نئی دہلی : بھارتی فضائیہ کےسابق افسر ہرجیت سنگھ نے بھارتی فوج میں پھیلی افراتفری اور فیصلہ سازی کی ناکامی کو بے نقاب کردیا۔
تفصیلات کے مطابق بھارتی فضائیہ کے سابق افسر نے بھارتی ایئر ڈیفنس کی حقیقت کا پردہ چاک کردیا۔
بھارتی فضائیہ کے سابق افسر نے کہا کہ بھارتی ایئر ڈیفنس میں شدید ذہنی دباؤ اور نفسیاتی مسائل کے حامل بہت سےافسران ہیں اور بھارتی فوج کا ایئر ڈیفنس نظام دراصل ایک افسوسناک کہانی اور کھلا مذاق ہے۔
سابق افسر نے بتایا کہ بھارتی فوج میں ہر افسر جنرل کے منصب کے لیے کوشاں ہوتا ہے، یہی دباؤ بھارتی ایئر ڈیفنس میں شدید ذہنی دباؤ اور نفسیاتی مسائل کو جنم دیتا ہے، میں نے خود ایئر ڈیفنس آرٹلری میں کئی نفسیاتی مسائل کے حامل افسران دیکھے ہیں۔
ہرجیت سنگھ کا کہنا تھا کہ بھارتی ایئر ڈیفنس کے پاس آج بھی تقریباً 80 فیصد ایئر ڈیفنس توپیں موجود ہیں، ڈرونز، کروز میزائلز اور ہائپرسانک ٹیکنالوجی کے دور میں یہ توپیں کہاں استعمال ہوں گی؟
انھوں نے مزید بتایا کہ بھارتی ایئر ڈیفنس کا افسر کہتا ہے میں ریڈار آن نہیں کر سکتا، کیونکہ اس کا پتہ چل جائے گا، جب ریڈار ہی نہیں چلے گا تو دشمن کے طیارے، میزائل یا ڈرونز کا پتہ کیسے لگے گا؟
