Tag: بھارتی شہری

ماسکو: بھارتی وزیر خارجہ نے انکشاف کیا ہے کہ انکے درجنوں شہری روسی فوج سے رہائی کے منتظر ہیں جو یوکرین کی جنگ میں حصہ لینے روس گئے تھے۔

بھارتی وزیر خارجہ سبرامنیم جے شنکر نے اپنی پارلیمنٹ کو بتایا ہے کہ لالچ میں آکر یوکرین تنازع میں حصہ لینے کے لیے روس جانے والے تقریباً 70 بھارتی شہری اس وقت روسی فوج سے چھٹی کے منتظر ہیں۔

رپورٹس میں بتایا گیا ہے کہ ان بھارتیوں کو انسانی اسمگلر روس اور یوکرین کے درمیان ہونے والی جنگ میں منافع بخش نوکریوں کا لالچ دے کر لے گئے تھے۔

جے شنکر نے بتایا کہ ماسکو ان بھارتیوں کی وطن واپسی میں نئی دہلی کی مدد کر رہا ہے جبکہ 14 بھارتی شہری پہلے ہی گھر واپس جا چکے ہیں اور 8 لڑائی میں مارے گئے ہیں۔

انھوں نے کہا کہ گزشتہ نو مہینوں کے دوران کل 91 بھارتی شہریوں کو روسی فوج میں بھرتی کیا گیا ہے، ان میں سے 69 کو اب بھی ڈیوٹی سے فارغ نہیں کیا گیا۔

انسانی سمگلروں کے خلاف قانونی کاروائی کرنے کے حوالے سے بات کرتے ہوئے بھارتی وزیر خارجہ نے کہا کہ دس انسانی سمگلروں کے خلاف کافی شواہد سامنے آئے ہیں، ان ملزمان میں سے 4 کو گرفتار کیا گیا اور چاروں ملزمان عدالتی تحویل میں ہیں۔

رکن پارلیمنٹ نے جے شنکر سے سوال کیا کہ اگر ماسکو بھارتی شہریوں کو بھیجنے میں ناکام رہتا ہے تو کیا بھارت روسی تیل خریدنا بند کردے گا، ان کا کہنا تھا کہ دونوں ممالک کے درمیان تعلقات میں اس سے کوئی فرق نہیں پڑے گا۔

امریکا میں دو بھارتی شہری کو کرپشن کے جرم میں گرفتار کر لیا گیا جبکہ ایک اوربھارتی شہری بھوشن اتھلے کو سکھوں کو ہراساں کرنے پر قید کی سزا سنائی گئی۔

تفصیلات کے مطابق عالمی سطح پر بے شماربھارتی شہریوں کی مجرمانہ کارروائیوں کا سلسلہ جاری ہے، حال ہی میں امریکا میں 2 بھارتی شہری کرپشن کے جرم میں گرفتار ہوئے تھے۔

رپورٹ کے مطابق امریکا میں ہی بھارتی شہری بھوشن اتھکے کو سکھوں کو ہراساں کرنے پر قید کی سزا سنائی گئی، 8 جولائی 2024 کو سنگاپور میں مقیم بھارتی شہری راج کمار بالا کو 17 سالہ لڑکی کیساتھ زیادتی کرنے پر 13 سال قید کی سزا سنائی گئی۔

راج کمار بالا کو 9 کوڑے مارے جانے کی بھی سزا سنائی گئی ہے، راج کماربالا سنگاپور میں بار کا مالک تھا جہاں 17 سالہ لڑکی نوکری کی تلاش میں آئی تھی، اس نے لڑکی کی مجبوری کا فائدہ اٹھاتے ہوئے اسے جسمانی تشدداور زیادتی کا نشانہ بنایا۔

راج کمار بالا پر مزید 22 مقدمات بھی زیر سماعت ہیں جو کہ 5 دیگر ملازمین کی جانب سے درج کروائے گئے، راج کمار پر 16 برس سے کم عمر لڑکی کے ساتھ زیادتی کا بھی مقدمہ زیر سماعت ہے۔

واشنگٹن : امریکا میں سکھ رہنما کے قتل کی سازش کرنیوالےبھارتی شہری پر فرد جرم عائد کردی گئی ، امریکی محکمہ انصاف کاکہنا ہے بھارتی سرکاری ملازم نکھل گپتا قاتلانہ سازش میں ملوث ہے۔

تفصیلات کے مطابق دہشت گردی میں ملوث بھارتی خفیہ ایجنسی را ایک مرتبہ پھر بے نقاب ہوگئی ، کینیڈا کے بعد امریکا میں بھی بھارتی را کے دہشت گردی کے منصوبے سے پردہ اٹھ گیا۔

امریکا میں سکھ رہنما کے قتل کی سازش کرنیوالےبھارتی شہری پرفردجرم عائد کردی گئی، امریکی محکمہ انصاف نے بتایا کہ بھارتی سرکاری ملازم نکھل گپتا قاتلانہ سازش میں ملوث ہے، نکھل گپتا اسلحے اور منشیات کی اسمگلنگ میں بھی ملوث رہا ہے۔

امریکی رپورٹ میں کہا ہے کہ نکھل گپتا کو امریکا کی درخواست پرچیک ریپبلک میں گرفتارکیاگیا، گرپتونت سنگھ کےقتل کےاحکامات بھارتی انٹیلی جنس اہلکارنےجاری کئے۔

امریکی رپورٹ کا کہنا تھا کہ نکھل گپتاکومئی میں گرپتونت سنگھ کےقتل کےمنصوبے کیلئے تیارکیاگیا، قتل کے بدلے میں نکھل گپتا کیخلاف بھارت میں مقدمات ختم کرنے کا وعدہ کیا گیا۔

رپورٹ میں کہنا تھا کہ نکھل گپتا نے بھارتی انٹیلی جنس اہلکارکیساتھ گرپتونت کےقتل کامعاہدہ کیا اور سکھ رہنماکےقتل کیلئےاجرتی قاتل سےرابطہ کرکے سکھ رہنما کے قتل کیلئے ایک لاکھ ڈالرزکامعاہدہ کیا۔

امریکی رپورٹ میں مزید بتایا گیا کہ نکھل گپتانےامریکامیں سکھ رہنماکےقتل کیلئے15ہزارڈالرزکی پیشگی رقم دی اور اجرتی قاتل کوگرپتونت سنگھ کوجلدقتل کرنےکوکہا۔

اجرتی قاتل امریکی انٹیلی جنس ایجنسی کا خفیہ اہلکارتھا، بھارتی انٹیلی جنس اہلکارنےگپتاکوگرپتونت کےگھرکاپتہ،فون نمبرزبھی دیئے اور ہردیپ سنگھ نجارکےقتل کی تصاویر بھی نکھل گپتا کو بھجوائی۔

امریکی اداروں نےکچھ عرصہ پہلےگرپتونت سنگھ کےقتل کی سازش ناکام بنادی تھی ، گرپتونت سنگھ امریکی اور کینیڈین شہریت رکھتے ہیں۔

امریکی حکام نے بھارتی شہری کے سکھ علیحدگی پسند رہنما کے قتل کی سازش میں ملوث ہونے کا بھانڈا پھوڑ دیا۔

بھارتی شہری نکھل گپتا پر امریکا نے الزام عائد کیا ہے کہ وہ امریکی شہری اور سکھوں کے لیے خودمختار ریاست کے حامی رہنما گرپتونت سنگھ پنوں کے قتل کی سازش میں ملوث ہے۔ مین ہٹن میں امریکی اٹارنی نے بدھ کو اس بات کی تصدیق کی۔

نکھل گپتا کو چیک حکام کی جانب سے جون میں گرفتار کیا گیا تھا جبکہ امریکی حکام ان کی حوالگی کے منتظر ہیں۔

مین ہٹن میں اعلیٰ وفاقی پراسیکیوٹر ڈیمیان ولیمز نے کہا کہ ملزم نے بھارت سے یہاں نیویارک شہر میں، ایک بھارتی نژاد امریکی شہری کو قتل کرنے کی سازش کی، جو عوامی طور پر سکھوں کے لیے ایک خودمختار ریاست کے قیام کی وکالت کرتے ہیں۔

یہ الزامات اس وقت سامنے آئے ہیں جب بائیڈن انتظامیہ کے ایک سینئر اہلکار نے گزشتہ ہفتے کہا تھا کہ امریکی حکام نے امریکہ میں ایک سکھ علیحدگی پسند کو قتل کرنے کی سازش کو ناکام بنا دیا ہے۔

بھارتی حکومت کے ملوث ہونے کے خدشات کے پیش نظر امریکا کی جانب سے انھیں وارننگ بھی جاری کی گئی تھی۔

امریکی اہلکار نے بتایا کہ گرپتونت سنگھ پنوں، جو کہ امریکا اور کینیڈا کی دوہری شہریت کے حامل ہیں، ان پر حملے کی سازش ناکام ہوگئی تھی۔

واضح رہے کہ دو ماہ قبل کینیڈا نے کہا تھا کہ وینکوور کے مضافاتی علاقے میں جون میں سکھ علیحدگی پسند رہنما، ہردیپ سنگھ نجار کے قتل میں بھارتی ایجنٹس ملوث تھے۔ حکام نے اس کے ٹھوس ثبوت بھی پیش کیے تھے۔