Tag: بھارتی فوج

نئی دہلی : بھارتی فوج کی خواتین افسران کی وردی میں گیم شو "کون بنے گا کروڑپتی” میں شرکت کے بعد سوشل میڈیا پر بحث چھڑ گئی۔

تفصیلات کے مچاطق مودی سرکار پر بھارتی فوج کو سیاسی پروپیگنڈے اور تفریحی ڈراموں کا حصہ بنانے کا الزام لگ گیا، مودی حکومت نے فوجی افسران کو گیم شو میں شامل کر کے فوج کے وقار کو مجروح کیا۔

بھارتی فوج کی تین خواتین افسران نے معروف ٹی وی گیم شو "کون بنے گا کروڑپتی” میں وردی پہن کر شرکت کی اور "آپریشن سندور” کے حوالے سے نام نہاد کامیابیوں پر گفتگو کی۔

ٹی وی شو میں فوجی وردی میں شرکت کے اس اقدام نے سوشل میڈیا پر شدید بحث چھیڑ دی، ناقدین نے اسے فوج کے وقار کے منافی قرار دیتے ہوئے کہا کہ فوجی منصب کو سیاست اور مزاح کا کھلونا بنا دیا گیا ہے۔

بھارتی اداکار پرکاش راج نے طنز کرتے ہوئے کہا کہ "جلد فوجی افسران بگ باس میں بھی آئیں گے، آگے کیا ہوگا؟”

عوام کی جانب سے بھی یہ سوال اٹھایا گیا کہ پیشہ ور فوج کے ارکان تفریحی اور پیسہ کمانے والے پروگراموں میں کیوں شریک ہو رہے ہیں۔

کئی صارفین نے الزام لگایا کہ خواتین فوجی افسران کو شو میں بھیجنے کا مقصد پیسہ کمانا، عوامی ہمدردی سمیٹنا یا "آپریشن سندور” کی ناکامی کو چھپانا ہے۔

کچھ نے یہاں تک سوال کیا کہ کیا مودی حکومت عسکری اداروں کے افسران سے معاوضے کے عوض بیانات دلوائی جا رہی ہے؟

بھارت کے شہر کولکتہ میں ریڈ روڈ پر اس سال عیدالاضحیٰ کی نماز ادا نہیں کی جائے گی کیونکہ فوج نے اس کی اجازت دینے سے انکار کر دیا ہے۔

بھارت میں 25 کروڑ سے زائد مسلمان بستے ہیں، لیکن ہندو توا سوچ نے ان کے بنیادی حقوق سلب کر رکھے ہیں اور وہاں ان کی زندگی اجیرن ہو چکی ہے۔

دنیا بھر میں مسلمان اپنے اپنے ممالک کی رویت کے مطابق 6 یا 7 جون کو عیدالاضحیٰ منائیں گے۔ بھارت میں بھی عیدالاضحیٰ ہفتہ 7 جون کو منائی جائے گی۔

کولکتہ ہندوستان کا ایک کثیر آبادی والا شہر ہے اور ریڈ روڈ اس شہر کا ایسا مقام ہے، جہاں ہمیشہ سے عیدین کی نماز کے بڑے اجتماعات باقاعدگی سے ہوتے ہیں اور قابل غور بات یہ ہے کہ مغربی بنگال کی وزیر اعلیٰ اور ترنمول کانگریسکی سربراہ ممتا بنرجی ماضی میں ریڈ روڈ پر عید کے اجتماعات میں شرکت کر چکی ہیں۔

بھارتی میڈیا کے مطابق تاہم اس سال فوج نے ریڈ روز پر نماز عیدالاضحیٰ کی اجازت دینے سے انکار کر دیا ہے اور اس انکار کی وجہ ’’فوجی مقاصد‘‘ قرار دیا ہے۔

رپورٹ کے مطابق بھارتی فوج نے اپنے اس فیصلے سے کولکتہ پولیس اور اس نماز عید کے اجتماع کی منتظم کولکتہ خلافت کمیٹی کو آگاہ کر دیا ہے۔

ہیڈکوارٹر بنگال سب ایریا کے تحت زمین کی نگرانی پر مامور ایک کرنل رینک افسر نے کولکاتہ خلافت کمیٹی کے نام ایک خط میں لکھا ہے کہ اس سال یہ علاقہ فوجی مقاصد کے لیے درکار ہے، اس لیے یہاں عیدالاضحیٰ کی اجتماعی نماز کی اجازت نہیں دی جا سکتی۔

فوج کی جانب سے اس انکار پر کولکتہ کی مسلم کمیونٹی میں تشویش پائی جاتی ہے اور معاملہ پر غور وخوض کے لیے خلافت کمیٹی کا اجلاس بھی طلب کر لیا گیا ہے۔

https://urdu.arynews.tv/7-billion-people-in-the-world-are-deprived-of-full-civil-rights/

سری نگر : بھارتی فوج نے پہلگام حملے کے بعد جعلی سرچ آپریشن شروع کر دیا اور 48 گھنٹےمیں 40 سے زائد گھروں پر چھاپے مار کر 25 نوجوانوں کو حراست میں لے لیا۔

تفصیلات کے مطابق پہلگام فالس فلیگ آپریشن کے بعد مقبوضہ کشمیر میں بھارتی جعلی انکاؤنٹرز جاری ہے، اب بھارتی فوج نےجعلی سرچ آپریشن شروع کر دیا

کشمیرمیڈیاسروس نے بتایا کہ بھارتی فورسز نے 48 گھنٹےمیں 40 سے زائد گھروں پر چھاپے مارے اور 25 نوجوانوں کو حراست میں لیا۔

دی اکنامک ٹائمز کا کہنا تھا کہ بھارتی فوج نے 3 دنوں میں 60 سے زائد مقامی کشمیریوں کو حراست میں لیا جبکہ 15مئی 2025 کو پلوامہ میں بھارتی فوج نے 3 کشمیری نوجوانوں کو شہید کیا۔

الجزیرہ نے بتایا کہ 22 اپریل سے بھارتی فورسز نے مقبوضہ کشمیر میں 2000 سے زائد کشمیریوں کو گرفتار کیا، سرچ آپریشنز کے دوران خواتین اور بزرگوں کو تشدد کا نشانہ بنایا گیا۔

کشمیر میڈیا سروس کے مطابق گزشتہ ہفتے جعلی انکاؤنٹرز میں 5 سے زائد نوجوانوں کو شہید کیا جبکہ پہلگام حملے کے بعدبھارتی فورسز نے 48 کشمیریوں کو جعلی مقابلوں میں شہید کیا۔

بھارتی فورسز کی جانب سے موبائل اور انٹرنیٹ سروس کی بندش جاری ہے اور بھارتی دعوے جھوٹ پر مبنی ہے، شہید نوجوانوں کے اہلخانہ کا کہنا ہے کہ وہ بے گناہ شہری تھے۔