نئی دہلی: پلوامہ حملے کے بعد بھارتی حکومت کی جانب سے پاکستان پر لگائے جانے والے الزامات نے بھارتی تاجروں کو بھی بوکھلاہٹ کا شکار کر دیا۔
تفصیلات کے مطابق پلوامہ حملے کے بعد پاکستان اور بھارت میں کشیدگی کے اثرات کے تحت بوکھلائے ہوئے تاجروں نے پاکستان سے تمام آرڈر منسوخ کر دیے۔
[bs-quote quote=”پاک بھارت سرحد پر سیمنٹ کے ساڑھے تین سو بڑے ٹرک بھی رک گئے۔” style=”style-8″ align=”left” color=”#dd3333″ author_name=”بھارتی تاجروں کا ایڈوانس رقم واپس کرنے کا مطالبہ”][/bs-quote]
بھارت نے پاکستان سے تمام درآمدات بند کر دی ہیں، پاک بھارت سرحد پر سیمنٹ کے ساڑھے تین سو بڑے ٹرک بھی رک گئے۔
آرڈر منسوخی کی بعد بھارتی تاجروں نے ایڈوانس دیے گئے کروڑں روپے بھی واپس مانگ لیے، گزشتہ دو روز سے پاکستان سے ایک روپے کا مال بھی بھارت نہ جا سکا۔
خیال رہے کہ پاکستان اور بھارت کے تعلقات میں بڑھتی کشیدگی کے باعث دو طرفہ تجارت بری طرح متاثر ہو رہی ہے، جسے بھارتی حکومت کی جانب سے مزید ہوا دی جا رہی ہے۔
موصولہ اطلاعات کے مطابق سوڈا ایش، چمڑا، سالٹ اور کیمیکل کے سیکڑوں ٹرک بھی واہگہ بارڈر پار نہیں جا سکے۔
یہ بھی پڑھیں: بھارت کا پاکستان کو ٹماٹر فروخت نہ کرنے کا مضحکہ خیز فیصلہ
دوسری طرف بھارتی سرکار نے ایک قدم آگے بڑھتے ہوئے باہمی تجارت کی راہ میں مزید مشکلات پیدا کرنے کے لیے پاکستانی مصنوعات پر 200 فی صد ڈیوٹی بھی عائد کر دی ہے۔
یاد رہے کہ پاکستان سے بھارت کو گزشتہ سال 12 لاکھ میٹرک ٹن سیمنٹ برآمد کیا گیا تھا، ٹرکوں کے علاوہ تقریباً 170 کنٹینرز کی بھی پورٹ سے ترسیل نہ ہو سکی۔
