Tag: بھارتی فوج

مقبوضہ کشمیر میں مودی سرکار کی ریاستی دہشت گردی جاری ہے قابض فورسز نے نام نہاد سرچ آپریشن کی آڑ میں ایک نوجوان کو شہید کر دیا۔

کشمیر میڈیا سروس کے مطابق کشمیری نوجوان کی شہادت کا واقعہ ضلع راجوڑی میں پیش آیا جہاں قابض بھارتی فوج نے سرچ آپریشن کے دوران داخلی اور خارجی راستوں کو بند کرکے گھر گھر تلاشی لی۔

اس دوران قابض بھارتی فوج کے اہلکاروں نے خواتین کے ساتھ بدتمیزی کی، بزرگوں اور بچوں کو بھی تشدد کا نشانہ بنایا جب کہ ایک گھر پر اندھا دھند فائرنگ کرکے نوجوان کو شہید کردیا۔

واضع رہے گزشتہ ماہ قانون قابض فورسز نے دس کشمیری نوجوانوں کو شہید کیا تھا۔

سری نگر : مقبوضہ کشمیر میں بھارتی فوج کا ہیلی کاپٹر گر کر تباہ ہوگیا، جس کے نتیجے میں ایک ٹیکنیشن ہلاک اور دو پائلٹ زخمی ہوگئے۔

تفصییلات کے مطابق مقبوضہ کشمیر کے پہاڑی ضلع کشتواڑ کے مرواہ علاقے میں مچنا کے مقام پر بھارتی فوج کا ایک ہیلی کاپٹر گر کر تباہ ہو گیا۔

بھارتی میڈیا نے بتایا کہ ہیلی کاپٹر میں 3 افراد سوار تھے، حادثے میں ایک ٹیکنیشن ہلاک اور دو پائلٹ زخمی ہوئے تاہم زخمیوں کو قریبی اسپتال منتقل کردیا گیا ہے۔

یہ واقعہ صبح تقریباً 9:45 پر پیش آیا، ذرائع نے بتایا کہ یہ ایک جدید لائٹ ہیلی کاپٹر تھا، ہیلی کاپٹر نے کشتواڑ ہیلی کاپٹر سے مروہ کی طرف معمول کے مطابق پرواز کی۔

افسر نے ایک بیان میں کہا ہے کہ کورٹ آف انکوائری کا حکم دیا گیا ہے اور مزید تفصیلات حاصل کی جا رہی ہیں۔

یاد رہے گذشتہ سال ستمبر میں بھارتی فوج کا ہیلی کاپٹر مقبوضہ جموں و کشمیر میں گر کر تباہ ہوگیا تھا، حادثے کے نتیجے میں دونوں پائلٹس زخمی ہوئے تھے۔

اس سے قبل اگست میں بھارتی فوج کا ٹو ففٹی فور اے اے ہیلی کاپٹر مقبوضہ کشمیر میں رنجیت ساگر ڈیم کے قریب گر کر تباہ ہوا تھا ، تاہم حادثے میں دونوں پائلٹس محفوظ رہے۔

رواں سال جنوری میں جموں کشمیر پنجاب سرحد کے قریب کٹھوعہ ضلع کھن پور میں بھارتی فوج کا ہیلی کاپٹر گر کر تباہ ہوگیا تھا ، جس کے نتیجے میں ایک پائلٹ ہوگیا تھا۔

نئی دہلی: بھارتی فوج کے بھٹنڈا ملٹری اسٹیشن پر آرمی میس میں فائرنگ کے نتیجے میں 4سےزائدفوجی ہلاک ہوگئے تاہم حملہ آور کی تلاش میں پولیس اور فوجی حکام ناکام ہیں۔

تفصیلات کے مطابق بھارتی ریاست پنجاب کے علاقے بھٹنڈا میں ملٹری اسٹیشن پر آرمی میس میں فائرنگ ہوئی ، فائرنگ سے 4سےزائد فوجی ہلاک ہوگئے ، جن کا تعلق 80میڈیم رجمنٹ سے ہے۔

مقامی پولیس نے بتایا کہ فائرنگ ملٹری اسٹیشن کے اندر صبح4بجکر30منٹ پرہوئی تاہم یہ کسی فدایان کاحملہ نہیں اندرونی افرادکی طرف سے کی گئی کارروائی ہے۔

پولیس اور فوجی حکام حملہ آور کی تلاش میں ناکام ہے ، اطلاعات ہے کہ 2 افراد جن کےپاس اسلحہ اوربارودموجود ہے اب بھی ملٹری اسٹیشن میں موجود ہے ، جن کی تلاش جاری ہے۔

دوسری جانب بھارتی میڈیا نے دعویٰ کیا ہے کہ فائرنگ کرنے والا بھارتی پولیس اہل کار ہے، جس نےکوارٹرگارڈ سے اسلحہ چھینا تھا۔

واقعے کے بعد علاقہ سیل کرکے ملٹری اسٹیشن کے اندر اور اطراف میں سرچ آپریشن جاری ہے، پاکستان اور اس کی افواج پر ہرزہ سرائی کرنیوالی بھارتی فوج اپنے ہی فوجیوں کی حفاظت کرنے میں ناکام ہے۔

بھارتی فوج کے سری لنکا سے شکست کے بعد انخلاء کو 23 سال مکمل ہوگئے، 1983ء سے 2009ء تک بھارتی خفیہ ایجنسی راء نے 20 ہزار تامل ٹائیگرز کو ٹریننگ اور اسلحہٰ فراہم کیا۔

تفصیلات کے مطابق بھارتی فوج کے سری لنکا سے شکست کے بعد انخلاء کو تئیس سال مکمل ہوگئے ، لنکا ٹائیگرز جنگ میں ہندوستان کا کردار ہمسایہ ممالک میں دہشتگردی کی سرپرستی کا کھلا ثبوت ہے۔

سری لنکا میں بھارتی فوج نے انسانی حقوق کی سنگین خلاف ورزیاں کی، 1983ء سے 2009ء تک بھارتی خفیہ ایجنسی راء نے 20 ہزار تامل ٹائیگرز کو ٹریننگ اور اسلحہٰ فراہم کیا اور جون 1987ء میں سری لنکا کے تامل ٹائیگرز کے خلاف آپریشن ” آزادی “ شروع کیا۔

جس کے خلاف بھارتی بحریہ اور فضائیہ نے تامل باغیوں کو اسلحہ اور امداد فراہم کی، سری لنکا کی بار بار مذمت اور احتجاج کے باوجود ہندوستان تامل باغیوں کی پشت پناہی سے باز نہ آیا۔

جولائی 1987ء میں سر ی لنکا سے جبراََ معاہدے کے ذریعے امن کے نام پر 80 ہزار بھارتی فوج جافنا میں اُتار دی، بھارتی فوج کی طرف سے وسیع پیمانے پر قتل ِ عام، لوٹ مار اور اجتماعی زیادتیوں کے باعث جلد ہی بھارتی فوج اور ایل ٹی ٹی ای کے درمیان بھی جنگ چھڑ گئی۔

جنرل سُندر جی نے راجیو گاندھی کو دو ہفتوں میں تامل باغیوں کے خاتمے کا یقین دلایا لیکن 3 سال گذرنے کے باوجود بھارتی فوج کو شرمناک شکست کا سامنا کرنا پڑا۔

آپریشن پوون کے نتیجے میں 27 ہزار سری لنکن شہری، 5 ہزار سری لنکن فوجی جبکہ 3 ہزار سے زائد بھارتی فوجی اکھنڈ بھارت کے خواب کا ایندھن بنے۔

سری لنکا میں بھارتی فوج نے انسانی حقوق کی سنگین خلاف ورزیاں کی، جن میں لو ٹ مار، قتل عام اور اجتماعی زیادتیاں سرِ فہرست ہیں۔

سال 1987ء میں ویلویتو تھرائی میں 64 نہتے شہریوں کو قتل جبکہ 200 سے زائد گھروں کو نذرِ آتش کیا گیا جبکہ 1991ء میں راجیو گاندھی پر خود کش حملہ کرنے والی کلیون راجارتنم بھی بھارتی فوجیوں کی ویلویتو تھرائی میں اجتماعی زیادتی کا نشانہ بنی تھی۔

سال 1987ء میں جافنا ہسپتال پر دھاوا بول کر 100، 1988ء میں چاواکچ چہری میں 40 جبکہ 1989ء میں کوکوویل میں بھارتی کمانڈرز نے40 سے زائد بے گناہ لوگوں کو موت کے گھاٹ اُتا ر دیا تھا۔

تامل عوام نے قتلِ عام کے باعث Indian Peace Keeping Force کو Indian People Killing Force کا نام دیا تھا ، ڈبل گیم پالیسی کے تحت بھارت نے سری لنکا اورتامل باغیوں کو اپنے مزموم مقاصد کے لئے استعمال کیا۔

بھارتی فوج کی سری لنکا کے اندرونی معاملات میں بے جا مداخلت نے خانہ جنگی کو اگلے 20 سالوں تک طول دے دیا۔