دنیائے کرکٹ کے نامور بیٹر بابراعظم کے آسٹریلوی بگ بیش کا حصہ بننے پر سابق کپتان ایرون فنچ انھیں زبردست طریقے سے سراہا ہے۔

آسٹریلیا کے سابق کپتان ایرون فنچ نے ٹی وی پروگرام میں گفتگو کے دوران پاکستانی کھلاڑیوں سمیت سابق قومی قائد بابراعظم کی بیٹنگ کی کافی تعریف کی ہے اور کہا کہ بابراعظم دنیائے کرکٹ کا بہترین کھلاڑی ہے، انھوں نے بی بی ایل میں پاکستانی کرکٹرز کی شمولیت پر خوشی کا اظہار کیا۔

ایرون فنچ نے کہا کہ بگ بیش لیگ ڈرافٹ میں پاکستانی کرکٹرز میں بابراعظم سب سے بڑا نام ہیں، پاکستانی کھلاڑیوں ان سے بڑا نام کوئی نہین ہے اور پاکستان کے سابق کپتان اس وقت دنیائے کرکٹ کے بہترین کھلاڑیوں میں شمار ہوتے ہیں۔

بابر اعظم اور محمد رضوان ٹاپ ٹین ٹی 20 بیٹرز رینکنگ سے باہر

انھوں نے بابر کو سراہتے ہوئے کہا کہ اس دہائی مں بابراعظم سب سے بڑا کھلاڑی ہے جس نے دنیا بھر میں بہترین کارکردگی کا مظاہرہ کیا، آسٹریلوی فینز کیلئے اچھی بات ہے کہ وہ آسٹریلیا میں ایک سپراسٹار کرکٹر کو کھیلتے ہوئے دیکھ پائیں گے۔

ایرون فنچ کا کہنا تھا کہ شاہین شاہ آفریدی بھی بگ بیش لیگ کے ڈرافٹ کا حصہ ہیں، وہ میچ ونر ہیں اور بہترین پرفارمر ہیں، ہر ٹیم کی خواہش ہوگی کہ وہ شاہین کو شامل کرے۔

خیال رہے کہ سڈنی سکسرز نے بابراعظم کو بیس پرائز سے زیادہ معاوضے کی پیشکش کرکے پری سائن کیا ہے جس کیلئے سڈنی کی ٹیم انھیں تقریباً 10 کروڑ روپے کی خطیر رقم ادا کرے گی۔

https://urdu.arynews.tv/babar-azam-bbl-2025-salary-revealed/

بگ بیش لیگ میں سڈنی تھنڈر کے کپتان ڈیوڈ وارنر کا بیٹ ٹوٹ کر گردن پر جالگا جس کی ویڈیو سوشل میڈیا پر وائرل ہوگئی۔

بگ بیش لیگ میں ہوبارٹ ہریکینز کے خلاف بیٹنگ کرتے ہوئے فاسٹ بولر ریلی میرڈیتھ کی گیند پر ڈیوڈ وارنر نے شاٹ کھیلا اس دوران ان کے بیٹ کا ہینڈل ٹوٹ گیا۔

وارنر کا بیٹ ٹوٹتے ہی ان کی گردن کے پیچھے جالگا۔

آسٹریلوی کرکٹر بیٹ ٹوٹنے پر حیران رہ گئے اور اسے دیکھنے لگے لیکن خوش قسمتی سے انہیں کوئی چوٹ نہیں آئی۔

View this post on Instagram

A post shared by KFC Big Bash League (@bbl)

واضح رہے کہ میچ میں کپتان ڈیوڈ وارنر نے 88 رنز کی شاندار اننگز کھیلی اور 66 گیندوں پر 7 چوکے لگائے۔

سڈنی تھنڈر نے پہلے بیٹنگ کرتے ہوئے مقررہ اوورز میں 6 وکٹوں کے نقصان پر 164 رنز بنائے، ہوبارٹ نے مطلوبہ ہدف 16.5 اوورز میں 4 وکٹوں کے نقصان پر حاصل کرلیا۔

ٹم ڈیوڈ نے 38 گیندوں پر 68 رنز کی میچ وننگ اننگ کھیلی اور انہیں بہترین کھلاڑی قرار دیا گیا۔

یاد رہے کہ سڈنی تھنڈر کی جانب سے پاکستانی فاسٹ بولر محمد حسنین نے تین اوور میں 49 رنز دیے، ان کے اوورز میں 6 چوکے اور تین چھکے لگائے گئے۔

برسبین ہیٹ نے بگ بیش لیگ کے فائنل میں سڈنی سکسرز کو شکست سے دوچار کرتے ہوئے دوسری بار ٹائٹل اپنے نام کر لیا۔

سڈنی میں ہونے والے لیگ کے 13 ویں ایڈیشن کے فائنل میں برسبین ہیٹ نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 166 رنز اسکور بورڈ پر سجائے۔

جوش براؤن نے 38 بالز پر 53 رنز کی شاندار اننگز کھیلی۔ سڈنی کی جانب سے شان ایبٹ نمایاں بولر رہے انھوں نے چار اوورز میں32 رنز کے عوض 4 وکٹیں اپنے نام کیں۔

جواب میں سڈنی سکسرز کی ٹیم 17.3 اوورز میں صرف 112 رنز پر ڈھیر ہو گئی۔ کپتان موئسس ہنریکس 25 بالز پر 27 رنز بنا کر نمایاں رہے۔

اسپینسر جانسن نے برسبین کی جانب سے عمدہ بولنگ کا مظاہرہ کرتے ہوئے چار اوورز میں 26 رنز کے عوض 4 بیٹرز کو پویلین کی راہ دکھائی۔

لیفٹ آرم سیمر کو بی بی ایل فائنل میں عمدہ بولنگ کرنے پر پلیئر آف دی میچ کے ایوارڈ سے نوازا گیا۔ قابل ذکر بات یہ ہے کہ ایسا چوتھی بار ہوا ہے کہ سڈنی کی ٹیم ٹورنامنٹ کے فائنل میں آکر ہمت ہار بیٹھی۔

بگ بیش لیگ میں سابق آسٹریلوی کپتان رکی پونٹنگ نے بیٹر کے فوری آؤٹ ہونے کی درست پیشگوئی کرکے سب کو حیران کردیا۔

ہوبارٹ ہریکینز اور میلبرن اسٹارز کے درمیان بگ بیش لیگ کا مقابلہ جاری تھا، اس دوران آسٹریلیا کے سابق لیجنڈ کپتان رکی پونٹنگ نے کرکٹ میں اپنی دور اندیشی اور ذہانت کا شاندار مظاہرہ کیا۔

انھوں نے نیتھن کولٹر نائل کے آل راؤنڈر نکھل چودھری کو آؤٹ کرنے کی درست پیشن گوئی کرتے ہوئے شائقین اور ماہرین کو حیرت میں مبتلا کردیا۔

18 ویں اوور میں کولٹر نائل اپنی تیسری گیند کرنے کے لیے تیار تھے۔ جب انھوں نے رن اپ شروع کیا تو پونٹنگ نے کمنٹری کرتے ہوئے انھیں مشورہ دیا کہ اگر بولر لینتھ کو پیچھے رکھ کر سلو گیند کرے تو وکٹ حاصل کرسکتا ہے۔

حیران کن طور پر، کولٹر نائل نے کمنٹری باکس سے دیے گئے ان کے مشورے پر عمل کیا اور وکٹ حاصل کرلی۔ شائقین اور ماہرین پونٹنگ کی اس ذہانت پر حیرت زدہ رہ گئے۔

Ricky Ponting: "He'll drag the length back now, Coulter-Nile, take the pace off. It's what he does so well here at the MCG."

No prizes for guessing what Coulter-Nile does next to get Chaudhary's wicket…#BBL13 pic.twitter.com/DY57iEGxNG

— 7Cricket (@7Cricket) January 15, 2024

اس میچ میں ہوبارٹ ہوریکینز نے مقررہ 20 اوورز میں 8 وکٹوں کے نقصان پر 187 رنز بنائے۔ بین میک ڈرماٹ نے اپنی ٹیم کے لے قیمتی نصف سنچری بنائی۔ میلبرن اسٹارز کی جانب سے ڈین لارنس نے شاندار بولنگ کرتے ہوئے چار وکٹیں حاصل کیں۔

آسٹریلیا کے سابق ٹی ٹوئنٹی کپتان ایرون فنچ کو ان کی ٹی ٹوئنٹی فارمیٹ سے ریٹائرمنٹ پر گارڈ آف آنر پیش کیا گیا، جس کی ویڈیو وائرل ہوگئی.

بگ بیش لیگ میں میلبرن رینیگیڈز کی نمائندگی کرنے والے سابق ورلڈکپ فاتح کپتان ایرون فنچ ٹی ٹوئنٹی فارمیٹ میں اپنا آخری میچ کھیلنے آئے تو مخالف ٹیم میلبرن اسٹارز کے کھلاڑیوں نے انھیں گارڈ آف آنر پیش کیا۔

مخالف ٹیم کی جانب سے فنچ کو گارڈ آف آنر پیش کرنے کی ویڈیو سوشل میڈیا پر وائرل ہوگئی۔ تاہم ایرون فنچ اپنے آخری ٹی ٹوئنٹی میچ کو یادگر نہ بناسکے اور ’صفر‘ رن پر آؤٹ ہوگئے۔

A guard of honour for the retiring great 👏 #BBL13 pic.twitter.com/3nR2GzcXRt

— cricket.com.au (@cricketcomau) January 13, 2024

واضح رہے کہ آسٹریلیا کے سابق ٹی 20 کپتان ایرون فنچ نے گزشتہ سال بین الاقوامی کرکٹ سے ریٹائرمنٹ کا اعلان کیا تھا۔

ان کا کہنا تھا کہ میرا کرکٹ کا سفر شاندار رہا۔ پورے کیریئر میں سپورٹ کرنے پر اپنے مداحوں کا شکریہ ادا کرتا ہوں۔

سابق آسٹریلوی اوپنر اس سے قبل 2022 میں ون ڈے اور اس سے پہلے ٹیسٹ کرکٹ سے بھی ریٹائرمنٹ لے چکے تھے۔

تمام طرز کی انٹرنیشنل کرکٹ سے ریٹائرمنٹ کا اعلان کرتے ہوئے ان کا کہنا تھا کہ مجھے احساس ہوگیا کہ میں اگلے سال ہونے والے ٹی ٹوئنٹی ورلڈ کپ تک نہیں کھیل سکوں گا۔

فنچ نے 5 ٹیسٹ، 146 ون ڈے اور 103 ٹی ٹوئنٹی انٹرنیشنل میچز میں آسٹریلیا کی نمائندگی کی، جس میں انھوں نے مجموعی طور پر 8 ہزار 804 رنز اسکور کیے۔

سابق بیٹر نے 76 ٹی ٹوئنٹی اور55 ون ڈے انٹرنیشنلز میں آسٹریلیا کی کپتانی کے فرائض بھی انجام دی۔ انھوں نے انٹرنیشنل کیریئر میں 17 ون ڈے اور 2 ٹی ٹوئنٹی سنچریاں اسکور کیں۔

خیال رہے کہ 2021 میں آسٹریلیا نے پہلی بار ایرون فنچ کی کپتانی میں متحدہ عرب امارات میں ٹی ٹوئنٹی ورلڈ کپ جیتا تھا۔