Tag: بھارتی دارالحکومت نئی دہلی

دنیا کے 20 آلودہ ترین شہروں کی فہرست میں 13 بھارتی شہروں کا فضائی معیار آلودہ قرار دے دیا گیا۔

تفصیلات کے مطابق سوئس ایئرکوالٹی ٹیکنالوجی کمپنی آئی کیوایئر نے ورلڈ ایئر کوالٹی رپورٹ 2024 جاری کردی۔

کوالٹی رپورٹ میں بتایا گیا کہ آلودہ ترین دارالحکومتوں میں بھارتی دارالحکومت نئی دہلی سرِ فہرست ہیں جبکہ دنیا کے 20 سب سے زیادہ آلودہ شہروں میں سے 13 بھارتی شہر شامل ہیں جن کا فضائی معیار آلودہ ہے۔

رپورٹ میں کہا گیا کہ بھارتی ریاست آسام کا صنعتی علاقہ بیرنیہاٹ 2024 میں فضائی آلودگی میں سرِفہرست رہا۔

دنیا کے سب سے زیادہ آلودہ 20 شہروں میں بھارتی شہر برنیہاٹ، دہلی، پنجاب کےمولان پور، فرید آباد، لونی، گروگرام، گنگانگر، گریٹرنوئیڈا، بھیواڑی، مظفر نگر، ہنومان گڑھ اور نوئیڈا شامل ہیں۔

بھارت میں آلودگی پہلےسےہی صحت کے لیے ایک بہت بڑا خطرہ ہے اور بھارت میں کرپٹ صحت کے نظام کے باعث بھارتی عوام کو شدید مشکلات کا سامنا ہے۔

گزشتہ سال شائع ہونے والی ایک رپورٹ کے مطابق 2009 سے 2019 تک ہر سال بھارت میں الودگی کے باعث1.5 ملین اموات ہوئیں۔

گزشتہ سال بھی آلودہ ترین شہروں میں دہلی کا ائیر کوالٹی انڈیکس 1267 ریکارڈ کیا گیا ، بھارت میں آلودگی کی بڑھتی شرح بیماریوں کاسبب بننے لگی، جس کے باعث صحت کا نظام درہم برہم ہو چکا ہے۔

بھارت کی جانب سے خطے میں برقرار الودگی پر اقوام متحدہ کو ٹھوس اقدامات اٹھانا ہوں گے۔

نئی دہلی: بھارتی دارالحکومت نئی دہلی میں شردھا قتل کیس کے ملزم آفتاب پونے والا نے عدالت میں جرم کا اعتراف کرلیا۔

بھارتی میڈیا رپورٹ کے مطابق شردھا قتل کیس کے ملزم کو ویڈیو کانفرنسنگ کے ذریعے عدالت میں پیش کیا گیا جس کے بعد اس کے ریمانڈ میں 4 روز کی توسیع کردی گئی۔

ملزم آفتاب نے عدالت کو بتایا کہ جو بھی الزام لگائے جارہے ہیں ان میں کوئی صداقت نہیں ہے، میں نے جو کچھ بھی کیا سب غصے میں کیا ہے۔

میڈیا رپورٹ کے مطابق ملزم آفتاب نے عدالت کو بتایا کہ میں تفتیش میں پولیس سے مکمل تعاون کر رہا ہوں، کافی دن گزر چکے ہیں اس لئے بہت سی چیزیں ٹھیک سے یاد نہیں کر پا رہا ہوں۔

یہ بھی پڑھیں: ذہنی صحت کے ماہر نے شردھا واکر کے قاتل کا نفسیاتی تجزیہ پیش کر دیا

بھارتی میڈیا کا کہنا ہے کہ پولیس تاحال واردات میں استعمال کیے گئے آلات برآمد نہیں کر سکی ہے جبکہ شردھا کے جسم کا کچھ حصہ بھی برآمد نہیں کیا جا سکا ہے۔

دہلی پولیس کا کہنا ہے کہ اس واقعے کے وقت استعمال کئے گئے کپڑے بھی برآمد نہیں ہوسکے ہیں جبکہ شردھا کے فون کی تلاش بھی جاری ہے۔

یہ بھی پڑھیں: شردھا واکر قتل کیس نے بھارت کو ہلا کر رکھ دیا، والد نے اہم بیان دے دیا

دہلی پولیس نے مزید بتایا کہ آفتاب پونا والا کا پیر کے روز نارکو ٹیسٹ ہونا تھا لیکن نہیں ہو سکا، نارکو ٹیسٹ سے قبل ملزم کا پولی گراف ٹیسٹ ہوگا۔

واضح رہے کہ ملزم نے شردھا واکر کو مئی میں قتل کر کے لاش کے 35 ٹکڑے کر کے فریج میں رکھ دیےتھے، ملزم نے شردھا کی لاش کے ٹکڑے 18 دن میں مختلف مقامات پر پھینکے۔