Tag: بھارتی عدالت

ترکیہ سے تعلق رکھنے والی ایئرپورٹ سروس کمپنی ’سیلیبی‘ کیخلاف معتصبانہ فیصلہ دیتے ہوئے بھارتی عدالت نے اس کی درخواست کو خارج کردیا۔

معروف ایوی ایشن کمپنی ’سیلیبی ایئرپورٹ سروسز انڈیا پرائیویٹ لمیٹڈ‘ کو بھارتی عدالت سے بھی ریلیف نہ مل سکا، ہوابازی کی کمپنی سیلیبی کی درخواست کو عدالت نے خارج کردیا جس میں قومی سلامتی کی بنیاد پر اس کے سیکورٹی کلیئرنس کو رد کرنے کے حکومتی فیصلے کو چیلنج پیش کیا گیا تھا۔

دہلی ہائی کورٹ نے پیر کے روز سیلیبی ایئرپورٹ سروسز انڈیا پرائیویٹ لمیٹڈ کی بھارت میں اپنی خدمات جاری رکھنے کے حوالے سے دخواست کو خارج کرنے کا فیصلہ سنایا۔

جسٹس سچن دتہ نے سیلیبی ایئرپورٹ سروسز انڈیا پرائیویٹ لمیٹڈ اور سیلبی دہلی کارگو ٹرمینل مینجمنٹ انڈیا پرائیویٹ لمیٹڈ کی جانب سے داخل درخواستوں کو خارج کردیا۔

دونوں کمپنیاں کئی بھارتی ایئرپورٹس پر گراؤنڈ ہینڈلنگ اور کارگو آپریشن کی خدمات سرانجام دیتی تھیں۔ ان کی درخواست پر دہلی ہائی کورٹ نے 23 مئی کو اپنا فیصلہ محفوظ کیا تھا جسے آج پیر کو سنایا گیا ہے۔

بھارتی ہوابازی سیکیورٹی ریگولیٹر، بیورو آف سول ایویشن سیکیورٹی (بی سی اے ایس) نے قومی سلامتی مفادات کا حوالہ دیتے ہوئے 15 مئی کو سیلیبی کی سیکیورٹی منظوری واپس لے لی تھی۔

حالیہ پاک بھارت جنگ میں ترکیہ کی جانب سے پاکستان کی کھل کر حمایت کرنے اور بھارتی حملوں کی مذمت کرنے کے کچھ دنوں بعد بھارتی حکام کی طرف سے یہ فیصلہ آیا تھا۔

https://urdu.arynews.tv/turkey-celebi-sues-india-over-vague-clearance-pullback/

بھارتی عدالت نے آپریشن سندور کے خلاف سوالات اٹھانے والے مسلم پرفیسر علی خان محمودآباد کو 14 دنوں کےلیے جوڈیشل کسٹڈی میں بھیج دیا۔

سون پت کی عدالت نے آپریشن سندور کے خلاف پوسٹ کرنے والے مسلمان پرفیسر علی خان کو بڑا ریلیف فراہم کرتے ہوئے ان کے مزید جسمانی ریمانٹ کی استدعا مسترد کردی ہے، پولیس نے علی خان کا 7 دنوں کا جسمانی ریمانڈ مانگا تھا۔

ججز نے ریمانڈ کو مسترد کرتے ہوئے مسلمان پروفیسر کر جوڈیشل کسٹڈی میں بھیجا دیا ہے، علی کے وکیل کپل بالیان نے بتایا کہ پولیس نے دو دن کے جسمانی ریمانڈ کے بعد انھیں آج عدالت میں پیش کیا۔

کپل بالیان نے بتایا کہ پولیس نے ایک بار پھر علی خان محمودآباد کے جسمانی ریمانڈ کی استدعا کی تھی تاہم سونی پت کی عدالت نے انھیں 27 مئی تک جوڈیشل کسٹدی میں بھیجا ہے۔

بھارتی پولیس نے ریاست ہریانہ کی اشوکا یونیورسٹی کے ایسوسی ایٹ پروفیسر علی خان محمودآباد کو دہلی میں ان کے گھر سے گرفتار کیا تھا، انھیں ’آپریشن سندور‘ سے متعلق بیان دینے پر گرفتار کیا گیا تھا۔

بھارت میں بڑے مسلم اکثریتی علاقے کی مسماری شروع

اشوکا یونیورسٹی کے شعبہ سیاسیات کے سربراہ علی خان محمود آباد نے آٹھ مئی کو ایک سوشل میڈیا پوسٹ میں دائیں بازو سے تعلق رکھنے والے ہندوتوا نظریات رکھنے والی شخصیات کی جانب سے کرنل صوفیہ قریشی کی تعریف میں ’تضاد’کی نشاندہی کی تھی۔

انھوں نے لکھا ان لوگوں کو ہجوم کے ہاتھوں قتل، من مانے فیصلے اور بی جے پی کی نفرت انگیزی کا شکار بننے والے دیگر افراد کو بطور بھارتی شہری تحفظ فراہم کرنے کے لیے بھی اتنی ہی زور سے مطالبہ کرنا چاہیے۔

مسلمان پروفیسر علی خان محمود آباد پر فرقہ وارانہ بیانات، نفرت انگیز مہم، بغاوت، تخریبی سرگرمیوں پر اکسانے اور مذہبی عقائد کی توہین جیسے الزامات کے تحت مقدمہ درج کیا گیا تھا۔

https://urdu.arynews.tv/indian-professor-arrested-remarks-operation-sindoor/

بھارت کی ایک عدالت نے ریمارکس دیے ہیں کہ ٹریفک چالان ادا نہ کرنے والوں پر برہمی کا اظہار کرتے ہوئے ان کے گھروں کی بجلی اور پانی بند کر دی جائے۔

بھارتی میڈیا کے مطابق ریاست آندھرا پردیش کی ہائی کورٹ نے ٹریفک قوانین کی خلاف ورزی سے متعلق ایک کیس کی سماعت کرتے ہوئے ٹریفک ادا نہ کرنے والے صارفین کے ساتھ پولیس اور حکام کی لاپروائی پر بھی برہمی کا اظہار کیا ہے اور ریمارکس دیتے ہوئے کہا ہے کہ اگر لوگ ٹریفک چالان ادا نہ کریں تو ان کے گھروں کی برقی اور پانی کی سپلائی روک دی جائے۔

ہائیکورٹ کے چیف جسٹس دھیرج سنگھ ٹھاکر اور جسٹس چیملاپتی روی نے کیس کی سماعت کے دوران یہ بھی کہا کہ دیکھنے میں آیا ہے کہ ڈرائیورز آندھرا پردیش میں کھل کر ٹریفک کی خلاف ورزیاں کرتے ہیں جب کہ یہی ڈرائیورز تلنگانہ کی سرحد پر پہنچتے ہی سیٹ بیلٹ باندھ لیتے ہیں۔ حیدرآباد میں کسی کار پر کالے شیشے نظر نہیں آئیں گے لیکن یہاں یہ عام بات ہوچکی ہے۔

اس موقع پر عدالت کو بتایا گیا کہ ریاست میں ہیلمٹ نہ پہننے کی وجہ سے صرف تین مہینوں میں 667 افراد کی موت ہوئی ہے۔

عدالت نے کہا کہ اس کی وجہ یہ ہے کہ آندھرا پردیش میں پولیس ٹریفک قوانین سخت سے نافذ نہیں کر رہی۔ انہوں نے حکام کو ہدایت دی کہ وہ قوانین پر سختی سے عملدرآمد کرائیں تاکہ مزید حادثات کو روکا جا سکے۔

نئی دہلی: بھارتی عدالت نے 2002 کے گجرات فسادات کے دوران 11 مسلمانوں کے قتل کے الزام میں 69 ہندوؤں کو بری کر دیا۔

خبر رساں ادارے ‘رائٹرز’ کے مطابق بھارت کی ایک عدالت نے حکمراں بھارتیہ جنتا پارٹی (بی جے پی) کے ایک سابق وزیر سمیت 69 ہندوؤں کو مغربی ریاست گجرات میں 2002 میں فرقہ وارانہ فسادات کے دوران 11 مسلمانوں کے قتل کے الزام سے بری کر دیا گیا۔

بھارتی ریاست گجرات کے شہر احمد آباد میں 11 مسلمانوں کے قتل کے مقدمے کے مطابق فروری 2002 میں ہندو انتہاپسندوں نے مسلمان آبادی میں گھروں کو آگ لگائی تھی جس میں 11 مسلمان شہید ہوئے تھے۔

صرف میں نہیں بھارتی بھی مودی کو گجرات کا قصائی کہتے ہیں، بلاول

یہ فسادات ہندو ياتريوں کی ايک ريل گاڑی ميں آتش زدگی کے واقعے کے بعد شروع ہوئے تھے، جس ميں 59 ياتريوں کی جان چلی گئی تھی۔ 31 مسلمانوں کو اس واقعے کا ذمہ دار قرار ديا گيا تھا۔ اسی واقعے کے بعد اس بھارتی ریاست میں مذہبی فسادات بھڑک اٹھے تھے جس میں کم از کم 1000 لوگ مارے گئے جن میں زیادہ تر مسلمان تھے۔

نئی دہلی: بھارتی عدالتوں کا رویہ بھی متعصبانہ ہوگیا، 55 سالہ مسلمان بزرگ شہری کو گائے لے جانے پر سرعام قتل کرنے والے 6 ملزمان کو بری کردیا۔

غیرملکی خبررساں ادارے کے مطابق بھارتی عدالت نے 6 ایسے افراد کو بری کردیا ہے جن پر الزام تھا کہ انہوں نے ایک مسلمان شہری کو گائے لے جانے پر سرعام قتل کیا تھا، عدالت میں واقعے کی ویڈیوز بھی پیش کی گئی تھیں۔

عدالت نے اپنے فیصلے میں کہا ہے کہ ہجومی تشدد کے اس واقعے کی تصاویر اور ویڈیوز موجود ہونے کے باوجود استغاثہ مضبوط مقدمہ نہیں بناسکا اور ناکافی شہادتوں کے باعث ملزمان کو رہا کیا جاتا ہے۔

واضح رہے کہ 2017 میں راجستھان کے علاقے الوار میں مسلمان کسان پہلو خان اپنے دو بیٹوں کے ہمراہ ٹرک پر گائے لے کر جارہا تھا جب دو سو کے قریب ہندو انتہا پسندوں نے اسے گھیر لیا اور تشدد کرکے شدید زخمی کردیا تھا، پہلو خان دو دن اسپتال میں رہنے کے بعد انتقال کرگیا تھا۔

مزید پڑھیں: بھارت میں ہندو انتہا پسند بے قابو، خاتون سمیت 3 مسلمانوں پر بدترین تشدد

پہلو خان نے ہندو انتہا پسندوں سے بار بار درخواست کی کہ اس نے یہ گائے ایک میلے سے خریدی ہے لیکن کسی نے اس کی نہ سنی اور الزام لگایا کہ وہ گائے کو ذبح کرنے کے لیے لے جارہا تھا۔

عدالت نے ویڈیو کو بطور ثبوت تسلیم کرنے سے انکار کردیا، الوار کے ایک وکیل کا کہنا ہے کہ پولیس نے سیاسی وجوہات کے باعث حقیقی قاتلوں کو گرفتار نہیں کیا تھا۔

رپورٹ کے مطابق عدالت میں 40 عینی شاہدین پیش ہوئے جن میں پہلو خان کے دو بیٹے بھی شامل تھے لیکن عدالت نے ناکافی ثبوتوں کے باعث ملزمان کو رہا کردیا۔

کانگریس پارٹی کی ترجمان شمع محمد کا کہنا ہے کہ عدالت کا فیصلہ سراسر زیادتی ہے۔