ARYNews.tv | Urdu – Har Lamha Bakhabar

Tag: بھارتی فوج

  • بھارتی سکیورٹی فورسز کی فائرنگ، 1شخص جاں بحق

    بھارتی سکیورٹی فورسز کی فائرنگ، 1شخص جاں بحق

    شکرگڑھ: نارووال کے علاقے شکر گڑھ میں بھارتی سیکورٹی فورسز کی فائرنگ سے ایک شخص جاں بحق ہوگیا۔

    پاکستان کی سرحدوں پر بھارتی جارحیت جاری ہے، پنجاب کے ضلع نارووال کی تحصیل شکرگڑھ میں بھارتی سکیورٹی فورسز کی فائرنگ سے کسان توقیر خان جاں بحق ہوگیا۔ توقیر صبح معمول کے مطابق کھیت میں فصل کاٹ رہا تھا کہ بھارت کی سمت سے آنے والی گولی سے جاں بحق ہوگیا۔

    ترجمان پنجاب رینجرز کے مطابق بھارتی سیکیورٹی فورسز نے پاکستان علاقے شکر گڑھ میں زیرو لائن پر کام کرتے کسانوں پر فائرنگ کردی، جس سے ایک کسان تیس سالہ توقیر حسین شہید ہوگیا ۔

    ترجمان پنجاب رینجرز کا کہنا ہے بی ایس ایف کے اہلکار ایک کسان کو بھی اپنے ساتھ لے گئے ۔

    .بھارتی فورسز نے گزشتہ روز بھی راولہ کوٹ میں فائرنگ کرکے ایک سترسالہ شخص کو شہید کردیا تھا

  • پاک بھارت امن کا راستہ کشمیرسے گزرتا ہے، پرویزالٰہی

    پاک بھارت امن کا راستہ کشمیرسے گزرتا ہے، پرویزالٰہی

    لاہور: پاکستان مسلم لیگ کے سینئرمرکزی رہنما و سابق نائب وزیراعظم چودھری پرویزالٰہی نے کہا ہے کہ پاکستان کے تاجر اور منافع خور حکمران فیصلہ کرلیں کہ بھارت سے آلو پیاز لینا ہے یا مقبوضہ کشمیر؟

    کشمیر پر بھارتی تسلط کے دن کی مناسبت کے حوالے سے مقبوضہ علاقہ میں ظلم و بربریت اور اس پر پاکستانی حکمرانوں کی سردمہری پر کڑی تنقید کرتے ہوئے ان کا کہنا تھا کہ مقبوضہ کشمیر کو زیر تسلط رکھنے کیلئے وہاں آٹھ لاکھ سے زائد بھارتی فوج تعینات ہے جو کسی بھی علاقہ میں قابض فوج کی سب سے بڑی تعداد ہے۔

    عالمی برادری کی توجہ اس جانب مبذول کرانے کی ضرورت پر زور دیتے ہوئے انہوں نے کہا کہ پاکستانی حکمرانوں کو سب سے پہلے کشمیر سے بھارتی فوجوں کی جلد از جلد واپسی کا مطالبہ کرنا چاہئے تاکہ وہاں بھارتی مظالم میں کمی آئے۔

    انہوں نے خبردار کیا کہ کشمیریوں کی امنگوں اور مطالبات کے منافی سودے بازی کو کشمیری عوام قبول کریں گے اور نہ ہی پاکستان کے غیور عوام اس کی اجازت دیں گے۔

    انہوں نے کہا کہ مودی سرکار کو بھی چاہئے کہ وہ زمینی حقائق کو سامنے رکھتے ہوئے اربوں ڈالر کا اسلحہ خریدنے کی بجائے خطہ کے اس سب سے بڑے مسئلہ کو حل کرنے پر توجہ دے تاکہ وسائل کو سماجی مسائل کے حل پر صرف کر کے کروڑوں عوام کو غربت اور جہالت سے نجات دلائی جا سکے کیونکہ اس حقیقت سے انکار نہیں کیا جاسکتا کہ پاک بھارت امن کا راستہ کشمیر سے گزرتا ہے

  • بھارتی فورسزکی ورکنگ باؤنڈری پرفائرنگ،گولہ باری جاری

    بھارتی فورسزکی ورکنگ باؤنڈری پرفائرنگ،گولہ باری جاری

    سیالکوٹ: بھارتی فوج کی سیالکوٹ ورکنگ باؤنڈری پربلااشتعال فائرنگ اور گولہ باری کا سلسلہ نہ رک سکا،چناب رینجرز نے بھی بھرپور کارروائی کرتے ہوئے بھارت کو منہ توڑ جواب دیا۔

    بھارتی افواج بازنہیں آئی ۔سیالکوٹ کے چارواہ اور ہڑپال سیکٹر پر بھارتی فورسز کی بلااشتعال فائرنگ اور گولہ باری بدستور جاری ہے ،بھارتی فورسز کی رات سے جاری فائرنگ کا چناب رینجرز نے کرارا جواب دیا اوربھرپورکارروائی کی ۔

    چناب رینجرز کے بھارت کو منہ توڑ جواب میں بھارتی توپوں کو خاموش کردیا۔ ورکنگ باؤنڈری لائن پربھارتی فورسز کی فائرنگ اور گولہ باری سے چناب رینجرز کی چیک پوسٹوں کو نشانہ بنانے کی کوشش کی گئی۔

    رہائشی سرحدی علاقوں سمیت مقامی آبادی پر بھی مارٹر گولے برسائے گئے،جس سے لوگوں میں خوف و ہراس پھیل گیا۔بھارتی جارحیت سے اب تک درجنوں افراد شہید ہوچکے ہیں۔

  • بھارتی فوج کی جارحیت کا منہ توڑ جواب دیا جائیگا،آئی ایس پی آر

    بھارتی فوج کی جارحیت کا منہ توڑ جواب دیا جائیگا،آئی ایس پی آر

    راولپنڈی: بھارت کی جانب سے یکم اکتوبر کے بعد سےکنٹرول لائن پرجنگ بندی کی خلاف ورزی کا جو سلسلہ شروع ہوا تھا اُس میں اضافہ ہوتا جارہا ہے۔

    پاک فوج کے شعبہ تعلقات عامہ کی جانب سے جاری کئے جانے والے بیان میں بھارت کو ایک بار پھر سخت الفاظ میں متنبہ کیا گیا ہے کہ کنٹرول لائن اور ورکنگ باؤنڈری پر اشتعال انگیزی برداشت نہیں کی جائے گی اور اس کا منہ توڑ جواب دیا جائے گا۔

    بھارتی فوج کی جانب سے جنگ بندی کی تازہ خلاف ورزی راولاکوٹ میں کی گئی ہے ،فائرنگ سے موری گاؤں کا ایک رہائشی سترسالہ ولی محمد زخمی ہوگیا۔ راولا کوٹ میں بھارتی فوج کی بلااشتعال فائرنگ کا فوری اورموثرجواب دیا گیا۔

  • بھارت نے رواں برس سیزفائر کی31خلاف ورزیاں کی، سیکٹرکمانڈر وسیم ظفر

    بھارت نے رواں برس سیزفائر کی31خلاف ورزیاں کی، سیکٹرکمانڈر وسیم ظفر

    لاہور: بھارتی جنگی جنون سر چڑھ کر بولنے لگا، چارواہ سیکٹر میں بلااشتعال فائرنگ سے ایک شہری شہید اور پانچ افراد زخمی ہوگئے، سکیٹر کمانڈر کا کہنا ہے کہ بھارت کی جانب سے رواں برس سیز فائر کی اکتیس خلاف ورزیاں کی گئیں۔

    جنگی جنون میں مبتلا بھارتی فوج نے ایک بار پھر پاکستانی علاقوں میں بلااشتعال فائرنگ کر دی، رینجرز ذرائع کے مطابق چار واہ سکیٹرمیں بھارتی فوج کی فائرنگ سے ایک شہری شہید اور دو خواتین سمیت پانچ افراد شدید زخمی ہوگئے ہیں۔

    چناب رینجرز نے بھارتی جارحیت کا منہ توڑ جواب دیتے ہوئے بھرپور کارروائی کی، پاکستان کیجانب سے جوابی کارروائی کے بعد بارود اگلتا بھارتی توپخانہ ٹھنڈا پڑگیا، آپے سے باہر بھارتی فوج نے چوبیس گھنٹے میں پانچ پاکستانیوں کو شہید اور انیس کو زخمی کردیا۔

    دوسری جانب سیکٹر کمانڈر کا کہنا ہے کہ بھارت کیجانب سے ہمیشہ مسلمانوں کے ہر تہوار پر فائرنگ کی جاتی ہے، انکا کہنا تھا کہ بھارت کیجانب سے رواں برس سیز فائر کی اکتیس خلاف ورزیوں میں اٹھارہ شہری زخمی اور سات افراد شہید ہوئے۔

    سیکٹر کمانڈر نے واضح کیا کہ بھارتی جارحیت کی چناب رینجرز کیجانب سے ہمیشہ جواب دیا جاتا ہے تاہم آبادی کو نشانہ نہیں بنایا جاتا۔

  • بھارتی فوج کی ایل او سی پر فائرنگ،پاک فوج کا بھرپورجواب

    بھارتی فوج کی ایل او سی پر فائرنگ،پاک فوج کا بھرپورجواب

    سیالکوٹ :لائن آف کنٹرول پرکوٹلی سیکٹرکےقریب بھارتی فوج کی بلااشتعال فائرنگ کی، پاک فوج نے بھرپور جوابی کارروائی کر کے بھارتی بندوقیں خاموش کرادیں۔

    آئی ایس پی آر کے مطابق بھارتی فوج کی بلااشتعال فائرنگ کاسلسلہ چار روزسےجاری ہے۔ بھارتی فوج نے آج لائن آف کنٹرول پرکوٹلی سیکٹر کےقریب بھارتی فوج کی بلااشتعال فائرنگ کی۔

    پاک فوج نے بھرپور جوابی کارروائی کرتے ہوئے بھارتی بندوقیں خاموش کرادیں۔ دوروز قبل بھارتی فوج نے باغ کے قریب بیدوری سیکٹر میں فائرنگ کی تھی۔

    پاک فوج نے بھارتی فائرنگ کا موثر طور پر جواب دیا اوربھارتی گنیں خاموش ہوگئیں۔ واقعے میں کوئی جانی نقصان نہیں ہواتھا۔

  • بھارتی فوج کی آزاد کشمیر کے باغ سیکٹر میں بلااشتعال فائرنگ

    بھارتی فوج کی آزاد کشمیر کے باغ سیکٹر میں بلااشتعال فائرنگ

    آزاد کشمیر: بھارتی فوج کی جانب سے ایک بار پھر جنگ بندی معاہدے کی خلاف ورزی کی گئی، جس نے آزاد کشمیر کے باغ سیکٹر میں بلااشتعال فائرنگ کی۔

    بھارتی فوج کی جانب سے جنگ بندی کے معاہدے کی خلاف ورزی کا سلسلہ جاری ہے، تازہ واقعے میں بھارتی فوج نے باغ سیکٹر کے بیدوری میں بلااشتعال فائرنگ کی۔

    آئی ایس پی آر کے مطابق پاکستانی فوج نے بھارتی فائرنگ پر بھرپورجوابی کارروائی کی، جس کے بعد بھارتی توپیں خاموش ہوگئیں، آئی ایس پی آر کا کہنا ہے کہ فائرنگ کے تبادلے میں کسی جانی نقصان کی اطلاع نہیں ملی۔

  • پاک بھارت ڈی جی ایم اوز کا ایل اوسی،ورکنگ باؤنڈری پرکشیدگی میں کمی پراتفاق

    پاک بھارت ڈی جی ایم اوز کا ایل اوسی،ورکنگ باؤنڈری پرکشیدگی میں کمی پراتفاق

    اسلام آباد: آئی ایس پی آر کے مطابق پاکستان اور بھارت کے ڈی جی ایم اوز کے درمیان ہونے والے رابطے میں لائن آف کنٹرول اورورکنگ باؤنڈری پرکشیدگی میں کمی پراتفاق کیا گیا۔

    آئی ایس پی آر کے ترجمان کے مطابق پاک بھارت ڈائیریکٹرز جنرل ملٹری آپریشنز کے درمیان ہاٹ لائن پر رابطہ کیا گیا، جس میں جولائی اور اگست کے درمیان لائن آف کنٹرول اور ورکنگ باؤنڈریز پر سیز فائر کی خلاف ورزی کے چوبیس سے زائد واقعات پر تبادلہ خیال کیا گیا، ان خلاف ورزیوں میں چار شہری شہید اور متعدد زخمی ہوئے، فائرنگ کے واقعات میں متعدد مویشیوں کی ہلاکت کے واقعات بھی سامنے آچکے ہیں جبکہ شہری املاک کو بھی نقصان پہنچا، رابطے کے دوران اتفاق کیا گیا کہ حالات کو معمول پر لانے کیلئے ضروری اقدامات کیے جائیں گے۔

  • سیالکوٹ:بھارتی فوج کی فائرنگ،خاتون سمیت دو افراد شہید

    سیالکوٹ:بھارتی فوج کی فائرنگ،خاتون سمیت دو افراد شہید

     سیالکوٹ:  سرحدپار سے بھارتی فوج کی بلااشتعال  فائرنگ سےخاتون سمیت دو افراد جاں بحق  اور بارہ زخمی ہوگئے تفصیلات کے مطابق بھارت نے دو ماہ کے دوران بیس مرتبہ سے زائد ورکنگ باؤنڈری کی خلاف ورزی کرکے امن کی آشا کو سپرد خاک کردیا۔ بھارت کاجنگی جنون کسی طورکم ہونےکانام نہیں لےرہا۔

    بھارتی فوج نے سیالکوٹ ورکنگ باؤنڈری پرایک بارپھربلااشتعال فائرنگ اورگولہ باری کرکےسیزفائر کی دھجیاں اڑاکرامن کوسپردخاک کردیا۔سیزفائرکی خلاف ورزی چپراڑ،سچیت گڑھ،چارواسیکٹرمیں کی گئی جہاں فائرنگ کے نتیجےمیں خاتون سمیت دوافرادشہیدجبکہ بارہ شہری زخمی ہوگئے ۔

    بھارتی فوج کی فائرنگ سےجامِ شہادت نوش کرنے والےشہریوں کےورثاء نے شدیداحتجاج کیا ۔ بلا اشتعال فائرنگ سے کئی مکانات بھی تباہ ہوگئے اورشہری شدید خوف وہراس میں مبتلا اور نقل مکانی پر مجبور ہوگئے ہیں ۔

    دو ماہ کے دوران بھارت نے تئیس باربلااشتعال فائرنگ کی اور اس دوران تین افراد شہید ہوچکے ہیں۔ بھارتی بلاشتعال فائرنگ اور گولہ باری کے جواب میں بار بار پاک فوج نے اسے دھول چٹائی ہے۔

  • بھارتی فوج کی جروال پوسٹ پر بلااشتعال فائرنگ, خاتون سمیت 2افراد شہید

    بھارتی فوج کی جروال پوسٹ پر بلااشتعال فائرنگ, خاتون سمیت 2افراد شہید

    سیالکوٹ : بھارتی سیکورٹی فورسز نے مسلسل تیسرے روز بھی جنگ بندی کی خلاف ورزی کرتے ہوئے سیالکوٹ کے سرحدی علاقے جروال اور چپ ڑار سیکٹر پر بلااشتعال فائرنگ اور گولہ باری  کی ،جس کے نتیجے میں ایک خاتون سمیت دوافراد شہید جبکہ متعددد زخمی ہوگئے۔

    بھارتی سیکورٹی فورسز کی جانب سے جنگ بندی معاہدے کی مسلسل تیسرے روز بھی خلاف ورزی کی گئی، جنگی جنون میں مبتلا بھارتی فوج کی سیالکوٹ کے سرحدی علاقے جروال پوسٹ پر بلااشتعال فائرنگ اور گولہ باری کی، مارٹر گولے کی ذد میں آکر کھدرال گاؤں ایک خاتون شہید ہو گئیں جبکہ تین افراد زخمی ہیں جبکہ گاؤں حاجراں گڑی میں بھی ایک شخص شہید ہوا۔

    مارٹر گولے گھروں پر گرنے سے متعدد مویشی بھی مارے گئے جبکہ متعددمکانات کو بھی نقصان پہنچا ہے، چناب رینجرز کی بھرپور جوابی کارروائی سے بھارتی توپیں خاموش ہوگئیں۔

    بھارت کی جانب سے گولہ باری کے باعث سرحدی دیہات میں شدید خوف و ہراس پایا جاتا ہے، مسلسل تین روز سے جاری فائرنگ اور گولہ باری کی وجہ سے دیہات کے رہائشی اپنے گھروں میں محصور ہو کر رہ گئے ہیں۔