ARYNews.tv | Urdu – Har Lamha Bakhabar

Tag: بھارتی فوج

  • بنگالی کسانوں نے آپریشن پر آئے بھارتی فوج کے جوانوں کو مار مار کر بھگا دیا

    بنگالی کسانوں نے آپریشن پر آئے بھارتی فوج کے جوانوں کو مار مار کر بھگا دیا

    بنگالی کسانوں نے آپریشن کیلئے آئے بی ایس ایف کے جوانوں کو مار مار کر بھگا دیا، بنگالی کسانوں کے ہاتھوں دھلائی بی ایس ایف بھارتی افواج کیلئے جگ ہنسائی کا باعث بن گئی۔

    تفصیلات کے مطابق پاکستان، میانمار اور نیپال کے بعد اب بھارتی ضلع مرشد آباد میں بنگلہ دیش کے ہاتھوں بھی بھارتی افواج کی دھلائی ہوگئی۔

    بھارتی فوج اب مویشی چوری بھی کرنے لگ گئی اور غلطی سے بارڈر پار کر جانے والے مویشیوں سے دعوت کے مزے آڑانے لگی۔

    ذرائع نے بتایا کہ بھارتی کسانوں نے بی ایس ایف کو بنگالی چرواہوں کے کھیتوں میں جانور چرانے کی شکایت لگائی کہ کہا ان کے جانور ہمارے کھیتوں کو نقصان پہنچا رہے ہیں۔

    شکایت کے جواب میں بی ایس ایف کو نرمل چار بارڈر پر رنیتلا کے علاقے میں پوسٹ قائم کر کے بنگالی چرواہوں کو روکنے کا حکم ملا۔

    بی ایس ایف کی 35thبٹالین نے چیک پوسٹ قائم کر کے غلطی سے آنے والے مویشیوں کی واپسی سے بھی انکار کردیا۔

    26 فروری کو غلطی سے بارڈر پار کر جانے والے مویشیوں کو واپس نہ کرنے پر سینکڑوں بنگالی کسانوں نے آپریشن پر آئے بی ایس ایف کے جوانوں کو دھو ڈالا۔

    نہتے بنگالیوں کے ہاتھوں مار کے بعد بی ایس ایف کے مسلح جوان دم دبا کر بھاگ نکلے، بنگالی کسانوں نے جانور بھی بازیاب کروائے اور بی ایس ایف کے جوانوں سے ہتھیار بھی چھین لئے۔

    بنگالی کسانوں سے ہزیمت کے بعد بی ایس ایف نے بنگلہ دیشی بارڈر گارڈ سے رو رو کر شکایت کی، شکایت کے ساتھ چھینے گئے ہتھیاروں کی واپسی کی منت سماجت بھی کی گئی۔

    بنگالی کسانوں کے ہاتھوں مار پیٹ سے دو جوان شدید زخمی جبکہ بیسیوں کو چوٹیں آئیں۔

    اس جگ ہنسائی کے بعد سوالات جنم لے رہے ہیں کہ کیا خود کو عالمی اور ایشیائی سپر پاور کہنے والے بھارت کی مسلح افواج نہتے کسانوں کے خلاف بھی اپنا دفاع نہیں کر سکتی؟

    کیا جگ ہنسائی کا باعث بننے والی بھارتی فوج ایسے واقعات کے بعد خود کو تربیت یافتہ فوج قرار دے سکتی ہے؟ کیا بھارتی فوج کا مودی کو فائدہ پہنچانے کیلئے سیاسی کردار اسکی ٹریننگ، مورال اور حربی استعداد پر منفی اثر ڈال رہا ہے۔

  • بھارتی فوج کا آزاد کشمیر میں نام نہاد دہشت گردوں کے لانچ پیڈ کا دعویٰ بے بنیاد قرار

    بھارتی فوج کا آزاد کشمیر میں نام نہاد دہشت گردوں کے لانچ پیڈ کا دعویٰ بے بنیاد قرار

    راولپنڈی : ڈی جی آئی ایس پی آر لیفٹیننٹ جنرل بابر افتخار نے آزاد کشمیرمیں نام نہاد دہشت گردوں کے لانچ پیڈ سے متعلق بھارتی فوجی افسر کے دعویٰ کو بے بنیاد قرار دے دیا۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) لیفٹیننٹ جنرل بابر افتخار نے سماجی رابطے کی ویب سائٹ ٹوئٹر پر آزاد جموں وکشمیر سے متعلق بھارتی فوج کے اعلیٰ افسر کے بیان کو غیر ضروری قرار دیتے ہوئے کہا یہ بیان بھارتی مسلح افواج کی پروپیگنڈا سوچ کا مظہر ہے۔

    ڈی جی آئی ایس پی آر نے آزاد کشمیرمیں نام نہاد دہشت گردوں کے لانچ پیڈ کے دعویٰ کو بے بنیاد قرار دیا دیتے ہوئے کہا جو درحقیقت بھارتی فوج کی مقبوضہ کشمیرمیں انسانی حقوق کی سنگین خلاف ورزیوں اور کشمیریوں کی حق خودارادیت کی جدوجہد کو کچلنے کی کوششوں سے توجہ ہٹانے کی کوشش ہے ،۔

    لیفٹیننٹ جنرل بابر افتخار نے مزید کہا کہ بھارتی فوج بے گناہ اور نہتے کشمیریوں پر ریاستی جبر، ظلم اور انسانی حقوق کی سنگین خلاف ورزیوں میں مصروف ہے،کشمیری عوام اقوام متحدہ کی سلامتی کونسل کی قراردادوں اور عالمی قوانین کے تحت اپنے حق خودارادیت کے حصول کیلئے کوشاں ہیں ، جو کشمیریوں کا بنیادی حق ہے، بھارتی افسر کے بلندو بانگ دعوے غیرحقیقی ،توہین آمیز اور فکری تضحیک ہیں

    ان کا مزید کہنا تھا کہ پاک فوج خطے میں امن و استحکام کیلئے پرعزم ہے، پاک فوج ہرقسم کی مہم جوئی کا بھرپور جواب دینے کیلئے تیارہے، امن کے خواہاں ہیں تاہم ہرجارحیت کابھرپورجواب دینے کی صلاحیت ہے، بالاکوٹ واقعات جس کا منہ بولتا ثبوت ہے۔

    ڈی جی آئی ایس پی آر نے کہا بھارتی فوج اپنے سیاسی آقاؤں کی انتخابی مہم کیلئے غیرذمہ دارانہ بیان بازی کررہی ہے، مشورہ ہے کہ بھارتی فوج بھارتی فوج خطے میں پائیدار امن غیرذمہ دارانہ اورجارحانہ بیان بازی سے گریز کرے۔

  • بھارتی فوج کا جدید ترین ہیلی کاپٹر تباہ

    بھارتی فوج کا جدید ترین ہیلی کاپٹر تباہ

    نئی دہلی: بھارتی فوج کا جدید ترین ہیلی کاپٹر گر کر تباہ ہو گیا۔

    بھارتی میڈیا کے مطابق بھارتی فوج کا ایڈوانس لائٹ ہیلی کاپٹر ریاست ارونا چل پردیش کے اپر سیانگ ضلع میں گر کر تباہ ہوا۔

    بھارت فوجی حکام نے اس حوالے سے بیان میں بتایا کہ جدید ترین ہیلی کاپٹر مگنگ گاؤں میں گر کر تباہ ہوا، ریسکیو ٹیموں کو جائے وقوعہ پر موجود ہیں۔

    بھارتی حکام کی جانب سے ہیلی کاپٹر کے حوالے سے مزید معلومات فراہم نہیں کی گئیں، چند روز قبل بھارتی بحریہ کا مگ 29 لڑٓکا طیارہ بھی گر کر تباہ ہو گیا تھا۔

  • مقبوضہ کشمیر: قابض بھارتی فورسز کے ہاتھوں 4 کشمیری شہید

    مقبوضہ کشمیر: قابض بھارتی فورسز کے ہاتھوں 4 کشمیری شہید

    سرینگر: مقبوضہ کشمیر میں قابض بھارتی فورسز نے نام نہاد سرچ آپریشن میں 4 کشمیری شہید کر دیے، کشمیری حریت رہنما عبد الحمید لون کے مطابق 1989 سے اب تک بھارتی قابض افواج 95 ہزار سے زائد کشمیریوں کو شہید کرچکی ہے۔

    تفصیلات کے مطابق مقبوضہ کشمیر میں بھارتی جارحیت جاری ہے، قابض فورسز نے ایک دن میں 4 کشمیری شہید کر دیے۔

    کشمیری میڈیا رپورٹ میں کہا گیا کہ بھارتی فورسز نے نام نہاد سرچ آپریشن میں کشمیریوں کو نشانہ بنایا۔

    خیال رہے کہ اس سے قبل کشمیری حریت رہنما عبد الحمید لون کا کہنا تھا کہ 1989 سے اب تک بھارتی قابض افواج نے 95 ہزار 776 لوگوں کو شہید کیا اور اب تک دوران حراست 8 ہزار سے زائد شہریوں کو لاپتہ کردیا ہے۔

    حریت رہنما نے بتایا تھا کہ وادی میں 7 ہزار گمنام قبروں کا انکشاف ہوا ہے اور 12 سو 40 خواتین کی بےحرمتی کی گئی۔

  • ایل او سی پر بھارتی فوج کی بلا اشتعال فائرنگ، پاک فوج کا بھرپور جواب

    ایل او سی پر بھارتی فوج کی بلا اشتعال فائرنگ، پاک فوج کا بھرپور جواب

    راولپنڈی: آئی ایس پی آر نے کہا ہے کہ بھارتی فوج نے ایک بار پھر لائن آف کنٹرول کے چری کوٹ سیکٹر پر بلا اشعال فائرنگ کی ہے، جس میں ایک لڑکی زخمی ہو گئی۔

    تفصیلات کے مطابق چری کوٹ سیکٹر، ایل او سی پر بھارتی فوج کی جانب سے بلا اشتعال فائرنگ کی گئی، آئی ایس پی آر نے بتایا ہے کہ بھارتی فوج نے خود کار ہتھیاروں سے مارٹرز فائر کیے۔

    چری کوٹ سیکٹر پر بھارتی فائرنگ سے 18 سال کی لڑکی انسہ صدیق زخمی ہو گئی ہے۔

    آئی ایس پی آر کے مطابق پاک فوج نے ایل او سی پر بلا اشتعال فائرنگ کا بھرپور جواب دیا، اور ان بھارتی پوسٹوں کو نشانہ بنایا جہاں سے فائرنگ کی گئی تھی۔

    بھارتی فورسز کی ایل او سی پر بلا اشتعال فائرنگ، سپاہی شہید

    یاد رہے کہ 14 جنوری کو بھی بھارتی فورسز نے لائن آف کنٹرول (ایل او سی ) کے دیوا سیکٹر پر بلا اشتعال فائرنگ کی تھی جس کے نتیجے میں ایک سپاہی شہید ہو گیا تھا، پاک فوج نے فوری اور مؤثر جوابی کارروائی کی جس سے بھارتی فوجیوں کو شدید جانی نقصان اٹھانا پڑا۔

    اس سے قبل رواں ماہ میں 10 جنوری کو بھی بھارتی فورسز نے ایل او سی کے خنجر اور بروہ سیکٹرز پر بلا اشتعال فائرنگ کی تھی جس کے نتیجے میں 2 معمر افراد زخمی ہوگئے تھے۔

  • ایل او سی پر بھارتی فوج کی بلا اشتعال فائرنگ، 45 سالہ شخص زخمی

    ایل او سی پر بھارتی فوج کی بلا اشتعال فائرنگ، 45 سالہ شخص زخمی

    راولپنڈی : لائن آف کنٹرول پر بھارتی فورسز کی بلا اشتعال فائرنگ کے نتیجے میں 45 سالہ شخص زخمی ہوگیا، جسے علاج کیلئے قریبی اسپتال منتقل کر دیا گیا ہے۔

    پاک فوج کے شعبہ تعلقات عامہ (آئی ایس پی آر) کی کے مطابق بھارتی فوج کی لائن آف کنٹرول پر جنگ بندی معاہدے کی خلاف ورزیاں جاری ہیں، بھارتی فوج نے بلا اشتعال فائرنگ کرتے ہوئے ایل او سی کے باگسر سیکٹر پر شہری آبادی کو جان بوجھ کر نشانہ بنایا، بھارتی فائرنگ سے 45 سالہ مقامی شہری زخمی ہوا، جسے علاج کیلئے قریبی اسپتال منتقل کر دیا گیا ہے۔

    آئی ایس پی آر کا کہنا ہے کہ پاک فوج کی جانب سے بھارتی اشتعال انگیزیوں کا منہ توڑ جواب دیا گیا، پاک فوج نے ان بھارتی پوسٹوں کو موثر انداز میں نشانہ بنایا، جہاں سے پاکستانی علاقوں میں فائرنگ کی جارہی تھی۔

    یاد رہے لائن آف کنٹرول پربھارت کی جانب سے ایل او سی پر جندروٹ سیکٹر پر شہری آبادی کو نشانہ بنایا گیا تھا، جس کے نتیجے میں کٹھارگاؤں کی 65 سالہ خاتون زخمی ہوگئیں تھیں۔

    آئی ایس پی آر کا کہنا تھاکہ بھارتی فورسز کی جانب سے جندروٹ سیکٹر پر خودکار اور بھارتی توپ خانے سے کا استعمال کیا گیا ہےاور جان بوجھ کر شہری آبادی کو نشانہ بنایا گیا۔

    پاک فوج کے شعبہ تعلقات عامہ کے مطابق 2020 میں بھارتی فوج 2342 بار سیز فائر معاہدے کی خلاف ورزی کرچکی ہے۔

  • بھارتی فوج کی ایل او سی پر پھر بلااشتعال فائرنگ، سپاہی شفیق اور 15سالہ بچہ شہید

    بھارتی فوج کی ایل او سی پر پھر بلااشتعال فائرنگ، سپاہی شفیق اور 15سالہ بچہ شہید

    راولپنڈی : لائن آف کنٹرول (ایل او سی) پر بھارتی فوج کی جانب سے ایک بار پھر شہری آبادی کو نشانہ بنایا گیا، جس کے نتیجے میں سپاہی شفیق اور 15سالہ بچہ شہید ہوگیا جبکہ 4شہری زخمی ہوئے۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی ایل اوسی پر سیزفائر کی خلاف ورزیاں جاری ہے ، بھارتی فوج کی جانب سے بروھ اور ٹانڈر سیکٹرز پر شہری آبادی کو فائرنگ کا نشانہ بنایا گیا، فائرنگ سےبروھ میں 15 سالہ بچہ شہید اور 4 شہری زخمی ہوگئے۔

    آئی ایس پی آر کا کہنا ہے کہ فائرنگ کےتبادلے میں سپاہی شفیق نےجواں مردی سےلڑتے ہوئے جام شہادت نوش کیا۔

    مزید پڑھیں : ایل او سی پر بھارتی اشتعال انگیزی، پاک فوج کے نائیک شہید

    ترجمان کے مطابق پاک فوج نے بھرپورجوابی کارروائی کرتے ہوئے بھارتی پوسٹوں کونشانہ بنایا، جس سے بھارتی فوج کو بھاری جانی نقصان پہنچا اور پوسٹیں تباہ ہوگئیں۔

    یاد رہے 26 ستمبر کو بھی بھارتی فوج نے ایل اوسی کوٹ کٹیرا سیکٹرپر شدید فائرنگ کی تھی، جس کے نتیجے میں نائیک دلفراز شہید ہوگئے تھے۔

    اس سے قبل ایل او سی پر بھارتی بلا اشتعال فائرنگ کے نتیجے میں پاک فوج کے دو جوان سپاہی نورالحسن اورسپاہی وسیم علی شہید ہوئے تھے۔

  • بھارتی فوج کی ایل او سی پر بلا اشتعال فائرنگ، پاک فوج کے دو جوان شہید

    بھارتی فوج کی ایل او سی پر بلا اشتعال فائرنگ، پاک فوج کے دو جوان شہید

    راولپنڈی :لائن آف کنٹرول (ایل او سی) پر بھارتی فوج کی جانب سے بلا اشتعال فائرنگ کے نتیجے میں پاک فوج کے دو جوان شہید ہوگئے جبکہ جوابی کارروائی میں بھارتی فوج کو شدید جانی نقصان پہنچا۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی ایل اوسی پرجنگ بندی معاہدےکی خلاف ورزیاں جاری ہے ، بھارتی فوج نے ایل اوسی دیواسیکٹرپر شدید فائرنگ کی ، جس کے نتیجے میں سپاہی نورالحسن اورسپاہی وسیم علی شہید ہوگئے۔

    آئی ایس پی آر کا کہنا ہے کہ پاک فوج نے بھرپورجوابی کارروائی کرتے ہوئے بھارتی پوسٹوں کونشانہ بنایا، پاکستان کی جوابی کارروائی میں بھارتی فوج کوشدیدجانی نقصان پہنچا۔

    آئی ایس پی آر کے مطابق رواں سال بھارت نے2333بار سیز فائرخلاف ورزیاں کیں۔

    یاد رہے 13 ستمبر کو بھارتی فوج کی لائن آف کنٹرول پر بلا اشتعال فائرنگ سے 11 سالہ بچی شہید جبکہ 4 شہری زخمی ہوگئے تھے۔

    بعد ازاں لائن آف کنٹرول پر سیز فائر معاہدے کی خلاف ورزی پر بھارتی ناظم الامور گورو آہلو والیا کو دفتر خارجہ طلب کر کے شدید احتجاج ریکارڈ کرایا گیا تھا

    ترجمان دفتر خارجہ نے کہا تھا کہ بھارت کی طرف سے جنگ بندی کی خلاف ورزی علاقائی امن وسلامتی کے لیے خطرہ ہے، بھارت 2003 کے جنگ بندی معاہدے کا احترام کرے۔

  • ایک اور بھارتی فوجی نے خودکشی کر لی

    ایک اور بھارتی فوجی نے خودکشی کر لی

    نئی دہلی: بھارت میں ایک اور فوجی افسر نے خودکشی کرلی، افسر چند دن قبل ہی اپنے اہلخانہ کے ساتھ چھٹی گزار کر واپس آیا تھا۔

    بھارتی میڈیا کے مطابق اتر پردیش کے ضلع گورکھپور میں فضائیہ کے ایک افسر نے پھندا لگا کر خودکشی کرلی۔

    پولیس کا کہنا ہے کہ سونی پت (ہریانہ) میں جونیئر آفیسر رام سنگھ دیا نے پیر کی شام پنکھے سے لٹک کر پھانسی لگا لی، وہ گورکھپور ایئر فورس اسٹیشن پر تعینات تھے۔

    پولیس کے مطابق افسر کچھ دن قبل اپنے خاندان سے مل کر واپس آیا تھا، چھٹی سے واپس لوٹنے کے بعد وہ کووڈ 19 پروٹوکول کے تحت ایئر فورس کے 14 روزہ قرنطینہ میں تھا۔

    پولیس کا کہنا ہے کہ واقعے کی اطلاع اہلخانہ کو دے دی گئی ہے جبکہ خودکشی کی وجوہات کی بھی تفتشی کی جارہی ہے۔

    خیال رہے کہ بھارتی فوجیوں میں خودکشی کے رجحان میں اضافہ ہورہا ہے، خصوصاً مقبوضہ کشمیر میں تعینات فوجیوں میں یہ رجحان خاصا بلند ہے۔

    بین الاقوامی مبصرین کا کہنا ہے کہ سیکورٹی فورسز اہلکاروں بالخصوص سینٹرل ریزرو پولیس فورس (سی آر پی ایف) جوانوں میں خودکشی کے بڑھتے ہوئے رجحان کی وجوہات سخت ڈیوٹی، اپنے عزیز و اقارب سے دوری اور گھریلو و ذاتی پریشانیاں ہیں۔

    غیر ملکی خبر رساں ادارے کی رپورٹ کے مطابق سنہ 2010 سے 2019 تک 1 ہزار 113 بھارتی فوجی خودکشی کرچکے ہیں۔

  • بھارتی فوج کی ایل اوسی پر بلا اشتعال فائرنگ سے بچی شہید، 4 شہری زخمی

    بھارتی فوج کی ایل اوسی پر بلا اشتعال فائرنگ سے بچی شہید، 4 شہری زخمی

    راولپنڈی: بھارتی فوج کی لائن آف کنٹرول پر بلا اشتعال فائرنگ سے 11 سالہ بچی شہید جبکہ 4 شہری زخمی ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی ایل او سی پر اشتعال انگیزیاں جاری ہیں،تتہ پانی،رکھ چکری سیکٹرز پر شہری آبادی کو نشانہ بنایا گیا۔

    ڈی جی آئی ایس پی آر کے مطابق خودکار بھاری ہتھیاروں سے شہری آبادی پر بلااشتعال فائرنگ کی گئی جس کے نتیجے میں 11سالہ بچی شہید اور 4 شہری زخمی ہوگئے، شدید زخمیوں میں 75 سالہ خاتون اور 2 بچے شامل ہیں۔

    آئی ایس پی آر کا کہنا ہے کہ پاک فوج کی جانب سے بھی بھرپور جوابی کارروائی کی گئی اور ان بھارتی چوکیوں کو نشانہ بنایا گیا، جہاں سے پاکستانی علاقوں میں فائرنگ کی گئی۔

    لائن آف کنٹرول پر سیز فائر معاہدے کی خلاف ورزی پر بھارتی ناظم الامور گورو آہلو والیا کو دفتر خارجہ طلب کر کے شدید احتجاج ریکارڈ کرایا گیا۔

    ترجمان دفتر خارجہ نے کہا کہ بھارت کی طرف سے جنگ بندی کی خلاف ورزی علاقائی امن وسلامتی کے لیے خطرہ ہے، بھارت 2003 کے جنگ بندی معاہدے کا احترام کرے۔