ARYNews.tv | Urdu – Har Lamha Bakhabar

Tag: بھارتی فوج

  • سماہنی سیکٹرمیں بھارتی فوج کی فائرنگ،پاک فوج کا بھرپور جواب

    سماہنی سیکٹرمیں بھارتی فوج کی فائرنگ،پاک فوج کا بھرپور جواب

    مظفرآباد: بھارتی فوج نے صبح سویرے بھمبر آزاد کشمیر کے سماہنی سیکٹرمیں بلااشتعال فائرنگ کی جس کا پاک فوج کی جانب سے بھرپور جواب دیا گیا۔

    تفصیلات کےمطابق بھارت جارحیت سے باز نہ آیا اور ایک بار پھر آزاد کشمیر کےسماہنی سیکٹر میں بھارتی فوج نے ایک بار پھرصبح 4بجے بلا اشتعال فائرنگ کی۔

    بھارتی جارحیت پرپاک فوج کی جانب سے بھرپور جوابی کارروائی کی گئی ہے۔ذرائع کا کہنا ہے کہ فائرنگ کا سلسلہ صبح چار بجے سے چھ بجےتک جاری رہا۔

    اس سے قبل کل بھی بھارت کی جانب سے یکے بعد دیگرے کنٹر ول لائن پر تین مختلف مقامات پر فائرنگ اور گولہ باری کی گئی تھی۔

    یاد رہےکہ گزشتہ روز افتخار آباد،نیزہ پیر اور کیلر سیکٹر میں بلااشتعال فائرنگ کی گئی تھی جس کا پاکستانی فوج نے منہ توڑجواب دیا تھا۔

    مزید پڑھیں: بھارتی فوج کی بلااشتعال فائرنگ، 2 فوجی اہلکار شہید، وزیراعظم کی شدید مذمت

    واضح رہے کہ بھارتی فوج نے ایک بار پھر ایل او سی اور ورکنگ باؤنڈری پر بلااشتعال فائرنگ اورگولہ باری شروع کر دی، جس کے نتیجے میں دو فوجی جوان شہید ہوگئے، پاک فوج کی جوابی کارروائی نے دشمن کو خاموش ہونے پر مجبور کردیا تھا۔

  • ‘عدنان سمیع نہ گھر کے رہے نہ گھاٹ کے’

    ‘عدنان سمیع نہ گھر کے رہے نہ گھاٹ کے’

    ممبئی: حال ہی میں بھارتی شہریت حاصل کرنے والے پاکستانی گلوکار عدنان سمیع نے متنازعہ ٹویٹ کر کے بھارتیوں کی توجہ اور پاکستانیوں کی توپوں کا رخ اپنی جانب کرلیا۔

    بھارت کی جانب سے سرحدی دراندازی پر جہاں بھارتی اداکاروں نے اسے ’بہادری کا مظاہرہ‘ قرار دیتے ہوئے اپنی فوج کو خراج تحسین پیش کیا وہیں گلوکار عدنان سمیع بھی کسی سے پیچھے نہ رہے۔

    انہوں نے بھی بھارتی وزیر اعظم مودی کو مبارکباد دیتے ہوئے انڈین آرمی کو خراج تحسین پیش کیا تاہم ان کے اس ٹویٹ نے نہ صرف پاکستان بلکہ بھارت میں بھی طوفان کھڑا کردیا۔

    عدنان سمیع کے اس ٹویٹ کے بعد سوشل میڈیا پر فوراً ہی پاکستانیوں کی جانب سے انہیں لعن طعن کرنے کا سلسلہ شروع ہوگیا۔ ایک شخص نے ٹویٹ کیا کہ یہی وجہ ہے کہ گوگل نے بھارت کو نمک حرام ملک قرار دیا ہے۔

    اس کے بعد عدنان سمیع نے ایک اور ٹویٹ کر ڈالی۔

    دوسری جانب بھارتیوں نے بھی اس ٹویٹ کے پیچھے چھپے خوشامدانہ اور دوغلے جذبات کو بھانپ لیا اور انہوں نے ٹوئٹر پر عدنان سمیع کا مذاق اڑانا شروع کردیا۔

    ایک شخص نے ان کا مذاق اڑاتے ہوئے کہا، ’عدنان سمیع نہ گھر کے رہے نہ گھاٹ کے‘۔

    عدنان سمیع کو رواں برس یکم جنوری سے بھارتی شہریت دی گئی جس کے بعد ان کا پاکستانی پاسپورٹ منسوخ کردیا گیا تھا۔ وہ 13 مارچ 2001 میں ایک سال کے وزٹ ویزا پر بھارت پہنچے تھے جس کے بعد وقتاً فوقتاً ان کے ویزے میں توسیع کی جاتی رہی۔

    شیو سینا اور دیگر ہندو انتہا پسند تنظیموں نے عدنان سمیع کو بھارتی شہریت دینے کی مخالفت بھی کی تھی۔

  • بھارت کی تازہ درندگی، اڑی سیکٹر میں 9 کشمیری شہید

    بھارت کی تازہ درندگی، اڑی سیکٹر میں 9 کشمیری شہید

    سری نگر: مقبوضہ کشمیر میں بھارت کی درندگی جاری ہے، بھارتی فوج نے تازہ کارروائی کے دوران اوڑی سیکٹر میں فائرنگ کرکے نو کشمیریوں کو شہید کردیا ہے ۔

    تفصیلات کے مطابق مقبوضہ کشمیر میں چوہتر روز کے دوران بھارتی فوج کے ہاتھوں شہید کشمیریوں کی تعداد ایک سو گیارہ ہوگئی ، تازہ کارروائی میں مقبوضہ کشمیر سے تعلق رکھنے والے نو نوجوانوں کا ایل او سی کے قریب انکاؤنٹر کر کے در انداز کے طور پر پیش کیا جا رہا ہے۔

    اوڑی سیکٹر میں حملے کے ڈرامے کو حقیقت کا روپ دینے کے لیے بھارتی فورسز نے ایک اور ڈرامہ رچا لیا، قابض افواج نے مقبوضہ کشمیر سے تعلق رکھنے والے نو نوجوانوں کو گولی مار کر شہید کر دیا جبکہ بھارتی میڈیا ان کشمیری نوجوانوں کو درانداز کے طور پر پیش کر رہا ہے۔

    مقبوضہ کشمیرمیں 74 ویں روزبھی کرفیو نافذ، کشیدگی جاری

    کشمیری خبر رساں ایجنسی کے مطابق شہید کیے گئے تمام نوجوانوں کا تعلق مقبوضہ کشمیر کے مختلف علاقوں سے ہے جن کو ایل او سی کے قریب لا کر انکاؤنٹر کر دیا گیا۔

  • مقبوضہ کشمیرمیں73ویں روزبھی کرفیو نافذ، کشیدگی جاری

    مقبوضہ کشمیرمیں73ویں روزبھی کرفیو نافذ، کشیدگی جاری

    سری نگر: مقبوضہ کشمیرمیں تہترروز سے نافذ کرفیو اور کشیدگی نے کشمیری عوام کی زندگی اجیرن کردی، مقبوضہ وادی میں شہدا کی تعداد ایک سو سے زائد ہوگئی،حریت کانفرنس کی اپیل پر بائیس ستمبرتک احتجاج کیا جائے گا۔

    مقبوضہ کشمیرمیں معمول کی زندگی کومفلوج ہوئے دو مہینے سے زائد کا عرصہ ہوگیا لیکن کشمیریوں کے احتجاج سے خوف زدہ کٹھ پتلی انتظامیہ کرفیو ہٹانے کو تیارنہیں۔

    قابض فوج کے باہترتہتر روز سے جاری وحشیانہ تشدد میں کمی نہ آسکی، لاپتہ ہونے والے بچے ناصرشفیع کی بیلٹ گن کے چھروں سے چھلنی لاش علاقے کے باغ سے ملی ، جس کے بعد شہدا کی تعداد ایک سو تین ہوگئی۔

    کشمیریوں کے حق خودارادیت کی حمایت کرتے رہیں گے، وزیراعظم نواز شریف

    کرفیو کے باعث تعلیمی ادارے، کاروباری مراکز پربدستور تالے پڑے ہیں اور ٹرانسپورٹ سے محروم سڑکیں ویران ہیں، مقبوضہ وادی میں بندوق برداربھارتی فوجیوں کا راج ہے جنہوں نے نہتے کشمیریوں کے خلاف ظلم کا بازارگرم کررکھا ہے،گھر گھرتلاشی،چھاپے اورگرفتاریاں معمول بن گئیں ہیں۔

    مسئلہ کشمیر: وزیراعظم نے سلامتی کونسل کے 5 اراکین کو خطوط لکھ دیے

    بھارتی مظالم کے خلاف سڑکوں پراحتجاج کرنے والے فورسز کے تشدد اورپیلٹ گن کے چھروں کا نشانہ بن رہے ہیں، تشدد سے زخمی افرار کی تعداد بارہ ہزارسے زیادہ ہوگئی ہے،حریت کانفرنس کی اپیل پرہڑتال اوراحتجاج بائیس ستمبرتک بڑھا دیا گیا ہے۔

    وزیراعظم نواز شریف نے مقبوضہ کشمیر میں بھارتی فورسز کے مظالم روکنے کے لیے سلامتی کونسل کے5 مستقل ارکان کو خطوط ارسال کردیے جس میں بھاتی جارحیت کو فوری طور پر روکنے کامطالبہ کیا گیا ہے۔

    کلنٹن نے مسئلہ کشمیر حل کرانے کا وعدہ کیا تھا، نواز شریف، کیری سے ملاقات

  • مقبوضہ کشمیرمیں کرفیو کا 72 واں دن ، بھارتی فوج کے مظالم جاری

    مقبوضہ کشمیرمیں کرفیو کا 72 واں دن ، بھارتی فوج کے مظالم جاری

    سری نگر : پاکستان کی شہ رگ مقبوضہ کشمیر میں بھارتی فوج کی جانب سے نافذ کیے گئے کرفیو کو باہتر روز ہوگئے۔

    بھارتی فورسز نے مظالم کے خلاف نکالی جانے والے آزادی مارچ پر طاقت کا بھرپور استمعال کرتے ہوئے سیکڑوں کشمیریوں کو زخمی کردیا۔

    علاقہ سری نگر کا ہو یا بارہ مولا بڈگام کا شہر،کپواڑہ سےڈوڈا،اور بارہ مولا سےادھم پور تک مقبوضہ کشمیر میں بھارتی فوج کےٹرکوں کاگشت جاری ہے۔

    قابض فوج کے باہتر روزسے جاری وحشیانہ تشدد میں کمی نہ آسکی، لاپتہ ہونے والے بچے ناصرشفیع کی بیلٹ گن کے چھروں سے چھلنی لاش علاقے کے باغ سےملی ، جس کے بعد شہداي کی تعداد ایک سو تین ہوگئی۔

    اسی سے متعلق: کشمیرمیں ہندوستانی فوجی مرکز پر حملہ، 17فوجی ہلاک

    بدترین ظلم پر کشمیریوں نے بڈگام سے کپواڑہ تک آزادی مارچ کیا پاکستان کے حق میں نعرے لگائے، بھارتی فوج نے شرکاء پرطاقت کا بھرپور استعمال کرتے ہوئے مظاہرین پر گولیوں کے ساتھ پیلٹ گنوں اورآنسوگیس کااستعمال کیا۔

    اسی سے متعلق : پاکستان کا بھارت سے نہتے کشمیریوں کا قتل عام روکنے کا مطالبہ

    تشدد سے سیکڑوں کشمیری زخمی ہوگئے۔ ساٹھ افراد کو گرفتار کرلیا گیا، جنت نظیروادی بدستورفوجی چھاؤنی بنی ہوئی ہے، تعلیمی ادارےبند ہیں اور کاروباری سرگرمیاں بھی معطل ہیں۔

     

  • بھارتی فوج کشمیریوں کا قتل عام کررہی ہے، خواجہ آصف کا ٹویٹ

    بھارتی فوج کشمیریوں کا قتل عام کررہی ہے، خواجہ آصف کا ٹویٹ

    اسلام آباد: وزیر دفاع خواجہ آصف کا کہنا ہے کہ پاکستان پر الزام لگا کر کشمیر کی تحریک کو دبایا نہیں جاسکتا، بھارتی فوج کشمیریوں کا قتل عام کررہی ہے۔

    بھارتی وزیرداخلہ کی ہرزہ سرائی کے ردعمل کے طور پر وزیر دفاع خواجہ آصف کا ٹوئٹ کیا ہے جس میں ان کا کہنا ہے کہ بھارتی فوج مقبوضہ وادی میں جو بوئے گی اسے وہی کاٹنا پڑے گا، بھارت فوج وہاں کشمیریوں کا قتل عام کررہی ہے۔

    خواجہ آصف کا کہنا ہے کہ پاکستان پر الزام لگا کر کشمیر کے اندر جاری تحریک کو دبایا جاسکتا اور نہ ہی ختم کیا جاسکتا ہے۔

    آج صبح مقبوضہ کشمیر کے ضلع بارہ مولہ کے قصبے اوڑی میں قائم بھارتی فوجی مرکز پر مبینہ حریت پسندوں نے حملہ کیا ہے جس کے نتیجے میں 17فوجی اہلکار ہلاک اور متعدد زخمی ہوگئے ہیں۔

    حملے کے بعد بھارتی وزیر داخلہ راج ناتھ سنگھ نے ہرزہ سرائی کرتے ہوئے ایک بار پھر پاکستان کو دہشت گرد ملک قرار دہتے ہوئے کہا کہ اسے عالمی سطح پر تنہا کردینا چاہئے۔

  • کشمیرمیں ہندوستانی فوجی مرکز پر حملہ، 17فوجی ہلاک

    کشمیرمیں ہندوستانی فوجی مرکز پر حملہ، 17فوجی ہلاک

    سری نگر: مقبوضہ کشمیر کے ضلع بارہ مولہ کے قصبے اوڑی میں قائم بھارتی فوجی مرکز پر مبینہ حریت پسندوں نے حملہ کیا ہے جس کے نتیجے میں 17فوجی اہلکار ہلاک اور متعدد زخمی ہوگئے ہیں۔

    تفصیلات کے مطابق اتوارکیصبح  ساڑھے پانچ بجے نامعلوم تعداد میں مسلح افراد بھارتی فوج کی 12 ویں بریگیڈ ہیڈکوارٹرز میں داخل ہوئے اور فائرنگ شروع کردی۔

    حملے کا نشانہ بننے والا یہ فوجی مرکز لائن آف کنٹرول کے قریب واقع ہے جہاں سرحدی تنازع کی وجہ سے پہلے ہی سیکورٹی بہت زیادہ سخت ہوتی ہے۔

    رپورٹ کے مطابق حریت پسندوں اور ہندوستانی فورسز کے درمیان فوجی مرکز کے اندر فائرنگ کا تبادلہ اب بھی جارہی ہے جبکہ دھماکوں کی بھی آوازیں سنائی دے رہی ہیں۔

    ہندوستانی وزیر داخلہ راج ناتھ سنگھ نے واقعے کی اطلاع ملتے ہی اپنا دورہ امریکا اور روس ملتوی کردیا جبکہ ہنگامی اجلاس بھی طلب کرلیا ہے۔

    دوسری جانب جموں و کشمیر کی وزیر اعلیٰ محبوبہ مفتی نے بھی وزیر داخلہ راج ناتھ سنگھ کو تازہ ترین صورتحال سے آگاہ کیاجبکہ جموں و کشمیر پولیس حکام نے حملے میں دو فوجی اہلکاروں کی ہلاکت اور 6 کے زخمی ہونے کی تصدیق کردی۔

    حملے کے بعد فوج کے خصوصی دستوں کو ہیلی کاپٹر کی مدد سے اوڑی میں اتارا گیا جبکہ اوڑی اور لائن آف کنٹرول کی طرف جانے والی سڑکوں کی سیکورٹی سخت کردی گئی ہے۔

  • کشمیریوں نے عید الاضحیٰ خوف کے سائے میں منائی۔ نما زعید بھی نہ پڑھ سکے

    کشمیریوں نے عید الاضحیٰ خوف کے سائے میں منائی۔ نما زعید بھی نہ پڑھ سکے

    سری نگر : مقبوضہ کشمیر میں بھارتی جارحیت نے کشمیری عوام کی عید الاضحیٰ کی خوشیاں بھی ماند کردیں، عید کے دن بھی سڑکوں پر سنا ٹا اورخوف کے سائے رہے۔

    تفصیلات کے مطابق کشمیر پر قابض بھارتی حکومت نے کشمیریوں کو عید منانا بھی مشکل کردی۔ کشمیر کے لوگ عید کی خوشیاں بھی خوف و ہراس کے سائے میں گزار رہے ہیں ۔ اب تک شہید ہونے والےکشمیریوں کی تعداد نوے سے تجاوز کر گئی ہے۔

    مقبوضہ کشمیر میں عید کے دن بھی بھارتی فوج کے جبر اور تشدد میں کمی نہ آئی۔ کشمیریوں نے عید کرفیو میں منائی۔ کرفیو کے باعث نماز عید کے اجماعات نہ ہوسکے۔ کسی بھی عید گاہ میں عید کی نماز نہیں پڑھی گئی۔

    لوگوں پر نظر رکھنے کے لیے ڈرون کیمرے اور ہیلی کاپٹرز گشت کررہے ہیں۔ وادی میں ڈرون کا استعمال پہلی بار ہو رہا ہے۔ وادی میں آج حریت کانفرنس کی جانب سے احتجاج کا اعلان کیا گیا ہے۔

    آج سری نگر ،بڈ گام ،اسلام آباد ،شوپیاں ،پلوامہ ،کولگام اور بارہ مولہ میں معصوم کشمیریوں نے بھارتی مظالم کے خلاف مظاہرے کیے۔

    اس دوران مظاہرین نے آزادی اور پاکستان کے حق میں فلک شگاف نعرے لگائے جس پر بھارتی فورسز نے طیش میں آکر پیلٹ گن اور آنسو گیس کی شیلنگ کی جس سے متعدد افراد زخمی ہو گئے۔

     

  • بھارتی فوج’’چھوٹے بچوں‘‘ کے خلاف کارروائیاں کررہی ہے،محبوبہ مفتی

    بھارتی فوج’’چھوٹے بچوں‘‘ کے خلاف کارروائیاں کررہی ہے،محبوبہ مفتی

    سری نگر: مقبوضہ کشمیر کی خاتون وزیراعلیٰ محبوبہ مفتی نے اعتراف کیا ہے کہ مقبوضہ کشمیرمیں بھارتی فوج چھوٹے بچوں کے خلاف کارروائیوں میں مصروف ہے۔

    تفصیلات کے مطابق مقبوضہ کشمیرکے قریب ایک کالج کا سنگِ بنیاد رکھنے کی تقریب سے خطاب کرتے ہوئے انہوں نے کہا کہ مقبوضہ کشمیر کا وزیراعلیٰ بننا آسان ہے لیکن اس کے بعد وہاں کے معاملات سنبھالنا بہت مشکل ہے۔

    انہوں نے یہ اعتراف بھی کیا کہ مقبوضہ وادی میں بھارتی فوج کی کارروائیاں مسلح حریت پسندوں کے نہیں بلکہ ان ’’چھوٹے بچوں‘‘ کے خلاف جاری ہیں جو احتجاج کررہے ہیں۔

    مقبوضہ کشمیر کےحوالے سے ایک سوال پر کہ موجودہ صورتِ حال میں اس سے بہتر حکمتِ عملی کیا ہوسکتی تھی،توانہوں نے بڑی ڈھٹائی سے جواب دیا کہ کوئی بھی حکومت اپنا فرض پورا کرنے کےلیے ان حالات میں اس سے بہتر کارکردگی نہیں دکھاسکتی تھی۔

    یاد رہے کہ محبوبہ مفتی مقبوضہ کشمیر میں بی جے پی کی اتحادی ’’پیپلز ڈیموکریٹک پارٹی‘‘ (پی ڈی پی) کے سربراہ اور مقبوضہ کشمیر کے سابق وزیرِ اعلی مفتی محمد سعید مرحوم کی بیٹی ہیں جنہیں کچھ عرصہ پہلے اپنے والد کی وفات کے بعد مقبوضہ کشمیر کا اقتدار تھالی میں سجا کر پیش کیا گیا۔

    بی جے پی کی نمک حلالی کرتے ہوئے محبوبہ مفتی نے مقبوضہ کشمیر میں خراب حالات کی ذمہ داری قبول کرنے کے بجائے ڈھٹائی کا مظاہرہ کیا۔

    دوسری جانب وہ یہ تسلیم کیے بغیر بھی نہ رہ سکیں کہ بھارتی وزیرِ اعظم اٹل بہاری واجپائی کے زمانے میں مقبوضہ کشمیر کے حالات پُرامن تھے اور پاکستان کے ساتھ امن مذاکرات جاری تھے لیکن 2004ء کے انتخابات میں یونائیٹڈ پروگریسیو الائنس (یو پی اے) کے اقتدار میں آنے کے بعد یہ عمل رک گیا۔

    یاد رہے کہ مقبوضہ کشمیر میں بھارتی مظالم کا نیا سلسلہ 8 جولائی 2016ء کے روز حریت پسند نوجوان برہان وانی کی شہادت کے بعد سے شروع ہوا اور اب تک جاری ہے۔

    واضح رہے کہ جولائی سے اب تک 90 سے زائد شہری شہید کیے جاچکے ہیں جبکہ بیلٹ گن کی فائرنگ سے معذور ہوجانے والوں کی تعداد بھی ہزاروں میں پہنچ چکی ہے۔

  • مقبوضہ کشمیر میں کرفیو کا 24واں روز، حالات بدستور کشیدہ

    مقبوضہ کشمیر میں کرفیو کا 24واں روز، حالات بدستور کشیدہ

    سرینگر: مقبوضہ جموں و کشمیر میں بھارت کی ریاستی دہشت گردی کا سلسلہ جاری ہے۔ 24 روز کے مسلسل کرفیو کے باعث نظام زندگی مفلوج ہو کر رہ گیا ہے۔ طاقت کے بے دریغ استعمال کے باوجود نہتے کشمیری ڈٹے ہوئے ہیں۔

    مقبوضہ جموں و کشمیر میں بھارتی ظلم و جبر کا سلسلہ جاری ہے۔ طاقت کے بے دریغ استعمال اور 25 روز سے مسلسل کرفیو بھی نہتے کشمیریوں کا حوصلہ پست نہ کر سکا۔ 24 روز سے جاری کرفیو کے باعث تعلیمی و کاروباری سرگرمیاں معطل ہیں۔ گلیوں چوراہوں میں بھارتی فوج کی بھاری نفری تعینات ہے۔

    نہتے کشمیری جمعہ کی نماز پڑھنے سے بھی محروم *

    مقبوضہ کشمیر میں انٹرنیٹ، موبائل سروس بھی بدستور معطل ہے جبکہ ٹی وی نشریات بھی جزوی طور پر بند ہیں۔ سید علی گیلانی، میر واعظ عمر فاروق اور یاسین ملک سمیت تمام حریت رہنما نظر بند ہیں۔

    کرفیو کے باوجود بھارتی دہشت گردی کے خلاف ریلیوں میں کشمیریوں پر پیلٹ گن کا اندھا دھند استعمال کیا جارہا ہے۔ حریت رہنماؤں نے برہان وانی کی شہادت اور بھارت کی ریاستی دہشت گردی کے خلاف 5 اگست تک ہڑتال کی کال دے رکھی ہے۔

    پاکستانی باکسر نے بھارتی مدمقابل کو چت کر کے فتح کشمیر کے نام کردی *

    واضح رہے کہ 8 جولائی کو مجاہد کمانڈر مظفر وانی کی شہادت کے بعد وادی میں بھارتی افواج کے خلاف شدید مظاہرے کیے گئے تھے، جن پر قابض فوج نے فائرنگ کردی تھی۔

    بھارتی فوج کی فائرنگ کے باعث 16 افراد شہید جبکہ متعدد زخمی ہوئے تھے جس کے بعد شہدا کی تعداد بڑھتے بڑھتے 60 سے زائد جبکہ زخمیوں کی تعداد 5 ہزار سے زائد ہوگئی ہے۔