Tag: بھارتی حکومت

امریکی پروفیسر کرسٹین فیئر نے بھارتی حکومت کو آئینہ دکھا دیا اور کہا بھارت نہ پاکستان کو کسی ناکامی سے دوچار کرسکا اور نہ ہی اسے خوفزدہ کرسکا۔

تفصیلات کے مطابق بھارت کو معرکہ حق میں شکست کے بعد مسلسل ہزیمت کا سامنا ہے، امریکی پروفیسر کرسٹین فیئر نے بھارتی حکومت کو آئینہ دکھا دیا جبکہ غیر ملکی دانشور بھی پاکستان کی کامیابیوں کے معترف ہیں۔

امریکی پروفیسر نے کہا کہ بھارت پاکستان کو خوفزدہ نہیں کرسکا، ڈیٹرنس کا اندازہ اس ملک کے رویے سے لگایا جاتا ہے، جسے روکنےکی کوشش کی جارہی ہو، ایسا کوئی ثبوت نہیں کہ پاکستان نے اپنی پوزیشن ترک کی ہو یا موقف سے پیچھے ہٹا ہو۔

مزید پڑھیں : امریکی سیکیورٹی ماہر نے پاکستان کے کئی طیارے مار گرانے کا بھارتی دعویٰ ‘بکواس’ قرار دے دیا

ان کا کہنا تھا کہ بھارت نے بے بنیاد دعوے کر کے خود کو ایک خطرناک صورتحال میں ڈال دیا ہے ، بھارت کے اندر فسادی میڈیا نے عوام کو غلط معلومات فراہم کی ہیں،پروفیسرکرسٹین فیئر

امریکی پروفیسر نے مزید کہا کہ بھارت پاکستان کوکسی ناکامی سےدوچارکرسکااورنہ ہی اسے خوفزدہ کرسکا، پاکستان پیچھے نہیں ہٹا اورنہ ہی وہ بھاگا ہے بلکہ یہ تنازع بھارت کی توقع سےکہیں زیادہ تیزی سےشدت اختیارکرگیا، بھارت خود بھی چاہتا تھا تنازع کوکم کرنے کیلئے محفوظ راستہ نکالاجائے۔

ان کا کہنا تھا کہ بھارتی میڈیا ایسی توقعات پیدا کرتاہے، جو بعد میں عسکری تقاضوں کوجنم دیتی ہیں، بھارت اوراس کا میڈیا جنگجویانہ رویہ رکھتے ہیں۔

نیویارک : واشنگٹن پوسٹ نے بھارتی حکومت کی سرپرستی میں ہونیوالی دہشت گردی بے نقاب کردی اور بتایا بھارتی ایجنسی’’را‘‘ نے اجرتی قاتلوں اور افغان ہتھیاروں کے ذریعے پاکستان میں کم از کم 6 افراد کو ہدف بنا کر قتل کرایا۔

تفصیلات کے مطابق پاکستان میں دہشت گردی اورٹارگٹ کلنگ میں ملوث بھارت کا سیاہ چہرہ عالمی سطح پر بے نقاب ہوگیا، واشنگٹن پوسٹ نے بھارتی حکومت کی سرپرستی میں ہونیوالی دہشتگردی بے نقاب کردی۔

امریکی اخبار نے بتایا کہ بھارت پاکستان میں دہشتگرد کارروائیوں اور ٹارگٹ کلنگ میں ملوث ہے، را نے اجرتی قاتلوں اور افغان ہتھیاروں سے پاکستان میں 6 افراد کی ٹارگٹ کلنگ کی۔

امریکی اخبار کا کہنا تھا کہ اپریل 2024 میں 2 نقاب پوش لاہور میں عامر سرفراز کوقتل کرکے فرار ہوئے، یہ واقعہ بھی دوسرے ممالک کی طرح بھارتی خفیہ قتل مہم کا تسلسل ہے۔

رپورٹ میں کہا گیا کہ بھارتی ایجنسی’’را‘‘نے پاکستان میں کئی افراد کو نشانہ بنایا اور شواہد سےواضح ہے پاکستانی افراد کے قتل میں بھارت ملوث ہے۔

رپورٹ میں مزید بتایا گیا کہ سال 2021 کے بعد’’را‘‘ نے پاکستان میں متعدد لوگوں کو نشانہ بنایا گیا،پاکستانی وزیر داخلہ بھی ٹارگٹ کلنگ میں بھارت کے ملوث ہونےکا کہہ چکےہیں، سال 2014میں بھارتی قومی سلامتی کے مشیر اجیت دوول نے بیان دیا تھا کہ پاکستان میں اپنے مقاصد کیلئے خفیہ ذرائع استعمال کرسکتے ہیں۔

امریکی اخبار کے مطابق بھارت نے امریکا، کینیڈا اور مغربی ممالک میں ماروائے عدالت قتل کئے، امریکا، کینیڈا ،مغربی ممالک میں ’’را‘‘کی قتل مہم کی وجہ سے شدید تنقید کاسامناہے۔

رپورٹ میں بتانا تھا کہ کینیڈا،امریکا میں بھارتی خفیہ ایجنسی ’’را‘‘ نے سکھ رہنماؤں کو قتل کیا، نئی دہلی میں را کے افسر وکاش یادیو نے نیویارک میں قاتلانہ حملے کی ہدایت دی اور را افسر نے اس قتل میں اپنے ایجنٹ کو مقامی قاتل کی خدمات لینےکی ہدایت کی، کینیڈین حکام نے بھی بھارتی سفارتکاروں اور را کی دہشت گردی کو بے نقاب کیا۔

سفارتی ماہرین نے بتایا کہ پاکستان میں ریاض ،شاہد لطیف کےقتل میں بھی بھارت کے ملوث ہونے شواہد ہیں، اس سے قبل بھی وزارت خارجہ شواہد کے ساتھ پاکستانی سرزمین پر بھارتی دہشتگردی کو بے نقاب کرچکی ہے۔

سفارتی ماہرین نے کہا کہ بھارتی جارحیت، دہشت گردی اور بین الاقوامی قوانین کی خلاف ورزی پر اقوام عالم کو سخت نوٹس لینا چاہیے، دوسرے ممالک میں بھارتی دہشتگردی، مداخلت اور ٹارگٹ کلنگ عالمی امن کے لیے شدید خطرہ ہے۔