ARYNews.tv | Urdu – Har Lamha Bakhabar

Tag: بھارتی فوج

  • ایل او سی: پاک فوج کا بھارتی اشتعال انگیزی کا منہ توڑ جواب، پانچ بھارتی فوجی ہلاک

    ایل او سی: پاک فوج کا بھارتی اشتعال انگیزی کا منہ توڑ جواب، پانچ بھارتی فوجی ہلاک

    راولپنڈی: بھارتی فوج نے ایل او سی کی شہری آبادی پر بلااشتعال فائرنگ کرکے خاتون اور بچوں سمیت چھ پاکستانیوں کو زخمی کردیا، پاک فوج نے جوابی کارروائی میں پانچ بھارتی فوجی مار گرائے۔

    تفصیلات کے مطابق لائن آف کنٹرول پر بھارتی فوج کی جانب سے ایک بار پھر بلا اشتعال فائرنگ کی گئی ہے، آئی ایس پی آر کا کہنا ہے کہ بھارتی فوج نےچری کوٹ سیکٹر پر فائرنگ کی۔

    بھارتی فوج کی جانب سے ایل او سی پر آئے روز بلا اشتعال فائرنگ کے واقعات سامنے آرہے ہیں، آج چری کوٹ سیکٹر پر بھارتی فوج نے فائر کھول دیے۔

    مزید پڑھیں: وقت آگیاہے بھارت اپنےجھوٹے دعوؤں پر سچ بولے، ڈی جی آئی ایس پی آر

    پاک فوج کے شعبہ تعلقات عامہ آئی ایس پی آر کا کہنا ہے کہ بھارتی فورسز کی فائرنگ سے ایک خاتون اور چاربچوں سمیت چھ شہری زخمی ہو گئے۔

    آئی ایس پی آر کے اعلامیے کے مطابق بھارتی فورسز نے ایل او سی پرشہری آبادی کونشانہ بنایا، فائرنگ سے ہونے والے زخمیوں کو طبی امداد کیلئے فوری طور پر اسپتال منتقل کردیا گیا، زخمیوں میں شبنم، کاشان، فیضان، نشا، آصفہ شامل ہیں جن کا تعلق سریاں گاؤں سے ہے جبکہ ایک زخمی شاہد حسین کا تعلق شفرگاؤں سے ہے۔

    آئی ایس پی آر کے مطابق پاک فوج نے بھرپورجوابی کارروائی کرکے بھارتی چیک پوسٹوں کو نشانہ بنایا جس کے نتیجے میں پانچ بھارتی فوجی مارے جانےاور کئی کے زخمی ہونے کی اطلاعات ہیں۔

  • بھارتی فوج کومودی کی سینا قراردینا آدیتیہ ناتھ کو مہنگا پڑ گیا، اپوزیشن کی کڑی تنقید

    بھارتی فوج کومودی کی سینا قراردینا آدیتیہ ناتھ کو مہنگا پڑ گیا، اپوزیشن کی کڑی تنقید

    دہلی:‌ اترپردیش کے انتہا پسند وزیراعلیٰ آدیتیہ ناتھ کے بھارتی فوج سے متعلق متنازع بیان نے کھلبلی مچا دی.

    تفصیلات کے مطابق بھارتی فوج ملک کی وفادار ہے یا نریندر مودی کی ہم نوا ہے؟ نئی بحث چھڑ گئی، بھارتی عوام شدید تذبذب کا شکار ہوگئے۔

    یوپی کے مسلمان دشمن وزیر اعلیٰ آدیتیہ ناتھ کے بھارتی فوج کومودی کی سینا قراردینے پرہنگامہ کھڑا ہوگیا، اپوزیشن کی کڑی تنقید پربھارتی وزیردفاع کو وضاحت دینا پڑگئی۔

    جوں جوں‌ الیکشن قریب آرہے ہیں، مودی کی مشکلات میں‌ اضافہ ہوتا جارہا ہے، اب بھارتی وزیر اعظم اپنے ہی ساتھی کی وجہ سے مشکل میں آگئے.

    مغربی بنگال کی وزیراعلیٰ ممتا بینرجی نے اس بیان کو ناقابل قبول اور الیکشن جیتنے کا حربہ قراردیا۔

    ادھر عوام میں‌ بھی تذبذب پایا جاتا ہے، ملک کے دفاع کے لیے تعینات فوج کو مودی کی سینا قرار دینا پریشان کن ثابت ہوا.

    مزید پڑھیں: بھارتی انتخابات، مودی سرکار کا پروپیگنڈا روکنے کے لیے واٹس ایپ کا اہم اقدام

    آدیتیہ ناتھ کے بیان پر کانگریس اوردیگراپوزیشن جماعتوں نے بھی مودی سرکارکوآڑے ہاتھوں لے لیا، بھارتی الیکشن کمیشن بھی حرکت میں‌ آگیا، یوپی کے وزیراعلی سے وضاحت طلب کرلی۔

    یاد رہے کہ پلوامہ حملے کے بعد سے بھارت سرکاری بوکھلاہٹ کا شکار ہے، بھارتی فضائی افسر  ابھی نندن کی گرفتاری  کی وجہ سے بھارت کو سفارتی محاذ پر بھی شکست ہوئی۔

  • بھارتی فوج کی ایل او سی پر فائرنگ‘ 3 جوان شہید

    بھارتی فوج کی ایل او سی پر فائرنگ‘ 3 جوان شہید

    راولپنڈی: ایل او سی پر بھارتی فوج کی بلا اشتعال فائرنگ سے پاک فوج کے تین جوان شہید جبکہ ایک زخمی ہوگیا۔

    تفصیلات کے مطابق بھارتی فوج کی جانب سے ایل او سی کی خلاف ورزی کرتے ہوئے راولا کوٹ سیکٹر میں رکھ چکری کے مقام پر بلااشتعال فائرنگ کے نتیجے میں پاک فوج کے 3 جوان شہید ہوگئے۔

    آئی ایس پی آر کے مطابق بھارتی فوج کی فائرنگ سے ایک جوان زخمی بھی ہوا جبکہ پاک فوج کی بھرپور جوابی کارروائی میں بھارت کی جانب سے ہلاکتوں کی اطلاعات ہیں۔

    پاک فوج کے شعبہ تعلقات عامہ کے مطابق بھارتی فائرنگ سے صوبیدار محمد ریاض، حوالدار عزیز اور سپاہی شاہد منصب شہید ہوئے۔

    بھارتی فوج کی ایل او سی چکوٹھی سیکٹر پر بلا اشتعال فائرنگ، 2 شہری شہید

    اس سے قبل گزشتہ ماہ لائن آف کنٹرول پر بھارتی فوج کی جانب سے بلا اشتعال فائرنگ کے نتیجے میں خاتون سمیت 2 شہری شہید ہو گئے تھے۔

    آئی ایس پی آر کے اعلامیے میں کہا گیا تھا کہ بھارتی فورسز کی بلا اشتعال فائرنگ کے نتیجے میں چکوٹھی سیکٹر پر 4 پاکستانی شہری بھی زخمی ہوئے۔

    بھارتی فوج کی ایل او سی کی شہری آبادی پر فائرنگ، دو افراد زخمی

    یاد رہے کہ 6 مارچ کو بھی ایل او سی کے باغسر سیکٹر پر بھارتی فورسز نے اندھا دھند فائرنگ کی تھی، شہری آبادی پر فائرنگ سے 2 افراد زخمی ہو گئے تھے۔

  • سابق بھارتی فوجی تیج بہادر کا مودی کے خلاف الیکشن لڑنے کا اعلان

    سابق بھارتی فوجی تیج بہادر کا مودی کے خلاف الیکشن لڑنے کا اعلان

    نئی دہلی: مقبوضہ کشمیر میں تعینات رہنے والے سابق بھارتی فوجی تیج بہادر کا کہنا ہے کہ مودی کے خلاف الیکشن لڑنے کا مقصد یہ دکھانا ہے کہ کس طرح مودی سرکار نے فوج کو ناکام کیا۔

    تفصیلات کے مطابق بھارتی فورسز میں اہلکاروں کو دیے جانے والے ناقص کھانے کا بھانڈا پھوڑنے والے سابق بی ایس ایف اہلکار تیج بہادر نے نریندرمودی کے خلاف الیکشن لڑنے کا اعلان کردیا۔

    تیج بہادر کا کہنا ہے کہ الیکشن لڑنے کا مقصد ہارجیت نہیں دکھانا ہے، مودی سرکارنے کس طرح فوج کوناکام کیا۔

    سابق بی ایس ایف اہلکار کا کہنا تھا کہ بھارتی وزیراعظم نریندرمودی فوجیوں کے نام پرووٹ مانگتے ہیں۔

    تیج بہادر کو بھارتی فوج میں سہولتوں کی شکایت پربرطرف کیا گیا تھا، تیج بہادر نے بھارتی فوجیوں سے ناروا سلوک، ناقص کھانے کی ویڈیو اپ لوڈ کی تھی۔

    یاد رہے کہ ستمبر2017 میں سابق بھارتی فوجی تیج بہادر کا کہنا تھا کہ سرجیکل اسٹرائیک مودی سرکارکی ڈرامے بازی ہے،سرجیکل اسٹرائیک کے نام پرعوام کوبیوقوف بنایا جارہا ہے۔

    واضح رہے کہ دو سال قبل بھارتی فوجی اہلکار تیج بہادریادیو نے سوشل میڈیا پر ایک ویڈیو جاری کی تھی، جس میں بھارتی فوجی اہلکاروں کے ساتھ ہونے والے ناروا سلوک کا پردہ فاش کیا تھا، اپنی ویڈیو میں اس کا کہنا تھا کہ ہمیں ملنے والا کھانا افسران کھا جاتے ہیں یا پھر بازار میں بیچ دیا جاتا ہے۔

    بھارتی فوجی نے ویڈیو جاری کرکے اپنی فوج کو بے نقاب کردیا

    بعدا زاں بی ایس ایف اہلکار تیج بہادر کو نوکری سے فارغ کردیا گیا تھا جبکہ تیج بہادر نے فیصلے کے خلاف عدالت جانے کا اعلان کیا تھا۔

  • مقبوضہ کشمیرمیں بھارتی فوج کی فائرنگ‘ 3 کشمیری شہید

    مقبوضہ کشمیرمیں بھارتی فوج کی فائرنگ‘ 3 کشمیری شہید

    سری نگر: قابض بھارتی فورسز نے مقبوضہ کشمیر کے علاقے شوپیاں میں فائرنگ کرکے 3 کشمیری نوجوانوں کو شہید کردیا۔

    تفصیلات کے مطابق قابض بھارتی فورسز نے مقبوضہ کشمیر میں ظلم و بربریت جاری رکھتے ہوئے شوپیاں میں 3 کشمیری نوجوانوں کو فائرنگ کرکے شہید کردیا۔

    کشمیری میڈیا کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیراعلانیہ کرفیو نافذ کردیا گیا ہے، جبکہ انٹرنیٹ اور موبائل فون سروس بھی بند کردی گئی ہے۔

    کشمیری میڈیا کے مطابق بھارتی فورسزنے تلاشی کے بہانے خواتین، بچوں کوگھروں سے نکال دیا۔

    بھارتی فورسز نے گزشتہ ہفتے مقبوضہ کشمیر کے علاقے باندی پورہ اورشوپیاں میں نام نہاد سرچ آپریشن کے دوران 7 کشمیری نوجوانوں کوشہید کردیا تھا۔

    مقبوضہ کشمیر میں بھارتی فوج کی فائرنگ‘ 3 کشمیری شہید

    اس سے قبل 11 مارچ کو قابض بھارتی فورسز نے مقبوضہ کشمیر کے علاقے ترال میں فائرنگ کرکے 3 کشمیری نوجوانوں کو شہید کردیا تھا۔

    مزید پڑھیں : مقبوضہ کشمیر: بھارتی فوجی کمانڈر کی کشمیری ماؤں کو دھمکی

    یاد رہے کہ گزشتہ ماہ 19 فروری کو بھارتی فوج کی 15ویں کور کے کمانڈر لیفٹیننٹ جنرل کے ایس ڈھلوں نے 19 فروری کو پریس کانفرنس کرتے ہوئے کشمیری ماؤں کو دھمکی دی تھی کہ اگر اُن کے بچوں نے بھارتی فوج کے آگے سرینڈر نہ کیا تو انہیں مار دیا جائے گا۔

    لیفٹیننٹ جنرل کے ایس ڈھلوں کا کہنا تھا کہ پلوامہ حملے کی منصوبہ بندی کرنے والوں کو آپریشن کرکے مارا جاچکا ہے۔

  • مقبوضہ کشمیر میں بھارتی فوج کی فائرنگ‘ 3 کشمیری شہید

    مقبوضہ کشمیر میں بھارتی فوج کی فائرنگ‘ 3 کشمیری شہید

    سری نگر: قابض بھارتی فورسز نے مقبوضہ کشمیر کے علاقے ترال میں فائرنگ کرکے 3 کشمیری نوجوانوں کو شہید کردیا۔

    تفصیلات کے مطابق قابض بھارتی فورسز نے مقبوضہ کشمیر میں ظلم و بربریت جاری رکھتے ہوئے ترال میں 3 کشمیری نوجوانوں کو فائرنگ کرکے شہید کردیا۔

    کشمیری میڈیا کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیراعلانیہ کرفیو نافذ کردیا گیا ہے، جبکہ انٹرنیٹ اور موبائل فون سروس بھی بند کردی گئی ہے۔

    کشمیری میڈیا کے مطابق بھارتی فورسزنے تلاشی کے بہانے خواتین، بچوں کوگھروں سے نکال دیا۔

    مودی سرکار کی پالیسیوں کے مطابق چلنے سے انکار کرنے والے کشمیری اخبارات کے اشہتارات بند کر دیے گئے، تاہم اخبارات نے مودی سرکار کے دباؤ میں آنے سے انکار کر دیا۔

    اس سے قبل گزشتہ ہفتے قابض بھارتی فورسز نے مقبوضہ کشمیر کے علاقے پلواما میں فائرنگ کرکے 2 کشمیریوں کو شہید کردیا تھا۔

    مزید پڑھیں : مقبوضہ کشمیر: بھارتی فوجی کمانڈر کی کشمیری ماؤں کو دھمکی

    واضح رہے کہ گزشتہ ماہ 19 فروری کو بھارتی فوج کی 15ویں کور کے کمانڈر لیفٹیننٹ جنرل کے ایس ڈھلوں نے 19 فروری کو پریس کانفرنس کرتے ہوئے کشمیری ماؤں کو دھمکی دی تھی کہ اگر اُن کے بچوں نے بھارتی فوج کے آگے سرینڈر نہ کیا تو انہیں مار دیا جائے گا۔

    لیفٹیننٹ جنرل کے ایس ڈھلوں کا کہنا تھا کہ پلوامہ حملے کی منصوبہ بندی کرنے والوں کو آپریشن کرکے مارا جاچکا ہے۔

  • مقبوضہ کشمیر:‌ بھارتی ایجنسی نے میر واعظ عمر فاروق کو تفتیش کے لیے نئی دہلی طلب کرلیا

    مقبوضہ کشمیر:‌ بھارتی ایجنسی نے میر واعظ عمر فاروق کو تفتیش کے لیے نئی دہلی طلب کرلیا

    سری نگر: بھارت کی نیشنل سیکیورٹی ایجنسی نے حریت رہنما میر واعظ عمر فاروق کو جھوٹے مقدمے کی تفتیش کے لیے نئی دہلی طلب کرلیا جبکہ کٹھ پتلی انتظامیہ نے امراض قلب میں مبتلا یاسین ملک کو بھی قید تنہائی میں ڈال دیا۔

    کشمیر میڈیا سروس کے مطابق مقبوضہ وادی میں کشمیریوں کی آواز حقِ خودارادیت دبانے کے  لیے مودی سرکار نے مختلف حربے استعمال کرنا شروع کردیے جس کے بعد آزادی کے متوالوں کا جینا مشکل ہوگیا۔

    عارضہ قلب میں مبتلا حریت رہنما یاسین ملک کو کٹھ پتلی انتظامیہ نے قید تنہائی میں ڈال دیا اور اب اُن کے اہل خانہ کو بھی ملاقات کی اجازت نہیں دی جارہی ہے۔ اہل خانہ کے مطابق یاسین ملک کی طبیعت ناساز ہے اور انہیں علاج کی اشد ضرورت ہے مگر انتظامیہ اُن کو اسپتال لے جانے پر راضی نہیں ہے۔

    حریت رہنماوں نے یاسین ملک پر مظالم کی شدید مذمت کی۔ دوسری جانب بھارتی تحقیقاتی ایجنسی نے میر واعظ عمر فاروق کو جھوٹے مقدمے میں نامزد کر کے تفتیش کے لیے پیر کو نئی دہلی طلب کرلیا جبکہ بقیہ حریت رہنماؤں کے خلاف کریک ڈاؤن جاری ہے اور اُن کے گھروں پر بھارتی فوج چھاپے مارر ہی ہے۔

    دوسری جانب مقبوضہ کشمیر کی سابق وزیراعلیٰ محبوبہ مفتیٰ نے میر واعظ عمر فاروق کو مقدمے میں نامزد کر کے تفتیش کے لیے نئی دہلی بلانے پر کٹھ پتلی انتظامیہ کو آڑے ہاتھوں لیا۔

    اُن کا کہنا تھا کہ ’نیشنل سیکیورٹی ایجنسی نے میر واعظ کو مسلمان ہونے کی وجہ سے طلب کیا اور اُن پر علیحدگی پسند تنظیم کی قیادت کا الزام بھی عائد کیا، یہ قابل مذمت اقدام ہے‘۔

    سماجی رابطے کی ویب سائٹ پر انہوں نے ردعمل دیتے ہوئے کہا کہ ’میر واعظ عمر فاروق کشمیری مسلمانوں کے مذہبی اور روحانی لیڈر ہیں، اس طرح کے اقدامات سے بھارتی حکومت حقیقی مسائل کو چھپانے کی کوشش کررہی ہے‘۔

    دو روز قبل میر واعظ عمر فاروق نے سماجی رابطے کی ویب سائٹ پر ٹویٹ کیا تھا کہ ’حکمرانوں کی جانب سے مسلسل دوسرے ہفتے بھی جامع مسجد سری نگر  میں نماز جمعہ کی ادائیگی پر پابندی کردی گئی، شہرِ خاص میں سخت ترین  بندشں، مقامی افراد اپنے ہی گھروں کے اندر قید ہیں جبکہ حریت قیادت کو نظر بند یا پی ایس اے کے تحت مختلف زندان خانوں میں پابند سلاسل کیا جارہا ہے‘۔

    یاد رہے کہ مقبوضہ کشمیر پر قبضے کے بعد تاریخ میں پہلی بار ہے کہ بھارت کی تحقیقاتی ایجنسی نے تفتیش کے لیے کسی بھی حریت رہنما کو طلب کیا۔

  • مودی سرکار بھارتی فوج کاسیاسی استعمال بند کرے، سابق بھارتی نیول چیف

    مودی سرکار بھارتی فوج کاسیاسی استعمال بند کرے، سابق بھارتی نیول چیف

    نئی دہلی : مودی سرکار کیلئے فوجی تصاویر کا سیاسی استعمال ان کے لئے وبال بن گیا، سابق بھارتی نیول چیف نے بھارتی الیکشن کمیشن کوخط لکھ دیا، جس میں کہا کہ مودی سرکاربھارتی فوج کاسیاسی استعمال بند کرے۔

    تفصیلات کے مطابق عالمی میڈیا، سیاسی جماعتوں اورعالمی مبصرین کے بعد بھارتی فوجی بھی مودی سرکارکےخلاف بول پڑے، سابق بھارتی نیول چیف نے مودی سرکارکوخبردار کردیا۔

    سابق بھارتی نیول چیف ایل رام داس نے الیکشن کمیشن کو خط لکھا، خط میں رام داس نے کہا مودی سرکاربھارتی فوج کاسیاسی استعمال بند کرے، فوج کوانتخابی مہم کاحصہ بنانا درست نہیں۔

    رام داس نےبھارتی الیکشن کمیشن کوخط میں کہاکہ پلوامہ، بالاکوٹ اور پائلٹ ابھی نندن کی تصاویر اور فوج سے متعلق مواد انتخابی مہم کا حصہ نہ بنایاجائے۔

    سابق بھارتی نیول چیف نے الیکشن کمیشن سے درخواست کی ہے کہ سیاسی پارٹیوں کو فوجیوں کی تصاویر اور دیگر چیزوں کے استعمال سے روکا جائے اور ان کے خلاف کارروائی کی جائے۔

    خیال رہے پلوامہ حملے کے جواب میں مودی سرکار نے بالاکوٹ میں حملے کا دعویٰ کیاتھا تاہم اندورن ملک اور عالمی سطح پربھارتی دعوے کو مشکوک قرار دیاہے۔

    مزید پڑھیں : پلوامہ حملہ انٹیلی جنس کی ناکامی ہے،  سابق بھارتی را چیف

    یاد رہے سابق بھارتی را چیف نے پلوامہ حملے کو انٹیلی جنس کی ناکامی قرار دیتے ہوئے کہاتھا اس قدر بڑی شورش اورحریت پسندی کو فوج کنٹرول نہیں کرسکتی، پاکستان سےبات کئےبغیر کوئی چارہ نہیں۔

    اس سے قبل سابق بھارتی چیف جسٹس مرکنڈے کاٹجو نے مودی سرکار کو خبردار کیا تھا کہ پاکستان جوہری طاقت ہےمذاق نہیں، پاکستان کی فوج تیارہے لائن آف کنٹرول کراس کی تومنہ توڑجواب ملے گا۔

  • پاکستان سے شکست، بھارتی فوج میں وسیع پیمانے پر اکھاڑ پچھاڑ

    پاکستان سے شکست، بھارتی فوج میں وسیع پیمانے پر اکھاڑ پچھاڑ

    نئی دہلی : پاکستان پر حملے میں ناکامی کے بعد بھارتی وزارت دفاع نے فوج میں بڑے پیمانے پر تبادلے اور فوجیوں کی تعداد میں کمی کی منظوری دے دی، فوج میں اصلاحات کا یہ پہلا مرحلہ ہے۔

    پاکستان سے بری طرح پسپائی کے بعد بھارتی فوج میں وسیع پیمانے پر اکھاڑ پچھاڑ کا عمل جاری ہے، بھارتی وزارت دفاع نے بڑی اصلاحات کے پہلےسیٹ کی منظوری دے دی،فوج میں اصلاحات کا یہ پہلا مرحلہ ہے۔

    بھارتی میڈیا کا کہنا ہے کہ وزارت دفاع نے آرمی میں چھانٹی کی منظوری بھی دے دی، اس کے علاوہ فوجیوں کی تعداد میں بھی نمایاں کمی کی جائےگی جبکہ اخراجات بھی کم کر دئیے جائیں گے۔

    پاکستان اور چین کے باڈرز پر فوجیوں کی تعداد میں اضافہ کیا جائےگا اور بھارتی فوج ہیڈ کوارٹرز سے مزید دو سو انتیس افسر فارورڈ یونٹس میں بھیجے جائیں گے۔

    بھارتی وزارت دفاع نے ڈپٹی چیف آف آرمی اسٹاف اسٹریٹیجی کی پوسٹ تخلیق کرنے کی بھی منظوری دی۔

    مزید پڑھیں : پاکستان پر ناکام حملہ، کمانڈنگ ان چیف ائیر مارشل ہری کمار کو فارغ کردیا گیا

    یاد رہے چند روز قبل بھارت نے ائیر مارشل ہری کمار کو فارغ کردیا تھا، ہری کمار کو جنگ پہلے ہی تین جہاز کھونے پر برطرف کیا گیا تھا اور ہری کمار کی برطرفی کے بعد رگھو ناتھ نامبیار کو نیا چیف ویسٹرن ائیر کمانڈ بنایاگیا تھا۔

    واضح رہے 27 فروری کو بھارت کی3 جنگی جہاز تباہ ہوئے تھے، تین میں سے دوپاکستان ائیر فورس نے مار گرائے تھے جبکہ بھارتی پائلٹ کو بھی حراست میں لے لیا تھا۔

    ڈی جی آئی ایس پی آر جنرل آصف غفور نے بتایا تھا بھارتی طیارے پاکستانی حدود میں نشانہ بنائے، ایک طیارہ آزاد کشمیر دوسرا مقبوضہ کشمیر کی حدود میں گرایا۔

    بعد ازاں بھارتی وزارت خارجہ نے پاکستانی ایئر فورس کے ہاتھوں اپنا طیارہ تباہ ہونے اور فوجی تنصیبات کو نشانہ بنانے کا اعتراف کرلیا تھا اور کہا تھا ان کا ایک مگ 21 طیارہ تباہ ہوچکا ہے۔

  • مقبوضہ کشمیرکی ہرعورت انصاف چاہتی ہے‘ مشعال ملک

    مقبوضہ کشمیرکی ہرعورت انصاف چاہتی ہے‘ مشعال ملک

    اسلام آباد: حریت رہنما یاسین ملک کی اہلیہ مشعال ملک کا کہنا ہے کہ کشمیرکی تحریک آزادی میں شریک خواتین کومظالم کا سامنا ہے۔

    تفصیلات کے مطابق چیئرمین جموں وکشمیر لبریشن فرنٹ یاسین ملک کی اہلیہ مشعال ملک نے خواتین کےعالمی دن پراپنے پیغام میں کہا کہ مقبوضہ کشمیرکی ہرعورت انصاف چاہتی ہے۔

    انہوں نے کہا کہ مقبوضہ کشمیرمیں بھارتی فوج عصمت دری کوبطور ہتھیاراستعمال کرتی ہے، مقبوضہ کشمیرمیں سب سے بڑی تعداد میں آدھی بیوہ خواتین ہیں۔

    مشعال ملک نے اپنے پیغام میں مزید کہا کہ کشمیرکی تحریک آزادی میں شریک خواتین کومظالم کا سامنا ہے، مقبوضہ کشمیرمیں خواتین کوحقوق کب ملیں گے۔

    آج پاکستان سمیت دنیا بھر میں خواتین کا عالمی دن منایا جارہا ہے

    واضح رہے کہ پاکستان سمیت دنیا بھر میں آج خواتین کا عالمی دن منایا جارہا ہے، اس دن کو منانے کا مقصد خواتین کی سماجی، سیاسی اور اقتصادی جدوجہد کو خراج تحسین پیش کرنا ہے۔

    خواتین کا عالمی دن کیوں منایا جاتا ہے؟

    آج سے تقریباً سو سال قبل نیو یارک میں کپڑا بنانے والی ایک فیکٹری میں مسلسل دس گھنٹے کام کرنے والی خواتین نے اپنے کام کے اوقات کار میں کمی اور اجرت میں اضافے کے لیے آواز اٹھائی تو ان پر پولیس نے نہ صرف وحشیانہ تشدد کیا بلکہ ان خواتین کو گھوڑوں سے باندھ کرسڑکوں پرگھسیٹا گیا تاہم اس بد ترین تشدد کے بعد بھی خواتین نے جبری مشقت کے خلاف تحریک جاری رکھی۔

    خواتین کی مسلسل جدوجہد اور لازوال قربانیوں کے نتیجے میں 1910 میں کوپن ہیگن میں خواتین کی پہلی عالمی کانفرنس منعقد ہوئی، جس میں 17 سے زائد ممالک کی سو کے قریب خواتین نے شرکت کی۔

    اس کانفرنس میں عورتوں پر ہونے والے ظلم واستحصال کا عالمی دن منانے کا فیصلہ کیا گیا۔ اقوام متحدہ نے 1656 میں 8 مارچ کو عورتوں کے عالمی دن کے طورپرمنانے کا فیصلہ کیا۔