Tag: بھارتی انتخابات

بھارتی انتخابات کے دوران بی جے پی پاکستان کا نام استعمال کرنے کی محتاج ہوگئی، پاکستان کیخلاف زہراگل کر بی جےپی ووٹرز کومتاثر کرتی ہیں۔

تفصیلات کے مطابق تمام کوششوں کے ناکام ہونے کے بعد بی جے پی نے پاکستان اور مسلمان مخالف بیانیے کا استعمال شروع کر دیا۔

انتخابی مہم کےدوران پاکستان کیخلاف زہراگل کر بی جےپی ووٹرز کومتاثر کرتی ہیں اورلوک سبھا میں نشست یقینی بنا لیتی ہیں۔

بھارت کے حالیہ انتخابات میں مودی سرکار نے پاکستان کیخلاف جارحانہ موقف اختیارکیا اور اپنی ہر تقریر میں بے بنیاد الزامات کے ساتھ ساتھ دھمکیوں کابھی استعمال کیا۔

حال ہی میں اپوزیشن جماعتیں کانگرس کےلیڈر منی شنکر آئر نے اپنی تقریر میں مودی کی مخالفت کرتے ہوئے پاکستان کے حق میں تقریر کی۔

منی شنکر آئر نے کہا کہ بھارت کوپاکستان کی عزت کرنی چاہیےکیونکہ خود مختار ریاست پاکستان ایٹمی طاقت کا حامل ہے۔

موقع کا فائدہ اٹھاتےہوئےمودی نےکانگرس کوشدیدتنقیدکانشانہ بنایا اور پاکستان کے خلاف پوری تقریر کر ڈالی۔

بھارت نے ہمیشہ نہ صرف خطے کے امن کوتباہ کیا بلکہ اپنےمذموم مقاصد کی خاطر اپنی عوام کو بھی تباہی اور بدامنی کی جانب دھکیلا ہے۔

سال 2019 میں ہونے والا پلوامہ ڈرامہ اور مودی کی اداکاری آج بھی عالمی سطح پر بھارت کیلئے جگ ہنسائی کا سبب ہے۔

حالیہ انتخابات کےدوران بھی مودی نےراجوری اور پونچھ میں دہشتگردی کاڈھونگ رچاتے ہوئے بھارتی عوام کو بے وقوف بنانے کی بھرپور کوشش کی۔

بھارتی لیڈر پریانکا گاندھی کا کہنا ہے کہ بھارت میں بےروزگاری پچھلے 45برسوں کے مقابلے میں بلند ترین سطح پر ہے لیکن ہم پاکستان پر بحث کرنے میں مصروف ہیں۔

پریانکا گاندھی کا کہنا تھا کہ بھارت کی عوام فیصلہ کر چکی ہےکہ اس بار ووٹ مذہب اور پاکستان مخالف بیانیے کے بل بوتے پر نہیں بلکہ مہنگائی، بےروزگاری اور کسانوں کے مسائل پر توجہ دیتے ہوئے دیے جائیں گے۔

اس سے پہلے بھی مودی اپنی انتخابی مہم میں مسلمانوں کیخلاف نفرت انگیز تقاریر اور بیانیے کا استعمال کرتا رہا ہے۔

مودی اور بی جے پی کی جانب سے مسلمانوں اورپاکستان کیخلاف نفرت انگیز مواد کے پھیلاؤ اور بڑھاوے کے باعث ہندوستان میں مسلمان سنگین عدم تحفظ اور انتہاپسندی کا شکار ہیں۔

اقوام متحدہ اورہیومن رائٹس واچ جیسی انسانی حقوق کی تنظیمیں بھی ہندوستان میں مسلمانوں کیخلاف ہونے والی انسانی حقوق کی سنگین خلاف ورزیوں پر مودی سے جواب طلب کر چکی ہیں۔

بی جے پی اپنی عوام کی حمایت حاصل کرنے کیلئے پاکستان کی محتاج نظر آتی ہے ، اب سوال یہ اٹھتا ہے کہ کیا بھارت کی انتہا پسند سیاسی جماعتیں خطے میں ایسے ہی بدامنی پھیلانے میں مگن رہیں گی اور اپنے مذموم سیاسی فوائد کی خاطر خطے کے ساتھ ساتھ اپنی عوام کی بھلائی بھی داؤ پر لگا دیں گی؟

نئی دہلی: بھارت میں ہونے والے لوک سبھا (ایوانِ زیریں) کے انتخابی نتائج کے مطابق ایوان میں مسلمان اراکین کی تعداد پہلے سے کم ہوگئی جس کے بعد انہیں اب بقا کا خطرہ درپیش ہے۔

تفصیلات کے مطابق لوک سبھا میں مسلمانوں کی نمائندگی گھٹ گئی کیونکہ الیکشن میں مسلمانوں کو خطرے کے طور پر پیش کیا گیا تھا لہذا اب انہیں بھارت میں رہنے کے لیے بقا کا خطرہ درپیش ہے۔ بھارت میں گاؤ کشی کے نام پر مسلمانوں پر تشدد بی جے پی کے حامیوں نے الیکشن جیتنے کے اگلے روز سے ہی شروع کردیا،رپورٹ کے مطابق بھارت میں ہندونظریات کی حامل بھارتیہ جنتا پارٹی کی بھاری اکثریت سے کامیابی نے ملک کے مستقبل کی راہ طے کردی ہے۔

رپورٹ میں بتایا گیا ہے کہ اگلے پانچ سال میں اب ہندو توا کے بقیہ ایجنڈے کی تکمیل ہوگی کیونکہ لوک سبھا میں مسلمان اراکین کا تناسب پہلے ہی کم تھا تاہم اب کی انتخابی نتائج میں یہ تعداد اور بھی کم ہوگئی۔

مزید پڑھیں: انتخابات میں شکست، گانگریس میں شدید بحران، راہول گاندھی استعفے کے اعلان پر ڈٹ‌گئے

رپورٹ کے مطابق بھارت میں مسلم آبادی پچیس کروڑ سے زائد ہے لیکن سرکار دستاویز ات میں یہ تعداد بیس کروڑ بتاتی جاتی ہے جو کُل آبادی کا 15 فیصد ہے، مسلم کمیونٹی کی کثیر تعداد ہونے کے باوجود انہیں بھارت کی سیاسی جماعتوں کی جانب سے صرف 20 فیصد لوک سبھا میں نمائندگی دی گئی۔

لوک سبھا کے حالیہ انتخابات میں بی جے پی نے صرف چھ مسلمانوں کو ٹکٹ دیئے تھے جن میں ایک بھی کامیاب نہ ہوسکا، بھارت کی سب سے بڑی ریاست اترپردیش میں مسلمانوں کی تعداد ساڑھے چار کروڑ ہے یہاں سے سب سے زیادہ چھ مسلم امیدوار منتخب ہوئے ہیں۔

اسی طرح مغربی بنگال سے آٹھ سے دس نمائندے منتخب ہوکر آتے تھے لیکن اس بار صرف چار ہی مسلمان لوک سبھا پہنچ سکےجبکہ بہار سے صرف دو ہی مسلم امیدوار کامیاب ہوئے ۔ کیرالہ اور آسام میں مسلم نمائندگی گھٹ کر ایک ایک نشست تک رہ گئی ۔ پنجاب اور مہاراشٹر سے بھی ایک ایک امیدوار ہی کامیابی حاصل کرسکا۔

مقبوضہ کشمیر سے تین مسلمان نمائندے لوک سبھا کے رکن بنے، معروف مسلم رہنما اور مجلس اتحاد المسلمین کے سربراہ اسدالدین اویسی کو تنلگانہ سے سیٹ ملی اسی جماعت کو ایک اور سیٹ اورنگ آباد سے بھی ملی، بھارت میں اسد الدین اویسی کی جماعت مسلمانوں کے مسائل پر کھل کر بات کرتی ہے۔

الیکشن سے قبل انہوں نے کھل کر کہا تھا کہ مسلمانوں کے مسائل کو نہیں اٹھایا جاتا، اور بھارت میں صرف مذہب کے نام پر ووٹ مانگا جاتا ہے، ماضی میں سیکولر جماعتیں مسلمانوں کے مسائل کسی حد تک اٹھاتی رہی ہیں لیکن یہ پارٹیاں خود اپنی بقا کی جنگ لڑرہی ہیں اس لئے اب کوئی پارٹی سیکولرازم کی بات نہیں کرتی۔

ہندوستان میں مسلمانوں دیوار سے لگانے اور انہیں ووٹ سے محروم کرنے کی کوششیں کافی عرصے سے جاری ہیں اور بی جے پی نے حالیہ الیکشن مسلمان مخالف مہم چلا کر لڑا اسی وجہ سے انہیں بڑی تعداد میں نشستیں بھی ملیں۔ بھارتی تجزیہ نگاروں کے مطابق بی جے پی کو حکومت ملنے اور نئے وزیراعظم کی حلف برداری کے بعد اب مسلمانوں پرمزید پابندیاں لگائی جاسکتی ہیں۔

یہ بھی پڑھیں: الیکشن میں فتح ملنے کے بعد مودی کابینہ سمیت مستعفیٰ

یاد رہے کہ حال ہی میں بھارت کے لوک سبھا انتخابات کے نتائج کا اعلان کیا گیا جس میں بی جے پی اور اس کی اتحادی جماعتوں نے 350 کے قریب نشستیں اپنے نام کیں، بھارت میں حکومت بنانے کے لیے لوک سبھا کی 272 نشستیں درکار ہوتی ہیں، 1984 کے بعد یہ پہلا موقع ہے کہ کوئی بھی پارٹی بھاری اکثریت سے حکومت بنانے کی پوزیشن میں ہے۔

میڈیا رپورٹس کے مطابق بھارتی الیکشن کمیشن کی جانب سے حتمی نتائج کا اعلان کردیا گیا جس کے مطابق کانگریس نے لوک سبھا کی 542 نشستوں میں سے 100 سے بھی کم نشتیں اپنے نام کیں۔ بی جے پی کی قیادت میں نیشنل ڈیموکریٹک الائنس (این ڈی اے) نے کُل 350 نشستیں حاصل کیں۔

نئی دہلی: بی جے پی رہنما اور سابق بھارتی کرکٹر گوتم گمبھیر اپنے ہم شکل سے انتخابی مہم چلوانے لگے جس کی تصویر سوشل میڈیا پر وائرل ہوگئی۔

غیرملکی خبررساں ادارے کے مطابق نئی دہلی کے نائب وزیراعلیٰ اور عام آدمی پارٹی کے رہنما منیش سسوڈیا نے الزام عائد کیا ہے کہ بھارت کے لوک سبھا انتخابات میں مشرقی دہلی سے بی جے پی امیدوار سابق ٹیسٹ کرکٹر گوتم گمبھیر اپنے ہم شکل کی مدد سے انتخابی مہم چلا رہے ہیں۔

عادم آدمی پارٹی کے رہنما منیش سسوڈیا نے کہا کہ دھوپ کی وجہ سے گوتم گمبھیر نے اپنے ہم شکل کو اپنی جگہ کھڑا کردیا ہے۔

منیش سسوڈیا کا اپنے ٹویٹ میں کہنا تھا کہ فلموں میں اسٹنٹ ڈبل اور رنر کا تو سنا تھا لیکن انتخابی مہم میں ڈپلیکیٹ پہلی مرتبہ دیکھا ہے۔

سوشل میڈیا پر ایک تصویر وائرل ہوئی ہے جس میں دیکھا جاسکتا ہے کہ گوتم گمبھیر گرمی کی وجہ سے ایئرکنڈیشن کار میں بیٹھے ہیں جبکہ ان کا ہم شکل کیپ پہنے گاڑی پر کھڑا ہے، کارکن اسے ایسے ہار پہنا رہے ہیں جیسے وہ حقیقت میں بی جے پی رہنما ہیں۔

Chowkidar @GautamGambhir hired a 'duplicate' to stand for him in the heat and campaign for him!

😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂 pic.twitter.com/uBIqFw5x9J

— Kapil (@kapsology) May 10, 2019

واضح رہے کہ دو ماہ قبل سابق بھارتی کرکٹر گوتم گمبھیر نے مودی کی جماعت بی جے پی میں شمولیت اختیار کی تھی۔

گوتم گمبھیر کا کہنا تھا کہ نریندر مودی کے وژن سے متاثر ہوکر بھارتیہ جنتا پارٹی میں شمولیت اختیار کی ہے اور اپنے اس فیصلے پر خوش ہوں، انتخابات میں کامیابی حاصل کرکے عوام کی خدمت کرنا چاہتا ہوں۔