سرینگر: مقبوضہ کشمیر کے ضلع باندی پورہ میں بھارتی فورسز کی فائرنگ سے 3 کشمیری نوجوان شہید ہوگئے۔
تفصیلات کے مطابق بھارتی فورسز نے مقبوضہ کشمیر کے ضلع باندی پورہ میں فائرنگ کرکے 3 کشمیری نوجوانوں کو شہید کردیا جس کے نتیجے میں دو روز کے دوران شہدا کی تعداد 5 ہوگئی۔
کشمیرمیڈیا سروس کے مطابق نوجوانوں کو گھر گھرتلاشی کے دوران شہید کیا گیا، اور سرینگرکے مختلف علاقوں میں انٹرنیٹ،موبائل سروس بھی بند کردی گئی۔
خیال رہےکہ گزشتہ ماہ مقبوضہ کشمیر میں قابض بھارتی فوج کی فائرنگ سے2 کشمیری نوجوان شہید گئے تھے۔ بھارتی فوج نے ایک گھر کو بھی دھماکے سے اڑا دیا تھا۔
بھارت نےمقبوضہ کشمیرمیں ظلم اوربربریت کابازارگرم کررکھاہے‘ملیحہ لودھی
یاد رہے کہ گزشتہ ہفتے بھارتی خفیہ ایجنسی را کے سابق سربراہ امرجیت سنگھ دُلت نے مودی سرکار کو آئینہ دکھاتے ہوئے کہا تھا کہ مسئلہ کشمیر کا حل صرف بات چیت سے ہی ممکن ہے۔
واضح رہے کہ گزشتہ روز پاکستان کی سفیر ملیحہ لودھی نے اقوام متحدہ کی خصوصی کمیٹی میں اظہار خیال کرتے ہوئے کہا تھا کہ پیلٹ گن سے نابینا ہوکرکشمیری نوجوان نسل ہمیشہ کے لیےمعذورہورہی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
