ARYNews.tv | Urdu – Har Lamha Bakhabar

Tag: بھارتی فوج

  • مقبوضہ کشمیر میں بھارتی فوج کی فائرنگ‘ 1 کشمیری شہید

    مقبوضہ کشمیر میں بھارتی فوج کی فائرنگ‘ 1 کشمیری شہید

    سری نگر: قابض بھارتی فورسز نے مقبوضہ کشمیر کے علاقے ہندواڑہ میں فائرنگ کرکے کشمیری نوجوانوں کو شہید کردیا۔

    تفصیلات کے مطابق قابض بھارتی فورسز نے مقبوضہ کشمیر میں ظلم و بربریت جاری رکھتے ہوئے ضلع ہندواڑہ میں کشمیری نوجوان کو فائرنگ کرکے شہید کردیا۔

    کشمیری میڈیا کا کہنا ہے کہ ظالم بھارتی فوج کی جانب سے کشمیری نوجوان کی شہادت کے بعد علاقے میں غیراعلانیہ کرفیو نافذ کردیا گیا ہے، جبکہ انٹرنیٹ اور موبائل فون سروس بھی بند کردی گئی ہے۔

    کشمیری میڈیا کے مطابق بھارتی فورسزنے تلاشی کے بہانے خواتین، بچوں کوگھروں سے نکال دیا۔

    مشعال ملک

    چیئرمین جموں وکشمیر لبریشن فرنٹ یاسین ملک کی اہلیہ مشعال ملک نے کہا کہ مقبوضہ کشمیرمیں بھارتی فوج نے ایک اورنوجوان شہید کردیا، بھارت سازش کے تحت کشمیریوں کی نسل کشل کررہا ہے۔

    انہوں نے کہا کہ کشمیریوں کی گرتی لاشیں عالمی برادری کا ضمیرجھنجھوڑ رہی ہیں، عالمی طاقتیں سب سے بڑے دہشت گرد بھارت کا ہاتھ روکیں۔

    مقبوضہ کشمیرمیں بھارتی فوج کی فائرنگ ‘ 2 کشمیری شہید

    یاد رہے کہ دو روز قبل قابض بھارتی فورسز نے مقبوضہ کشمیر کے علاقے پلواما میں فائرنگ کرکے 2 کشمیریوں کو شہید کردیا تھا۔

    مزید پڑھیں : مقبوضہ کشمیر: بھارتی فوجی کمانڈر کی کشمیری ماؤں کو دھمکی

    واضح رہے کہ گزشتہ ماہ 19 فروری کو بھارتی فوج کی 15ویں کور کے کمانڈر لیفٹیننٹ جنرل کے ایس ڈھلوں نے 19 فروری کو پریس کانفرنس کرتے ہوئے کشمیری ماؤں کو دھمکی دی تھی کہ اگر اُن کے بچوں نے بھارتی فوج کے آگے سرینڈر نہ کیا تو انہیں مار دیا جائے گا۔

    لیفٹیننٹ جنرل کے ایس ڈھلوں کا کہنا تھا کہ پلوامہ حملے کی منصوبہ بندی کرنے والوں کو آپریشن کرکے مارا جاچکا ہے۔

  • بھارتی فوج کی ایل او سی کی شہری آبادی پر فائرنگ، دو افراد زخمی

    بھارتی فوج کی ایل او سی کی شہری آبادی پر فائرنگ، دو افراد زخمی

    راولپنڈی : بھارتی فوج نے ایل او سی کے قریب شہری آبادی پر فائرنگ کردی، دو افراد زخمی ہوگئے، بھارت نے پاک فوج پر ہی شہریوں کو مارنے کا الزام لگا دیا۔

    تفصیلات کے مطابق پاک فوج کے شعبہ تعلقات عامہ آئی ایس پی آر نے لائن آف کنٹرول کی گزشتہ24گھنٹے کی صورتحال کے حوالے سے آگاہ کرتے ہوئے کہا ہے کہ بھارتی فوج  کی جانب سے لائن آف کنٹرول (ایل او سی) کے باغسر سیکٹر کی شہری آبادی پر اندھا دھند فائرنگ کی گئی۔

    بھارتی فوج نے نیزہ پیر، پانڈو، خنجر منور، پٹل اور باغسر سیکٹرز میں بلا اشتعال فائرنگ کی لیکن پاک فوج کی جانب سے بھرپور جوابی کارروائی کی گئی جس سے دشمن کی گنیں خاموش ہو گئیں۔

    بھارتی فوج کی فائرنگ کے نتیجے میں دو شہری زخمی ہوگئے، فائرنگ سے زخمی ہونے والوں میں55سالہ عظمت بی بی اور75سالہ باباجان شامل ہیں۔

    آئی ایس پی آر کے مطابق ایل او سی پر بھارتی فوج کی جانب سے اب باقاعدہ شہری آبادی کو نشانہ بنایا جارہا ہے جبکہ بھارت کی جانب سے پاک فوج پر ایل او سی کے اس پار شہری آبادی کو نشانہ بنانے کا پروپیگنڈہ کیا جارہا ہے ،پاک فوج متعدد بار بتا چکی ہے کہ وہ آبادی کو نشانہ نہیں بنا رہی۔

    آئی ایس پی آر کا مزید کہنا ہے کہ ہم شہری آبادی کو نشانہ بنانے کے بھارتی الزامات مسترد کرتے ہیں، بھارت کو جواب دیتے ہوئے کشمیری بھائیوں کا خیال رکھا جاتا ہے، پاک فضائیہ اور پاک بحریہ سرحدوں کے دفاع کیلئے ہمہ وقت چوکس چوکنا ہیں۔

  • مقبوضہ کشمیرمیں بھارتی فوج کی فائرنگ ‘ 2 کشمیری شہید

    مقبوضہ کشمیرمیں بھارتی فوج کی فائرنگ ‘ 2 کشمیری شہید

    سری نگر: قابض بھارتی فورسز نے مقبوضہ کشمیر کے علاقے پلواما میں فائرنگ کرکے 2 کشمیریوں کو شہید کردیا۔

    تفصیلات کے مطابق قابض بھارتی فورسز نے مقبوضہ کشمیر میں ظلم و بربریت جاری رکھتے ہوئے ضلع کپواڑہ میں 2 کشمیری نوجوانوں کو فائرنگ کرکے شہید کردیا۔

    کشمیری میڈیا کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیراعلانیہ کرفیو نافذ کردیا گیا ہے، جبکہ انٹرنیٹ اور موبائل فون سروس بھی بند کردی گئی ہے۔

    کشمیری میڈیا کے مطابق بھارتی فورسزنے تلاشی کے بہانے خواتین، بچوں کوگھروں سے نکال دیا۔

    یاد رہے کہ دو روز قبل مقبوضہ کشمیر میں بھارتی فوج نے کپواڑا کے علاقے میں سرچ آپریشن کے نام پر مزید 2 کشمیری نوجوانوں کو شہید جبکہ 2 مذہبی شخصیات کو حراست میں لے لیا تھا۔

    مزید پڑھیں : مقبوضہ کشمیر: بھارتی فوجی کمانڈر کی کشمیری ماؤں کو دھمکی

    واضح رہے کہ گزشتہ ماہ 19 فروری کو بھارتی فوج کی 15ویں کور کے کمانڈر لیفٹیننٹ جنرل کے ایس ڈھلوں نے 19 فروری کو پریس کانفرنس کرتے ہوئے کشمیری ماؤں کو دھمکی دی تھی کہ اگر اُن کے بچوں نے بھارتی فوج کے آگے سرینڈر نہ کیا تو انہیں مار دیا جائے گا۔

    لیفٹیننٹ جنرل کے ایس ڈھلوں کا کہنا تھا کہ پلوامہ حملے کی منصوبہ بندی کرنے والوں کو آپریشن کرکے مارا جاچکا ہے۔

  • کہیں پاکستانی بن کر تو نہیں آگئے؟ بھارتی فوج ابھینندن کی جانب سے مشکوک

    کہیں پاکستانی بن کر تو نہیں آگئے؟ بھارتی فوج ابھینندن کی جانب سے مشکوک

    نئی دہلی: گزشتہ روز پاکستان کی جانب سے بھارت کے حوالے کیا جانے والا ونگ کمانڈر ابھینندن تاحال بھارتی فوج کی تحویل میں ہے اور اس سے پوچھ گچھ جاری ہے، ابھینندن کو اپنے گھر نہیں جانے دیا گیا۔

    تفصیلات کے مطابق ’ہمارا ہیرو ابھینندن‘ اور ’ویلکم بیک ہیرو‘ کے نعرے پیٹنے والے بھارتی اپنے ہی ہیرو کی واپسی کے بعد اس کی طرف سے مشکوک ہوگئے ہیں۔ ونگ کمانڈر تاحال اپنے ہی ملک کی فورسز کی تحویل میں ہے اور اسے گھر نہیں جانے دیا گیا۔

    ابھینندن فی الحال اسپتال میں ہے جہاں اس کی مکمل طور پر جسمانی جانچ پڑتال کی گئی، اس کے بعد اسے ڈی بریف کرنے کا سلسلہ جاری ہے۔

    ابھینندن کو شک کی کڑی نگاہ سے دیکھا جارہا ہے اور اس سے سوالات کیے جارہے ہیں کہ آیا اصلی ہو یا نقلی؟ کہیں ایجنٹ تو نہیں بن گئے؟ پاکستان کے حامی تو نہیں بن گئے؟ تمہارادل و دماغ بدل تو نہیں گیا؟

    مزید پڑھیں: ابھینندن کی واپسی کے وقت ساتھ موجود خاتون کون تھیں؟

    بھارتی ونگ کمانڈر کو تاحال اپنے گھر نہیں جانے دیا گیا، اپنے اہلخانہ سے اس کی نہایت مختصر ملاقات کروائی گئی جس کا دورانیہ صرف 9 منٹ تھا۔

    ادھر سوشل میڈیا پر ایک اور تصویر وائرل ہوئی، جس میں بہ ظاہر پاکستانی فوج اسپتال میں ابھی نندن کا معاینہ کیا جارہا ہے، اس تصویر میں ابھی نندن مطمئن دکھائی دیتا ہے۔

    یاد رہے کہ بھارتی پائلٹ ابھینندن کو 27 فروری کو گرفتار کیا گیا تھا جب وہ اپنا طیارہ لے کر تباہی کے ارادے سے پاکستانی حدود میں داخل ہوا، ایسے میں پاک فوج نے بروقت کارروائی کرتے ہوئے ابھینندن کے طیارے سمیت 2 طیاروں کو مار گرایا۔

    طیارہ گرنے کے بعد ابھینندن کو مقامی افراد نے تشدد کا نشانہ بھی بنایا تاہم پاک فوج نے اسے بچا کر اپنی تحویل میں لے لیا، گزشتہ رات بھارتی پائلٹ کو خیر سگالی کے اظہار کے طور پر بھارت کے حوالے کردیا گیا تھا۔

  • بھارتی فوج کی بلااشتعال فائرنگ، پاک فوج کے 2 جوان شہید

    بھارتی فوج کی بلااشتعال فائرنگ، پاک فوج کے 2 جوان شہید

    لاہور: پاکستان کی جانب سے امن کے پیغام کے بعد بھی بھارت نے جنگی جنون کا مظاہرہ کرتے ہوئے ایل اوسی پرفائرنگ وگولہ باری کی، جس کے نتیجے میں پاک فوج کے 2 جوان سمیت دو پاکستانی شہری شہید ہوگئے۔

    پاک فوج کے شعبہ تعلقات عامہ (آئی ایس پی آر ) کے مطابق بھارتی فوج کی جانب سے لائن آف کنٹرول پر نکیال سیکٹرپرشہری آبادی پر بلااشتعال فائرنگ کی گئی ، بلااشتعال فائرنگ میں پاک فوج کے2جوان شہید ہوگئے، شہدا میں حوالدارعبدالرب اورنائیک خرم شامل ہیں۔

    پاک فوج کے شہید جوانوں حوالدار عبدالرب اور نائیک خرم کی نماز جنازہ میر پور آزاد کشمیر میں ادا کی گئی، نمازِ جنازہ میں فوج سینئر افسران اور عوام کی بڑی تعداد نے شرکت کی۔

    پاک فوج کی جوابی کارروائی میں بھارتی مورچوں کو نقصان اور بھاری جانی نقصان کی اطلاع ہے۔

    اس سے قبل بھارتی فوج کی جانب سے ایل اوسی کی تتہ پانی ، جنڈرت اور گرم چشمہ سیکٹرمیں شہری آبادی پر بلااشتعال فائرنگ کی گئی ، جس کے نتیجے میں 2 پاکستانی شہری شہید اور 2 زخمی ہوگئے۔

    آئی ایس پی آر کے مطابق پاک فوج کی بھرپور جوابی کارروائی کے بعد بھارتی توپیں خاموش ہوگئیں،پاک فوج نے شہریوں کو نشانہ بنانے والے بھارتی پوسٹوں کو نشانہ بنایا۔

    ترجمان کا کہنا ہے پاک فضائیہ اور پاک نیوی ہوشیار اور مستعدہے۔

    گذشتہ روز جس وقت گرفتار بھارتی پائلٹ کو واہگہ پر بھارتی حکومت کے حوالے کیا گیا، عین اسی وقت بھارتی فوج نے اپنی سطحی سوچ کا مظاہرہ کرتے ہوئے لائن آف کنٹرول کے تین مقامات پر شہری آبادی پر بلااشتعال فائرنگ اور گولہ باری کی تھی۔

    بھارتی فوج کی جانب سے بلا اشتعال گولہ باری سے ایک پاکستانی شہری شہید جبکہ دو افراد زخمی ہوگئے تھے، اس کے علاوہ کھوئی رٹہ سیکٹر، سماہنی سیکٹر، راولاکوٹ میں تتہ پانی اوردرہ شیخان پر گولہ باری کی، جس سے مزید تین افراد زخمی ہوئے تھے۔

    مزید پڑھیں : ابھی نندن کی حوالگی کے فوری بعد بھارتی فوج کی ایل او سی پر فائرنگ، ایک شہری شہید

    آرمی چیف جنرل قمر جاوید باجوہ نے صاف الفاظ میں دنیا پر واضح کر دیا تھا  کہ  پاکستان اپنے دفاع میں کارروائی کا حق محفوظ رکھتا ہے، کسی بھی جارحیت کا بھرپور جواب دیں گے۔

    یاد رہے 27 فروری کو پاک فضائیہ نے سرحدی حدود کی خلاف ورزی کرنے والے 2 بھارتی طیارے مار گرائے تھے اور ایک بھارتی پائلٹ کو گرفتار کرلیا تھا، آئی ایس پی آر کے سربراہ میر جنرل آصف غفور کے مطابق بھارت کے 2 طیارے لائن آف کنٹرول کے اطراف میں گر کر تباہ ہوئے، ایک طیارہ بھارتی مقبوضہ کشمیر کے علاقے بڈگام میں گرا، جبکہ دوسرا طیارہ پاکستان کی جانب گرا تھا۔

    بعد ازاں پاک فوج کے شعبہ تعلقات عامہ آئی ایس پی آر کی جانب سے بیان میں کہا گیا تھا کہ بھارتی جارحیت کا جواب دینے کے لیے لائن آف کنٹرول پر پاک فوج کے جوان الرٹ ہیں، پاکستان ایئر فورس اور نیوی بھی پوری طرح الرٹ ہے۔

    خیال رہے پاکستان کی جانب سے گرفتار بھارتی پائلٹ کو بھارت کے حوالے کیا جا چکا ہے۔

  • ابھی نندن کی حوالگی کے فوری بعد بھارتی فوج کی ایل او سی پر فائرنگ، ایک شہری شہید

    ابھی نندن کی حوالگی کے فوری بعد بھارتی فوج کی ایل او سی پر فائرنگ، ایک شہری شہید

    کوٹلی : پاکستان کی جانب سے امن کے پیغام کے جواب میں بھارت نے جنگی جنون کا مظاہرہ کرتے ہوئے ایل او سی پر شدید گولہ باری کی جس کے نتیجے میں ایک شہری شہید اور5زخمی ہوگئے۔

    تفصیلات کے مطابق بھارت کی پیٹھ پر چھرا گھونپنے کی عادت نہ گئی جس وقت گرفتار بھارتی پائلٹ کو واہگہ پر بھارتی حکومت کے حوالے کیا گیا عین اسی وقت بھارتی فوج نے اپنی سطحی سوچ کا مظاہرہ کرتے ہوئے لائن آف کنٹرول کے تین مقامات پر شہری آبادی پر بلااشتعال فائرنگ اور گولہ باری کی۔

    بھارتی فوج کی جانب سے نکیال سیکٹر پر بلا اشتعال گولہ باری سے ایک پاکستانی شہری شہید جبکہ دو افراد زخمی ہوگئے، اس کے علاوہ کھوئی رٹہ سیکٹر، سماہنی سیکٹر، راولاکوٹ میں تتہ پانی اوردرہ شیخان پر گولہ باری کی، جس سے مزید تین افراد زخمی ہوئے۔ پاک فوج کی جانب سے بھرپور جوابی کارروائی جاری ہے۔

    مزید پڑھیں: مقبوضہ کشمیرمیں بھارتی فوج کی فائرنگ ‘ 2 کشمیری شہید

    واضح رہے کہ اس سے قبل قابض بھارتی فورسز نے مقبوضہ کشمیر میں ظلم و بربریت جاری رکھتے ہوئے ضلع کپواڑہ میں دو کشمیری نوجوانوں کو فائرنگ کرکے شہید کردیا۔

    اس حوالے سے کشمیری میڈیا کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیراعلانیہ کرفیو نافذ کردیا گیا ہے۔

    اس کے علاوہ انٹرنیٹ اور موبائل فون سروس بھی بند کردی گئی ہے،کشمیری میڈیا کے مطابق بھارتی فورسزنے تلاشی کے بہانے خواتین، بچوں کوگھروں سے نکال دیا تھا۔

  • مقبوضہ کشمیرمیں بھارتی فوج کی فائرنگ ‘ 2 کشمیری شہید

    مقبوضہ کشمیرمیں بھارتی فوج کی فائرنگ ‘ 2 کشمیری شہید

    سری نگر: قابض بھارتی فورسز نے مقبوضہ کشمیر کے علاقے کپواڑہ میں فائرنگ کرکے 2 کشمیری نوجوانوں کو شہید کردیا۔

    تفصیلات کے مطابق قابض بھارتی فورسز نے مقبوضہ کشمیر میں ظلم و بربریت جاری رکھتے ہوئے ضلع کپواڑہ میں 2 کشمیری نوجوانوں کو فائرنگ کرکے شہید کردیا۔

    کشمیری میڈیا کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیراعلانیہ کرفیو نافذ کردیا گیا ہے، جبکہ انٹرنیٹ اور موبائل فون سروس بھی بند کردی گئی ہے۔

    کشمیری میڈیا کے مطابق بھارتی فورسزنے تلاشی کے بہانے خواتین، بچوں کوگھروں سے نکال دیا۔

    مقبوضہ کشمیر میں بھارتی فورسز کی فائرنگ سے 2 کشمیری شہید

    یاد رہے کہ دو روز قبل مقبوضہ کشمیر کے علاقے شوپیاں میں بھارتی فورسز نے ریاستی دہشت گردی کا مظاہرہ کرتے ہوئے سرچ آپریشن کے دوران دو کشمیریوں کو شہید کردیا تھا۔

    مزید پڑھیں : مقبوضہ کشمیر: بھارتی فوجی کمانڈر کی کشمیری ماؤں کو دھمکی

    واضح رہے کہ گزشتہ ماہ 19 فروری کو بھارتی فوج کی 15ویں کور کے کمانڈر لیفٹیننٹ جنرل کے ایس ڈھلوں نے 19 فروری کو پریس کانفرنس کرتے ہوئے کشمیری ماؤں کو دھمکی دی تھی کہ اگر اُن کے بچوں نے بھارتی فوج کے آگے سرینڈر نہ کیا تو انہیں مار دیا جائے گا۔

    لیفٹیننٹ جنرل کے ایس ڈھلوں کا کہنا تھا کہ پلوامہ حملے کی منصوبہ بندی کرنے والوں کو آپریشن کرکے مارا جاچکا ہے۔

  • پاکستان کے خلاف کارروائی، بھارتی فوج کے سربراہان ثبوت مانگنے پر گڑ بڑا گئے

    پاکستان کے خلاف کارروائی، بھارتی فوج کے سربراہان ثبوت مانگنے پر گڑ بڑا گئے

    نئی دہلی: بھارت کی مسلح افواج کے سربراہان نے بھارتی پائلٹ کی رہائی کے فیصلے کو سراہا، ائیرچیف مارشل آر جی کے کپور کا کہنا تھا کہ ابھی نندن کی واپسی کا اعلان ہمارے لیے بہت بڑی خبر ہے۔

    تفصیلات کے مطابق بھارت کے تینوں مسلح افواج کے سربراہان نے حالیہ کشیدگی کے حوالے سے نئی دہلی میں مشترکہ پریس کانفرنس کی جس میں وہ بالاکوٹ حملے میں ہلاکتوں، پاکستانی ایف 16 طیارہ گرانے کے ثبوت فراہم نہ کرسکے۔

    پریس کانفرنس کے دوران صحافیوں نے تینوں مسلح افواج کے سربراہان سے سوالات کیے کہ وہ کس طرح اپنے دعوؤں کو سچا ثابت کریں گے کیونکہ اس حوالے سے کوئی ثبوت موجود نہیں ہے۔

    مزید پڑھیں: نوجوت سنگھ سدھو کا بھارتی پائلٹ کی رہائی کے اعلان کا خیر مقدم

    یہ بھی پڑھیں: وزیر اعظم عمران خان کا امن کی خاطر بھارتی پائلٹ کو کل رہا کرنے کا اعلان

    صحافیوں کے سوالات سُن کر مسلح افواج کے سربراہان گڑبڑا گئے اور انہوں نے جواب دینے کے بجائے ٹال مٹول سے کام لیا۔

    ایک صحافی نے بالاکوٹ میں ہونے والی ہلاکتوں اور ثبوت کے حوالے سے سوال کیا تو ائیرچیف مارشل نے کہا کہ ابھی ہمیں تعداد کا کوئی علم نہیں اس لیے شواہد پیش نہیں کرسکتے۔

    پاکستان پر ایف 16 طیارے کے استعمال کا ثبوت کے حوالے سے جب صحافی نے سوال کیا تو ائیرچیف مارشل نے کہا ریڈار میں یہی ریکارڈ ہوا اور ایک میزائل کا ٹکڑا بھی ملا جو سب سے بڑا ثبوت ہے، ساتھ ہی انہوں نے پاکستان میں پکڑے جانے والے جہاز سے لاتعلقی کا اظہار بھی کیا۔

    مسلح افواج کے سربراہان نے پریس کانفرنس کے دوران ایک ٹکڑا ہاتھ میں تھاما اور میڈیا کو اسے بطور ثبوت دکھایا ساتھ میں یہ بھی دعویٰ کیا گیا کہ ایف سولہ جہاز کے استعمال کی نشانی ہے۔

    اسے بھی پڑھیں: پاکستان پر حملہ ڈرامہ تھا، پلوامہ حملہ میں مارے جانے والے فوجی کی والدہ کا بیان

    اسی سے متعلق: نام نہاد سرجیکل اسٹرائیک کا دعویٰ، بھارتی سیکریٹری خارجہ بوکھلا گئے

    بھارتی پائلٹ کی رہائی کے حوالے سے پوچھے گئے سوال پر آر جی کے کپور کا کہنا تھا کہ ہمارے سپاہی کی واپسی خوش آئندہ ہے، ہمیں خوشی ہے کہ ابھی نندن واپس اپنے وطن اور اپنے گھر آجائے گا۔

  • سکھوں کی عالمی تنظیم سکھ فارجسٹس نے بھارتی فوج کودہشت گرد قرار دے دیا

    سکھوں کی عالمی تنظیم سکھ فارجسٹس نے بھارتی فوج کودہشت گرد قرار دے دیا

    نیویارک : سکھ برادری کی عالمی تنظیم سکھ فار جسٹس نے بھارتی دراندازی کی سختی سے مذمت ‌کرتے ہوئے بھارتی فوج کودہشت گرد قرار دے دیا ہے، گُر پتونت  سنگھ پنو کا کہنا ہے گرؤوں کی دھرتی کی طرف میلی آنکھ سے دیکھنے والوں کی آنکھیں نکال دیں گے۔

    تفصیلات کے مطابق سکھ برادری کی عالمی تنظیم اورآئندہ سال خالصتان ریفرنڈم کیلئے سرگرم سکھ فار جسٹس نے بھارتی دراندازی پر بھارتی فوج کودہشت گرد قرار دے دیا ہے، گرپتونت سنگھ پنو نے کہا بزدل دشمن رات کی تاریکی میں بھاگ نکلا، اسے پاکستانی شاہینوں کا خوف لاحق تھا۔

    ان کا کہنا تھا کہ پاکستان کی سرزمین سکھوں کیلئے قابل احترام ہے، بھارتی فوج میں موجود سکھ اہلکار پاکستان کیخلاف کسی بھی قسم کی کارروائی سے فوری انکار کردیں۔

    بھارتی فوج میں موجود سکھ اہلکار پاکستان کیخلاف کسی بھی قسم کی کارروائی سے فوری انکار کردیں

    گرپتونت سنگھ نے کہا گروؤں کی زمین پاکستان کیخلاف کارروائی سے گریز کریں، سکھ فار جسٹس ہمیشہ سکھوں کو نقصان پہنچایاگیا، اب ایسا نہیں ہوگا، گرؤوں کی دھرتی کی طرف میلی آنکھ سے دیکھنے والوں کی آنکھیں نکال دیں گے۔

    یاد رہے چند روز قبل بھی سکھوں کی تنظیم سکھ فار جسٹس کے رہنما گُر پتونت سنگھ پنو کا کہنا تھا کہ پلوامہ میں مقبوضہ کشمیر کی آزادی کے لیے جدوجہد کرنے والوں نے جو کارروائی کی وہ غیر قانونی نہیں، پلوامہ کارروائی دہشت گردی نہیں ہے، اس میں کسی عام شہری کو نشانہ نہیں بنایا گیا۔

    یاد رہے بھارتی ایئرفورس کی جانب سے لائن آف کنٹرول کی خلاف ورزی کی گئی تھی اور پاک فضائیہ کی بروقت ردعمل کے بعد بھارتی طیارے فرار ہوگئے تھے۔

    بھارتی دراندازی کے بعد وزیراعظم عمران خان کی زیرصدارت قومی سلامتی سے متعلق اجلاس ہوا تھا ، جس میں وزیراعظم نے پاک فضائیہ کے بروقت ایکشن کی تعریف کرتے ہوئے پاک فوج اور عوام کو تیار رہنے کی ہدایت کی تھی اور کہا تھا جوابی کارروائی کیلئے پاکستان وقت اور جگہ کا انتخاب خود کرے گا۔

    بعد ازاں وزیر خارجہ شاہ محمود قریشی نے پریس کانفرنس میں کہا تھا کہ پاکستان کے خلاف جارحیت کی گئی، پاکستان اس جارحیت کا جواب دے گا، پاک فوج مکمل چاق و چوبند اور تیار تھی، ہم ردعمل نہیں عمل کر کے دکھائیں گے، اشتعال انگیزی کا شکار نہیں ہوں گے جو ہم نے کرنا ہے وہ کریں گے۔

    خیال رہے آج پاکستان کی جانب سے سرحدی حدود کی خلاف ورزی 2 بھارتی طیارے مار گرائے ہیں۔

  • کشمیریوں نے ٹھان لی ہے وہ بھارتی فوج کوسری نگر سے بھگا کردم لیں گے‘ فاروق حیدر

    کشمیریوں نے ٹھان لی ہے وہ بھارتی فوج کوسری نگر سے بھگا کردم لیں گے‘ فاروق حیدر

    مظفرآباد: وزیراعظم آزاد جموں وکشمیر فاروق حیدر نے کہا کہ بھارت مقبوضہ کشمیرسے توجہ ہٹانے کے لیے جنگی جنون کوہوا دے رہا ہے۔

    تفصیلات کے مطابق وزیراعظم آزاد جموں وکشمیر نے بھارتی طیاروں کی جانب سے ایل او سی کی خلاف ورزی پرشدید مذمت کی ہے۔

    فاروق حیدر نے کہا کہ عالمی برادری بھارت کا جنگی جنون دیکھ لے، آزاد کشمیر کے عوام بھارت کا جنگی جنون کئی باردیکھ چکے ہیں، اقوام متحدہ صورت حال کا نوٹس لے۔

    وزیراعظم آزاد جموں وکشمیر نے کہا کہ جس طرح پاک فضائیہ نے بھارتی طیاروں کو بھگایا وہ قابل داد ہے۔

    فاروق حیدر نے کہا کہ بھارت مقبوضہ کشمیرسے توجہ ہٹانے کے لیے جنگی جنون کوہوا دے رہا ہے۔ انہوں نے کہا کہ کشمیریوں نےٹھان لی ہے وہ بھارتی فوج کوسری نگر سے بھگا کردم لیں گے۔

    لائن آف کنٹرول کی خلاف ورزی، پاک فضائیہ کا بھرپور جواب، بھارتی طیارے بھاگ گئے

    واضح رہے کہ بھارتی ایئرفورس کی لائن آف کنٹرول کی خلاف ورزی کرنے پر پاک فضائیہ نے بھرپور جوابی کارروائی کرتے ہوئے بھارتی طیاروں کو بھاگنے پر مجبور کردیا۔

    میجرجنرل آصف غفور کے مطابق بھارتی طیاروں نے مظفرآباد سیکٹر سے دراندازی کی کوشش کی اور بھارتی طیارے اپنا پےلوڈ بالاکوٹ کے قریب گرا کرفرار ہوگئے۔