راولپنڈی : بھارتی فوج کی لائن آف کنٹرول پر بلا اشتعال فائرنگ کے نتیجے میں 2 خواتین شہید اور 6 افراد زخمی ہوگئے ہیں جنہیں طبی امداد کے لیے قریبی اسپتال منتقل کردیا گیا ہے.

تفصیلات کے مطابق بھارتی فوج نے ایک بار پھر جارحیت کا مظاہرہ کرتے ہوئے لائن آف کنٹرول پر سیز فائر کی خلاف ورزی کرتے ہوئے مقامی آبادی پر بلا اشتعال فائرنگ اور گولہ باری کی.

پاک فوج کے تعلقات عامہ کے شعبے آئی ایس پی آر کا کہنا ہے کہ بھارت نے لائن آف کنٹرول پر نو کوٹ اور قیصر کوٹ گاؤں کو نشانہ بنایا گیا اور مقامی آبادی پر فائرنگ اور گولہ باری کی جس کی وجہ سے 8 افراد زخمی ہوگئے جنہیں طبی امداد کے لیے قریبی اسپتال منتقل کیا گیا جہاں دو شہریوں کی شہادت کی تصدیق کردی گئی.

آئی ایس پی آر کے مطابق زخمی ہونے والوں میں شکیل، انوربیگ، منیراحمد، ذیشان، رفیق اور ایک خاتون نسرین شامل ہیں جنہیں مقامی اسپتال میں طبی امداد دی جا رہی ہے جب کہ شہید ہونے والی خواتین میں سمیرا یونس اور مریم شامل ہیں.

آئی ایس پی آر کا کہنا ہے کہ پاک فوج نے بھارتی جارحیت کا منہ توڑ جواب دیتے ہوئے جوابی کارروائی میں 4 بھارتی چوکیاں تباہ کردیں جس سے بھارتی بندوقیں خاموش ہو گئیں.

اسلام آباد: وزیراعظم نواز شریف نے کہا ہے کہ کشمیریوں کو تنہا نہیں چھوڑیں گے،زخمیوں کو لے جانے والی ایمبولینس پربھارتی فوج کی فائرنگ افسوس ناک ہے۔

بھارت کی تازہ ترین جارحیت کی وزیراعظم نوازشریف نے مذمت کردی اور کہا ہے کہ بھارت مقبوضہ کشمیر میں ریاستی جبراوربربریت سے عالمی توجہ ہٹانے کے لئے بزدلانہ اقدامات کررہا ہے، کشمیری بھائیوں کو تنہا نہیں چھوڑیں گے،کشمیریوں کی حقِ خود ارادیت کے لئے آواز بلند کرتے رہیں گے۔

اسی سے متعلق : بھارتی فوج کی وادی نیلم میں مسافر بس پر فائرنگ ،9شہری شہید

وزیراعظم نےکہا کہ وادی نیلم میں زخمیوں کو لے جانے والی ایمبولینس پرفائرنگ انتہائی افسوسناک ہے۔ ادھر وادی نیلم میں عام شہریوں کی شہادت پردفتر خارجہ نے بھارتی ہائی کمشنر کو طلب کیا اور بھارتی ہائی کمشنر کو احتجاجی مراسلہ بھی دیا گیا۔

دفتر خارجہ نے بھارتی ہائی کمشنر کو کہا کہ مقبوضہ کشمیر میں عام نہتے اور معصوم لوگوں کی پر فائرنگ ناقابل برداشت عمل ہے اس صورتِ حال سے نمٹنے کے لیے ضروری ہے کہ 2003 میں کیے کی فائر بندی معاہدے پر اُس کی حقیقی روح کے تحت من و عن عمل درآمد کیا جائے۔

یہ پڑھیے : بھارتی فوج کی فائرنگ، 3 فوجی شہید، آئی ایس پی آر کی تصدیق

دفترِ خارجہ نے مزید کہا کہ اگر لائن آف کنٹرول پر بھارتی افواج کی بلا اشتعال فائرنگ کا سلسلہ جاری رہا اور نہتے عوام بھارتی بربریت کا نشانہ بنتے رہے تو پاکستان اپنے دفاع کا حق محفوظ رکھتا ہے۔

یہ بھی پڑھیں : بھارتی جارحیت: مشیر خارجہ سینیٹ کے اجلاس میں‌ طلب

ترجمان دفتر خارجہ نفیس ذکریا کہتے ہیں بھارتی جارحیت پرصرف بھارتی ہائی کمشنر کو بلاکر احتجاج نہیں کرتے بلکہ مختلف ممالک کے سفیروں اور او آئی سی کے ممبران کو بھی بھارتی جارحیت سے آگاہ کیا جا تا ہے اس حوالے دفترِ خارجہ اپنی ذمہ داریاں احسن طریقے سے ادا کررہا ہے۔