کراچی : بھارتی ایجنسی کیلئے کام کرنے والے ملزم ارسلان کو عدالتی ریمانڈ پر جیل بھیجتے ہوئے 9 ستمبر تک تفتیشی افسر کو چارج شیٹ پیش کرنے کا حکم دے دیا۔

تفصیلات کے مطابق انسداد دہشت گردی کی عدالت میں بھارتی خفیہ ایجنسی "را” کے لیے کام کرنے والے ملزم ارسلان کو پیش کیا گیا،

تفتیشی افسر نے بتایا کہ ملزم ارسلان نے دیگر گرفتار ملزمان کی سہولت کاری کی اور انہیں رقم بھی پہنچائی، اس نے قتل سے قبل اور بعد میں رقوم کی ترسیل بھی کی، استدعا ہے کہ ملزم سے مزید تفتیش کرنی ہے جسمانی ریمانڈ دیا جائے۔

تفتیشی افسر کا کہنا تھا کہ ملزم عمیر نے جے آئی ٹی کے سامنے انکشاف کیا تھا کہ عبد الرحمان عرف رضا اللہ کا قتل سندھ کے شہر ماتلی میں کیا گیا، جس کے لیے اسلحہ کی فراہمی بھی عمیر نے کی۔

مزید پڑھیں : دہشت گردی کا الزام ثابت، بھارتی جاسوس کو 20 سال قید کی سزا سنادی گئی

تفتیشی رپورٹ کے مطابق قتل میں استعمال ہونے والا اسلحہ ملزم عمیر نے فراہم کیا جبکہ 33 لاکھ روپے محمد سلمان اور فہد نصیر کے اکاؤنٹس میں منتقل کیے گئے۔

سی ٹی ڈی کے مطابق ملزمان کے خلاف قتل، اقدام قتل اور غیر قانونی اسلحہ رکھنے کے مقدمات درج کیے گئے ہیں، جبکہ مزید ساتھیوں کی گرفتاری کے لیے ملزمان سے مزید تفتیش درکار ہے۔

عدالت نے ملزم کو عدالتی ریمانڈ پر جیل بھیجتے ہوئے 9 ستمبر تک تفتیشی افسر کو چارج شیٹ پیش کرنے کا حکم دے دیا۔

لاہور : سی ٹی ڈی پنجاب نے دہشت گردی کا بڑا منصوبہ ناکام بناتے ہوئے بھارتی ایجنسی را کے 6 سہولت کاروں کو گرفتار کرلیا۔

تفصیلات کے مطابق سی ٹی ڈی پنجاب کے حکام نے پریس کانفرنس کرتے ہوئے کہا کہ آپریشن یلغار میں دہشتگردی کا بڑا منصوبہ ناکام بنایاگیا ہے اور بھارتی ایجنسی را کے 6 سہولت کاروں کو گرفتار کرلیا ہے۔

ایڈیشنل آئی جی آپریشنز شہزادہ سلطان نے بتایا کہ گرفتار 2 ملزمان بی ایس ایف سے آئی ڈی ایز حاصل کرچکے تھے، بہاولپور میں مسجد ،ریلوے اسٹیشن پر حملے کی منصوبہ بندی کی خفیہ اطلاع ملی تھی۔

شہزادہ سلطان کا کہنا تھا کلہ بھارتی ایجنسی "را” کے 6 سہولت کاروں کو پنجاب کے مختلف اضلاع سے گرفتار کیا گیا اور ملزمان سے آئی ای ڈیز، ڈیٹونیٹرز اورخفیہ دستاویز برآمد ہوئیں۔

اس کے علاوہ ٹوبہ ٹیک سنگھ سے دھماکاخیز مواد اور ڈیٹونیٹرز برآمد کیا گیا اور دہشت گردوں سے آئی ای ڈیز، حفاظتی فیوز ،خفیہ نقشے برآمد کئے۔

ایڈیشنل آئی جی آپریشنز نے بتایا کہ را کے افسران میجر رویندرا راٹھور اور انسپکٹر سنگھ کی آڈیو انٹرسیپٹس کی گئی ہیں۔

ان کا کہنا تھا کہ بہاولپور میں دبئی سے فنڈنگ کرنے والا "را” کا سہولت کار رنگے ہاتھوں پکڑا، دہشت گردوں کو بھارت سے ہدایات میں ٹارگٹ کلنگ ،حساس مقامات پر حملے شامل تھے۔

شہزادہ سلطان نے کامیاب آپریشن پر سی ٹی ڈی کو مبارکباد دیتے ہوئے کہا سی ٹی ڈی اہلکار اپنی جانوں پر کھیل کر پاکستانی کی حفاظت میں مصروف ہیں۔

انھوں نے مزید بتایا کہ دہشت گرد کوڈورڈ اور غیر ضروری الفاظ استعمال کرکے ہدایت لیتے ہیں، تاہم گرفتارافراد سے تفتیش جاری ہے، پیشرفت پر سی ٹی ڈی آگاہ کرے گی۔