Tag: بھارتی رکن پارلیمنٹ

ممبئی: بھارت میں ایک رکن پارلیمنٹ کی پراسرار موت کا معاملہ سامنے آیا ہے، جس کی تحقیقات کی جا رہی ہے۔

بھارتی میڈیا کے مطابق آج صبح رکن پارلیمنٹ موہن ایس ڈیلکر کی ممبئی میں پراسرار موت واقع ہو گئی ہے، ان کی لاش ہوٹل کے کمرے میں لٹکی ہوئی ملی۔

پولیس نے ہوٹل کے کمرے سے ایک خود کشی نوٹ بھی برآمد کیا ہے، تاہم میڈیا کو اس کی تفصیلات سے آگاہ نہیں کیا گیا ہے۔

لوک سبھا کے رکن پارلیمنٹ موہن ایس ڈیلکر کا تعلق مرکزی حکومت کے ماتحت آنے والے دادرا اور نگر حویلی علاقے سے ہے، پولیس کا کہنا ہے کہ وہ پیر کی صبح ممبئی کے ایک ہوٹل کے کمرے میں مردہ پائے گئے۔

پولیس یہ جاننے کی کوشش کر رہی ہے کہ ڈیلکر کب اور کیوں ممبئی پہنچے تھے اور وہ شہر میں کن افراد سے رابطے میں تھے۔

58 سالہ ڈیلکر ہندوستانی نوشکتی پارٹی سے تعلق رکھتے تھے اور کسان تھے، ابتدائی رپورٹ میں شبہ ظاہر کیا جا رہا ہے کہ ڈیلکر نے خود کشی کی ہے۔

بھارت: اسپتال کی لفٹ اچانک گر گئی، سابق وزیر اعلیٰ بھی اندر تھے

میڈیا رپورٹس کے مطابق موہن ایس ڈیلکر ممبئی کی تفریح گاہ مرین ڈرائیو پر واقع سی گرین ہوٹل میں مقیم تھے۔

پولیس کا کہنا ہے کہ رکن پارلیمنٹ کی اچانک موت کے معاملے کی تفتیش کی جا رہی ہے، لاش کو مزید معلومات کے حصول کے لیے پوسٹ مارٹم کے لیے بھیج دیا گیا ہے۔