Tag: بھارتی فوج

اسلام آباد: معاون خصوصی برائے اطلاعات ڈاکٹر فردوس عاشق اعوان نے کہا کہ چین نے کشمیرکو متنازع مقدمہ قرار دے کر بھارتی مؤقف مسترد کر دیا، مظلوم کشمیریوں کی حمایت پر چینی قیادت اور عوام کا شکریہ ادا کرتے ہیں۔

تفصیلات کے مطابق سماجی رابطے کی ویب سائٹ ٹویٹر پر فردوس عاشق اعوان نے اپنے پیغام میں کہا کہ سلامتی کونسل کے مستقل رکن کا اصولی مؤقف کشمیریوں سے یکجہتی کا اظہار ہے، یہ آئرن برادرزکی عظیم دوستی کا مظہر ہے۔

فردوس عاشق اعوان نے کہا کہ چین نے کشمیرکو متنازع مقدمہ قرار دے کر بھارتی مؤقف مسترد کردیا، مظلوم کشمیریوں کی حمایت پر چینی قیادت اور عوام کا شکریہ ادا کرتے ہیں۔

چین نےکشمیرکوتاریخ کامتنازعہ مقدمہ قرار دےکربھارتی موقف مستردکردیا ہے۔سلامتی کونسل کے مستقل رکن کایہ اصولی موقف مقبوضہ جموں کشمیر کےعوام کےلئےمکمل یکجہتی کااظہار ہے۔یہ آئرن برادرزکی عظیم دوستی کامظہرہے۔مظلوم کشمیریوں کی بھرپورحمایت پرہم چین کی قیادت اورعوام کا شکریہ ادا کرتے ہیں۔

— Firdous Ashiq Awan (@Dr_FirdousPTI) October 11, 2019

معاون خصوصی برائے اطلاعات نے کہا کہ مقبوضہ جموں کشمیرمیں کرفیو کو 2 ماہ سے زائدعرصہ ہوگیا، وادی جنت نظیرجیل میں تبدیل ہوگئی ہے، کشمیریوں کا کاروبار زندگی مفلوج ہے، بھارتی افواج انسانیت کی تذلیل کر رہی ہیں۔

مقبوضہ جموں کشمیر میں کرفیو کو دو ماہ سے زائد عرصہ ہو گیا،وادی جنت نظیر جیل میں تبدیل اورکشمیریوں کا کاروبار زندگی مفلوج ہے۔بھارتی افواج انسانیت کی تذلیل کر رہی ہیں۔وزیراعظم عمران خان آج مقبوضہ جموں کشمیر کے مظلوموں کے ساتھ اظہار یکجہتی کرتے ہوئے انسانی ہاتھوں کی زنجیر بنائیں گے۔

— Firdous Ashiq Awan (@Dr_FirdousPTI) October 11, 2019

فردوس عاشق اعوان نے مزید کہا کہ وزیراعظم عمران خان آج کشمیریوں سے اظہاریکجہتی کے لیے انسانی ہاتھوں کی زنجیر بنائیں گے۔

واضح رہے کہ مقبوضہ کشمیر میں بھارتی مظالم اُجاگر کرنے کے لیے آج یوم یکجہتی کشمیر منایا جا رہا ہے۔ کشمیریوں سے اظہار یکجہتی کے لیے آج اسلام آباد میں وزیراعظم عمران خان کی قیادت میں انسانی ہاتھوں کی زنجیر بنائی جائے گی۔

انسانی ہاتھوں کی زنجیر آج سہ پہر ساڑھے تین بجے کنونشن سینٹر سے ڈی چوک تک بنائی جائے گی۔ وزیراعظم عمران خان ڈی چوک میں شرکاء سے خطاب کریں گے۔

سری نگر: مودی حکومت کی جانب سے آرٹیکل 370 اے ختم کرنے کے بعد مقبوضہ کشمیر میں 66 ویں روز بھی کرفیو جاری ہے، وادی میں موبائل فون، انٹرنیٹ سروس بند اور ٹی وی نشریات پوری طرح معطل ہیں۔

تفصیلات کے مطابق مقبوضہ کشمیر میں آج مسلسل 66 ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بھی بند کر رکھی ہے جب کہ ذرائع ابلاغ پر سخت پابندیاں عائد ہیں۔

کشمیر میڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث کشمیریوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

کشمیر میڈیا سروس کا یہ بھی کہنا ہے وادی میں کرفیو کے باعث 3 ہزار 9 سو کروڑ کا نقصان ہو چکا ہے، وادی میں کھانا میسر ہے اور نہ ہی دوائیں۔ سرینگر اسپتال انتظامیہ کے مطابق کرفیو کے باعث روزانہ 6 مریض لقمہ اجل بن رہے ہیں۔

یاد رہے کہ 5 اگست کو مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کر دیا تھا۔

راجیہ سبھا میں بل کے حق میں 125 جب کہ مخالفت میں 61 ووٹ آئے تھے، بھارت نے 6 اگست کو لوک سبھا سے بھی دونوں بل بھاری اکثریت کے ساتھ منظور کرا لیے تھے۔

سری نگر: قابض بھارتی فورسز نے مقبوضہ کشمیر کے علاقے پلواما میں فائرنگ کرکے کشمیری نوجوانوں کو شہید کردیا۔

تفصیلات کے مطابق قابض بھارتی فورسز نے مقبوضہ کشمیر میں ظلم و بربریت جاری رکھتے ہوئے پلواما میں کشمیری نوجوان کو فائرنگ کرکے شہید کردیا۔

کشمیرمیڈیا سروس کے مطابق فوجیوں نے نوجوان کو ضلع کے علاقے اونتی پورہ میں تلاشی اور محاصرے کی کارروائی کے دوران شہید کیا۔

ادھربھارتی فوجیوں کی طرف سے گاندربل، بانڈی پورہ ، کپواڑہ ، بارہ مولہ ، سری نگر، اسلام آباد ، کولگام ،شوپیاں، رام بن ، ڈوڈہ ، کشتواڑ اور دیگر قصبوں اور علاقوں میں مسلسل 12دنوں سے تلاشی اور محاصرے کی پر تشدد کارروائی جاری ہے ۔

مقبوضہ کشمیرمیں 65ویں روز بھی کرفیو

واضح رہے کہ مقبوضہ کشمیر میں آج مسلسل 65ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

اسلام آباد: وزیراعظم عمران خان کا کہنا ہے کہ آزاد کشمیرکے لوگ مقبوضہ وادی کے دوستوں کو دیکھ کر تکلیف میں ہیں۔

تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ بھارتی فوج نے غیر انسانی عمل کرتے ہوئے 2 ماہ سے کرفیو لگا رکھا ہے۔

وزیراعظم عمران خان نے کہا کہ آزاد کشمیرکے لوگ مقبوضہ وادی کے دوستوں کو دیکھ کرتکلیف میں ہیں، میں کشمیریوں کی تکلیف کو سمجھتا ہوں۔

I understand the anguish of the Kashmiris in AJK seeing their fellow Kashmiris in IOJK under an inhumane curfew for over 2 months. But any one crossing the LoC from AJK to provide humanitarian aid or support for Kashmiri struggle will play into the hands of the Indian narrative –

— Imran Khan (@ImranKhanPTI) October 5, 2019

مقبوضہ کشمیر میں 62ویں روز بھی کرفیو

مقبوضہ کشمیر میں آج مسلسل 62ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

کشمیر میڈیا سروس کے مطابق وادی میں کرفیو کے باعث 3 ہزار 9 سو کروڑ کا نقصان ہو چکا ہے، وادی میں کھانا میسر ہے اور نہ ہی دوائیں۔ سری نگر اسپتال انتظامیہ کے مطابق کرفیو کے باعث روزانہ 6 مریض لقمہ اجل بن جاتے ہیں۔

راولپنڈی: پاکستان نے انڈین بارڈر سیکورٹی فورس (بی ایس ایف) کے ایک فوجی کی لاش بھارت کے حوالے کر دی ہے۔

آئی ایس پی آر کے مطابق بی ایس ایف کا سب انسپکٹر پریتوش منڈل نالے میں ڈوب کر ہلاک ہو گیا تھا، پاکستان نے اس کی لاش آج بھارت کے حوالے کر دی۔

بی ایس ایف کے اہل کار کی لاش مقبوضہ کشمیر سے بہتی ہوئی پاکستان پہنچی تھی، بھارتی حکام کی جانب سے لاش کی تلاش کے لیے پاکستان رینجرز سے رابطہ کیا گیا تھا۔

آئی ایس پی آر نے کہا ہے رینجرز نے سرچ آپریشن کے بعد لاش ریکور کر کے بھارت کے حوالے کی۔

یہ بھی پڑھیں:  بھارتی فوج کی ایل او سی پر بلااشتعال فائرنگ، بزرگ خاتون اور نوجوان شہید

فوجی محکمہ اطلاعات کے مطابق بھارتی فوجی کی لاش ملٹری قواعد کے مطابق بی ایس ایف کے حوالے کی گئی ہے۔

واضح رہے کہ پاکستان کی جانب سے بھارت کے ساتھ ہر موقع پر تعاون کے باوجود بھارتی فوج کی جانب سے لائن آف کنٹرول پر سیز فائر کی خلاف ورزی کی جاتی ہے اور آئے روز پاکستانی شہریوں کو شہید کیا جاتا ہے۔

29 ستمبر کو بھی بھارتی فوج نے ایل او سی کے نکیال اور رکھ چکری سیکٹرز پر بلا اشتعال فائرنگ کی جس کے نتیجے میں 60 سال کی سلامت بی بی اور 13 سالہ ذیشان ایوب شہید ہو گئے تھے۔

آئی ایس پی آر کے مطابق بھارتی فوج نے ایل او سی پر شہری آبادی کو نشانہ بنایا تھا، بھارتی اشتعال انگیزی سے 2 خواتین سمیت 3 شہری زخمی بھی ہوئے۔

سری نگر: مقبوضہ کشمیر میں بھارتی فوج کے تشدد سے ایک اور کشمیری لڑکا شہید ہو گیا ہے، کشمیری میڈیا سروس نے رپورٹ کیا ہے کہ 15 سالہ یاور کو بھارتی فوج نے بد ترین تشدد کا نشانہ بنایا۔

تفصیلات کے مطابق کشمیری میڈیا سروس نے خبر دی ہے کہ پلواما میں بھارتی فوج کے تشدد سے کشمیری لڑکا یاور شہید ہو گیا ہے۔

موصولہ اطلاعات کے مطابق یاور کو انڈین آرمی کیمپ میں حاضری لگانے کا کہا گیا تھا، زخمی یاور کو سری نگر اسپتال منتقل کیا گیا لیکن وہ دم توڑ گیا۔

خیال رہے کہ آج مقبوضہ وادی میں حریت رہنما میر واعظ عمر فاروق سے متعلق ایک جھوٹی خبر بھی پھیلائی گئی، کہا جا رہا تھا کہ حریت رہنما نے بانڈ سائن کر کے اپنی رہائی خرید لی ہے۔

یہ بھی پڑھیں:  میر واعظ کے بانڈ سائن کر کے رہا ہونے کی خبریں غلط ہیں: حریت فورم

تاہم حریت فورم نے نظر بند حریت رہنما میر واعظ عمر فاروق سے متعلق بانڈ سائن کرنے کی خبروں کو غلط قرار دیتے ہوئے انھیں مسترد کر دیا، اور کہا کہ میر واعظ 5 اگست سے گھر میں نظر بند ہیں، اور وہ مسئلہ کشمیر پر اپنے اصولی مؤقف پر قائم ہیں۔

واضح رہے کہ بھارت نے ایک اور حریت رہنما یاسین ملک کو بھی دلی کے تہاڑ جیل میں غیر قانونی طور پر محبوس کر رکھا ہے، جن کی صحت سے متعلق تشویش ناک خبریں آ رہی ہیں، اگست میں میر واعظ نے بھی ٹویٹ کے ذریعے یاسین ملک کی روز بہ روز بگڑی صحت پر تشویش کا اظہار کیا تھا۔

دوسری طرف آج مقبوضہ کشمیر میں آرٹیکل 370 اے ختم کیے جانے کے بعد کرفیو کا 49 واں روز ہے، وادی میں کرفیو مسلسل جاری ہے، موبائل فون، انٹرنیٹ سروس بند اور ٹی وی نشریات معطل ہیں۔