Tag: بھارتی آف اسپنر روی چندرن ایشون

بھارتی آف اسپنر روی چندرن ایشون نے بنگلہ دیش کے خلاف ٹیسٹ سیریز میں لیجنڈ کرکٹر مرلی دھرن کا دیرینہ عالمی ریکارڈ برابر کردیا۔

روی چندرن اشون نے ٹیسٹ میں اپنا 11 واں پلیئر آف دی سیریز کا ایوارڈ حاصل کرتے ہوئے سری لنکا کے سابق جادوگر اسپنر مرلی دھرن کا دیرینہ عالمی ریکارڈ برابر کیا، بنگلہ دیش کے خلاف پوری سیریز بھارتی اسپنر ٹاپ فارم میں نظر آئے۔

انھوں نے چنئی اور کانپور میں بھارت کی آسان جیت بلے اور گیند دونوں کے ساتھ بھرپور کردار ادا کیا بلکہ پہلے ٹیسٹ میں تو انھوں نے شاندار سنچری بھی اسکور کی۔

آف اسپننگ آل راؤنڈر نیا ریکارڈ اپنے نام کرتے ہوئے اس سیریز میں پلیئر آف دی سیریز کا ایوارڈ حاصل کیا، ایشون نے چنئی میں چھ وکٹیں حاصل کی تھیں جبکہ کانپور میں مزید پانچ وکٹیں لے کر وہ جسپریت بمراہ کے ساتھ سیریز میں مشترکہ طور پر سب سے زیادہ وکٹ لینے والے بولر بنے۔

ایشون سیریز میں سب سے زیادہ پلیئر آف دی سیریز ایوراڈ حاصل کرنے میں متھیا مرلی دھرن کے ہمسر ہوچکے ہیں جبکہ ان کے بعد جیک کیلس کا نمبر ہے۔

ٹیسٹ میں متھیا مرلی دھرن 11 ، روی چندرن اشون 11، جیک کیلس 9، عمران خان: 8، رچرڈ ہیڈلی 8 اور شین وارن 8 بار پلیئر آف دی سیریز کا ایوارڈ حاصل کرچکے ہیں۔

بھارتی آف اسپنر روی چندرن ایشون بھی پاکستان کی بنگلہ دیش کے ہاتھوں شکست پر حیران نظرآتے ہیں اور انھوں نے کئی سوالات اٹھائے ہیں۔

اپنے یوٹیوب چینل پر روی چندرن ایشون نے کہا کہ ٹیسٹ میچ سلپ موڈ میں چل رہا تھا اور اچانک پاکستان ٹیم نے مجھے حیران کردیا، آخری دن پاکستان ٹیم تھکے ہوئے انداز میں گرگئی اور ایسا میں نے طویل عرصے میں پہلی بار دیکھا ہے، راولپنڈی کی پچ میں کچھ نہیں تھا یہ ایک سڑک کی طرح تھی۔

ایشون نے کہا کہ اس ٹیسٹ میچ میں آخر میں محمد رضوان نے کچھ فائٹ کی تھی مجھے ایک بات سمجھ نہیں آئی کہ نسیم شاہ نے شاٹ کھیلی اور غیرذمہ دارانہ انداز میں چلے گئے، مجھے اب تک یہ بات سمجھ نہیں آئی۔

میچ ہارنے کے بعد پاکستان کرکٹ ٹیم کے ٹیسٹ کپتان شان مسعود نے بنگلہ دیش سے شرمناک شکست کو ٹیم کے لیے سبق قرار دیا تھا، ان کا کہنا تھا کہ شکست کا کوئی بہانہ نہیں ہو سکتا، یہ ہمارے لیے ایک بڑا سبق ہے کہ ہم ہوم کنڈیشنز کو کس طرح سمجھتے ہیں۔

شان مسعود کا کہنا تھا کہ پچ کو سمجھنے میں ہم سے غلطی ہوئی، چوتھے روز میچ میں واپس آنے کی کوشش کی لیکن پریشر میں غلطیاں ہوتی ہیں، ہمیں لگا تھا کہ موسم کی وجہ سے پانچواں دن مکمل نہیں ہوگا۔

خیال رہے کہ بنگلہ دیش نے پنڈی ٹیسٹ میں میں پاکستان کو 10 وکٹوں سے عبرت ناک شکست دے کر اپنی 23 سالہ ٹیسٹ کرکٹ تاریخ میں پہلی بار گرین شرٹس کو ہرایا تھا۔

دو ٹیسٹ میچوں پر مشتمل سیریز آئی سی سی ٹیسٹ چیمپئن شپ کا حصہ ہ، بنگلہ دیش کو سیریز میں ایک صفر کی نا قابل شکست برتری حاصل ہوچکی ہے، اب پاکستان کے ٹیسٹ چیمپئن شپ فائنل کھیلنے کی امیدیں تقریباً ختم ہوچکی ہیں۔