ARYNews.tv | Urdu – Har Lamha Bakhabar

Tag: بھارتی فوج

  • شکر گڑھ پر بھارتی سکیورٹی فورسز کی فائرنگ، پاک فوج کی جوابی کارروائی

    شکر گڑھ پر بھارتی سکیورٹی فورسز کی فائرنگ، پاک فوج کی جوابی کارروائی

    شکر گڑھ  : بھارتی سکیورٹی فورسز نے شکر گڑھ سیکٹر پر ایک مرتبہ پھر بلااشتعال فائرنگ کر دی، جس پر چناب رینجرز نے بھرپور جواب دے کر دشمن کو خاموش کرا دیا۔

    تفصیلات کے مطابق بھارتی سکیورٹی فورسز نے اپنی اشتعال انگیزی کا مظاہرہ کرتے ہوئے ایک بار پھر شکر گڑھ سیکٹر کو فائرنگ اور گولہ باری کا نشانہ بنایا ہے۔ جس سے ٹمبر چک اور کرول کے علاقے زیادہ متاثر ہوئے۔

    بھارتی فوج کی کارروائی پر چناب رینجرز نے بھرپور جوابی کارروائی کر کے دشمن کی توپوں کو خاموش کرا دیا۔ تاہم بھارتی گولہ باری سے تاحال کسی جانی یا مالی نقصان کی اطلاع نہیں ملی ہے۔

    واضح رہے کہ بھارت کی جانب سے أئے روز کنٹرول لائن کی خلاف ورزی کا سلسلہ جاری رہتا ہے، جس پر پاک فوج بروقت کارروائی کر کے اس کا منہ توڑ جواب دیتی ہے۔

  • بھارتی فوج کی ہرپال سیکٹر اورنکیال سیکٹرمیں بلااشتعال فائرنگ

    بھارتی فوج کی ہرپال سیکٹر اورنکیال سیکٹرمیں بلااشتعال فائرنگ

    سیالکوٹ: ہرپال سیکٹراور نکیال سیکٹر پر بھارتی فورسز کی بلا اشتعال فائرنگ کی گئی، جوابی کارروائی سے بھارتی توپیں خاموش ہوگئیں۔

    بھارت کی جانب سے سرحدی خلاف ورزی کا سلسلہ جاری ہے، نکیال سیکٹر پر بھارتی فائرنگ سے بارہ سالہ لڑکی زخمی ہوگئی۔ چناب رینجرز کی بھرپور جوابی کارروائی سے بھارتی توپیں خاموش ہوگئیں۔

    آئی ایس پی آر کی جانب سے جاری بیان میں بتایا گیا ہے کہ بھارتی فائرنگ کا واقعہ ہرپال سیکٹر میں پیش آیا جس کے بعد چناب رینجرز کی طرف سے بھرپور جوابی کاروائی کی گئی۔

    آئی ایس پی آر کے مطابق بھارتی فورسز کی فائرنگ کاسلسلہ شام سےجاری ہے، بھارتی فورسز کی بلا اشتعال فائرنگ سے علاقے میں خوف و ہراس پھیل گیا۔

  • بھارتی فوج کی بلااشتعال فائرنگ، 60سالہ شہری شہید

    بھارتی فوج کی بلااشتعال فائرنگ، 60سالہ شہری شہید

    راولا کوٹ : لائن آف کنٹرول پر بھارتی فوج کی بلااشتعال فائرنگ کے نتیجے میں ساٹھ سالہ شہری شہید ہوگیا، پاک فوج کی جانب سے بھرپور جواب پر بھارتی توپیں خاموش ہوگئیں۔

    آزاد کشمیر کے ضلع راولاکوٹ میں لائن آف کنٹرول پر بھارتی فوج کی بلااشتعال فائرنگ سے ساٹھ سالہ شہری محمد اسلم شہید ہوگیا، آئی ایس پی آر کے مطابق پاکستانی شہری پر اس وقت فائرنگ کی گئی جب وہ گھاس کاٹ رہا تھا، محمد اسلم کو تین گولیاں لگیں۔

    پاک فوج کی جانب سے بھارتی فوج کو بھرپور جواب دے کر بھارتی توپوں کو خاموش کرادیا گیا۔

    ڈی جی آئی ایس پی آر میجر جنرل عاصم سلیم باجوہ نے دو روز قبل خبردار کیا تھا کہ بھارت لائن آف کنٹرول پر خطرناک گیم کھیل رہا ہے، جس کا انجام اچھا نہیں ہوگا۔

    بھارتی وزیرِ اعظم نریندرمودی نے کرکٹ ڈپلومیسی کا سہارا لیتے ہوئے وزیرِاعظم نوازشریف کو فون کر کے مذاکرات کا سلسلہ بحال کرنے کا عندیہ بھی دیا تھا، لیکن بھارت کی جانب سے لائن آف کنٹرول پر سنگین خلاف ورزیوں کا سلسلہ بھی جاری ہے۔

  • پنجاب رینجرزکا بھارت منہ توڑجواب،5بھارتی فوجی ہلاک

    پنجاب رینجرزکا بھارت منہ توڑجواب،5بھارتی فوجی ہلاک

    شکرگڑھ : ورکنگ باؤنڈری پربھارت کی بلااشتعال فائرنگ پر پنجاب رینجرز کی بھرپور جوابی کارروائی میں بھارتی سیکیورٹی فورسز کے پانچ اہلکار جاں بحق ہوگئے۔

    آئی ایس پی آر کے مطابق چناب رینجرز نے بھارت کی بلااشتعال فائرنگ کا منہ توڑ جواب دیا، پنجاب رینجرز کی بھرپور جوابی کارروائی میں بھارتی سیکیورٹی فورسز کو بھاری نقصان اٹھانا پڑا جس میں بھارتی سیکیورٹی فورسز کے پانچ اہلکار جاں بحق ہوئے۔

    آئی ایس پی آر کے مطابق رواں برس بھارتی فوج نےچھٹی مرتبہ جارحیت کامظاہرہ کیا اور بھاری ہتھیاروں سے سویلین آبادی کونشانہ بنایا، بھارت کی جانب سے ظفروال اور شکرگڑھ کے علاقوں پرمارٹرگولے داغے گئے اور فائرنگ کی گئی۔

    بھارتی فوج نےظفروال سیکٹرمیں شہری آبادی پرگولہ باری کی، بھارتی فائرنگ سے رینجرز کے دو اہلکار زخمی ہوئے، جن کےنام اللہ یاراوراحسان بتائے جاتے ہیں، سکھ مال اور ننگل میں زخمی ہونے والا شخص خورشید احمد اور امجد علی کی بیوی زخموں کی تاب نہ لاتے ہوئے دم توڑ گئے، پاکستانی سیکورٹی فورسز نے بھارتی فائرنگ سے متاثر ہونے والے درجنوں دیہات کو خالی کرالیا گیا۔

  • ظفر وال سیکٹر، بھارتی فوج کی فائرنگ، 14سالہ لڑکی جاں بحق

    ظفر وال سیکٹر، بھارتی فوج کی فائرنگ، 14سالہ لڑکی جاں بحق

    ظفروال: ظفروال سیکٹر پر بھارتی فوج کی فائرنگ سے چودہ سالہ لڑکی جاں بحق ہوگئی۔

     بھارتی فوج کی مسلسل سرحدی خلاف ورزی، بلا جواز فائرنگ سے پہلے رینجرز اہلکاروں کو شہید کیا اب معصوم بچی نشانہ بنے۔

    پاکستان پر آئے روز دہشتگردی کے الزام لگانے والا بھارت خود سرحدی دہشتگردی پر اتر آیا ہے، ایک جانب انڈین میڈیا کا پاکستان مخالف پروپیگنڈا اور دوسری جانب بھارتی فوج کی اشتعال انگیزی وہ بھی ایسے وقت جب پاکستان میں دہشتگردوں کو جڑ سے اکھاڑ پھینکنے کا لائحہ عمل طے کرلیا گیا ہے۔

    آئی ایس پی آر کے مطابق ظفر وال سیکٹر میں بھارتی فوج کی آگ اگلتی بندوقوں نے تیرہ سالہ لڑکی کو شہید جبکہ آٹھ سالہ بچے کو زخمی کردیا۔

    بھارت کی جانب سے پاکستانی حدود میں گولہ باری بھی کی گئی، پاکستانی قوم کا دہشتگردوں کوجڑ سے اکھاڑ پھینکنے پرمتفق ہونا اور  بھارت کےپیٹ میں مروڑ اٹھنا یہ ایک فطری عمل ہے۔

    ماضی میں اس بات کےثبوت ملتے رہے ہیں کہ بھارت دہشتگردوں کی مدد کررہا ہے، کہیں ایسا تو نہیں کہ بھارت پاک فوج کی توجہ تقسیم کر کے دہشتگردوں کوبچانےکی ناکام کوشش کر رہا ہے؟

  • بھا رت دہشت گردوں کیخلاف آپریشن میں رکاوٹ ڈال رہا ہے

    بھا رت دہشت گردوں کیخلاف آپریشن میں رکاوٹ ڈال رہا ہے

    اسلام آباد: بھارتی اشتعال انگیزی اور لائن آف کنٹرول پر فائرنگ سے ان اطلاعات کو مزید تقویت مل رہی ہے کہ بھارت دہشت گردوں کیخلاف ہونیوالے آپریشن میں رکاوٹ ڈالنا چاہتا ہے۔

    بھارتی فوج کی جانب سے سرحدی حدود کی خلاف ورزیوں کا سلسلہ جاری ہے، معصوم پاکستانیوں پر بے دریغ فائرنگ بھا رت کا معمول بن چکا ہے ، دو روز قبل شکر گڑھ کے سرحدی علا قے میں رینجرز کے اہلکاروں پر بھا رتی افواج کی سفاکانہ فائرنگ اور دو رینجرز اہلکاروں کی شہادت بھارت کی اشتعال انگیزی کا منہ بولتا ثبوت ہے۔

    بھارت کا اشتعال انگیز رویہ ان اطلاعات کو تقویت فراہم کرتا ہے کہ بھا رت بھی پاکستان میں دہشت گردوں کیخلاف ہو نیوالے بھر پور آپریشن میں رکاوٹ ڈال رہا ہے۔

    ڈی جی پنجاب رینجرز میجر جنرل طاہر جاوید کا کہنا ہے کہ بھارت کی جانب سے سرحدی خلاف ورزی عرصہ دراز سے جاری ہے، جس کی وجہ سے بھارت سے سیکٹر سطح پر مذاکرات بند کرنے کا فیصلہ کیا گیا ہے۔

    وزیرِدفاع خواجہ آصف نے بھارتی فوج کی جانب سے سرحدی حدود کیخلاف ورزی پر سخت ردعمل کا اظہار کرتے ہوئے کہا کہ جارحیت کا بھرپور جواب دے سکتےہیں۔

  • بھارتی فائرنگ ،2جوانوں کی شہادت پربھارتی ڈپٹی ہائی کمشنرکی طلبی

    بھارتی فائرنگ ،2جوانوں کی شہادت پربھارتی ڈپٹی ہائی کمشنرکی طلبی

    اسلام آباد: گزشتہ روز بھارتی فوج نے دھوکے سے رینجرز کے دو اہلکار شہید کر دیئے تھے، جس کے بعد اسلام آباد میں بھارتی ڈپٹی ہائی کمشنر کو دفتر خارجہ میں طلب کرکے سخت احتجاج کیا گیا۔

    شکر گڑھ سیکٹر پر شہید دونوں جوانوں کی نماز جنازہ ادا کردی گئی ہے، پاکستان نے ورکنگ باونڈری پر بھارتی فورسز کی فائرنگ پر شدید احتجاج کرتے ہوئے بھارتی ڈپٹی ہائی کمشنر کو دفتر خارجہ طلب کرلیا اور رینجرز کے دو اہلکاروں کی شہادت پر اپنا احتجاج ریکارڈ کرایا۔

    ترجمان دفترِ خارجہ کا کہنا تھا کہ بھارتی حکومت تحقیقات کراکے ذمہ داروں کو قانون کے کٹہرے میں لائے اور جنگ بندی معاہدے کو یقینی بنائے، شکر گڑھ ورکنگ باؤنڈری پر بھارتی سیکیورٹی فورسز کے سیکٹر کمانڈر نے فلیگ میٹنگ کی درخواست کی تھی۔

    رینجرز اہلکار لانس نائیک ریاض شاکر اور لانس نائیک محمد صفدر ورکنگ باؤنڈری پر موجود تھے کہ بھارتی فورسز نے اچانک بلااشتعال فائرنگ شروع کردی، جو کئی گھنٹے تک جاری رہی فائرنگ سے زخمی ہونے والے رینجرز اہلکار وں کو شکر گڑھ سیکٹر سے اٹھانے تک نہیں دیا گیا اور خون زیادہ بہہ جانے کے باعث دونوں رینجرز اہلکار جام شہادت نوش کرگئے، ان کی نماز جنازہ ادا کردی گئی ہے۔

  • بھارتی فائرنگ سے زخمی دو رینجرز اہلکار زخموں کی تاب نہ لاکرشہید

    بھارتی فائرنگ سے زخمی دو رینجرز اہلکار زخموں کی تاب نہ لاکرشہید

    شکر گڑھ : بھارتی فوج کی بلااشتعال فائرنگ سے شکر گڑھ سیکٹر پر شدید زخمی ہونے والے دو رینجرز اہلکار شہید ہوگئے۔

    تفصٓیلات کے مطابق شکر گڑھ ورکنگ باؤنڈری پر بھارتی سکیورٹی فورسز کے سیکٹرکمانڈر کی جانب سے فلیگ میٹنگ کی درخواست کی گئی تھی ۔

    دونوں رینجرز اہلکار لانس نائیک ریاض شاکر اور لانس نائیک محمد صفدر ورکنگ باؤنڈری پر موجود تھے کہ بھارتی سکیورٹی فورسز نے بلااشتعال فائرنگ کا سلسلہ شروع کردیا،جو کئی گھنٹے تک جاری رہا۔

    دونوں زخمی اہلکاروں کو شکر گڑھ سیکٹر سے اٹھانے کی کوشش کی گئی مگر بھارتی فورسز کی جانب سے مسلسل فائرنگ کے باعث دونوں اہلکاروں کو طبی امداد فراہم نہ کی جا سکی  اور زیادہ خون بہہ جانے کی وجہ سے دونوں اہلکار جام شہادت نوش کرگئے۔

  • بھارتی فوج کی ایک بارپھرلائن آف کنٹرول کی خلاف ورزی

    بھارتی فوج کی ایک بارپھرلائن آف کنٹرول کی خلاف ورزی

    شکرگڑھ: بھارتی فوج کی جانب سے ایک بارپھرلائن آف کنٹرول کی خلاف ورزی کی گئی ہے۔

    بھارت کی جانب سے ایک مرتبہ پھر لائن آف کنٹرول کی خلاف ورزی کا واقعہ سامنے آ گیا۔تفصیلات کے مطابق سیالکوٹ کے قریب شکر گڑھ سیکٹر پر بھارت کی جانب سے لائن آف کنٹرول کی خلاف ورزی کرتے ہوئے شدید فائرنگ اور گولہ باری کی ہے۔اس خلاف ورزی کے جواب میں پاکستان کی جانب سے پاک فوج نے بھرپور جوابی کاروائی کی ہے جس کے بعد بھارتی توپیں خاموش ہو گئیں ہیں۔

  • سیالکوٹ: بھارتی فوج کی بلا اشتعال فائرنگ، چناب رینجرز کی منہ توڑ جوابی کاروائی

    سیالکوٹ: بھارتی فوج کی بلا اشتعال فائرنگ، چناب رینجرز کی منہ توڑ جوابی کاروائی

    سیالکوٹ: سیالکوٹ کے چارواہ سیکٹر میں بھارتی فوج نے ایک بار پھر بلا اشتعال فائرنگ کردی ہے جس کا منہ توڑ جواب چناب رینجرز کی جانب سے دیا گیا اور بھارتی گنیں خاموش ہو گئیں۔

    بھارتی فوج نے سیالکوٹ ورکنگ باؤنڈری پر کچھ روز کے وقفے کے بعد آج ایک بار پھر جارحیت کا سلسلہ شروع کردیا ہے۔ سیالکوٹ کے چارواہ سیکٹر میں بھارتی فوج نے بلا اشتعال فائرنگ اور گولہ باری کرکے سرحدی دیہاتوں اور چناب رینجرز کی پوسٹوں کو نشانہ بنانے کی کوشش کی ہے۔

    چناب رینجرز کی بھرپور جوابی کارروائی کے نتیجے میں بھارتی فورسز کی گنیں خاموش ہو گئیں ہیں۔ بھارتی فورسز کی فائرنگ اور گولہ باری سے کوئی جانی نقصان نہیں ہواہے۔

    جن سرحدی دیہاتوں کو نشانہ بنایا گیا ان میں دھمال، جروال اور چار واہ سمیت دیگر سرحدی دیہات شامل ہیں۔