ARYNews.tv | Urdu – Har Lamha Bakhabar

Tag: بھارتی فوج کی ایل او سی پر بلااشتعال فائرنگ، شہری شہید، 9 افراد زخمی

  • بھارتی فوج کی ایل او سی پر بلااشتعال فائرنگ، شہری شہید

    بھارتی فوج کی ایل او سی پر بلااشتعال فائرنگ، شہری شہید

    راولپنڈی: بھارتی فوج نے لائن آف کنٹرول (ایل او سی) کے باگسر سیکٹر پر بلااشتعال فائرنگ کی جس کے نتیجے میں شہری شہید ہوگیا۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی ایل او سی پر جنگ بندی معاہدے کی خلاف ورزیاں جاری ہیں، بھارتی فوج نے باگسر سیکٹر پر شہری آبادی کو جان بوجھ کر نشانہ بنایا۔

    آئی ایس پی آر کے مطابق بھارتی فوج کی فائرنگ سے 33 سالہ عنصر نامی شہری شہید ہوگیا۔

    ترجمان پاک فوج کے مطابق عنصر کی 3 بیٹیاں ہیں، شہری کو گھر کے قریب موٹر سائیکل پر نشانہ بنایا گیا۔

    واضح رہے کہ تین روز قبل بھی بھارتی فوج نے ایل او سی کے کھوئی رتہ سیکٹر پر بلا اشتعال فائرنگ کی تھی جس کے نتیجے میں 11 شہری زخمی ہوگئے تھے۔

    آئی ایس پی آر کا کہنا تھا کہ بھارتی فوج کی فائرنگ سے 6 خواتین، 4 بچے زخمی ہوئے، بھارتی فوج جان بوجھ کر خواتین اور بچوں کو نشانہ بنارہی ہے۔

    یاد رہے کہ 13 نومبر کو بھارتی فوج نے گاؤں تری بنڈ اور سماہنی میں راکٹ اور مارٹر گولے فائر کیے تھے، بھارتی فوج کی فائرنگ سے ایک شہری شہید، اور 2 خواتین سمیت 3ا فراد زخمی ہوئے تھے۔

  • بھارتی فوج کی ایل او سی پر بلااشتعال فائرنگ، 8 سالہ بچہ زخمی

    بھارتی فوج کی ایل او سی پر بلااشتعال فائرنگ، 8 سالہ بچہ زخمی

    اسلام آباد : بھارتی فورسز نے لائن آف کنٹرول پر جنگ بندی معاہدے کی خلاف ورزی کرتے ہوئے ایک مرتبہ پھر شہری آبادی کو نشانہ بنایا ہے۔

    پاک فوج کے شعبہ تعلقات عامہ (آئی ایس پی آر) کی کے مطابق بھارت کی دہشت گرد فورسز کی جانب سے لائن آف کنٹرول پر بلااشتعال فائرنگ کی گئی ہے، بھارتی فوج کی ایل او سی پر فائرنگ جنگ بندی معاہدے کی خلاف ورزی ہے۔

    آئی ایس پی آر کا کہنا ہے کہ بھارت کی جانب سے ایل او سی پر باروہ سیکٹر پر شہری آبادی کو نشانہ بنایا گیا ہے، بھارتی فوج کی فائرنگ کی زد میں آکر 8 سال کا بچہ زخمی ہوا ہے۔

    پاک فوج کے شعبہ تعلقات عامہ کے مطابق 2020 میں بھارتی فوج 2340 بار سیز فائر معاہدے کی خلاف ورزی کرچکی ہے۔

    خیال رہے کہ 23 ستمبر کو لائن آف کنٹرول (ایل او سی) پر بھارتی فوج کی جانب سے بلا اشتعال فائرنگ کے نتیجے میں پاک فوج کے دو جوان شہید ہوگئے تھے جبکہ جوابی کارروائی میں بھارتی فوج کو شدید جانی نقصان پہنچا تھا۔

    یاد رہے 13 ستمبر کو بھارتی فوج کی لائن آف کنٹرول پر بلا اشتعال فائرنگ سے 11 سالہ بچی شہید جبکہ 4 شہری زخمی ہوگئے تھے۔

    بھارتی فوج کی ایل او سی پر بلا اشتعال فائرنگ، پاک فوج کے دو جوان شہید

    بعد ازاں لائن آف کنٹرول پر سیز فائر معاہدے کی خلاف ورزی پر بھارتی ناظم الامور گورو آہلو والیا کو دفتر خارجہ طلب کر کے شدید احتجاج ریکارڈ کرایا گیا تھا۔

    ترجمان دفتر خارجہ نے کہا تھا کہ بھارت کی طرف سے جنگ بندی کی خلاف ورزی علاقائی امن وسلامتی کے لیے خطرہ ہے، بھارت 2003 کے جنگ بندی معاہدے کا احترام کرے۔

  • بھارتی فوج کی ایل او سی پر بلااشتعال فائرنگ، دو خواتین سمیت 3 افراد زخمی

    بھارتی فوج کی ایل او سی پر بلااشتعال فائرنگ، دو خواتین سمیت 3 افراد زخمی

    راولپنڈی : لائن آف کنٹرول پر بھارتی فوج کی بلا اشتعال فائرنگ کے نتیجے میں دو خواتین سمیت تین شہری زخمی ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی ایل او سی پر اشتعال انگیزیاں جاری ہیں، بھارتی فوج نے رکھ چکری سیکٹر پر سیز فائر کی خلاف ورزی کی ہے۔

    ڈائریکٹر جنرل آئی ایس پی آر کا کہنا ہے کہ بھارتی فوج نے جان بوجھ کر ایل او سی پر شہری آبادی کو نشانہ بنایا ہے، شدید فائرنگ کے نتیجے میں اکھوڑی گاؤں کی 2 خواتین سمیت تین شہری زخمی ہوگئے۔

    آئی ایس پی آر کے مطابق بھارتی فوج نے جان بوجھ کر شہری آبادی کو نشانہ بنایا جب کہ پاک فوج نے بھرپور جوابی کارروائی کرتے ہوئے بھارتی چیک چوکیوں کو نشانہ بنایا۔

    آئی ایس پی آر کا کہنا ہے کہ بھارت اب تک سیز فائر کی 1645خلاف ورزیاں کرچکا ہے۔

    خیال رہے رواں سال بھارت کی جانب سے لائن آف کنٹرول پر جنگ بندی کی 1550 بار خلاف ورزیاں کی گئی ہیں جبکہ شہری آبادی کو نشانہ بنانے سے 14 افراد شہید اور 117 زخمی ہو چکے ہیں۔

    اس سے قبل 20 جولائی کو بھارتی فوج نے لائن آف کنٹرول (ایل او سی) پر سیزفائر کی خلاف ورزی کرتے ہوئے شہری آبادی کو نشانہ بنایا تھا، جس کے نتیجے میں 20 سالہ لڑکا شدید زخمی ہوا تھا۔

  • بھارتی فوج کی ایل او سی پر بلااشتعال فائرنگ، خاتون سمیت 4 شہری شہید

    بھارتی فوج کی ایل او سی پر بلااشتعال فائرنگ، خاتون سمیت 4 شہری شہید

    راولپنڈی: بھارتی فوج نے لائن آف کنٹرول (ایل او سی) پر بلا اشتعال فائرنگ کی جس کے نتیجے میں خاتون سمیت 4 شہری شہید ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی ایل او سی پر اشتعال انگیزیاں جاری ہیں، بھارتی فوج نے نکیال اور باگسر سیکٹر میں بلا اشتعال فائرنگ کی جس کے نتیجے میں خاتون سمیت 4 شہری شہید اور ایک زخمی ہوگیا۔

    آئی ایس پی آر کے مطابق شہید ہونے والے شہریوں کا تعلق رٹہ جبر اور لیوانہ خیتر گاؤں سے ہے، پاک فوج نے بھارتی اشتعال انگیزی کا بھرپور اور موثر جواب دیا۔

    واضح رہے کہ گزشتہ روز بھی بھارتی فوج نے ایل او سی کے باگسر سیکٹر پر بلا اشتعال فائرنگ کی تھی جس کے نتیجے میں ایک شہری بابر حسین زخمی ہوگیا تھا۔

    آئی ایس پی آر کا کہنا تھا کہ بھارتی فوج نے جان بوجھ کر شہری آبادی کو نشانہ بنایا، فائرنگ سے زخمی ہونے والے شہری کو طبی امداد کے لیے قریبی میڈیکل سینٹر منتقل کردیا گیا ہے۔

    اس سے قبل گزشتہ ہفتے بھارتی فوج نے لائن آف کنٹرول (ایل او سی) پر بلا اشتعال فائرنگ کی جس کے نتیجے میں 2 خواتین اور 2 بچے شدید زخمی ہوگئے تھے۔

    آئی ایس پی آر کے مطابق زخمیوں میں 26 سالہ نسرین، 24 سالہ رابعہ، 7 سالہ بچی مومنہ اور 7 سالہ بچہ منشی شامل تھے۔

  • بھارتی فوج کی ایل او سی پر بلااشتعال فائرنگ، 2 خواتین اور 2 بچے زخمی

    بھارتی فوج کی ایل او سی پر بلااشتعال فائرنگ، 2 خواتین اور 2 بچے زخمی

    راولپنڈی: بھارتی فوج نے لائن آف کنٹرول (ایل او سی) پر بلا اشتعال فائرنگ کی جس کے نتیجے میں 2 خواتین اور 2 بچے شدید زخمی ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے ایل او سی کے جندروٹ سیکٹر پر بلا اشتعال فائرنگ کی جس کے نتیجے میں 2 خواتین اور 2 بچے شدید زخمی ہوگئے، پاک فوج نے بھرپور جوابی کارروائی کرتے ہوئے بھارتی چیک پوسٹوں کو نشانہ بنایا۔

    آئی ایس پی آر کے مطابق بھارتی فوج نے جان بوجھ کر شہری آبادی کو نشانہ بنایا، فائرنگ سے زخمی ہونے والے شہریوں کو طبی امداد کے لیے قریبی میڈیکل سینٹر منتقل کردیا گیا ہے۔

    آئی ایس پی آر کے مطابق زخمیوں میں 26 سالہ نسرین، 24 سالہ رابعہ، 7 سالہ بچی مومنہ اور 7 سالہ بچہ منشی شامل ہیں۔

    واضح رہے کہ بھارتی فوج کی جانب سے لائن آف کنٹرول کی خلاف ورزیوں کا سلسلہ جاری ہے، گزشتہ ماہ بھی بھارتی فوج نے شہری آبادی کو نشانہ بنایا تھا جس کے نتیجے میں ایک شخص زخمی ہوگیا تھا۔

    مزید پڑھیں: پاک فوج نے بھارت کا ایک اور جاسوس ڈرون مار گرایا، آئی ایس پی آر

    یاد رہے کہ چار روز قبل پاک فوج نے بھارت کا جاسوس ڈرون مار گرایا تھا، بھارتی کواڈ کاپٹر لائن آف کنٹرول کے خنجر سیکٹر پر گرایا گیا تھا، رواں سال گرایا جانے والا یہ 8 واں بھارتی کواڈ کاپٹر تھا۔

    خیال رہے کہ اس سے قبل بھی بھارتی فوج کی جانب سے لائن آف کںٹرول پر شہری آبادی پر فائرنگ اور گولہ باری کی گئی تھی جس کے نتیجے میں پاک فوج کے اہلکار سمیت متعدد شہری شہید ہوگئے تھے۔

  • بھارتی فوج کی ایل او سی پر بلااشتعال فائرنگ، 6 شہری زخمی

    بھارتی فوج کی ایل او سی پر بلااشتعال فائرنگ، 6 شہری زخمی

    راولپنڈی: بھارتی فوج نے ایک بار پھر لائن آف کنٹرول کی خلاف ورزی کرتے ہوئے آزاد کشمیر میں رکھ چکری اور نیزہ پیر سیکٹر پر بلااشتعال فائرنگ کی جس کے نتیجے میں 6 شہری زخمی ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے جان بوجھ کر ایل او سی پر  شہری آبادی کو نشانہ بنایا، بھارتی فوج نے مارٹر، آرٹلری اور خود کار ہتھیاروں کا استعمال کیا، فائرنگ سے میندر، کرنی، ڈگوار گاؤں کے 6 شہری زخمی ہوئے۔

    آئی ایس پی آر کے مطابق زخمیوں میں تین بچیاں اور ایک خاتون بھی شامل ہیں، زخمیوں کو طبی امداد کے لیے قریبی اسپتالوں میں منتقل کردیا گیا ہے۔

    واضح رہے کہ 30 اپریل کو بھی بھارتی فوج نے کیلر اور رکھ چکری سیکٹرز پر بلا اشتعال فائرنگ کی تھی جس کے نتیجے میں لانس نائیک سمیت خاتون اور بچی شہید ہوگئی تھیں، پاک فوج کی جوابی کارروائی میں بھارتی فوج کا بھاری جانی نقصان ہوا تھا۔

    یاد رہے کہ اس سے قبل بھی بھارتی فوج کی شہری آبادی پر فائرنگ سے 16 سالہ لڑکی اور 52 سالہ خاتون شہید جبکہ 10سالہ بچہ اور 55 سالہ خاتون زخمی ہوئی تھیں۔

    لائن آف کنٹرول پر سیز فائر کی مسلسل خلاف ورزی پر پاکستان نے سینئربھارتی سفارت کار کو دفترخارجہ طلب کرکے شدید احتجاج ریکارڈ کرایا تھا۔

  • بھارتی فوج کی ایل او سی پر بلااشتعال فائرنگ، بزرگ خاتون اور نوجوان شہید

    بھارتی فوج کی ایل او سی پر بلااشتعال فائرنگ، بزرگ خاتون اور نوجوان شہید

    راولپنڈی: بھارتی فوج نے ایک بار پھر لائن آف کنٹرول کے مختلف سیکٹر پر بلااشتعال فائرنگ کی ہے جس کے نتیجے میں بزرگ خاتون اور ایک نوجوان شہید ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے ایل او سی کے نکیال اور رکھ چکری سیکٹرز پر بلااشتعال فائرنگ کی جس کے نتیجے میں 60 سال کی سلامت بی بی اور 13 سالہ ذیشان ایوب شہید ہوگئے۔

    آئی ایس پی آر کے مطابق بھارتی فوج نے ایل او سی پر شہری آبادی کو نشانہ بنایا، بھارتی اشتعال انگیزی سے 2 خواتین سمیت 3 شہری زخمی بھی ہوئے، زخمیوں کو علاج کے لیے قریبی اسپتال منتقل کردیا گیا۔

    آئی ایس پی آر کا کہنا ہے کہ پاک فوج نے بھارتی اشتعال انگیزی کا بھرپور اور موثر جواب دیا اور بھارتی فوج کی چوکیوں کو نشانہ بنایا۔

    مزید پڑھیں: بھارتی فوج کی ایل او سی پر بلااشتعال فائرنگ، خاتون شہید، 4 خواتین سمیت 6 افراد زخمی

    واضح رہے کہ 14 ستمبر کو بھارتی فوج نے نکیال اور جندروٹ سیکٹرز پر شہری آبادی کو نشانہ بنایا تھا جس کے نتیجے میں ایک خاتون شہید اور 4 خواتین سمیت 6 افراد زخمی ہوگئے تھے۔

    یاد رہے کہ 12 ستمبر کو بھی بھارتی فوج نے ایل او سی کے حاجی پیر سیکٹر پر فائرنگ کی تھی جس کے نتیجے میں سپاہی غلام رسول شہید ہوگئے تھے۔

    خیال رہے کہ گزشتہ ماہ 27 اگست کو بھی بھارتی فوج کی جانب سے ایل او سی کے نکرون سیکٹر پر بلااشتعال فائرنگ کی گئی تھی جس کے نتیجے میں بچی سمیت دو شہری شہید ہوگئے تھے، فائرنگ سے تین شہری زخمی اور تین گھر بھی تباہ ہوئے تھے۔

  • بھارتی فوج کی ایل او سی پر بلااشتعال فائرنگ، خاتون شہید، 4 خواتین سمیت 6 افراد زخمی

    بھارتی فوج کی ایل او سی پر بلااشتعال فائرنگ، خاتون شہید، 4 خواتین سمیت 6 افراد زخمی

    راولپنڈی: بھارتی فوج نے ایک بار پھر لائن آف کنٹرول کے مختلف سیکٹر پر بلااشتعال فائرنگ کی ہے جس کے نتیجے میں ایک خاتون شہید اور 4 خواتین سمیت 6 افراد زخمی ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے لائن آف کنٹرول کے مختلف سیکٹر پر بلااشتعال فائرنگ کی ہے، بھارتی فوج نے نکیال اور جندروٹ سیکٹرز پر شہری آبادی کو نشانہ بنایا۔

    آئی ایس پی آر کے مطابق بھارتی فائرنگ سے بالاکوٹ گاؤں کی فاطمہ بی بی شہید ہوگئیں۔

    آئی ایس پی آر کا کہنا ہے کہ بھارتی فوج کی شہری آبادی پر بلااشتعال فائرنگ کے نتیجے میں 4 خواتین سمیت 6 افراد زخمی بھی ہوئے ہیں۔

    واضح رہے کہ اس سے قبل آئی ایس پی آر کا کہنا تھا کہ مغربی بارڈر پر 2 مختلف واقعات میں 4 سیکیورٹی اہلکار شہید اور ایک زخمی ہوا تھا۔

    مزید پڑھیں: مغربی سرحد پر فائرنگ کے واقعات، 4 سیکیورٹی اہلکار شہید

    آئی ایس پی آر کا کہنا تھا کہ ایک واقعہ شمالی وزیرستان میں پیش آیا جہاں پیٹرولنگ پارٹی پر فائرنگ ہوئی، فائرنگ سے 23 سالہ سپاہی اختر حسین شہید ہوگیا۔

    سپاہی اختر حسین کا تعلق بلتستان سے تھا۔ واقعے میں جوابی فائرنگ سے 2 حملہ آور ہلاک ہوئے۔

    دوسرا واقعہ دیر میں ہوا جہاں سرحد پر باڑھ لگانے والوں پر افغانستان کی جانب سے فائرنگ کی گئی، افغانستان کی جانب سے فائرنگ سے 3 جوان شہید ہوئے۔

    شہدا میں لانس نائیک سعید امین آفریدی، لانس نائیک محمد شعیب سواتی اور سپاہی کاشف علی شامل ہیں۔ 28 سال کے لانس نائیک سعید امین آفریدی کا تعلق ضلع خیبر سے تھا، 31سال کے لانس نائیک محمد شعیب کا تعلق ضلع مانسہرہ سے تھا جبکہ 22 سال کا سپاہی کاشف علی ضلع نوشہرہ کا رہائشی تھا۔

  • بھارتی فوج کی ایل او سی پر بلااشتعال فائرنگ، خاتون سمیت 3 شہری زخمی

    بھارتی فوج کی ایل او سی پر بلااشتعال فائرنگ، خاتون سمیت 3 شہری زخمی

    راولپنڈی: بھارتی فوج کی ایل او سی کی ایک بار پھر خلاف ورزی کی اور جندروٹ سیکٹر پر شہری آؓبادی پر فائرنگ کی جس کے نتیجے میں 3 شہری زخمی ہوگئے۔

    پاک فوج کے شعبہ تعلقات عامہ آئی ایس پی آر کے مطابق بھارتی فوج نے لائن آف کنٹرول کے جندروٹ سیکٹر پر شہری آبادی کو نشانہ بنایا جس کے نتیجے میں خاتون سمیت 3 شہری زخمی ہوگئے۔

    [bs-quote quote=”پاک فوج کی بھرپور جوابی کارروائی کے بعد بھارتی توپیں خاموش ہوگئیں” style=”style-7″ align=”left”][/bs-quote]

    آئی ایس پی آر کے مطابق پاک فوج کی بھرپور جوابی کارروائی کے بعد بھارتی توپیں خاموش ہوگئیں، پاک فوج نے بھارتی چیک پوسٹوں کو نشانہ بنایا۔

    مزید پڑھیں: ایل او سی: پاک فوج کا بھارتی اشتعال انگیزی کا بھرپور جواب، تین بھارتی فوجی ہلاک

    واضح رہے کہ 18 جنوری کو بھی بھارتی فوج نے لائن آف کںٹرول پر اشتعال انگیزی کا مظاہرہ کیا تھا، پاک فوج نے دشمن کے بزدلانہ اقدام کے جواب میں بھرپور کارروائی کی تھی۔

    بھارتی فوج نے کھوئی رٹہ،کوٹ قدیر اسیکٹرز میں شہری آبادی پر فائرنگ کی تھی جوابی کارروائی میں تین بھارتی فوج مارے گئے تھے جبکہ دو بھارتی فوجی زخمی اور چوکی تباہ ہوگئی تھی۔

    اس سے قبل بھی بھارت نے ورکنگ باؤنڈری لائن پر سیزفائر کی خلاف ورزی کرتے ہوئے کھوئی رٹہ سیکٹر پر شہری آبادی کو نشانہ بنایا تھا، جس میں‌ایک شہری شدید زخمی ہوگیا.

  • بھارتی فوج کی ایل او سی پر بلااشتعال فائرنگ، شہری شہید، 9 افراد زخمی

    بھارتی فوج کی ایل او سی پر بلااشتعال فائرنگ، شہری شہید، 9 افراد زخمی

    راولپنڈی: بھارتی فوج نے لائن آف کنٹرول کی ایک بار پھر خلاف ورزی کرتے ہوئے شاہ کوٹ سیکٹر پر بلااشتعال فائرنگ کی جس کے نتیجے میں شہری شہید اور 9 افراد زخمی ہوگئے۔

    پاک فوج کے شعبہ تعلقات عامہ آئی ایس پی آر کے مطابق بھارتی فوج نے ایل او سی پر رہنے والے شہریوں کو نشانہ بنایا جس کے نتیجے میں آسیہ بی بی نامی شہری شہید اور 9 افراد زخمی ہوگئے۔

    آئی ایس پی آر کے مطابق بھارتی فوج کی اشتعال انگیزی سے زخمیوں میں 3 بچے اور 2 خواتین بھی شامل ہیں، جنہیں اسپتال منتقل کردیا گیا ہے۔

    پاک فوج نے ایل او سی کی خلاف ورزی کے بعد بھرپور کارروائی کی اور بھارتی چوکیوں کو نشانہ بنایا جس کے بعد دشمن کی توپیں خاموش ہوگئیں۔

    وزیراعظم آزاد کشمیر نے بھارتی فوج کی شہری آبادی پر فائرنگ کی شدید مذمت کرتے ہوئے کہا کہ شہری آبادی پر فائرنگ عالمی قوانین کی سنگین خلاف ورزی ہے۔

    راجہ فاروق حیدر نے کہا کہ بھارتی افواج نہتے شہریوں کو نشانہ بنارہی ہے، بھارتی جارحیت کا موثر جواب دینے کی صلاحیت رکھتے ہیں۔

    مزید پڑھیں: بھارتی فوج کی ایل او سی پر بلااشتعال فائرنگ، 2 شہری زخمی

    واضح رہے کہ رواں ماہ 18 دسمبر کو بھی بھارتی فوج نے راولا کوٹ سیکٹر پر بلااشتعال فائرنگ کی تھی جس کے نتیجے میں دو شہری 16 سالہ محمد عدنان اور 47 سالہ محمد رشید زخمی ہوگئے تھے۔

    یاد رہے کہ 6 دسمبر کو پاک فوج کے ترجمان نے تفصیلی بریفنگ دیتے ہوئے بتایا تھا کہ رواں سال بھارت کی جانب سے لائن آف کنٹرول کی خلاف ورزی میں اضافہ ہوا۔

    اُن کا کہنا تھا کہ پچھلے دو سالوں میں کے مقابلے میں بھارت نے امسال زیادہ جارحیت دکھائی اسی وجہ سے 2017 اور 2018 میں سیز فائر کی متعدد بار خلاف ورزی کی گئی۔

    میجر جنرل آصف غفور کا کہنا تھا کہ بھارت کی جانب سےسیزفائرکی خلاف ورزی کاگراف تیزی سےاوپرگیا، رواں سال اب تک 55 شہری شہید اور 300سے زائد زخمی ہوئے۔