Tag: بگ باس

بھارت کے مشہور اسٹینڈاپ کامیڈین کنال کامرا نے سلمان خان کے متنازع مشہور زمانہ ریئلٹی شو ’’بگ باس‘‘ کو پاگل خانہ قرار دیدیا۔

کنال کامرا کو ’’بگ باس‘‘ کے اگلے سیزن میں شامل ہونے کی پیشکش کی گئی ہے، اس پر کامیڈیان نے بنا کوئی لگی لپٹی رکھے جواب دیا کہ ’’میں بگ باس کے اگلے سیزن میں شامل ہونے کے بجائے پاگل خانے جانا پسند کروں گا۔‘‘

کامیڈین کنال کامرا کی جانب سے شیئر کی گئی پوسٹ میں بتایا گیا کہ بگ باس شو کے کاسٹنگ ڈائریکٹر نے مجھے پیغام بھیجا جس میں کہا گیا کہ ہم بگ باس کےنئے سیزن کیلئے کاسٹنگ کر رہے ہیں اور آپ کا نام بھی ہمارے سامنے آیا ہے۔

کاسٹنگ ڈائریکٹر کا مزید کہنا تھا کہ میں جانتا ہوں کہ یہ آپ کو پسند نہیں لیکن یہ ایک جنونی پلیٹ فارم ہے جہاں آپ بڑی تعداد میں مداحوں کو اپنی جانب راغب کر سکتے ہیں، کیا ہم اس پر بات کر سکتے ہیں۔

کنال کامرا نے اس پیشکش کو ٹھکراتے ہوئے کہا کہ ’’میں بگ باس جانے کے بجائے پاگل خانہ جانا پسند کروں گا۔‘‘ کنال اپنی حس مزاح کا استعمال کرتے ہوئے سلمان خان کی فلم کے مشہور نغمے ’رادھے‘ کو بھی شامل کیا ہے۔

خیال رہے کہ جنوری 2025 میں بگ باس کا 18واں سیزن اختتام کو پہنچا تھا،۔ بگ باس کے اگلے سیزن کی میزبانی بھی سلمان خان کریں گے جس کی شروعات اس سال کے آخرمیں ہوسکتی ہے۔

یہ بات بھی قابل ذکر ہے کہ ممبئی کے ہیبی ٹیٹ اسٹوڈیو میں کنال کامراکی کامیڈی پر مشتعل ہوکر شیوسینا کے کارکنان نے اسٹوڈیو میں توڑ پھوڑبھی کی تھی جس کی تصاویر سوشل میڈیا پر وائرل ہوئی تھی۔

https://urdu.arynews.tv/bigg-boss-18-shoaib-ibrahim/

سلمان خان کی جگہ مشہور زمانہ متنازع رئیلیٹی شو بگ باس کی میزبانی کرنے والے انیل کپور کو صارفین نے ابتک کا بدترین میزبان قرار دیدیا۔

اداکار انیل کپور اس سال دبنگ خان کی جگہ بگ باس او ٹی ٹی کے تیسرے سیزن کی میزبانی کررہے ہیں، تاہم شو دیکھنے والے اکثر سامعین انھیں بطور میزبان قبول نہیں کرپارہے،

سوشل میڈیا پلیٹ فارم ریڈایٹ پر ایک پوسٹ میں پروڈیوسرز سے درخواست کی گئی ہے کہ وہ انیل کپور کو دوبارہ میزبان کے طور پر اس شو میں نہ لیں۔

ایک ریڈ ایٹ صارف نے اپنی پوسٹ میں لکھا کہ ’امید ہے کہ یہ آخری بار ہے جب ہم نے انیل کپور کو ویک اینڈ کا وار میں بطور میزبان دیکھ رہے ہیں، جعلی ہنسی، جعلی غصہ، میزبان کے طور پر مکمل جعلی شخصیت!‘

اس پوسٹ پر کئی سوشل میڈیا صارفین ان کی بات سے متفق نظر آئے، جیسے ہی ریڈ ایٹ پوسٹ لائیو ہوا، کئی صارفین پوسٹ پر اپنے خیالات کا اظہار کرنے لگے۔

ایک صارف نے تبصرہ کیا کہ ’ہاہاہا جعلی غصہ درست کہا، یہ واقعی مضحکہ خیز لگتا ہے کہ ایلوش اپنی ہنسی پر قابو پانے کی بہت کوشش کر رہا تھا جب انیل کپور اسے ڈانٹ رہے تھے۔‘

ایک شخص نے لکھا کہ انیل کو ’اب تک کا بدترین میزبان‘ کہا جاسکتا ہے، دوسری شخص نے خیالات کا اظہار کرتے ہوئے لکھا کہ ’اسے روکو‘۔

خیال رہے کہ سلمان خان نے اپنی نئی فلم ’سکندر‘ کی شوٹنگ کے مصروف شیڈول کی بنا پر اس سیزن سے کنارہ کشی اختیار کی تھی، بگ باس او ٹی ٹی کے پہلے سیزن کی میزبانی کرن جوہر نے کی تھی جبکہ سیزن ٹو کی میزبانی سلمان خان کرتے دکھائی دیے تھے۔

بگ باس کے نئے فاتح منور فاروقی کے فین کی بے جا دیوانگی اسے مہنگی پڑ گئی، پولیس نے اس کے خلاف مقدمہ درج کرلیا۔

تفصیلات کے مطابق بھارت کے متنازع ریئلٹی شو بگ باس 17 کے فاتح منور اقبال فاروقی کے مداح کو پولیس نے غیرقانونی طور پر ڈرون اڑانے پر گرفتار کرلیا ہے۔ منور نے شو جیتنے کے بعد اپنے آبائی شہر ڈونگری، ممبئی کے دورے پر تھے کہ یہ مداح ڈرون اڑاتا پایا گیا۔

پولیس نے ڈرون کیمرہ آپریٹر کے خلاف ایف آئی آر درج کرلی ہے جو بگ باس کے فاتح کی آمد کے مناظر کو ڈرون کے ذریعے فلم بند کررہا تھا۔

اس دوران لوگوں کا بہت بڑا ہجوم منور فاروقی کے استقبال کے لیے موجود تھا جو اپنی ٹرافی کے ہمراہ وہاں آئے تھے۔ انھوں نے مداحوں کے لیے ہوا میں اپنی ٹرافی بھی لہرائی تھی۔

ممبئی پولیس نے منور کے جس مداح کے خلاف شکایت درج کی ہے اس کی شناخت ارباز یوسف خان نامی سے ہوئی ہے۔

ممبئی پولیس کے کانسٹیبل نتن شندے جو کہ اس وقت پٹرولنگ ڈیوٹی پر تھا اس نے تھانے کو اس بابت مطلع کیا۔

پولیس فوری طور پر جائے وقوع پر پہنچی اور ڈرون کو ضبط کرتے ہوئے ایف آئی بھی درج کی کیوں کہ وہاں حکومت سے ڈرون اڑانے کی اجازت نہیں لی گئی تھی۔

واضح رہے کہ منوری فاروقی نے بگ باس سیزن 17 میں ساتھی فائنلسٹ ابھیشیک کمار، منارا چوپڑا اور انکیتا لوکھنڈے کو شکست دیتے ہوئے فتح حاصل کی تھی۔

بھارتی کامیڈین منور فاروقی کے متنازع شو بگ باس جیتنے کے ساتھ ہی ایک نیا تنازع کھڑا ہوگیا، صارفین اس کامیابی کو ’فکسڈ‘ قرار دے رہے ہیں۔

بگ باس کے 17ویں سیزن کے فاتح کا تاج بھارت کے معروف کامیڈین منور فاروقی کے سر اتوار کی رات سجا۔ بالی وڈ اسٹار سلمان خان نے ان کے فاتح ہونے کا اعلان کی جبکہ انعام کے طور پر ان کے حصے میں 50 لاکھ بھارتی روپے کی رقم بھی آئی۔

ان کے ساتھی فائنلسٹ اداکار ابھیشیک کمار نتیجہ آنے کے بعد سوشل میڈیا سائٹ ایکس پر ٹرینڈ کرنے لگے۔ کئی لوگوں نے انھیں جیت کا زیادہ حقدار قرار دیا جبکہ منور کو صارفین نے ’فکسڈ ونر’ قرار دیا۔

 

View this post on Instagram

 

A post shared by ColorsTV (@colorstv)

فائنل جیتنے کے بعد اس پر اپنا ردعمل دیتے ہوئے منور نے کہا کہ اگر فکسڈ ونر کو اتنا سب کرنا پڑے تو وہ فکسڈ فاتح نہیں ہو سکتا۔ اگر میں ایک فکسڈ ونر ہوتا تو مجھے سب کچھ ایک پلیٹ میں مل جاتا۔

انھوں نے زور دیتے ہوئے کہا کہ پورا سیزن گواہ ہے کہ مجھے پلیٹ میں کچھ نہیں ملا، میں نے بہت محنت کی ہے۔

منور نے کہا جو مجھے فکسڈ ونر کہہ رہے ہیں ان لوگوں کے لیے میرا جواب یہ ہے کہ بس بیٹھ کر پورا سیزن دیکھیں پھر آپ کو احساس ہو گا کہ یہ فکسڈ نہیں ہوا۔

قابل ذکر بات یہ ہے کہ ان کے ساتھی فائنلسٹ ابھیشیک کمار، منارا چوپڑا (پرینکا اور پرینیتی چوپڑا کی کزن) اور انکیتا لوکھنڈے بالترتیب دوسرے، تیسرے اور چوتھے نمبر پر رہے۔

متنازع بھارتی رئیلیٹی شو بگ باس اس بار نئے سیزن میں کچھ الگ کرنے جارہا ہے جو مداحوں کے ساتھ امیدواروں کے لیے حیران کن ہے۔

اطلاعات کے مطابق شو کا نیا سیزن 15 اکتوبر سے آن ایئر ہوگا اور اس بار گھر والوں کو باہر کے افراد سے رابطہ کرنے کا موقع دیا گیا ہے۔ سوشل میڈیا پر آنے والی تفصیلات میں بتایا گیا ہے کہ بگ باس کی تاریخ میں پہلی بار امیدوار اپنے ساتھ موبائل بھی رکھ سکیں گے۔

میکرز نے اب تک مکمل معلومات تو فراہم نہیں کی ہیں مگر بھارتی میڈیا نے ممکنہ اپ ڈیٹس کے حوالے سے آگاہ کیا ہے، بگ باس کا ہر نیا آنے والا سیزن پچھلے سیزن سے مختلف ہوتا ہے، رئیلیٹی شو اس بار بھی مختلف نظر آئے گا۔

عام طور پر بگ باس کے گھر میں سوشل میڈیا اور موبائل تک امیدواروں کی رسائی نہیں ہوتی، شو میں شامل افراد اپنے پیاروں سمیت مداحوں سے بھی رابطے میں نہیں رہ پاتے تھے لیکن اس بار ان کے پاس موبائل کی سہولت موجود ہوگی۔

بگ باس سے متعلق ایکس کے پیج ’بگ باس تک‘ نے اپنے مصدقہ اکاؤنٹ پر دعویٰ کیا ہے کہ 17ویں سیزن میں موبائل فونز استعمال کرنے کی اجازت ہوگی۔

دلچسپ بات یہ ہے کہ موبائل استعمال کرنے کی اجازت تمام امیدواروں کو نہیں بلکہ چند ایک کو ہوگی جو کہ مخصوص ٹاسک بخوبی سرانجام دیتے ہوئے جیتے گا۔

کچھ اپ ڈیٹس میں یہ بھی بتایا گیا ہے کہ اس بار امیدواروں کی سوشل میڈیا تک رسائی بھی ممکن ہوگی، جس کے بعد وہ اپنے متعلق جان سکیں گے اور یہ چیز انہیں اپنا گیم پلان بہتر بنانے میں مدد فراہم کرے گی۔

ہر بار کی طرح اس بار بھی شو کی میزبانی کے فرائض بالی وڈ کے سپر اسٹار سلمان خان انجام دیں گے جن کا بگ باس کی کامیابی میں بڑا کردار ہے۔