Tag: بڑی سرمایہ کاری

اسلام آباد : چینی کمپنی کی جانب سے پاکستان کی بحری صنعت میں سرمایہ کاری میں دلچسپی کا اظہار کردیا گیا۔

تفصیلات کے مطابق ایس آئی ایف سی کےتعاون سے چین کی سرمایہ کاری کے ذریعے بحری صنعت کے فروغ کا آغاز ہوگیا۔

ایس آئی ایف سی کی معاونت سے چین کی معروف تعمیراتی کمپنی کی جانب سے بحری صنعت میں سرمایہ کاری میں دلچسپی کا اظہار کیا گیا۔

پورٹ قاسم، کراچی پورٹ اور گوادر جیسی بندرگاہوں میں سرمایہ کاروں کیلئے پرکشش مواقع موجودہیں، اس ضمن میں پورٹ قاسم پر نمکین پانی کوپینے کے قابل بنانے کا پلانٹ لگانے کی تجویز زیرغور ہے۔

چینی کمپنی کی جانب سے ڈی سیلینیشن پلانٹ کی تنصیب کے ذریعے پانی کی قلت کے مسئلے کے حل کیلئے پاکستان کو بھرپور تعاون کی یقین دہانی کرائی گئی ہے۔

چین نے پاکستان کی وزارت بحری امور کے ساتھ مستقبل میں بھی مشترکہ ترقیاتی منصوبوں پر کام جاری رکھنے پراتفاق کیا۔

ایس آئی ایف سی کی سہولت کاری سے چین کی سرمایہ کاری کے باعث بحری شعبےمیں جدیدسہولیات اور ترقی کی نئی راہیں ہموار ہوں گی۔

کراچی : متحدہ عرب امارات نے آئندہ برسوں میں پاکستان میں بڑی سرمایہ کاری کرنے کا اعلان کردیا۔

تفصیلات کے مطابق متحدہ عرب امارت کے کراچی میں متعین قونصل جنرل بخیت عتیق الرومیتی کی جانب سے بزنس کمیونٹی کے اعزاز میں دعوت افطار و ڈنر کا اہتمام کیا گیا ، دعوت افطار میں کراچی کے نامور تاجروں نے شرکت کی۔

افطار ڈنر میں پاکستان کے ہیلتھ سیکٹراور ایجوکیشن سے منسلک نامی گرامی شخصیات نے بھی خصوصی طور پر شرکت کی، تاجروں کی تواضع پاکستانی و عربی کھانوں اور مشروبات کے ذریعے کی گئی۔

اس موقع پر متحدہ عرب امارات کے قونصل جنرل بخیت الرومیتی نے کہا کہ پاکستان اور متحدہ عرب امارات کے تعلقات کئی دہائیوں پر محیط ہیں اور آنے والے برسوں کے دوران یواےای پاکستان میں بڑی سرمایہ کاری کررہا ہے۔

ان کا کہنا تھا کہ ماضی میں پاکستان کا یواےای کی ترقی میں ایک کلیدی کردار رہا ہے اور یواےای میں شعبہ صحت میں ان گنت پاکستانی ڈاکٹرز اپنی خدمات انجام دے رہے ہیں۔

بخیت عتیق الرومیتی نے مزید کہا کہ یو اے ای حکومت پاکستان کی معیشت کے استحکام کیلئے یر ممکن کوششیں اور تعاون بھی ہر سطح پر کررہی ہے، پاکستان میں پہلا بین الاقوامی کھجور فیسٹیول تعاون کاعملی ثبوت ہے۔