Tag: بھارتی سپریم کورٹ

بھارتی فوج کی کرنل صوفیہ کے خلاف توہنین آمیز تبصرہ کرنے والے بی جے پی وزیر وجے شاہ کی معافی سپریم کورٹ میں نامنظور ہوگئی۔

میڈیا رپورٹس کے مطابق مدھیہ پردیش کابینہ کے وزیر وجے شاہ کرنل صوفیہ قریشی کےخلاف متنازعہ زبان استعمال کرکے مشکل میں آگئے، انھیں سپریم کورٹ نے ایک بار پھر جھاڑ پلائی ہے، عدالت نے اس معاملے میں ایس آئی ٹی تشکیل دینے کی بھی منظوری دی ہے۔

بھارتی سپریم کورٹ نے وجے شاہ کا معافی نامہ نامنظور کردیا ہے جبکہ معاملے کی جانچ کے لیے ایس آئی ٹی کی تشکیل کا حکم دیا ہے۔

کرنل صوفیہ قریشی کے معاملے کو دیکھنے کےلیے ایس آئی ٹی میں 3 آئی پی ایس افسر ہوں گے جس میں ایک خاتون افسر بھی شامل ہوں گی، عدالت نے مدھیہ پردیش کے باہر سے تین سینئر آئی پی ایس افسروں کی خصوصی کمیٹی (ایس آئی ٹی) بنانے کا حکم دیا ہے جو تحقیقات کریںگے۔

عداتل نے مدھیہ پردیش حکومت کو نوٹس جاری کرتے ہوئے کہا کہ ہم ایس آئی ٹی کو ہدایت دیتے ہیں کہ وہ اس جانچ کی اسٹیٹس رپورٹ پیش کرے، ایس آئی ٹی پہلی رپورٹ 28 مئی کو پیش کرے۔

جسٹس سوریہ کانت اور جسٹس این کوٹیشور سنگھ پر مشتمل بینچ نے وجے شاہ سے پوچھا کہ آپ نے کس طرح معافی مانگی ہے؟

عدالت نے وجے شاہ کے وکیل منندر سنگھ سے کہا کہ ہمیں آپ کی ایسی معافی نہیں چاہیے، آپ پہلے غلطی کرتے ہیں پھر عدالت چلے آتے ہیں۔ آپ ذمہ دار رہنما ہیں۔ آپ کو سوچ سمجھ کر بولنا چاہیے لیکن آپ نے بہت ہی گندی زبان کا استعمال کیا ہے۔

بھارتی وزیر کے وکیل نے کہا کہ وہ معافی مانگ چکے ہیں اور اس معافی کی ویڈیو بھی جاری کر چکے ہیں۔ اس پر عدالت نے کہا کہ معافی کس طرح سے مانگی گئی ہے، آپ کی زبان اور انداز سے نہیں لگ رہا ہے کہ آپ شرمندہ ہیں۔

آپ کہہ رہے ہیں کہ کسی کو ٹھیس پہنچی ہو تو آپ معافی چاہتے ہیں، ہم آپ کی معافی کی اپیل خارج کرتے ہیں۔ آپ نے صرف اس لیے معافی مانگی ہے کیونکہ عدالت نے کہا۔

https://urdu.arynews.tv/bjp-minister-what-kind-of-speech-you-make-colonel-sofia-chief-justice/

نئی دہلی : بھارتی سپریم کورٹ نے پہلگام واقعےکی عدالتی تحقیقات سے انکار کردیا اور کہا ایسے حساس موقع پر اس طرح کی درخواست سے ہماری فوج کا حوصلہ پست ہوسکتا ہے۔

تفصیلات کے مطابق بھارتی سپریم کورٹ نے پہلگام واقعے کی عدالتی تحقیقات کی درخواست مسترد کردی، دو رکنی بینچ نے درخواست مسترد کرنےکیلئے کوئی آئینی دلیل نہیں دی۔

ججوں نے کہا کچھ توہےجس کی پردہ داری ہے ، ایسے حساس موقع پر اس طرح کی درخواست سے ہماری فوج کا حوصلہ پست ہوسکتا ہے۔

جسٹس سوریہ کانت اور این کوتیسوار سنگھ کی بنچ نے کہا، "کیا اس طرح سے اپیل دائر کی جاتی ہیں؟ سپریم کورٹ اور ہائی کورٹ کے ریٹائرڈ جج کب سے تحقیقات کے ماہر بن گئے ہیں؟ جج صرف مقدمات کا فیصلہ کرنا جانتے ہیں۔ آپ ریٹائرڈ جج کی سربراہی میں تحقیقات چاہتے ہیں۔ فورسز کا حوصلہ پست نہ کریں”۔

جسٹس کانت نے کہا، "یہ اس قسم کی درخواست دائر کرنے کا وقت نہیں ہے، اس اہم موڑ پر، تمام شہریوں کو دہشت گردی سے لڑنے کے لیے ہاتھ ملانا چاہیے، ایسی درخواستیں فورسز کو بددل کرتی ہیں۔‘

سپریم کورٹ نے نہ صرف عدالتی کمیشن کی تجویز رد کی بلکہ سابق جج سے تحقیقات کی درخواست پر بھی سخت رویہ اپنایا اور کہا کہ ’جج صرف فیصلے سناتے ہیں، تحقیقات نہیں کرتے‘۔ یہ مؤقف اس بات کی علامت ہے کہ بھارت اپنے شہریوں سے سچ چھپانا چاہتا ہے۔

عدالت نے عوام سے مزید درخواستیں نہ دینے کی بھی اپیل کی ، درخواست گزار نے ریٹائرڈ جج کی سربراہی میں پہلگام واقعہ کی جوڈیشل انکوائری کرانے کی استدعا کی تھی۔

بھارت کی سپریم کورٹ نے اردو زبان کے حق میں بڑا فیصلہ دے کر ہندو انتہا پسندوں کی اردو دشمنی کو خاک میں ملا دیا ہے۔

بھارتی میڈیا کے مطابق سپریم کورٹ نے ریاست مہاراشٹرا میں میونسل کونسل کے سائن بورڈز پر اردو زبان کے استعمال کے خلاف دائر درخواست کو مسترد کرتے ہوئے ریمارکس دیے ہیں کہ اردو سے دوستی کریں، یہ بھارت کی زبان ہے۔

رپورٹ کے مطابق سپریم کورٹ نے ممبئی ہائیکورٹ کے فیصلے کو برقرار رکھتے ہوئے ریاست مہاراشٹر میں میونسپل کونسل کے سائن بورڈ پر اردو زبان کے استعمال کو قانونی اور درست قرار دیا ہے۔

سپریم کورٹ کے دو رکنی بینچ نے دوران سماعت کہا کہ اردو ایک موثر رابطے اور بھارت کی اپنی زبان ہے۔ اس کو صرف مسلمانوں کی زبان ماننا افسوسناک ہے۔ زبان کا تعلق کسی مذہب سے نہیں ہوتا بلکہ یہ ایک برادری، علاقے اور لوگوں کی پہچان کا ذریعہ ہے۔

عدالت نے درخواست گزار کی درخواست مسترد کرنے کے ساتھ ریمارکس دیے کہ "اردو سے دوستی کریں، کیونکہ یہ نئی زبان نہیں، یہیں پیدا ہوئی، پلی بڑھی اور پروان چڑھی ہے۔”

واضح رہے کہ مہاراشٹر کی ایک سابق مقامی خاتون کونسلر نے میونسل کونسل کے بورڈ پر مراٹھی کے ساتھ اردو زبان لکھنے کو چیلنج کرتے ہوئے موقف اختیار کیا تھا کہ سرکاری بورڈز پر صرف مراٹھی زبان لکھی جانی چاہیے۔

تاہم عدالت نے ریمارکس دیتے ہوئے کہا کہ اگر علاقے میں اردو بولنے والے شہری موجود ہیں، تو مراٹھی کے ساتھ اردو کا استعمال کوئی مسئلہ نہیں۔

نئی دہلی: بھارتی سپریم کورٹ نے وقف بورڈ میں نئی تقرریوں کیخلاف حکم امتناع جاری کردیا، آئندہ سماعت تک تقرری نہ کرنے کا حکم دیدیا۔

میڈیا رپورٹس کے مطابق بھارتی سپریم کورٹ نے اپنے فیصلے میں کہا کہ آئندہ سماعت تک وقف بورڈ میں تقرری نہ کی جائے، عدالت میں آئندہ سماعت ہونے تک وقف زمینوں کی حیثیت کو نہ بدلا جائے، بھارتی حکومت نے وقف بورڈ میں نئی تقرریاں نہ کرنے کی یقین دہانی کرائی ہے۔

وقف بل کے باعث بھارت ہنگاموں کی لپیٹ میں آ گیا، پورا بھارت بند کرنے کی دھمکی

بھارتی سپریم کورٹ نے کہا کہ مرکزی حکومت کو ایک ہفتے میں تفصیلی جواب جمع کرانا ہوگا، سپریم کورٹ میں کیس کی آئندہ سماعت 5مئی کو ہوگی۔

اداکار وجے نے بھی ’وقف بل‘ کو سپریم کورٹ میں چیلنج کردیا

مسلمانوں اور اپوزیشن جماعتوں نے متنازع بل کو سپریم کورٹ میں چیلنج کیا تھا، غیرمسلم اراکین کو وقف کونسل اور وقف بورڈ میں شامل کرنے کی منظوری دی گئی ہے۔

https://urdu.arynews.tv/controversial-waqf-bill-riots-break-out-in-west-bengal/

سکھوں کی تضحیک پر مبنی لطائف بنانے کے خلاف دائر درخواست کی بھارتی سپریم کورٹ نے سماعت کرتے ہوئے اس حوالے سے بڑا فیصلہ دیا ہے۔

بھارتی میڈیا کے مطابق سپریم کورٹ میں سکھوں کا مذاق اڑانے والے لطیفوں سے متعلق زیر التوا درخواست کی سماعت کرتے ہوئے عدالت عظمیٰ نے سکھوں پر تضحیک آمیز مزاحیہ لطیفوں پر کنٹرول کرنے کو اہم مسئلہ قرار دیتے ہوئے درخواست گزار کو اس حوالے سے سکھ تنظیموں کی جانب سے دی گئی تجاویز مرتب کرنے کا حکم دیا ہے۔

گزشتہ روز سپریم کورٹ کے جج جسٹس بی آر گوئی اور کے وی وشواناتھن پر مشتمل دو رکنی بینچ نے کئی سالوں سے زیر التوا اس درخواست کی سماعت کی اور یہ بات تسلیم کی کہ یہ ایک اہم مسئلہ ہے۔

عدالت نے درخواست گزار نے اپنا موقف پیش کرتے ہوئے کہا کہ سکھ مرد وخواتین کو ان کے لباس کی وجہ سے تضحیک کا سامنا کرنا پڑتا ہے جب کہ ایک سکھ نوجوان تو مذاق سے دلبرداشتہ ہوکر خودکشی بھی کر چکا ہے۔

سپریم کورٹ نے درخواست گزار کو مذکورہ معاملے پر سکھ تنظیموں کی جانب سے تجاویز مرتب کرنے کی ہدایت کرتے ہوئے سماعت 8 ہفتوں تک کے لیے ملتوی کر دی۔

واضح رہے کہ 2015 میں دہلی کے وکیل ہرویندر چوہدری نے سپریم کورٹ میں اس حوالے سے درخواست دائر کی تھی اور جن ویب سائٹس پر سکھوں کے تضحیک آمیز لطیفے شائع ہوتے ہیں، ان پر پابندی لگانے کا مطالبہ کیا تھا۔

بعد ازاں شرومنی گوردوارہ مینجمنٹ کمیٹی، دہلی سکھ گوردوارہ مینجمنٹ کمیٹی، منجیت سنگھ جی کے اور منجندر سنگھ سرسا نے بھی درخواستیں دائر کی تھیں۔

سپریم کورٹ نے2016 میں کیس کی سماعت کرتے ہوئے واضح کیا تھا کہ وہ اس طرح کے لطیفوں کے خلاف رہنما اصول نہیں بنا سکتی، لیکن انٹرنیٹ پر ناپسندیدہ مواد کی موجودگی کو روکنے کے لیے ہدایات دے سکتی ہے اور اس کے لیے عدالت نے تمام فریقین سے مشورہ طلب کیا تھا۔