Tag: بھارتی فوج

سری نگر: کشمیری صحافی نعیمہ ماہ جور کا کہنا ہے کہ کشمیری بھارتی حکومت کے فیصلے کو تسلیم نہیں کرتے، کرفیو کے باوجود کشمیری نکلتے ہیں اور احتجاج کرتے ہیں۔

تفصیلات کے مطابق کشمیری صحافی نعیمہ ماہ جور نے کہا کہ مقبوضہ کشمیر میں اس وقت غیر یقینی کی صورت حال ہے، کشمیری گھروں میں محصور ہیں، مواصلاتی بلیک آؤٹ ہے۔

نعیمہ ماجور نے کہا کہ کرفیو کے باعث اشیائے خوردونوش کی قلت پڑچکی ہے، لوگ گھروں میں محصور ہیں جس سے غصہ بڑھ رہا ہے۔ انہوں نے کہا کہ کشمیری بھارتی فیصلے کو تسلیم نہیں کرتے، کشیدگی بڑھتی رہی تو صورت حال یکسر مختلف ہوسکتی ہے۔

کشمیری صحافی نے کہا کہ کرفیو کے باوجود کشمیری نکلتے ہیں اور احتجاج کرتے ہیں، کشمیریوں کی بڑی تعداد جیلوں میں ڈال کی گئی ہے۔ انہوں نے کہا کہ بھارتی فوج خواتین کو بطور ہتھیار استعمال کررہی ہے۔

مقبوضہ کشمیر میں کرفیو کا مسلسل 19واں روز

واضح رہے کہ مقبوضہ کشمیر میں آج مسلسل 19ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

مقبوضہ کشمیر میں حریت قیادت کی جانب سے نماز جمعہ کے بعد احتجاج کی کال دی گئی ہے، نماز جمعہ کے بعد سری نگر میں اقوام متحدہ کے دفتر کی جانب مارچ کیا جائے گا۔

لاہور: حریت رہنما یاسین ملک کی اہلیہ مشعال ملک کا کہنا ہے کہ کشمیریوں کو تشدد کا نشانہ بناتے ہوئے بھارتی فوج لاؤڈ اسپیکر کے ذریعے مظلوم کشمیریوں کی چیخیں سنواتی ہے۔

تفصیلات کے مطابق کشمیری رہنما یاسین ملک کی اہلیہ مشعال ملک نے کہا ہے کہ بھارت کشمیریوں کو بھوک سے مارنا چاہتا ہے، بھارتی حکومت کشمیریوں کی نسل کشی کررہی ہے۔

مشعال ملک نے کہا کہ کشمیریوں کو تشدد کا نشانہ بناتے ہوئے بھارتی فوج لاؤڈ اسپیکر کے ذریعے مظلوم کشمیریوں کی چیخیں سنواتی ہے۔

حریت رہنما یاسین ملک کی اہلیہ نے کہا کہ اب وقت آگیا ہے کہ پاکستانی اپنے مظلو کشمیری بھائیوں کے لیے اٹھ کھڑے ہوں۔

مقبوضہ کشمیر میں 16ویں روز بھی کرفیو

مقبوضہ کشمیر میں آج مسلسل 16 ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

یاد رہے کہ پانچ اگست کو مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کردیا تھا۔

راجیہ سبھا میں بل کے حق میں 125 جبکہ مخالفت میں 61 ووٹ آئے تھے، بھارت نے 6 اگست کو لوک سبھا سے بھی دونوں بل بھاری اکثریت کے ساتھ منظور کرالیے تھے۔