ آپریٹرز عازمین سے کوئی اضافی رقم وصول نہیں کریں گے، ہوپ نے وزارت مذہبی امور کو یقین دہانی کرائی ہے کہ  آئندہ برس 25 سے 26 ہزار عازمین کو حج پر بھجوائے گی اس کی تصدیق وزیر مذہبی امور نے بھی کر دی ہے۔

    ذرائع کا کہنا ہے کہ روان سال رہ جانے والے عازمین کے 36 ارب روپے سعودی عرب میں ہیں، سعودی بینکوں میں پاکستانی عازمین کے 490 ملین ریال موجود ہیں، پرائیویٹ حج آپریٹرز عازمین سے کوئی اضافی رقم نہیں لیں گے۔

    گزشتہ سال پرائیویٹ حج  آپریٹرز 63  کے کوٹے پر مکمل بکنگ نہیں کر سکے تھے جس کی وجہ سے 26 ہزار عازمین پیسے جمع کروانے کے باوجود حج نہیں کرسکے تھے اس معاملے پر سینیٹ کمیٹی نے وزارت مذہبی امور اور پرائیویٹ آپریٹرز کو ذمہ دار ٹھہرایا تھا۔

  • کاروباری افراد کے لیے بڑی خوشخبری

    کاروباری افراد کے لیے بڑی خوشخبری

    کراچی (22 جولائی 2025): کاروباری افراد کے لیے بڑی خبر ہے کہ ان کی سہولت کے لیے سندھ میں بزنس ون اسٹاپ شاپ متعارف کرا دی گئی ہے۔

    اے آر وائی نیوز کے مطابق وزیراعلیٰ سندھ مراد علی شاہ نے کراچی میں آن لائن بزنس رجسٹریشن پورٹل کا افتتاح کر دیا۔ اس پورٹل سے بیورو کریسی کی کاروبار سے متعلق پیچیدگیاں ختم ہوں گی اور تاجر برادری کو سہولتیں ملیں گی۔

    تقریب سے خطاب کرتے ہوئے وزیر اعلیٰ سندھ نے کہا کہ سندھ بزنس ون اسٹاپ شاپ عوام کی سہولت کے لیے متعارف کرایا گیا ہے۔ ایس بوس کو آج سرکاری طور پر فعال کر دیا گیا ہے اور اس کا باضابطہ آغاز بزنس میں آسانی کا نیا باپ ہے۔

    مراد علی شاہ کا کہناتھا کہ تاجر برادری کو سہولتوں کی فراہمی سندھ حکومت کی ترجیح ہے۔ سندھ بزنس ون اسٹاپ شاپ پلیٹ فارم گورننس میں انقلابی قدم ہے۔ اس کے ذریعہ بیورو کریسی کی پیچیدگیاں ختم ہوں گی اور معاشی ترقی میں جدت آئے گی۔

    انہوں نے مزید کہا کہ کاروبار کے لیے سازگار ماحول پیدا کر رہے ہیں۔ سندھ میں ریگولیٹری نظام کو ڈیجیٹل اور آسان بنا دیا گیا ہے۔ ایس بوس صرف نظام نہیں بلکہ مکمل ڈیجیٹل انقلاب ہے۔ یہ ون ونڈو نظام ہے، جو گورننس اسٹرکچر میں بنیادی اصلاحات کی نمائندگی کرتا ہے اور سندھ نے سب سے پہلے متعارف کرا کے دیگر صوبوں پر برتری حاصل کر لی ہے۔

    وزیر اعلیٰ سندھ نے بتایا کہ پہلے مرحلے میں ایس بوس کے تحت 32 ای لائسنسنگ سروسز کا کامیاب آغاز کر رہے ہیں۔ 9 محکموں کی خدمات اب ای لائسنسنگ کے ذریعہ کی جائیں گی۔ ایس بوس سے بزنس پیپر لیس اور مکمل طور پر شفاف ہوگا۔ ایس بوس کو نادرا، ایس ای سی پی، ون لنک اور پی ایم ڈی سے بھی مربوط کیا جائے گا۔

    مراد علی شاہ نے یہ بھی بتایا کہ ایس بوس ہر طرح کے کاروبار کیلیے آسان، قابل اعتماد اور منصفانہ رسائی کا ضامن ہے اور نجی شعبہ کے لیے بھی قابل اعتماد پلیٹ فارم ہے۔ اس نظام کے ذریعہ بروقت شناخت کی تصدیق اور محفوظ ای ادائیگیاں آسانی سے انجام پا سکیں گی۔

    وزیر اعلیٰ نے بزنس فیسلی ٹیشن سینٹرز اور 24 گھنٹے ہیلپ ڈیسک کا اعلان کرتے ہوئے کہا کہ سندھ میں سرمایہ کاری کے دروازے کھلے ہیں۔ نجی سرمایہ کاروںکو ایس بوس میں شراکت کی دعوت دیتا ہوں۔ وہ اس پلیٹ فارم کو مزید بہتر بنانے کے لیے اپنی تجاویز دیں۔

  • سرکاری ملازمین کے لیے بڑی خوشخبری

    سرکاری ملازمین کے لیے بڑی خوشخبری

    سرکاری ملازمین کے لیے بڑی خوشخبری ہے کہ بجٹ میں تنخواہوں میں اعلان کردہ اضافے کا سندھ حکومت نے باضابطہ نوٹیفکیشن جاری کر دیا ہے۔

    اے آر وائی نیوز کے مطابق وفاق اور صوبوں نے مالی سال 26-2025 کے بجٹ میں سرکاری ملازمین کی تنخواہوں میں اضافے کا اعلان کیا تھا۔ سندھ کے سرکاری ملازمین کے لیے اچھی خبر یہ ہے کہ صوبائی حکومت نے تنخواہوں میں اعلان کردہ اضافے کو باضابطہ نوٹیفکیشن جاری کر دیا ہے۔

    جاری کردہ نوٹیفکیشن کے مطابق گریڈ ایک سے 16 کے ملازمین کی تنخواہوں میں 12 فیصد اضافہ کیا گیا ہے جب کہ گریڈ 17 سے 22 کے افسران کی تنخواہوں میں 10 فیصد اضافہ کیا گیا ہے۔

    وزیراعلیٰ سندھ سید مراد علی شاہ نے گزشتہ ماہ 13 جون کو مالی سال برائے 26-2025 کے لیے 34 کھرب 51 ارب کا بجٹ پیش کیا تھا اور اس میں سرکاری ملازمین کی تنخواہوں میں 10 سے 12 فیصد تک اضافے کا اعلان کیا تھا۔ سندھ اسمبلی نے 25 جون کو بجٹ منظور کر لیا تھا۔

    بجٹ پیش کیے جانے سے قبل سندھ کابینہ کے اجلاس میں بھی سرکاری ملازمین کی تنخواہوں کی منظوری دی گئی تھی۔

    واضح رہے کہ وفاق نے سرکاری ملازمین کی تنخواہوں میں 10 فیصد اضافہ کیا ہے۔

  • سرکاری ملازمتوں کے خواہشمند افراد کیلیے بڑی خوشخبری

    سرکاری ملازمتوں کے خواہشمند افراد کیلیے بڑی خوشخبری

     سرکاری ملازمتوں کے خواہشمند افراد کے لیے بڑی خوشخبری ہے کہ حکومت نے بھرتیوں کیلیے اہم شرط ختم کر دی گئی ہے۔

    اے آر وائی نیوز کے مطابق سرکاری ملازمتوں کے خواہشمند اقلیتی برادری کے افراد کے لیے بڑی خوشخبری آ گئی ہے۔ خیبر پختونخوا حکومت نے اقلیتی کوٹے پر بھرتیوں کے لیے این او سی کی شرط ختم کر دی ہے۔

    اس سلسلے میں محکمہ خزانہ خیبر پختونخوا نے تمام انتظامی محکموں کو مراسلہ جاری کر دیا ہے جس میں آگاہ کیا گیا ہے کہ سرکاری ملازمتوں میں اقلیتوں کے لیے مختص کوٹے پر نئی بھرتیوں کے لیے این او سی کی شرط ختم کر دی ہے۔

    مراسلے میں کہا گیا ہے کہ وزیر اعلیٰ کے پی علی امین گنڈاپور نے اقلیتی کوٹے کی ملازمتوں پر بھرتیوں کے لیے این او سی کی شرط ختم کرنے کی منظوری دے دی ہے۔

    محکمہ خزانہ نے تمام متعلقہ اداروں سے کہا ہے کہ وہ اس فیصلے پر عملدرآمد کو یقینی بنائیں اور خالی آسامیوں پر بھرتی شروع کی جائے۔

    Currency Rates in Pakistan Today- پاکستان میں آج ڈالر کی قیمت

  • سرکاری ملازمین کی تنخواہیں؟ بڑی خوشخبری آ گئی

    سرکاری ملازمین کی تنخواہیں؟ بڑی خوشخبری آ گئی

    لاکھوں افراد کا ذریعہ معاش سرکاری اداروں میں ملازمت ہے اور ایسے ہی ملازمین کے لیے بڑی خوشخبری آ گئی ہے۔

    اے آر وائی نیوز کے مطابق سرکاری ملازمین کو ماہ جنوری کی تنخواہ اور پنشن کب ملے گی۔ اس حوالے سے خیبر پختونخوا حکومت نے فیصلہ کر لیا ہے۔

    خیبر پختونخوا کی حکومت نے تمام سرکاری ملازمین کو رواں ماہ کی تنخواہ 31 جنوری تک ادا کرنے کا فیصلہ کیا ہے جب کہ پنشنرز کو بھی پنشن کی بروقت ادائیگی کے لیے متعلقہ حکام کو ہدایت کر دی گئی ہے۔

    اس حوالے سے محکمہ خزانہ نے تمام محکموں کے انتظامی افسران کو مراسلہ جاری کر دیا ہے۔

    اس مراسلے میں کہا گیا ہے کہ یکم اور 2 فروری کو ہفتہ اور اتوار کی سرکاری تعطیل کے باعث ملازمین اور پنشنرز کو جنوری کی تنخواہیں اور پنشن کی بروقت ادائیگی یقینی بنانے کے لیے 31 جنوری تک یہ ادائیگی کر دی جائے۔

    https://urdu.arynews.tv/kp-government-another-revolutionary-step/

  • حج درخواستیں جمع کرانے سے رہ جانے والے پاکستانیوں کے لیے بڑی خوشخبری

    حج درخواستیں جمع کرانے سے رہ جانے والے پاکستانیوں کے لیے بڑی خوشخبری

    حج درخواستیں جمع کرانے سے رہ جانے والے عازمین کے لیے بڑی خوشخبری آگئی، وزارت مذہبی امور نے سرکاری اسکیم کے تحت بچ جانے والے کوٹے پر دوبارہ حج درخواستیں لینے کا فیصلہ کرلیا۔

    وزارت مذہبی امور کے ذرائع  کے مطابق سرکاری اسکیم کے تحت مزید 5 ہزار عازمین فریضہ حج ادا کر سکیں گے، آئندہ ہفتے سے پانچ ہزار درخواستیں وصول کی جائیں گی، نئی حج درخواستوں کی وصولی کیلئے 5 روز مقرر کرنےکی تجویز زیر غور ہے۔

    حج درخواستوں کی وصولی کا کل آخری دن

    ذرائع کا کہنا ہے کہ سرکاری حج اسکیم کے تحت 81 ہزار 500 حج درخواستیں موصول ہوئیں تھیں، سرکاری حج اسکیم میں رہ جانیوالے 5 ہزار کے کوٹے پر درخواستیں وصول کی جائیں گی۔

     وزارت مذہبی امور نے نئی حج درخواستوں پر قرعہ اندازی بھی نہ کرانے کا بھی فیصلہ کیا ہے، پہلےآئیے پہلے پائیے کی بنیاد پر کنفرم حج ٹکٹ دیا جائے گا۔

  • پشپا 2 کے مداحوں کیلئے بڑی خوشخبری

    پشپا 2 کے مداحوں کیلئے بڑی خوشخبری

    الو ارجن کی فلم” پشپا 2: دی رول ” نے باکس آفس پر نیا ریکارڈ قائم کرنے کے بعد اب فلم کو اضافی فوٹیج کے ساتھ دوبارہ ریلیز کرنے کا فیصلہ کیا گیا ہے۔

    بھارتی میڈیا رپورٹ کے مطابق اداکار الو ارجن اور اداکارہ رشمیکا مندانا کی اداکاری والی فلم پشپا 2: دی رول 5 دسمبر 2024 کو ریلیز ہونے کے بعد سے باکس آفس پر دھوم مچا رہی ہے تاہم اب میکرز نے اعلان کیا ہے کہ یہ فلم 11 جنوری 2025 سے بڑے پردے پر واپس آئے گی جس میں 20 منٹ کے اضافی مناظر شامل ہوں گے۔

    بھارتی میڈیا کے مطابق فلم میکرز نے یہ فیصلہ سنکرانتی تہوار کے موقع کیا ہے تاکہ مداحوں کو مزید تفریح فراہم کی جا سکے۔

     

    View this post on Instagram

     

    A post shared by Mythri Movie Makers (@mythriofficial)

    پشپا 2 کی ٹیم کی جانب سے ایک نئے پوسٹر کے ذریعہ کہا گیا کہ پشپا 2: دی رول اب 20 اضافی مناظر کے ساتھ سینما گھروں میں دوبارہ ریلیز کی جائے گی، ان نئے مناظر کے ذریعہ فلم کی کہانی میں مزید تفصیل اور ڈرامہ شامل کیا جائے گا۔

    واضح رہے کہ پشپا 2 نے دنیا بھر میں ریکارڈ بزنس کیا ہے، فلم نے اپنے ابتدائی ہفتے میں 200 کروڑ سے زائد کی کمائی کی، اس کے ساتھ ساتھ یہ فلم بین الاقوامی سطح پر بھی مقبول ہوئی ہے۔

    فلم نے دبئی، امریکا اور آسٹریلیا جیسے ممالک میں بھی باکس آفس پر ریکارڈز قائم کیے ہیں جس سے الو ارجن اور  پشپا کی عالمی مقبولیت میں مزید اضافہ ہوا ہے۔

  • کرکٹ شائقین کیلئے بڑی خوشخبری

    کرکٹ شائقین کیلئے بڑی خوشخبری

    پاکستان اور انگلینڈ کے درمیان پہلا ٹیسٹ 7 اکتوبر اور دوسرا ٹیسٹ 15 اکتوبر سے ملتان میں کھیلا جائے گا، پاکستان انگلینڈ ٹیسٹ سیریز کا تیسرا ٹیسٹ 24 اکتوبر سے راولپنڈی میں شروع ہوگا۔

    پاکستان اور انگلینڈ ٹیسٹ سیریز کے لیے ٹکٹوں کی آن لائن فروخت آج سے شروع ہو گی جبکہ فزیکل ٹکٹوں کی فروخت 4 اکتوبر سے شروع ہو گی۔

    ملتان میں ٹکٹ کی کم سے کم قیمت پچاس روپے رکھی گئی ہے، پنڈی ٹیسٹ میں پہلے دن پرمیئم انکوژر میں شائقین مفت میچ دیکھ سکیں گے جبکہ  باقی چار دن کی کم سے کم قیمت دو سو روپے رکھی گئی ہے۔

    پاکستان کرکٹ بورڈ ذرائع کا کہنا ہے کہ شائقین کی دلچسپی کے لیے ٹکٹوں کی قیمتیں زیادہ نہیں رکھی گئیں۔

  • ’مرزا پور‘ کے مداحوں کیلئے بڑی خوشخبری

    ’مرزا پور‘ کے مداحوں کیلئے بڑی خوشخبری

    ممبئی: بلاک بسٹر ویب سیریز ’مرزاپور‘ کے ناظرین کے لیے ایک بڑی خبر سامنے آئی ہے۔ منّا بھیا سیزن تھری کی بونس ایپی سوڈ میں واپس آرہا ہے۔

    ایمیزون پرائم ویڈیو سیریز ‘مرزا پور’ کے پرستار کے لیے منا بھیا مرزا پور کی بونس ایپی سوڈ میں واپسی کرنے کے لئے تیار ہے، یہ ایپی سوڈ ابتدائی طور پر 24 اگست کو ریلیز ہونے والی تھی، اب تاخیر کے بعد ایمیزون پرائم پر دستیاب ہوگی۔

     

    View this post on Instagram

     

    A post shared by prime video IN (@primevideoin)

    منّا بھیا گُڈّو پنڈت کے ہاتھوں دوسرے سیزن میں اپنی موت کو پہنچا تھا اور یہ سیریز کا ایک یادگار کردار رہا ہے، سیزن 3 میں مداحوں نے منا بھیا کے کردار کی کمی محسوس کی تھی۔

    ایمیزون پرائم ویڈیو نے بونس ایپی سوڈ میں منا بھیا کی واپسی کا اشارہ پہلے ہی اپنے سوشل میڈیا پلیٹ فارمز پر دیا تھا۔

    تاہم اب اداکار علی فضل نے بھی ایک مختصر ویڈیو میں اس واپسی کی تصدیق کی اور ناظرین سے کہا کہ وہ تیار رہیں کیونکہ منّا بھیا کی واپسی ان کے لیے اہم ثابت ہوگی۔