ARYNews.tv | Urdu – Har Lamha Bakhabar

Tag: بھارتی صحافی

  • امریکی محکمہ خارجہ کی پریس بریفنگ ، بھارتی صحافی پاکستان کیخلاف زہر اگلنے لگا

    امریکی محکمہ خارجہ کی پریس بریفنگ ، بھارتی صحافی پاکستان کیخلاف زہر اگلنے لگا

    واشنگٹن : ترجمان امریکی محکمہ خارجہ کی پریس بریفنگ کے دوران بھارتی صحافی پاکستان کیخلاف زہر اگلنے لگا، جس پر ترجمان نے بھارتی صحافی کو روک دیا۔

    تفصیلات کے مطابق ترجمان امریکی محکمہ خارجہ ٹیمی بروس کی پریس بریفنگ کے دوران بھارتی صحافی پاکستان کیخلاف زہراگلنے لگا۔

    بھارتی صحافی نے سوال کی بجائے پاکستان پرالزام لگانا شروع کردیے ، ٹیمی بروس نے بھارتی صحافی کو بیچ میں روک کر جواب دیا۔

    ترجمان امریکی محکمہ خارجہ نے کہا کہ پاکستان بھارت کے درمیان مسائل کی وجہ سے خطے میں دہشت گردی، تشدد رہا ہے۔

    ان کا کہنا تھا کہ پاکستان اوربھارت کے درمیان اب جنگ بندی ہے، جانتے ہیں پاکستان بھارت مکمل جنگ شروع کرنے کے بہت قریب تھے، امریکا کی مدد نے پاک بھارت جنگ کو روکنے میں کردار ادا کیا جو خوش آئند ہے۔

    مودی نے ایٹمی جنگ کا ٹریگر دہشت گردوں کے ہاتھ میں دے دیا ہے؟

    امریکی ترجمان نے کہا کہ دنیا نے دوبارہ محسوس کیا ہے کہ یہ مسئلہ حل نہیں ہواہے، جنگ بندی سے طویل مدتی مسائل کے حل ہونےکی صلاحیت واپس آگئی، اچھی خبریہ ہے دوسرے خطوں کے برعکس جنگ بندی کا عہد کیا گیا ہے۔

  • آئی ایم ایف ترجمان کے ہاتھوں بھارتی صحافی کو شرمندگی کا سامنا

    آئی ایم ایف ترجمان کے ہاتھوں بھارتی صحافی کو شرمندگی کا سامنا

    واشنگٹن : بھارتی صحافی کو عالمی مالیاتی فنڈ کی ڈائریکٹر کمیونیکیشن جیولی کوزیک کے ہاتھوں شرمندگی کا سامنا کرنا پڑا۔

    تفصیلات کے مطابق آئی ایم ایف کی ڈائریکٹر کمیونیکشن جولی کوزیک کی نیوزکانفرنس کے دوران بھارتی صحافی نے سوال کیا پاکستان آئی ایم ایف کا پیسہ سرحد پار دہشت گردی میں استعمال کرسکتا ہے؟

    جس پر ترجمان آئی ایم ایف کا کہنا تھا کہ قرض پروگرام پاکستان میں صرف زرمبادلہ کے ذخائر کے لیے ہے پاکستان میں بجٹ سپورٹ کیلئے نہیں ہے، قرض کی رقم صرف اسٹیٹ بینک آف پاکستان کے زرمبادلہ ذخائر کیلئے دی گئی ہے۔

    انھوں نے بتایا کہ یہ رقم بیلنس آف پے منٹ کیلئے ہے، حکومت پاکستان کے بجٹ کیلئے نہیں،آئی ایم ایف کے قرض کی رقم سے حکومت پاکستان کو فنڈنگ نہیں ہوسکتی، پروگرام کی شرط ہے حکومت پاکستان اسٹیٹ بینک سے قرض نہیں لے سکتی، حکومت پاکستان کی اسٹیٹ بینک سے بارؤنگ زیرو ہے۔

    پاکستان نے موجودہ قرض پروگرام کے لیے تمام شرائط پوری کیں، پاکستان کیلئے 9 مئی کو قرض کے قسط جاری کرنے کا فیصلہ میرٹ پر کیا گیا، پاکستان نے آئی ایم ایف کا موجودہ قرض پروگرام ستمبر 2024 میں لیا تھا۔

    مزید پڑھیں : آئی ایم ایف نے پاکستان کی بجٹ ترجیحات کو درست قرار دے دیا

    پاکستان نے آئی ایم ایف کے قرض پروگرام کے تمام معاشی اہداف اور معاشی اصلاحات کے تمام ٹارگٹس حاصل کئے ہیں،پاکستان کی معاشی کارکردگی ایسی تھی قسط جاری کرنے میں کوئی مشکل نہیں ہوئی، معاشی کارکردگی کی بنیاد پر پاکستان کے ساتھ اسٹاف لیول معاہدہ کیا گیا تھا۔

    پاکستان کیلئے 9 مئی کو قرض کی قسط جاری کرنے کا فیصلہ ایگزیکٹو بورڈ رضا مندی سے کیا، قرض کی قسط کے لیے ایگزیکٹو بورڈ کی ووٹنگ خفیہ رکھی جاتی ہے، ایگزیکٹو بورڈ کے ممبر کی تقرری اور استعفیٰ کسی بھی ملک کا اپنا اختیار ہے تاہم ایگزیکٹوبورڈ میں بھارتی ممبر کے استعفی سے ایگزیکٹو بورڈ کو کوئی فرق نہیں پڑتا۔

    پاکستان اور بھارت کی حالیہ جنگ میں انسانی جانوں کے ضیاع کا بڑا دکھ ہے، توقع ہے پاکستان اور بھارت حالیہ کشیدگی کا پر امن حل تلاش کرلیں گے۔

  • امریکی محکمہ خارجہ نے بھارتی صحافی کے پروپیگنڈے کو مسترد کردیا

    امریکی محکمہ خارجہ نے بھارتی صحافی کے پروپیگنڈے کو مسترد کردیا

    واشنگٹن : بھارت کو ایک بار پھر منہ کی کھانی پڑگئی، امریکی محکمہ خارجہ نے بھارتی صحافی کے پروپیگنڈے  کو مسترد کردیا۔

    اے آر وائی نیوز کی رپورٹ کے مطابق واشنگٹن میں پریس بریفنگ کے دوران امریکی محکمہ خارجہ نائب ترجمان ٹامی پگٹ نے بھارتی صحافی کو جواب دے کر خاموش کرا دیا۔

    اس موقع پر بھارتی صحافی کی جانب سے نائب ترجمان ٹامی پگٹ سے پاکستان مخالف جواب لینے کی کوشش کی گئی لیکن امریکی محکمہ خارجہ نے اس کے پروپیگنڈے کو مسترد کردیا۔

    صحافی نے سوال کیا کہ پاکستان میں جوہری مواد کی لیک کی رپورٹس ہیں، جس پر نائب ترجمان ٹامی پگٹ نے جواب دیا کہ ہم نے ایسی کوئی رپورٹس نہیں دیکھیں۔

    بھارتی صحافی نائب ترجمان ٹامی پگٹ کی پریس بریفنگ میں زہر اگلنے لگے، ان کا کہنا تھا کہ بھارت نے کشمیر کے مسئلے پر صدر ٹرمپ کی ثالثی کو مسترد کردیا ہے۔

    نائب ترجمان امریکی محکمہ خارجہ ٹامی پگٹ نے کہا کہ امریکی صدرڈونلڈ ٹرمپ دنیا میں امن قائم کرنا چاہتے ہیں۔

    امریکی محکمہ خارجہ کے نائب ترجمان ٹامی پگٹ کا پریس کانفرنس میں کہنا تھا کہ پاکستان اور بھارت کے درمیان سیز فائر کا خیرمقدم کرتے ہیں، اور اسے قائم رہتے دیکھنا چاہتے ہیں۔

    ٹامی بگٹ نے کہا کہ امن کاراستہ منتخب کرنے پر وزیراعظم شہباز شریف اور نریندرمودی کے فیصلے کو سراہتے ہیں، صدر ٹرمپ کہہ چکے ہیں کہ سیزفائر کا فیصلہ طاقت، دانشمندی اور استقامت کی عکاسی کرتا ہے۔

    ان کا کہنا تھا کہ ہم دونوں فریقین پر زور دیتے ہیں کہ پاکستان اور بھارت علاقائی استحکام کو برقرار رکھنے کے لیے براہ راست رابطہ رکھیں، ہماری توجہ جنگ بندی پر ہے،ٹرمپ امن قائم کرنے والے شخص ہیں۔

    نائب ترجمان امریکی محکمہ خارجہ کا مزید کہنا تھاکہ امریکا امن کی پیروی کرتے ہوئے تنازعات کا خاتمہ چاہتا ہے، صدر ٹرمپ دنیا بھر کےتنازعات کو ختم کرنا چاہتے ہیں اور امن کیلئے سب کی مدد کو تیار ہیں۔

    مزید پڑھیں : صدر ٹرمپ کی پاکستان اور بھارت کو ساتھ ڈنر کرانے کی خواہش کا اظہار

    واضح رہے کہ امریکی صدر ڈونلڈ ٹرمپ نے سخت کشیدہ حالات کے دوران حریف ممالک پاکستان اور بھارت کو ساتھ ڈنر کرانے کی خواہش کا اظہار کیا ہے۔

    پاک بھارت کشیدگی سے متعلق تمام خبریں

    صدر ٹرمپ جو ان دنوں سعودی عرب کے دورے پر ہیں نے ریاض میں ایک تقریب سے خطاب کے دوران پاکستان اور بھارت کو ساتھ ڈنر کرانے کی خواہش ظاہر کرتے ہوئے وزیر خارجہ مارکو روبیو کو مخاطب کیا اور کہا کہ مارکو یہ کتنا اچھا ہوگا کہ دونوں (پاکستان اور بھارت) کو باہر ڈنر پر لے جائیں۔ جس کے جواب میں مارکو روبیو مسکرا دیے۔

  • بھارتی صحافی وکرانت گپتا بھی پاکستان کرکٹ کیخلاف زہر اگلنے لگے

    بھارتی صحافی وکرانت گپتا بھی پاکستان کرکٹ کیخلاف زہر اگلنے لگے

    بھارت کی جانب سے جنگی جارحیت کے بعد چند ماہ قبل پاکستان کی تعریفوں کے پل باندھنے والے وکرانت گپتا اب پاکستان کرکٹ کیخلاف زہر اگلنے لگے۔

    بھارت کی مودی سرکار پر جنگی جنون سوار ہے۔ پہلے اس نے رات کی تاریکی میں پاکستان کے شہروں پر حملہ کر کے معصوم شہریوں کو شہید کیا۔ پاک فوج کے بھرپور جواب کے بعد بھی وہ جنگی جارحیت سے باز نہ آئی اور ڈرون حملے کر پاکستان میں دراندازی کی کوشش کی لیکن پاکستان کی سیکیورٹی فورسز نے 25 سے زائد اسرائیلی ساختہ ڈرونز مار گرا کر اس کا یہ منصوبہ بھی ناکام بنا دیا۔

    اس وقت جب دنیا جدید رافیل طیاروں سمیت بھارت کے پانچ جنگی طیاروں اور بھارتی چیک پوسٹوں کی تباہی کی داستان بیان کر رہی ہے۔ ایسے میں بھارتی شو بز اسٹارز کے ساتھ کرکٹرز اور صحافی اس کو اپنی جیت قرار دے کر اپنے ذہنی دیوالیہ پن کا ثبوت دے رہے اور مودی کا جنون مزید بڑھا رہے ہیں۔

    بھارت کے اسپورٹس صحافی وکرانت گپتا جو حال ہی میں چیمپئنز ٹرافی کی کوریج کے لیے پاکستان آئے تھے اور پاکستانیوں کی میزبانی سے اتنا متاثر ہوئے تھے کہ اپنے ملک جا کر تعریفوں کے پل باندھے تھے۔

    تاہم اب انہوں نے بھی ہوا کا رخ بدلتے دیکھ کر پاکستان کرکٹ کے خلاف زہر اگلنا شروع کر دیا ہے اور بھاری کرکٹ بورڈ کو ایشیا کپ سمیت آئی سی سی ایونٹس میں پاکستان کے میچز کے مکمل بائیکاٹ کا تباہ کن مشورہ دے رہے ہیں۔

    اس سے قبل سنیل گواسکر نے بھی پہلگام فالس فلیگ آپریشن کے بعد شرمناک بیان دیتے ہوئے کہا تھا کہ وہ ایشیا کپ 2025 میں پاکستان کو کھیلتے ہوئے دیکھنا نہیں چاہتے۔

    واضح رہے کہ پاکستان اور بھارت میں سیاسی کشیدگی کے باعث 13 سال سے کوئی دو طرفہ سیریز نہیں ہوئی ہے اور بھارت صرف آئی سی سی ایونٹس اور ایشیا کپ میں ہی پاکستان کے ساتھ کھیلتا ہے۔

    قابل ذکر یہ ہے کہ اے سی سی کا ایونٹ ایشیا کپ رواں برس بھارت کی میزبانی میں ہوگا جبکہ ایشین کرکٹ کونسل (اے سی سی) کی سربراہی پاکستان کے پاس ہے اور چیئرمین محسن نقوی ہیں۔

    https://urdu.arynews.tv/sunil-gavaskar-asia-cup-2025-pakistan/

  • بھارتی صحافی وکرانت گپتا بابراعظم پر ہونے والی تنقید پر بول پڑے

    بھارتی صحافی وکرانت گپتا بابراعظم پر ہونے والی تنقید پر بول پڑے

    بھارتی اسپورٹس جرنلسٹ وکرانت گپتا پاکستان کرکٹ ٹیم کے سابق کپتان بابر اعظم پر ہونے والی تنقید پر بول پڑے۔

    بھارت کے اسپورٹس جرنلسٹ وکرانت گپتا نے حال ہی پاکستان کے نجی ٹی وی چینل کے اسپورٹس شو میں بطور مہمان شرکت کی جہاں انہوں نے بابر اعظم کی حمایت کی۔

    شو میں صحافی سے یہ سوال پوچھا گیا کہ اگر بابر اعظم کا تعلق بھارت سے ہوتا تو کیا ان پر وہاں بھی اسی طرح تنقید کی جاتی جیسے پاکستان میں ہو رہی ہے؟

    وکرانت نے سوال کے جواب میں کہا کہ بھارتی کھلاڑی ویرات کوہلی، روہت شرما اور دھونی سب پر ایسا وقت آیا جب ان کی پرفارمنس خراب ہوئی اور انہوں نے بھی رنز نہیں بنائے تھے۔

    بھارتی صحافی نے کہا کہ لیکن اُنہیں لوگوں نے ماں بہن کی گالیاں نہیں دیں بلکہ صرف ان کی خراب پرفارمنس پر تنقید کی گئی کہ بھی اس میچ میں رنز نہیں بنائے۔

    ’سرفراز احمد کا صفایا کرکے بابر اعظم کو کپتان بنا کر تھوپا گیا‘

    بھارتی صحافی نے کہا کہ میں پاکستانی میڈیا کی بات نہیں کروں گا کیونکہ یہاں بہت اچھی گفتگو چل رہی ہوتی ہے لیکن ڈیجیٹل میڈیا پر ناجائز تنقید کی جاتی ہے، ایسا لگتا ہے کہ بابر اعظم کوئی چور یا ڈاکو ہے کیا جو لوگ اُنہیں اس طرح گالیاں دے رہے ہیں۔

    وکرانت گپتا نے کہا کہ بابر اعظم کی غلطی یہ ہے کہ اُنہوں نے کپتانی کا لالچ کیا، جب ایک بار ٹیم کی کپتانی ان کے ہاتھ سے گئی تو اُنہیں 4 مہنے کے بعد کپتانی واپس نہیں لینی چاہیے تھی۔

    اُنہوں نے کہا کہ مجھے لگتا ہے کہ بابر اعظم تنقید کو برداشت نہیں کر پا رہے اور ذہنی دباؤ میں ہیں، ویرات کوہلی پر بھی برا وقت آیا لیکن وہ اس وقت سے جلدی باہر نکل گئے۔

  • کرکٹ کسی ایک کے دم پر نہیں چلنا چاہیے، بھارتی صحافی حکومت پر برس پڑے

    کرکٹ کسی ایک کے دم پر نہیں چلنا چاہیے، بھارتی صحافی حکومت پر برس پڑے

    بھارتی صحافی شیکھر لوتھرا نے بی سی سی آئی اور بی جے پی کو ٹیم پاکستان نہ بھیجنے پر آڑے ہاتھوں لے لیا۔

    اے آر وائی نیوز کے پروگرام ’اسپورٹس روم‘ گفتگو کرتے ہوئے کرکٹ کسی ایک کے دم پر نہیں چلنا چاہیے، پیسے کی ریل پیل سے آپ کرکٹ کا دل نہیں دل جیت سکتے اور نہ ہی لوگوں کے دلوں میں ماحول بناسکتے ہیں، وہ ماحول تب بنتا ہے جب بھارت، آسٹریلیا اور پاکستان کی سیریز ہوتی ہے۔

    انہوں نے کہا کہ 90 کی دہائی میں پاک بھارت سیریز ہوتی تھیں تو لوگ ایشز بھولنا شروع ہوگئے تھے اب حالات یہ ہیں کہ ہم جانا نہیں چاہتے جبکہ دوسرا ملک آپ کو خوش آمدید کہہ رہا ہے۔

    شیکھر لوتھرا کا کہنا تھا کہ بی جے پی مسلمان اور پاکستان مخالف ایجنڈے پر ووٹ لیتی ہے، پاکستان نے ہمیشہ بھارت جاکر محبت کاپیغام دیا لیکن مودی سرکار ایک قدم بھی چلنے کو تیار نہیں۔

    ان کا کہنا تھا کہ آج جے شاہ کو بھارت سہہ رہا ہے اور کل پوری دنیا انہیں جھیلے گی۔

    بھارتی صحافی شیکھر لوتھرا نے کہا کہ آئی پی ایل کی وجہ سے کرکٹ برباد ہوتی جارہی ہے اور حالات یہ ہیں کہ کبھی ہم ٹیسٹ میں 36 اور کبھی 46 پر آل آؤٹ ہوجاتے ہیں۔

    یہ پڑھیں: چیمپئنز ٹرافی 2025 سے متعلق بڑی خبر آ گئی

    انہوں نے کہا کہ ان ناکامیوں پر بھی کپتان اور کوچ کیخلاف کوئی ایکشن نہیں ہوتا کیونکہ سب کچھ سیاسی ہوتا جارہا ہے، ہم اپنے گراؤنڈ میں اسپن ٹریک پر 147 رنز کا ہدف کا تعاقب نہیں کرسکتے۔

    واضح رہے کہ بھارت کی ہٹ دھرمی کی وجہ سے چیمپئنز ٹرافی 2025 کا شیڈول تعطل کا شکار ہے، آئی سی سی ذرائع کا کہنا ہے چیمپیئنز ٹرافی کے بارے میں فیصلہ آئندہ 48 گھنٹوں میں متوقع ہے۔

    آئی سی سی چیمپئنز ٹرافی 19 فروری سے 9 مارچ تک پاکستان میں شیڈول ہے اور پاکستان میگا ایونٹ کا میزبان ہونے کے ساتھ ساتھ دفاعی چیمپئن بھی ہے۔

  • جوز بٹلر بھارتی صحافی کے احمقانہ سوال پر حیران رہ گئے، دلسچپ ویڈیو

    جوز بٹلر بھارتی صحافی کے احمقانہ سوال پر حیران رہ گئے، دلسچپ ویڈیو

    ورلڈکپ کے افتتاحی میچ سے قبل پریس کانفرنس کے دوران بھاتی صحافی کے احمقانہ سے سوال پر انگلش کپتان جوز بٹلر کی ہنسی چھوٹ گئی اور وہ حیرانی سے انھیں دیکھتے رہے۔

    انگلش کپتان جوز بٹلر سے وہاں موجود بھارتی صحافی نے سوال کیا کہ جیمز اینڈرسن اور اسٹورٹ براڈ جو کہ حال ہی میں کرکٹ سے ریٹائرڈ ہوئے ہیں ان کی ٹیم میں عدم موجودگی ٹورنامنٹ میں انگلینڈ کی فاسٹ بولنگ کو متاثر کرے گی؟

    صحافی کے اس اوٹ پٹانگ سوال پر بٹلر کی حیرانی دیدنی تھی جب کہ وہ مسکراتے رہے کہ جیمز اینڈرسن اور براڈ تو گزشتہ 8 سالوں سے انگلینڈ کی ون ڈے ٹیم کا حصہ ہی نہیں ہیں۔

    انگلینڈ کے کپتان نے سوال کا جواب پرمزاح انداز میں دیتے ہوئے کہا کہ میرے خیال میں جمی (جیمز اینڈرسن) اب بھی سلیکشن کے لیے دستیاب ہے تاہم وہ 2015 سے کوئی او ڈی آئی نہیں کھیلا۔ اسٹورٹ براڈ کو بھی او ڈی آئی کھیلے اتنا ہی وقت ہوچکا ہے۔ وہ تو اب ریٹائرڈ ہو چکے ہیں۔

    واضح رہے کہ اسٹورٹ براڈ نے ون ڈے انٹرنیشنل میں آخری بار 14 فروری 2016 کو جنوبی افریقا کیخلاف میدان میں اترے تھے۔ جیمز اینڈرسن نے اپنا آخری ون ڈے انٹرنیشنل میچ 2015 میں افغانستان کے خلاف کھیلا تھا۔ دونوں 2019 کے ورلڈ کپ اسکواڈ میں بھی نہیں تھے۔

    سوشل میڈیا صارفین بھاتی صحافی کو اس کی کم علمی پر آرے ہاتھوں لے رہے ہیں، ایک صارف نے لکھا کہ اس رپورٹر سے زیادہ کرکٹ کی معلومات تو میری دادی کو ہے۔

  • وارم اپ میچ میں پاکستان کی شکست، بھارتی صحافی نے سوال اُٹھا دیا

    وارم اپ میچ میں پاکستان کی شکست، بھارتی صحافی نے سوال اُٹھا دیا

    آئی سی سی ورلڈ کپ کے وارم اپ میچ میں نیوزی لینڈ کے خلاف پاکستان کی شکست پر نامور بھارتی صحافی وکرانت گپتا نے پاکستان کی ناقص فیلڈنگ اور بالنگ پر سوال اٹھادیا۔

    نامور بھارتی اسپورٹس جرنلسٹ وکرانت گپتا نے سماجی رابطے کی سائٹ ٹوئٹر (ایکس) پر ٹوئٹ کرتے ہوئے لکھا کہ پاکستان اسی فیلڈنگ/کیچنگ اور اسپن اٹیک سے اچھی ٹیموں کے خلاف بڑے مقابلے میں جیت کیلئے بہت جدوجہد کرے گا۔

    نامور بھارتی اسپورٹس جرنلسٹ وکرانت گپتا کا کہنا تھا کہ پاکستان کو ابتدائی 10 اوورز میں نئی گیند کے ساتھ اپنے فاسٹ بولرز پر انحصار کرنا پڑے گا، ورنہ وہ بیک فٹ پر چلے جائیں گے، پاکستان کی موجودہ ٹیم میں کوئی بھی حریف دباؤ ڈالتا ہے تو یہ دفاعی انداز میں چلے جاتے ہیں۔

    بھارتی صحافی نے کہا کہ بھارت میں شیڈول ورلڈکپ کے پہلے مرحلے میں میچز کے دوران اسپنرز کا بہت بڑا کردار ہوگا، ہوسکتا ہے کہ آپ اکتوبر میں دیگر مقامات پر کھیلیں تو اوس کی وجہ سے کنڈیشنز میں تبدیلی آئے لیکن پاکستان کو بالنگ اور فیلڈنگ پر کام کرنے کی ضرورت ہے۔

    وکرانت گپتا نے کہا کہ پاکستان کا موجودہ اسپن اٹیک انکی کمزوری ہے، انہوں نے کہا کہ نیوزی لینڈ کے خلاف میچ میں شاداب خان نے اوورز کیوں نہیں کروائے مجھے سمجھ نہیں آیا۔

  • بابراعظم کی شاندار اننگز پر بھارتی صحافی نے ویرات کوہلی کو کیا کہا؟

    بابراعظم کی شاندار اننگز پر بھارتی صحافی نے ویرات کوہلی کو کیا کہا؟

    قومی کرکٹ ٹیم کے کپتان بابراعظم نے ایشیا کپ کے افتتاحی میچ کا آغاز نیپال کے خلاف اپنی شاندار سنچری سے کیا، شائقین کرکٹ کی جانب سے بابراعظم کی بہترین کارکردگی کو سراہا گیا، جبکہ بھارتی اسپورٹس تجزیہ کار بھی اس پرفارمنس پر چپ نہ رہ سکے۔

    بھارتی صحافی وکرانت گپتا نے بھارت کے ڈیجیٹل شو ’اسپورٹس تک‘ میں مدعو کئے گئے مہمانوں سے بابراعظم کی شاندار پر فارمنس کے بارے میں سوال کرتے ہوئے کہا کہ بابراعظم کا ون ڈے کرکٹ کیرئیر دیکھا جائے تو انہیں پاکستان کیلئے رنز بنانے کی مشین کہنے میں کوئی حرج نہ ہوگی۔

    بھارتی صحافی نے کہا کہ یہ نہ دیکھیں کہ بابراعظم کے سامنے کون سی ٹیم تھی، بلکہ یہ دیکھیں کہ پاکستانی کپتان بابراعظم کے آخری 100 رنز 57 گیندوں پر ہیں جس پر بلا جھجھک یہ کہا جاسکتا ہے کہ انہیں معلوم ہے کہ رنز کیسے بنائے جاتے ہیں۔

    انہوں نے کہا کہ کسی بھی ٹورنامنٹ کا پہلا میچ آسان نہیں ہوتا، مگر بابر اعظم نے اپنے پہلے میچ میں 100 سے زائد رنز کرڈالے، نیپال کے خلاف میچ کے ذریعے جو پاکستان ٹیم اور بابر اعظم چاہتے تھے وہ انہوں نے حاصل کرلیا۔

    بھارتی صحافی کا مزید کہنا تھا کہ پاکستان نے اپنی پرفارمنس سے اور بابر نے اپنے 151 رنز سے بھارتی بلے بازوں چاہے وہ ویرات ہو یا پھر روہت ہو، ان کو سمجھادیا کہ دیکھ کر سامنے آنا، انہوں نے کہا کہ ایشیا کپ اور ان کی ٹیم کو جس تڑکے کی ضرورت تھی بابر نے اپنی پرفارمنس سے وہ لگا دیا ہے۔

  • چین اور بھارت نے ایک دوسرے کے صحافیوں کو ملک سے نکال دیا

    چین اور بھارت نے ایک دوسرے کے صحافیوں کو ملک سے نکال دیا

    بیجنگ: چین اور بھارت نے ایک دوسرے کے صحافیوں کو ملک سے نکال دیا۔

    امریکی اخبار وال اسٹریٹ جنرل کے مطابق چین اور بھارت نے دشمنی بڑھنے پر ایک دوسرے کے تقریباً تمام صحافیوں کو اپنے اپنے ملک سے باہر نکال دیا ہے۔

    چین اور بھارت کے درمیان کشیدگی صحافتی میدانوں تک جا پہنچی ہے، دونوں نے اپنے اپنے ملکوں میں ایک دوسرے کی میڈیا کی موجودگی یک سر ختم کر دی ہے، رپورٹ کے مطابق چین اور بھارت کے درمیان مہلک سرحدی تصادم کے ساتھ جو دراڑ پیدا ہو گئی تھی، اسے اب ان پڑوسیوں نے ایک دوسرے کے رپورٹرز کو ویزا دینے سے انکار نے مزید گہرا کر دیا ہے۔

    بھارت نے چین کے آخری دو صحافیوں کی ویزہ مدت میں توسیع کی درخواست مسترد کر دی تھی، جس کے بعد چین نے بھی بھارتی صحافیوں کے کاغذاتِ نمائندگی مسترد کر دیے۔ چین کے صحافیوں کا تعلق سرکاری زیر انتظام شنہوا نیوز ایجنسی اور چائنا سینٹرل ٹیلی ویژن سے تھا۔

    واضح رہے کہ جون 2020 میں ہونے والی سرحدی جھڑپ کے بعد سے دونوں ممالک کے درمیان تعلقات مسلسل کشیدہ ہیں۔