Tag: بھارتی ریاست کرناٹک

بھارتی ریاست کرناٹک کے چتردرگا ضلع میں دل دہلا دینے والا واقعہ پیش آیا جہاں بہن اور بہنوئی نے مل کر ایمبولنس میں بیمار بھائی کو مار ڈالا۔

متوفی نوجوان کی شناخت ملیکارجن کے طور پر کی گئی ہے، بہن اور اس کے شوہر نے اپنے ہی بھائی کو بے دردی سے گلا دبا کر قتل کیا، متوفی نوجوان ایک سنگین بیماری میں مبتلا تھا، ملزم کے رشتہ داروں کو خدشہ تھا کہ اس سے گاؤں میں ان کی بدنامی ہوگی اس لیے اسے قتل کردیا۔

ملیکارجن بنگلورو میں ایک پرائیویٹ کمپنی میں ملازم تھا اور 23 جولائی کی رات اپنے دوستوں کے ساتھ گھر واپس آ رہا تھا کہ راستے میں ایک تیز رفتار ٹرک نے اسے ٹکر ماری۔

داونگیرے کے ایک پرائیویٹ اسپتال میں اسے داخل کرایا گیا جہاں علاج کے دوران ڈاکٹروں نے خون کے ٹیسٹ کے بعد بتایا کہ وہ ایک مہلک بیماری میں مبتلا ہے۔

ملیکارجن کی حالت تشویشناک ہوگئی تو انھیں 25 جولائی کو کار میں منی پال اسپتال بھیج دیا گیا، گاڑی میں ان کی بہن نشا اور بہنوئی منجوناتھ نوجوان کے ساتھ تھے لیکن راستے میں دونوں نے پہلے سے سوچی سمجھی سازش کے تحت اسے گلا دبا کر قتل کر دیا۔

بہن بہنوئی کا خیال تھا کہ اگر ملیکارجن کی بیماری کی خبر گاؤں میں پھیل گئی تو پورے خاندان کی ساکھ خراب ہو جائے گی اس لیے یہ اقدام کیا۔

نوجوان کے والد ناگراج کو بیٹے کو شک ہوا تو انھوں نے نشا اور منجوناتھ سے پوچھا، دونوں نے مبہم جوابات دیے لیکن بعد میں سخت پوچھ گچھ کے دوران قتل کا اعتراف کر لیا۔

پولیس اسٹیشن میں لڑکے کے باپ نے شکایت درج کرواتے ہوئے بیٹی اور داماد پر قتل کا الزام لگایا، ہول کیرے پولیس اسٹیشن کے انچارج انسپکٹر چکنور کے مطابق ملزم بہن نشا کو گرفتار کر لیا گیا ہے، ملزم بہنوئی منجوناتھ فی الحال فرار ہے۔

ملزم کی تلاش کے لیے ایک خصوصی ٹیم تشکیل دی گئی ہے، پولیس نے قتل کا مقدمہ درج کرکے آئی پی سی کی دفعہ 302 کے تحت کارروائی کا آغاز کیا ہے۔

بیکری میں اچانک 7 لوگوں نے تلوار لے کرد دھاوا بول دیا، پرتشدد واقعے میں بیکر مین موجود شخص کو قتل کردیا گیا جس کی ویڈیو وائرل ہوگئی۔

بھارتی ریاست کرناٹک کے ضلع کوپل میں مبینہ جائیداد کے تنازع پر بیکری میں افراد تفری مچ گئی، 7 لوگوں نے بیکری میں گھس کر ایک شخص پر تلوار سے حملہ کیا اور اسے موت کے گھاٹ اتار دیا، افسوسناک واقعے کی ویڈیو سوشل میڈیا پر تیزی سے ہورہی ہے۔

یہ افسوسناک واقعہ واقعہ 31 مئی کو پیش آیا تھا جو سی سی ٹی وی کیمرے میں قید ہوگیا، جاں بحق ہونے والے شخص کی شناخت چینپّا نرینال کے نام سے ہوئی ہے، حملے کے وقت وہ شخص خود کو بچانے کے لیے بیکری میں گھسا تھا۔

ویڈیو میں دیکھا جاسکتا ہے کہ 2 لوگ اس پر تلوار سے حملہ کر رہے ہیں جبکہ ایک شخص نے مقتول کے سر پر لکڑی کے لٹھ سے حملہ کیا۔

Law and order of Congress ruled Karnataka is as weak as the internal stability of Congress.

An individual named Chenappa Narinal was chased and brutally attacked inside a bakery.

CCTV shows him running in circles trying to escape, but was eventually stabbed to death outside the… pic.twitter.com/YIZKItvfhZ

— Cons of Congress (@ConsOfCongress) June 2, 2025

ویڈیو میں دیکھا جا سکتا ہے کہ متاثرہ شخص بچنے کے لیے بیکری کے اندر بھاگا اور ملزمان بھی اس کے پیچھے دوڑتے ہوئے بیکری میں گھس گئے اور اس پر وار کرنے لگے۔

کچھ سیکنڈ بعد ہی نرینال بیکری سے باہر کی طرف بھاگتا ہوا نظر آتا ہے، جہاں 3-2 لوگوں نے اس پر کئی بار تلوار سے حملہ کیا، اس کے بعد ملزمان موقع سے فوراً فرار ہو گئے۔

پولیس نے واقعے میں ملوث ہونے پر 7 لوگوں کو گرفتار کرلیا ہے، ملزمان کی شناخت روی، پردیپ، منجوناتھ، ناگراج، منجوناتھ، گوتم اور پرمود کے نام سے ہوئی ہے، پولیس کے مطابق پرانی دشمنی اور جائیداد تنازعہ کے سبب نرینال کا قتل کیا گیا۔