مظفر آباد: وزیراعظم آزاد کشمیر فاروق حیدر نے کہا ہے کہ بھارتی فوج کشمیرمیں درندگی کی تمام حدیں پھلانگ چکی ہے.
ان خیالات کا اظہار انھوں نے اپنے ایک حالیہ بیان میں کیا. فاروق حیدر کا کہنا تھا کہ ماہ مقدس میں بھارتی فوج کی کارروائیوں میں شدت آئی ہے.
وزیراعظم آزاد کشمیر نے کہا کہ پاکستانیوں نے کشمیریوں سے ہمیشہ والہانہ محبت کا اظہار کیا، پاکستان کی ہرحکومت نے کشمیریوں کی آواز دنیا تک پہنچائی.
فاروق حیدر کا کہنا تھا کہ پاک فوج کشمیریوں کی محافظ ہے، بھارتی فوج قابض ہے، پاک فوج کی قربانیوں کی بدولت ہم آزاد فضاؤں میں ہیں.
مزید پڑھیں: کشمیریوں نے ٹھان لی ہے وہ بھارتی فوج کوسری نگر سے بھگا کردم لیں گے‘ فاروق حیدر
یاد رہے کہ مقبوضہ کشمیر میں قابض بھارتی انتظامیہ نے رمضان کے احترام کو پامال کرتے ہوئے سری نگر کے مختلف علاقوں میں سخت پابندیاں نافذ کر رکھی ہیں۔
خیال رہے کہ اپنے ایک بیان میں فاروق حیدر نے کہا تھا کہ بھارت مقبوضہ کشمیرسے توجہ ہٹانے کے لیے جنگی جنون کو ہوا دے رہا ہے۔ عالمی برادری بھارت کا جنگی جنون دیکھ لے.
