ARYNews.tv | Urdu – Har Lamha Bakhabar

Tag: بگٹی قبیلے

  • ڈیفنس میں دو گروپوں میں جھگڑا اور فائرنگ کی تحقیقات میں اہم پیشرفت

    ڈیفنس میں دو گروپوں میں جھگڑا اور فائرنگ کی تحقیقات میں اہم پیشرفت

    کراچی: ڈیفنس نشاط کمرشل میں دو گروپوں میں جھگڑا اور فائرنگ کی تحقیقات میں اہم پیشرفت ہوئی ہے۔

     تفصیلات کے مطابق کراچی کے علاقے ڈیفنس میں دوگروپوں کے درمیان مسلح تصادم کی تحقیقات میں پیشرفت ہوئی ہے، پولیس نے مزید شواہد اور سی سی ٹی وی فوٹیجز جمع کرلیے ہیں۔

    ذرائع نے بتایا کہ واقعے سے متعلق تحقیقات میں مزید شواہد جمع کرنے کے بعد نواب زادہ میر علی بگٹی کو بھی شامل تفتیش کیا جاسکتا ہے، نوابزادہ میر علی بگٹی ایک گروپ کی سرپرستی کررہا ہے۔

     ذرائع نے بتایا کہ پولیس نے علاقے سے سی سی ٹی وی فوٹیجز حاصل کرلیں جس میں علی حیدر بگٹی گروپ کے لوگ مسلح ہو کر فہد بگٹی کی رہائش گاہ کے قریب پہنچتے ہوئے دیکھا جاسکتا ہے۔

     یاد رہے کہ کراچی کے علاقے ڈیفنس میں کل رات بگٹی قبیلے کے دو گروپوں میں تصادم کے نتیجے میں مقتول بلوچ رہنما نواب اکبر بگٹی کے بھتیجے فہد بگٹی سمیت 5 افراد ہلاک اور 2 زخمی ہو گئے تھے۔

    پولیس نے ڈیفنس ہاؤسنگ اتھارٹی میں کارروائیاں کرتے ہوئے نشاط کمرشل میں ایک ہی قبیلے سے تعلق رکھنے والے افراد کے درمیان تصادم کے بعد بگٹی قبیلے کے 17 افراد کو حراست میں لے لیا تھا۔

  • کراچی: ڈیفنس میں بگٹی قبیلے کے 2 گروپوں کے درمیان فائرنگ کا مقدمہ درج

    کراچی: ڈیفنس میں بگٹی قبیلے کے 2 گروپوں کے درمیان فائرنگ کا مقدمہ درج

    کراچی کے علاقے ڈیفنس میں بگٹی قبیلے کے دو گروپوں کے درمیان فائرنگ سے پانچ افراد کی ہلاکت کا مقدمہ درخشاں تھانے میں درج کرلیا گیا۔

    تفصیلات کے مطابق کراچی کے علاقے ڈیفنس نشاط کمرشل میں دو گروپوں کے درمیان فائرنگ کا مقدمہ ریاست کی مدعیت میں درخشاں تھانے میں درج کرلیا گیا، مقدمے میں قتل، اقدام قتل اور انسداد دہشت گردی ایکٹ کی دفعات بھی شامل کی گئیں ہیں۔

    اس واقعے کے بعد ولیس نے دو زخمیوں میر حیدر علی بگٹی اور قائم علی بگٹی کو اسپتال کے احاطے سے گرفتار کرلیا، جبکہ فہد بگٹی اور نصیب اللہ بگٹی کی نماز جنازہ ڈیفنس فیز ٹو بیت السلام مسجد میں ادا کی گئی، نماز جنازہ میں بگٹی قبائل کے افراد نے بڑی تعداد میں شرکت کی۔

    یاد رہے کہ کراچی کے علاقے ڈیفنس میں بگٹی قبیلے کے دو گروپوں میں تصادم کے نتیجے میں بلوچ رہنما نواب اکبر بگٹی کے بھتیجے فہد بگٹی سمیت 5 افراد ہلاک اور 2 زخمی ہو گئے تھے۔

    پولیس نے ڈیفنس ہاؤسنگ اتھارٹی میں کارروائیاں کرتے ہوئے نشاط کمرشل میں ایک ہی قبیلے سے تعلق رکھنے والے افراد کے درمیان تصادم کے بعد بگٹی قبیلے کے 17 افراد کو حراست میں لے لیا تھا۔

  • کراچی : ڈیفنس میں بگٹی قبیلے کے 2 گروپوں میں مسلح تصادم، اہم انکشاف سامنے آگیا

    کراچی : ڈیفنس میں بگٹی قبیلے کے 2 گروپوں میں مسلح تصادم، اہم انکشاف سامنے آگیا

    کراچی : ڈیفنس خیابان نشاط کمرشل میں بگٹی قبیلے کے دوگروپوں کے درمیان مسلح تصادم کی تحقیقات میں اہم انکشاف سامنے آیا۔

    تفصیلات کے مطابق کراچی کےعلاقے ڈیفنس خیابان نشاط کمرشل پر رات میں بگٹی قبیلے کے دوگروپوں کے درمیان مسلح تصادم کے واقعے کی تحقیقات جاری ہے۔

    واقعے کی تحقیقات میں انکشاف ہوا کہ تصادم میں استعمال ہونے والی ایک ڈبل کیبن گاڑی پر نمبر پلیٹ جعلی نکلی اور دوسرے پر نمبر ہی نہیں تھا جبکہ دونوں گاڑیوں پر دونوں جانب سے فائرنگ کے نشانات موجود ہے۔

    یاد رہے کراچی میں دو گروپوں کے درمیان فائرنگ کے نتیجے میں پانچ افراد جاں بحق ہوگئے تھے، جن کی شناخت میرمیثم بگٹی، میرعیسیٰ بگٹی اورعلی بگٹی،فہد بگٹی اورنصیب اللہ کےناموں سے ہوئی جبکہ دو افراد زخمی ہوئے جن کی شناخت میر علی حیدر بگٹی اور قائم علی کے نام سے ہوئی ہے۔

    ڈی آئی جی ساؤتھ اسد رضا کا کہنا تھا کہ ہلاک شدگان کا تعلق بگٹی خاندان سے ہے اورآپس میں کزن ہیں۔

    اسد رضا نے بتایا تھا کہ ڈیفنس کے مختلف علاقوں سے 12 افراد کو حراست میں لیا گیا، زیر حراست افراد کا تعلق دونوں گروپوں سے ہے جن کے قبضے سے اسلحہ بھی برآمد ہوا ہے۔

    وزیر داخلہ سندھ ضیاءالحسن لنجار نے واقعہ کا نوٹس لیتے ہوئے ایڈیشنل آئی جی کراچی سے تفصیلات طلب کرلی ہے۔

  • بیلجیئم میں پولیس پر حملہ،2اہلکارزخمی

    بیلجیئم میں پولیس پر حملہ،2اہلکارزخمی

    برسلز: بیلجیئم کے دارالحکومت برسلزمیں حملے میں دو پولیس اہلکاروں کو چاقو مار کر زخمی کر دیاگیا ہے۔حکام کا کہنا ہے کہ پولیس اہلکاروں کی حالت خطرے سے باہر ہے۔

    تفصیلات کے مطابق بیلجیئن نشریاتی ادارے وی آر ٹی کے مطابق ایک پولیس اہلکار کو گردن اور دوسرے کو پیٹ میں چاقو مارے گئے، جبکہ تیسرے پولیس والے کی ناک توڑ دی گئی۔

    پولیس نے حملہ آور کی ٹانگ میں گولی مار کر اسے گرفتار کر لیاحکام کا کہنا ہے کہ43 سالہ حملہ آور کا نام ہشام ڈی ہے اور وہ بیلجیئم کا شہری ہے۔

    بیلجیئن میڈیا کے مطابق پولیس کے پاس حملہ آور کا ریکارڈ موجود تھا اور خیال رہے کہ ہشام نے2009 تک پولیس میں ملازمت کے فرائض انجام دیے تھے۔

    یاد رہے کہ رواں سال مارچ میں برسلز میں ہونے والے حملوں کے بعد سے ہائی الرٹ پر ہے۔ان دہشت گرد حملوں میں 35 افراد ہلاک جبکہ 300 سے زائد زخمی ہو گئے تھے۔

    مزید پڑھیں: بیلجیئم میں پولیس پر حملہ دہشت گردی کا واقعہ ہے،وزیراعظم چارلس مائیکل

    واضح رہے کہ رواں سال اگست میں بیلجیئم کے شہر شارلروآ میں پولیس اہلکاروں پر حملہ کیاگیا تھا جس میں دو پولیس اہلکارشدید زخمی ہوگئے تھے۔

  • بگٹی قبیلے کے پانچ فراری کمانڈرزنے ہتھیارڈال دیئے

    بگٹی قبیلے کے پانچ فراری کمانڈرزنے ہتھیارڈال دیئے

    اوچ: بگٹی قبیلے کے پانچ فراری کمانڈرزنے سکیورٹی فورسز کے سامنے ہتھیارڈال دیئے،ملک کی تعمیروترقی میں پرامن اورمثبت کرداراداکرنے کے خواہاں ہیں فراریوں کا عزم ۔

    تفصیلات کے مطابق اوچ گیس فیلڈمیں فراریوں کی ہتھیاڈالنے کی باقاعدہ تقریب منعقدہوئی تقریب میں ایف سی کے کمانڈنٹ سبی کرنل احسن رضا زیدی، لیفٹیننٹ کرنل محمد مبین ارشد، لیفٹیننٹ کرنل برکت اللہ ،وڈیرہ جلال خان کلپربگٹی،سمیت دیگر شریک تھے۔

    ہتھیارڈالنے والوں رحیم بخش بگٹی، نصیب اللہ بگٹی ،امام دادبگٹی،خان محمد بگٹی،سیواخان بگٹی تھے انہوں نے پانچ کلاشنکوف ،250گولیاں،دس کلو دیسی ساختہ دھماکہ خیزمواد سکیورٹی فورسز کے حوالے کیا ۔

    تقریب سے خطاب کرتے ہوئے ایف سی کے کمانڈنٹ سبی کرنل احسن رضا زیدی نے کہاکہ ہم سب ایک گھر کے بھائی ہیں آپ جداتھے اب ہم ایک ہیں دوسرے فراری بھی قومی دھارے میں شامل ہوں تو ہم انہیں خوش آمدیدکہیں گے ہمارے دروازے ان کے لیے ہمیشہ کھلے ہیں۔

    انہوں نے کہاکہ خوشی کی بات ہے کہ لوگ آہستہ آہستہ لڑائی چھوڑکرامن پسندی کیلئے آرہے ہیں اسٹیٹ والدین کا درجہ رکھتی ہے ہرلڑائی کا فیصلہ بات چیت سے ہوتا ہے آج بھی دیگر فراری ہمارے ساتھ ملک کی تعمیر وترقی کیلئے مل جائیں تو انہیں خوش آمدید کہیں گے ہتھیارڈالنے والوں کو راشن اورانعامات بھی دیئے گئے۔