ممبئی: بھارتی جنتا پارٹی کےرکن پارلیمان ساکشی مہاراج کا کہناہےکہ بھارت میں قبرستان کی کوئی جگہ نہیں ہےتمام مُروں کو نذر آتش کیاجانا چاہیے۔
تفصیلات کےمطابق اترپردیش کےشہر اناؤ سے منتخب ہونےوالے رکن پارلیمان ساکشی مہاراج کا کہناہے کہ’وزیراعظم نریندر مودی نے کہا تھا کہ ایک قبرستان کے ساتھ شمشان گھاٹ تعمیرکیاجائےگا۔
ساکشی مہاراج نے حکومت سے مطالبہ تھا کہ ایک نیا قانون بنانا چاہیے جس کے تحت ملک میں قبرستانوں کے لیے کوئی جگہ مختص نہ ہوجبکہ تمام مردوں کو نذرآتش کرنے کے لیے ایک مشترکہ شمشان گھاٹ ہونا چاہیے۔
بھارتی جنتا پارٹی کےرہنما کےمطابق قبرستان بالکل تعمیر نہیں ہونے چاہییں۔اگر ایسا ہوتا ہےتوملک کی تمام زمین اسی مقصد کےاستعمال ہوگی اور کاشتکاری کے لیے کوئی جگہ نہیں بچےگی کھیت نہیں رہیں گے۔
یاد رہےکہ گذشتہ ماہ وزیراعظم نریندر مودی نے اتر پردیش کے شہر فتح پور میں ایک انتخابی ریلی سے خطاب کرتے ہوئے کہا تھا کہ کسی بھی مذہب کے ماننے والوں کےساتھ امتیازی سلوک نہیں ہونا چاہیےاور اگر قبرستان بنتے ہیں تو شمشان گھاٹ بھی بننے چاہیں۔
واضح رہےکہ کانگریس لیڈر کاکہناساکشی مہاراج تسلسل میں نفرت انگیز بیانات جاری کرتے ہیں اور انہوں نے 2017 کے الیکشن کی فضا کو متاثر کرنے کی کوشش کی ہے۔
