امریکی خاتون تجزیہ کار ڈاکٹر کرسٹین فیئر نے بھارتی اینکر ارنب گوسوامی کی اس کے اپنے شو میں لائیو بے عزتی کردی، ایکس پیغام میں حقیقت بیان کردی۔
امریکا کی معروف پروفیسر اور سیکیورٹی امور کی ماہر ڈاکٹر کرسٹین فیئر نے گودی میڈیا کے نام نہاد صحافی بھارت کے متنازع ٹی وی اینکر ارنب گوسوامی کے پروگرام ان کی بےعزتی کردی۔
ٹاک شو کے موقع پر دوران گفتگو پاک بھارت جنگ کے حوالے سے بات کرتے ہوئے امریکی تجزیہ کار نے کہا کہ بھارتی میڈیا پاکستان کے خلاف جنگی جنون میں مبتلا ہے۔
یہ بات سن کر ارنب گوسوامی کو آگ لگ گئی، مہمان سے بدتمیزی پر اتر آیا اور انہیں بولنے بھی نہ دیا۔ کرسٹین فیئر اپنے الفاظ سے پیچھے نہ ہٹیں اور شو چھوڑ کر چلی گئیں۔
بعد ازاں جارج ٹاؤن یونیورسٹی کی پروفیسر نے اپنے ایکس (سابقہ ٹوئٹر) اکاؤنٹ پر کی گئی اپنی پوسٹ میں انہوں نے بتایا کہ بےوقوف جنونیوں کے چیخنے کی وجہ سے شو سے اٹھ کر گئی۔ ایسے بےہودہ شو کے سوا بھی کرنے کو بہتر کام ہیں۔
کرسٹین فیئر نے اپنے پیغام میں مزید لکھا کہ جب ہر کوئی صرف چیخ رہا ہو اور معقول گفتگو کا کوئی امکان نہ ہو، تو ایسے شو میں بیٹھنے سے بہتر اور کام کیے جائیں۔
واضح رہے کہ امریکی پروفیسر اور ماہر سیکیورٹی امور ڈاکٹر کرسٹین فیئر کا یہ اقدام بھارتی ٹی وی کے ان مباحثوں پر ایک واضح تنقید ہے جو اکثر شور شرابے اور غیر معقول رویوں کی نذر ہوجاتے ہیں۔
مزید پڑھیں : ارنب گوسوامی جھوٹ پھیلانے پر بڑی مشکل میں پھنس گئے
یاد رہے کہ اس سے قبل بھارت میں کانگریس نے بی جے پی کے آئی ٹی سیل کے سربراہ امیت مالویہ اور گودی میڈیا کے نام نہاد صحافی ارنب گوسوامی کے خلاف غلط خبریں پھیلانے پر مقدمہ درج کروا دیا۔
انڈین میڈیا کے مطابق ہائی گراؤنڈز پولیس اسٹیشن میں امیت مالویہ اور ارنب گوسوامی کے خلاف مقدمہ انڈین یوتھ کانگریس کے قانونی سیل کے سربراہ شری کانت سوروپ کی شکایت پر درج کیا گیا۔
