Tag: بھارتی سنیما

نئی دہلی: ساؤتھ انڈین فلم کے اداکار اللو ارجن نے بالی وڈ کے معروف اداکار رنبیر کپور کی فلم اینیمل کی تعریفوں کے پل باندھ دیے۔

ساؤتھ انڈین فلم کے اداکار اللو ارجن نے ٹوئٹر پر اینیمل فلم کی پوری ٹیم کو شاندار کارکردگی پر مبارکباد پیش کیا ہے، انہوں نے لکھا کہ اینیمل ایک شاندار فلم ہے، اس فلم نے سینیما کی خوبصورتی کو بڑھا دیا ہے۔

ساؤتھ انڈین کے اداکار اللو ارجن نے رنبیر کپور کو مبارکباد دیتے ہوئے کہا کہ’ فلم میں رنبیر کی پرفارمنس ایک نئے درجے کی متاثر کن تھی جسے بیان کرنے کے لیے میرے پاس الفاظ نہیں ہے‘۔

#Animal . Just mind blowing. Blown away by the cinematic brilliance. Congratulations! #RanbirKapoor ji just took Indian cinema performances to a whole new level. Very Inspiring . I am truly in loss of words to explain the magic you’ve created . My deep Respects to the highest…

— Allu Arjun (@alluarjun) December 8, 2023

 پشپا کی ساتھی اداکارہ رشمیکا منڈنا کے لیے اللو ارجن نے لکھا بہت خوب اور پرکشش! یہ آپ کی اب تک کی بہترین اداکاری ہے، ابھی آپ نے بہت آگے جانا ہے۔

اللو ارجن نے بوبی دیول کے لیے لکھا کہ ’ بوبی دیول کی متاثرہ کن پرفارمنس نے ہم سب کو خاموش کر دیا، آپ کی موجودگی کا احترام کرتا ہوں، نوجوان اداکارہ ترپتی ڈمری نے اپنی پرفارمنس سے بہت سے لوگوں کا دل توڑ دیاباقی تمام فنکاروں اور تکنیکی ماہرین نے اپنی بہترین کارکردگی کا مظاہرہ کیا‘۔

اللو ارجن نے ہدایت کار، سندیپ ریڈی وانگا گارو کو کہا کہ مائنڈ بلونگ، آپ کی ہدایتکاری نے سنیما کی تمام حدوں کو پار کر دیا ہے، آپ نے ایک بار پھر ہم سب کا سر فخر سے بلند کردیا ہے، آپ کی فلمیں اب مستقبل میں بھارتی سنیما کا چہرہ بدل دیں گی ہیں! اینیمل بھارتی سنیما کی کلاسک فہرست میں شامل ہو گیا ہے۔

بھارت کے بڑے سپراسٹارز میں سے ایک بربھاس ناپسندیدہ ریکارڈ کے مالک بن گئے، ان کی فلم ’آدی پروش‘ بھارتی سنیما کی تاریخ کی اب تک کی فلاپ ترین فلم قرار پائی ہے۔

بھارت میں ایک نہیں کئی فلمی صنعت موجود ہیں جس میں بالی وڈ کے ساتھ ساتھ تامل، تیلگو، ملیالم اور کناڈا انڈسٹری سال بھر میں سیکڑوں فلمیں بناتی ہیں، جس میں سے کچھ سپر ہٹ تو کچھ سپر فلاپ ثابت ہوتی ہیں، تاہم بھارتی فلم ’آدی پروش‘ نے پروڈیوسرز کو 225 کروڑ کا ٹیکہ لگایا۔

ہندوستانی سنیما کی فلاپ ترین فلم کا اعزاز معروف اداکار پربھاس کی چند ماہ پہلے ریلیز ہونے والے کے حصے میں آگیا ہے جس میں ڈائریکٹر اور پروڈیوسر نے حقیقتاً پانی کی طرح پیسہ بہاتے ہوئے 550 سے 600 کروڑ روپے تک لگا دیے۔

بھارتی سنیما کی اس سب سے بڑی فلاپ فلم کی وجہ سے فلم میکرز کو 225 کروڑ روپے کا بھاری نقصان برداشت کرنا پڑا۔

’آدی پروش‘ نامی دیومالائی فلم نے بھارت میں 288 کروڑ روپے تو کما لیے مگر بیرون ملک اس کی کارکردگی ٹھپ رہی او فلم صرف35 سے 38 کروڑ روپے ہی کما پائی، مجموعی طور پر دنیا بھر سے تقریباً 325 کروڑ روپے کما کر بھی فلم کے پروڈیوسرز کو سوا دو سو کروڑ روپے کی بڑے نقصان کا سامنا کرنا پڑا۔

فلم انڈسٹری میں اکثر مہنگی فلمیں بنانا ایک خطرناک سودا ہوتا ہے کیوں کہ اس کی لاگت کی وصولی کافی مشکل ہوتی ہے، کئی مہنگی ترین ہندوستانی فلمیں باکس آفس پر ناکامی کا شکار ہوئی ہیں۔

واضح رہے کہ اسی سال بڑے پردے کی زینت بننے والی برہمسترا نے دنیا بھر سے 400 کروڑ روپے کمائے لیکن فلم کا بجٹ بھی اسی رقم کے آس پاس تھا۔