Tag: بھارتی فوج

بھارتی فوج کے کپواڑہ میں قتل عام کو تیس سال مکمل ہوگئے ، 27جنوری 1994 کو بھارتی فوجی نے کپواڑہ میں50 سے زائد کشمیریوں کو شہید کیا تھا۔

تفصیلات کے مطابق بھارتی فوج کے کپواڑہ میں قتل عام کو تیس سال مکمل ہوگئے، کپواڑہ قتل عام میں خونریزی کےواقعات میں ملوث بھارتی فوجیوں کو آج تک سزا نہ ملی، قتل عام میں مدراس رجمنٹ کے سیکنڈ لیفٹیننٹ جی ڈی ایس بخشی کے زیر کمان فوجی ملوث تھے۔

ہیومن رائٹس رپورٹ میں بتایا گیا کہ حقائق مسخ کرنے کیلئے اس وقت کے ضلع ترقیاتی کمشنر کو بھارتی فوج نے ہیڈکوارٹرز بلایا ، بھارتی فوج نے ضلع ترقیاتی کمشنر کو ہیڈکوارٹرز بُلاکر اس پر دباؤڈالا اور بعد میں بھارتی فوج کےعدم تعاون پراس معاملے کو مکمل بند کردیا گیا۔

ستائیس جنوری انیس سو چورانوے کو بھارتی فوجیوں نے ضلح کپواڑہ میں اندھا دھند فائرنگ کر کے پچاس سے زائد کشمیریوں کو شہید کردیا تھا۔

قتل عام کی تحقیقات کیلئے کورٹ آف انکوائری کا قیام عمل میں لایا گیا مگررپورٹ پیش نہ کی گئی ، مقبوضہ علاقے میں نہتے کشمیریوں کے قتل عام کا واحد مقصد آبادی کا تناسب تبدیل کرنا ہے۔

کپواڑہ قتل عام کے متاثرین گزشتہ30سال سے انصاف کے منتظر ہیں، 30 برس گزرنے کے باوجود اس اندوہناک واقعے کے زخم آج بھی تازہ ہیں۔

کپواڑہ قتل اور ایسے دیگرسنگین واقعات بھارتی حکومت کے سیکولر ازم نعروں پر طمانچہ ہیں۔

چھتیس گڑھ: بھارتی فوج نے ریاست چھتیس گڑھ میں سرچ آپریشن کے دوران سخت مزاحمت بھاگ کھڑی ہوئی اور جاتے جاتے 2خواتین سمیت ایک بچے کو گولیوں سے بھون ڈالا۔

تفصیلات کے مطابق بھارتی فوج نے ریاست چھتیس گڑھ میں سرچ آپریشن کے دوران دو خواتین اور ایک بچے کو گولیاں مار کر ماورائےعدالت قتل کردیا۔

یجاپورمیں کمانڈو بٹالین فار ریزولوٹ ایکشن المعروف کوبرا نے آزادی پسندوں کے خلاف سرچ آپریشن کیا، آپریشن کے دوران بھارتی فوج کو سخت مزاحمت کا سامنا کرنا پڑا۔

اہلکاروں نے اپنی جانیں بچانے کیلئے علاقے سے بھاگ نکلنے ہی میں عافیت جانی اور جاتےجاتے اندھا دھند فائرنگ کردی ، جس کی زد میں آکر دو خواتین اورایک بچہ ہلاک ہو گئے۔

بھارتی فوج نے اپنی ناکامی چھپانے کیلئے ہلاک شدگان کو نکسل علیحدگی پسند قراردیا مگر ان کے مسلح ہونےکے شواہد پیش نہ کرسکی۔

نکسل باڑیوں نےبھارتی فوج کے مؤقف کوجھوٹ قرار دیتے ہوئے کہا ہے کہ سرچ آپریشن میں بھارتی فوج کوشکست کاسامنا رہا اور اس ہزیمت کوچھپانے کیلئے انھوں نے معصوم لوگوں کی جانیں لیں۔

نکسل باڑی چھتیس گڑھ میں بھارت سے آزادی کی جنگ لڑرہی ہے، نکسل باڑی علاقے کے قدرتی اور معدنی وسائل پر سب سے زیادہ حق مقامی لوگوں کا تصورکرتی ہے۔

بھارتی فوج میں خواتین آفیسرز کے ساتھ جنسی ہراسگی اور بلیک میلنگ کے تہلکہ خیز انکشاف سامنے آیا۔

تفصیلات کے مطابق بھارتی فوج میں خواتین اہلکار اپنے ہی آفیسرز سے غیر محفوظ ہیں، بھارتی فوج کی اعلیٰ قیادت کے افسران کا غیر اخلاقی چہرہ بے نقاب ہوگیا، 123 خاتون اہلکاروں نے جنسی ہراسگی کی شکایات درج کرائیں۔

حال ہی میں ایک بھارتی خاتون افسر لیفٹیننٹ کرنل گوری مشرا نے ساتھی افسر لیفٹیننٹ کرنل دیویش مکھرجی کے خلاف ریپ کا سنگین الزام لگایا۔

خاتون افسر نے بتایا کہ ان کی غیر اخلاقی ویڈیوز بنائی گئیں اور پھر بلیک میل کیا گیا، گزشتہ 3 سالوں میں 123 خاتون اہلکاروں نے جنسی ہراسگی کی شکایات درج کیں۔

دفاعی تجزیہ کاروں کا کہنا تھا بھارتی فوج ملک کیلئے بدنامی کا باعث بنتی جا رہی ہے، اکانامک ٹائمزکے مطابق اگست 2019 میں ایک میجر جنرل کو اپنی ساتھی خاتون افسر پر جنسی ہراسانی پر فوج سے خارج کر دیا گیا۔

ایشیاء ٹوڈے کی رپورٹ کے مطابق 2006- 2009 کے درمیان جنسی ہراسگی کا شکار خاتون آفیسرز نے خودکشی کی تھی، دسمبر 2016 میں جنسی ہراسگی کا شکار میجر انیتا کماری نے گولی مار کر خودکشی کی لی تھی۔

سال 2007 سے اب تک 1243 بھارتی فوجی خاتون اہلکار جنسی زیادتیوں کا شکار ہو چکی ہیں، 2014 میں حاضر سروس کرنل اجیت کمار کی اہلیہ نے بریگیڈیئر جے سنگھ کے خلاف جنسی بلیک میلنگ کا الزام عائد کیا۔

ہندوستانی فوج کے بیرونی ممالک میں جنسی استحصال اور بد اخلاقی کے قصے بھی ڈھکے چھپے نہیں، کانگو میں امن مشن پر مامور بھارتی فوجی جنسی استحصال میں ملوث پائے گئے ، 3 ہندوستانی پیس کیپرز کو ساوٴتھ افریکہ میں خاتون کے ریپ پر جیل کی سزا سنائی گئی۔

دسمبر میں 3 شہریوں کے قتل عام پر بھارتی فوج کے 3 اسٹار آفیسر لیفٹیننٹ جنرل سندیپ جین کوعہدے سے بر طرف کر دیا گیا، وہ اپنے جوانوں کی موت اور معصوم کشمیریوں کی ہلاکت کے ذمہ دار ٹھہرے۔

تفصیلات کے مطابق بھارتی فوج کی اعلٰی قیادت کی نا اہلی کا ایک اور منہ بولتا ثبوت سامنے آگیا، سال 2023 میں حریت پسندوں کے حملوں میں بھارتی فوج کےمتعددافسر اورجوان ہلاک ہوئے جبکہ پچھلے ایک سال میں بھارتی فوج نے معصوم کشمیریوں پربےانتہاظلم کیا۔

دسمبر میں 3 شہریوں کے قتل عام پر 3 اسٹار آفیسر لیفٹیننٹ جنرل سندیپ جین کوعہدے سے بر طرف کر دیا گیا، جس کے بعد لیفٹیننٹ جنرل نوین سچدیوا نے لیفٹیننٹ جنرل سندیپ جین سے وائٹ نائٹ کور جنرل آفیسر کمانڈنگ کا چارج سنبھال لیا۔

بھارتی میڈیا نے افسرکی برطرفی کی وجہ ان کی ناقص کارگردگی بتائی اور لیفٹیننٹ جنرل سندیپ جین اپنے جوانوں کی موت اور معصوم کشمیریوں کی ہلاکت کے ذمہ دار ٹھہرے۔

21 دسمبر 2023 کو راجوڑی میں ہونے والے حملے میں 4 بھارتی فوجی ہلاک ہوئےتھے، بھارتی فوج نے 4 فوجیوں کی ہلاکت کی ذمہ داری 3 نہتے شہریوں پر ڈال دی۔

بھارتی فوج نے معصوم کشمیریوں پر بہیمانہ تشدد کر کے ان کو شہیدکر دیا تھا، جس کی ویڈیوسوشل میڈیا پر نشرہوئی ، ویڈیومیں بھارتی فوج کے مظالم کودیکھاجاسکتا تھا۔

بھارتی فوج کے لیڈروں میں مہارت اور فیصلہ سازی کا فقدان دکھائی دیتا ہے اور بھارتی فوج کی اعلیٰ قیادت کی مسلسل ناکامی ان کی افواج کے لیے شرمندگی کا باعث بنی ہوئی ہے۔

نیویارک: اقوام متحدہ میں پاکستان کے مستقل مندوب منیر اکرم نے کہا ہے کہ بھارتی فوج نے معصوم کشمیریوں کو سزا اور ذلت کے طور پر جنسی اور جسمانی تشدد کا نشانہ بنایا۔

اقوام متحدہ میں پاکستان کے مستقل مندوب  منیر اکرم نے سلامتی کونسل میں خطاب کرتے ہوئے کہا کہ بھارتی افواج نے مقبوضہ کشمیر میں جنسی تشدد کو جنگی ہتھیار کے طور پر استعمال کیا۔

 منیر اکرم نے کہا کہ ہزاروں کشمیری خواتین، لڑکیوں کی عصمت دری اور اجتماعی عصمت دری کی گئی، کشمیری خواتین اور لڑکیوں کو جبری قید، تشدد اور اغوا کا نشانہ بنایاگیا۔

پاکستانی مستقل مندوب نے کہا کہ کنن پوش پورہ کا بدنام زمانہ واقعہ تمام کشمیریوں کی یادوں میں خام ہے، ہزاروں عورتوں، لڑکیوں، لڑکوں اور مردوں کو حراست میں لیا گیا، معصوم کشمیریوں کو سزا اور ذلت کے طور پر جنسی اور جسمانی تشدد کا نشانہ بنایاگیا۔

ان کا کہنا تھا کہ مقبوضہ کشمیر میں تمام کمیونٹیز، خواتین، لڑکیاں اور لڑکوں کو حقوق سے روکا جاتا ہے، کشمیریوں کو آزادی اظہار اور مذہب، تعلیم اور روزگار کے حقوق حاصل نہیں یہ بات ہائی کمشنر برائے انسانی حقوق کی جاری 2018 اور 2019  کی رپورٹس  سے تصدیق ہوتی ہے۔

 منیر اکرم نے کہا کہ عالمی میڈیا اور انسانی حقوق کی تنظیموں نے بھی بھارتی مظالم کی تصدیق کی ہے، 5 اگست 2019 کے بھارتی اقدام کے بعد کشمیریوں پر مظالم میں اضافہ ہوا، سیکریٹری جنرل پر زور دیتا ہوں کہ رپورٹ کی کوتاہیوں کو درست کریں۔

اقوام متحدہ میں پاکستان کے مستقل مندوب  منیر اکرم نے کہا کہ مقبوضہ کشمیر، فلسطین میں جنسی تشدد کے واقعات سے متعلق معلومات شامل کریں، مستقبل میں بھارت اور اسرائیل کو جنسی تشدد کا ارتکاب کرنیوالوں میں شامل کریں۔