Tag: بھارتی اداکارہ

بھارتی اداکارہ سومیا جانو ٹریفک قانون کی خلاف ورزی پر روکے جانے پر ٹریفک پولیس اہلکار سے الجھ پڑیں۔

بھاتی میڈیا رپورٹس کے مطابق تیلگو فلم انڈسٹری کی اداکارہ سومیا جانو نے ٹریفک پولیس کو مغلظات بکنے اور لڑائی جھگڑا کرنے کی ویڈیو سوشل میڈیا پر وائرل ہورہی ہے۔

واقعہ حیدرآباد میں اس وقت پیش آیا جب سومیا جانو بنجارا ہلز نامی مقام پر غلط سمت میں گاڑی چلارہی تھیں۔

جب پولیس اہلکار نے اداکارہ کو روکا تو انہوں نے اہلکار سے بدتمیزی کی لوگوں نے بیچ بچاؤ کروانے کی کوشش کی لیکن اداکارہ نہ رکیں۔

اداکارہ نے ٹریفک پولیس اہلکار سے موبائل فون چھیننے کی بھی کوشش کی اور اس کے کپڑے بھی پھاڑ دیے۔

بعدازاں ٹریفک پولیس اہلکار نے مقامی تھانے میں دراخواست جمع کروادی جس میں انہوں نے ویڈیو ثبوت کے ساتھ اپنے پیش آئے واقعے کے بارے میں پولیس کو بتایا۔

پولیس نے واقعے کا مقدمہ درج کرکے تفتیش کا آغاز کردیا ہے۔

ممبئی: بھارتی اداکارہ سوارا بھاسکر نے اسرائیل کی حمایت کرنے والوں پر شدید غصے کا اظہار کرتے ہوئے اُنہیں منافق قرار دیا ہے۔

فلسطینی مزاحمتی تنظیم اور غزہ کی حکمراں جماعت حماس نے ہفتہ کے روز اسرائیل پر اچانک بڑے حملے کرکے اسرائیل سمیت پوری دُنیا کو حیران کردیا ہے۔

حماس کے حملوں کے بعد امریکہ اور بھارت اسرائیل کا حمایتی بن کے سامنے آیا ہے، امریکا نے حماس کے خلاف اسرائیل کو ہر ممکن مدد فراہم کرنے کا فیصلہ کیا ہے جبکہ سوشل میڈیا پر بھارتیوں کی جانب سے اسرائیل کے حق میں پیغامات جاری کیے جارہے ہیں۔

یمنیٰ زیدی نے فلسطینیوں کے حق میں آواز بلند کردی

ایسے میں بھارتی کی ہی اداکارہ گوہر خان کے بعد اب اداکارہ سوارا بھاسکر نے بھی اسرائیل کے حمایتیوں کو منہ توڑ جواب دیا ہے، اداکارہ نے اپنے انسٹاگرام پر اسٹوری پوسٹ کی۔

اداکارہ سوارا بھاسکر نے اسرائیل کے حمایتیوں کو مخاطب کرتے ہوئے کہا کہ ’آپ لوگ، اُس وقت کہاں تھے جب اسرائیل گزشتہ کئی سالوں سے غزہ اور وہاں کے شہریوں، اسکولوں اور اسپتالوں پر بمباری کر رہا تھا‘۔

بھارتی اداکارہ نے کہا کہ اگر آپ نے فلسطینیوں پر اسرائیل کے کبھی نہ ختم ہونے والے مظالم، فلسطینیوں کے گھروں پر جبری قبضے، فلسطینی بچوں، خواتین اور نوعمروں کے قتل، دہائیوں کی طویل ناکہ بندی اور بمباری پر صدمہ اور وحشت محسوس نہیں کی تو پھر اسرائیل پر حماس کے حملوں پر آپ کا دُکھ، صدمہ اور افسوس مجھے منافقانہ معلوم ہوتا ہے۔

جبکہ گزشتہ روز  بھارت کی نامور اداکارہ و ماڈل گوہر خان نے اسرائیل کو مظلوم ثابت کرنے والوں کو کرارا جواب دیا۔

بھارتی اداکارہ نے فلسطینیوں کے حق میں بیان جاری کر دیا

گوہر خان نے سماجی رابطوں کی ویب سائٹ ایکس پر لکھا کہ ظالم کب سے مظلوم بن گیا؟ کئی سالوں سے فلسطین پر ظلم و ستم پر اندھی دنیا کی بینائی اب واپس آگئی۔

واضح رہے کہ پچھلے کئی گھنٹوں سے حماس اور اسرائیل کے مابین جاری جنگ میں اب تک 700  اسرائیلی ہلاک ہوگئے۔ اسرائیل نے جوابی کارروائی میں شہری آبادیوں کو نشانہ بنایا اور بمباری سے 493 فلسطینی شہریوں کو شہید کر دیا۔

ملیالم فلموں اور ڈراموں کی بھارتی اداکارہ ارپنا نائر جمعہ کو ترواننت پورم میں اپنے گھر میں مردہ پائی گئیں۔

بھارتی میڈیا رپورٹ کے مطابق 33 سالہ بھارتی اداکارہ ارپنا نائر کی لاش ملنے کے بعد پولیس نے موت کی وجہ جاننے کے لیے تحقیقات شروع کردی ہیں۔

بھارتی میڈیا کے مطابق اداکارہ کی لاش آج ان کے گھر کے کمرے میں لٹکی ہوئی پائی گئی تھی جہاں وہ اپنے شوہر اور 2 بچوں کی ساتھ رہتی تھیں۔

بھارتی پولیس کا اس حوالے سے کہنا ہے کہ ہمیں واقعے کی اطلاع پرائیوٹ اسپتال کی جانب سے ملی جہاں اداکارہ کو منتقل کیا گیا تھا، واقعہ جمعرات کی شام ساڑھے 7 بجے پیش آیا۔

بھارتی میڈیا کے مطابق پولیس نے شبہ ظاہر کیا ہے کہ واقعہ خودکشی ہے جس کی وجہ گھریلو جھگڑے ہوسکتے ہیں، پولیس اس کیس کی مزید تفتیش بھی کر رہی ہے۔

منشیات کیس میں گرفتار بھارتی اداکارہ کریسن پریرا نے اماراتی جیل سے رہائی کے بعد جیل کی آپ بیتی سنادی۔

 فلم سڑک ٹو کی اداکارہ کو متحدہ عرب امارات (یو اے ای) کے شہر شارجہ میں ایئرپورٹ حکام نے ان کے پاس موجود ایک ایوارڈ میں سے منشیات برآمد ہونے پر حراست میں لیا تھا۔

حراست میں لینے کے بعد انہیں شارجہ جیل منتقل کیا گیا، تاہم گزشتہ روز  انہیں رہائی ملی، لیکن ضمانت پر رہائی ملتے ہی اپنے جرم سے توجہ ہٹانے کےلیے وہ جیل میں مبینہ عدم سہولیات کا الزام لگانے لگیں۔

فوٹوز اینڈ ویڈیوز شیئرنگ ایپ انسٹاگرام پر کیسن پریرا کے بھائی کیوِن پریرا نے ایک پیغام میں اداکارہ کے ہاتھ سے لکھا نوٹ شیئر کیا، جس میں اداکارہ کا کہنا تھا کہ انہیں منشیات اسمگلنگ کے گھناؤنے کھیل میں استعمال کیا گیا۔

 اداکارہ کا کہنا تھا کہ جیل میں انہیں ڈیٹرجنٹ سے اپنے بال دھونے پڑے، جبکہ یہ بھی کہا کہ انہوں نے ٹوائلیٹ کے استعمال کےلیے ملنے والے پانی سے چائے بنانا پڑتی تھی۔

یاد رہے کہ مہیش بھٹ کی ہدایتکاری میں بننے والی بالی وڈ فلم سڑک ٹو میں اداکاری کرنے والی کرسنن پریرا کو شارجہ ائیر پورٹ پر ایک یادگاری شے سے منشیات برآمد ہونے پر روکا گیا تھا جو ان کے مطابق انہیں یو اے ای میں کسی کو دینے کا کہا گیا تھا۔