Tag: بھارتی فوج

راولپنڈی: بھارتی فوج نے لائن آف کنٹرول (ایل او سی) پر بلا اشتعال فائرنگ کی جس کے نتیجے میں ایک شہری زخمی ہوگئے۔

پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے ایل او سی کے باگسر سیکٹر پر بلا اشتعال فائرنگ کی جس کے نتیجے میں ایک شہری بابر حسین زخمی ہوگیا، پاک فوج نے بھرپور جوابی کارروائی کرتے ہوئے بھارتی چیک پوسٹوں کو نشانہ بنایا۔

آئی ایس پی آر کے مطابق بھارتی فوج نے جان بوجھ کر شہری آبادی کو نشانہ بنایا، فائرنگ سے زخمی ہونے والے شہری کو طبی امداد کے لیے قریبی میڈیکل سینٹر منتقل کردیا گیا ہے۔

بھارتی فوج کی ایل او سی پر بلااشتعال فائرنگ، 2 خواتین اور 2 بچے زخمی

اس سے قبل گزشتہ ہفتے بھارتی فوج نے لائن آف کنٹرول (ایل او سی) پر بلا اشتعال فائرنگ کی جس کے نتیجے میں 2 خواتین اور 2 بچے شدید زخمی ہوگئے تھے۔

آئی ایس پی آر کے مطابق زخمیوں میں 26 سالہ نسرین، 24 سالہ رابعہ، 7 سالہ بچی مومنہ اور 7 سالہ بچہ منشی شامل تھے۔

یاد رہے کہ رواں ماہ 5 جون کو پاک فوج نے بھارت کا جاسوس ڈرون مار گرایا تھا، بھارتی کواڈ کاپٹر لائن آف کنٹرول کے خنجر سیکٹر پر گرایا گیا تھا، رواں سال گرایا جانے والا یہ 8 واں بھارتی کواڈ کاپٹر تھا۔

سری نگر: مقبوضہ کشمیر میں بھارتی فوج نے بربریت اور درندگی کی انتہا کردی، آئے دن کشمیریوں کی شہادتوں کا سلسلہ بدستور جاری ہے، آج بھی 3 نہتے نوجوانوں کو شہید کردیا گیا۔

کشمیری میڈیا کا کہنا ہے کہ وادی کے علاقے شوپیاں میں بھارتی فورسز کی فائرنگ سے 3کشمیری نوجوان شہید ہوگئے، بھارتی فوج نے کشمیری نوجوانوں کو نام نہاد سرچ آپریشن میں شہید کیا، اور علاقے کو مکمل طور پر محاصرہ کررکھا ہے۔

قابض فوج نے نام نہاد آپریشن کے نام پر ناصرف کشمیریوں کو شہید کیا بلکہ گھروں میں گھس کر توڑ پھوڑ بھی کی، بھارتی فورسز نے احتجاج کرنے والے متعدد کشمیریوں کو گرفتار کرلیا ہے۔

مقبوضہ کشمیر میں بھارتی فورسز کی فائرنگ، 4 کشمیری شہید

قابض بھارتی فوج نےنام نہاد سرچ آپریشن کے دوران کئی گھروں کو بھی مسمارکردیا، کشمیری عوام بڑی تعداد میں باہرنکل آئے، اور قابض بھارتی فوج کی کارروائیوں کے خلاف شدید احتجاج کیا، کئی مقامات پر بھارتی فورسز نے مظاہرین پر آنسو گیس اور لوہے کے چھروں کا استعمال کیا جس سے متعدد کشمیری زخمی ہوگئے۔

واضح رہے کہ دنیا بھر میں مہلک وباء کورونا وائرس سے نمٹنے کے لیے سر توڑ کوششیں جاری ہیں، اس دوران بیماری سے روکنے کے لیے ہر ملک دوسرے کے ساتھ بھرپور تعاون کر رہا ہے لیکن مودی حکومت نے کورونا وائرس کی وباء کے دوران بھی کشمیریوں پر ظلم کے پہاڑ توڑ رکھے ہیں۔

سری نگر: مقبوضہ کشمیر میں بھارتی فوج نے ظلم کی انتہا کردی، درندہ صفت اہلکاروں نے فائرنگ کرکے مزید 3 نہتے اور مظلوم کشمیری نوجوانوں کو شہید کردیا۔

کشمیر میڈیا سروس کا کہنا ہے کہ مقبوضہ وادی کے علاقے شوپیاں میں بھارتی فوج کی فائرنگ سے 3کشمیری نوجوان شہید ہوگئے، قابض فوج نے شوپیاں اور قریبی علاقوں کا محاصرہ کررکھا ہے اور گھر گھر تلاشی بھی لی جارہی ہے۔

بھارتی فوج نے خواتین سے بدتمیزی کی اور متعدد نوجوان گرفتار کرلیا ہے۔

شوپیاں میں ہی گزشتہ روز 9 کشمیریوں کو شہید کیا گیا تھا۔ قبل ازیں اسی علاقے میں ہی 5 نوجوانوں کی شہادتیں اور ضلع کے اسی علاقے میں ایک جھڑپ میں تین بھارتی فوجی شدید زخمی ہوگئے تھے۔

مقبوضہ کشمیر میں مزید4 نوجوان شہید، 24 گھنٹوں میں تعداد 9ہوگئی

علاوہ ازیں پونچھ اور پلواما میں دو بھارتی فوجی افسروں نے سرکاری اسلحے سے خودکشی کرلی تھی۔

خیال رہے کہ قابض فوج نے ضلع میں تمام مواصلاتی نظام موبائل، انٹرنیٹ سروس کی خدمات کو بھی معطل کردیا جبکہ مقبوضہ وادی کے مختلف علاقوں سری نگر، بارہمولہ، بانڈی پور، کپواڑہ، گندربل، بڈگام، اسلام آباد، پلوامہ، کولگام، رامبن، راجوری، پونچھ، کِشتھوڑ، ڈوڈا کا محاصرہ کرکے سرچ آپریشن شروع کردیا۔

اسلام آباد: پاکستان کی جانب سے مقبوضہ کشمیر میں بھارتی فوج کے جعلی مقابلوں میں شہریو‌ں کو شہید کرنے اور ریاستی دہشت گردی کی مذمت کی ہے۔

تفصیلات کے مطابق ترجمان دفتر خارجہ عائشہ فاروقی نے سماجی رابطے کی ویب سائٹ ٹویٹر پر اپنے پیغام میں بھارتی فوج کے جعلی مقابلوں میں 9 کشمیریوں کو شہید کرنے کی شدید مذمت کی ہے۔انہوں نے کہا کہ بھارتی فوج نام نہاد آپریشن کی آڑ میں کشمیری نوجوانوں کوشہیدکر رہی ہے۔

#Pakistan strongly condemns the extra-judicial killings of 9 more Kashmiri youth by Indian occupation forces in fake “encounters” & so-called “cordon-and-search” operations in Shopian area of IOJ&K. 1/3

— Spokesperson 🇵🇰 MoFA (@ForeignOfficePk) June 8, 2020

عائشہ فاروقی نے کہا کہ عالمی برداری کرونا میں جکڑی ہے جبکہ بھارتی فوج نے اپنی بربریت تیز کر دی،آر ایس ایس،بی جے پی اتحاد کا ہندوتوا ایجنڈا کشمیریوں کو تشدد کا نشانہ بنا رہا ہے۔

It is highly reprehensible that while world community is grappling with #COVID19, India remains busy intensifying its brutalization of the Kashmiri people.

“Hindutva” agenda of RSS-BJP combine is targeting defenceless Kashmiris with mindless violence to break their will. 2/3

— Spokesperson 🇵🇰 MoFA (@ForeignOfficePk) June 8, 2020

ترجمان دفتر خارجہ نے کہا کہ عالمی برادری مقبوضہ کشمیرمیں بھارتی بربریت کے خلاف کارروائی کرے، مقبوضہ کشمیر کے عوام کا تحفظ عالمی برادری کی ذمہ داری ہے۔

It is responsibility of world community to urgently act & protect Kashmiris from wanton killings & other brutalities being inflicted by Indian occupation forces.#Pakistan will continue to call for holding India accountable for its crimes against the Kashmiri people. 3/3

— Spokesperson 🇵🇰 MoFA (@ForeignOfficePk) June 8, 2020

واضح رہے کہ گزشتہ 24 گھنٹوں کے دوران قابض بھارتی فورسز نے مقبوضہ کشمیر کے علاقے شوپیاں میں فائرنگ کر کے 9 کشمیری نوجوانوں کو شہید کردیا۔

سری نگر: مقبوضہ کشمیر میں درندہ صفت بھارتی فوج نے بربریت کی نئی مثال قائم کردی، وادی میں مزید 3 کشمیریوں کو شہید کردیا،3روز میں شہید کشمیریوں کی تعداد 18ہوگئی۔

کشمیری میڈیا کی رپورٹ کے مطابق مقبوضہ وادی کے علاقے پلواما میں بھارتی فورسز کی فائرنگ سے مزید 3 کشمیری شہید ہوگئے، کشمیری نوجوانوں کو نام نہاد سرچ آپریشن کے دوران شہید کیا گیا۔

رپورٹ میں کہا گیا ہے کہ بھارتی فوج نے پلواما کا محاصرہ کیا اور گھروں میں توڑ پھوڑ بھی کی، مقبوضہ وادی میں 3روز میں شہید کشمیریوں کی تعداد 18ہوگئی، اور شہادتوں کا یہ سلسلہ بدستور برقرار ہے۔

خیال رہے کہ گزشتہ روز قابض فورسز نے مختلف کارروائیوں میں 15 کشمریوں کا شہید کیا تھا۔

مقبوضہ کشمیر میں ظلم و بربریت کی انتہا ،24 گھنٹوں میں 15 کشمیری شہید

کشمیر میڈیا سیل کے مطابق بھارتی فورسز نے مئی میں اکیس کشمیری نوجوانوں کوشہید کیا اور آٹھ سو زائد گھر تباہ کئے جبکہ بدترین تشدد سے دوسو سے زائد کشمیری زخمی ہوئے اور ایک سوچھیالیس کشمیریوں کو بغیر کسی جرم گرفتار کیا گیا۔

عالمی اداروں کی جانب سے دباؤ کے باوجود مودی اپنے ناپاک عزائم سے باز نہیں آیا ہے۔

راولپنڈی: آئی ایس پی آر کا کہنا ہے کہ بھارتی فوج نے نکیال سیکٹر میں شہری آبادی پرگولہ باری کی جس کے نتیجے میں 3 شہری شدید زخمی ہوگئے۔

پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی جانب سے ایل او سی پر جنگ بندی معاہدے کی خلاف ورزیاں جاری ہیں۔

آئی ایس پی آر کا کہنا ہے کہ بھارتی فوج نے نکیال سیکٹر پرشہری آبادی پرگولہ باری کی جس کے نتیجے میں 3 شہری شدید زخمی ہوگئے۔ پاک فوج کے شعبہ تعلقات عامہ کے مطابق زخمی شہریوں کو قریبی طبی مرکزمنتقل کر دیاگیا۔

بھارتی فوج کی ایل او سی پر بلااشتعال فائرنگ، 6 شہری زخمی

اس سے قبل 7 مئی کو بھارتی فوج نے لائن آف کنٹرول کی خلاف ورزی کرتے ہوئے آزاد کشمیر میں رکھ چکری اور نیزہ پیر سیکٹر پر بلااشتعال فائرنگ کی تھی جس کے نتیجے میں 6 شہری زخمی ہوگئے تھے۔

آئی ایس پی آر کے مطابق زخمیوں میں تین بچیاں اور ایک خاتون بھی شامل تھی، زخمیوں کو طبی امداد کے لیے قریبی اسپتالوں میں منتقل کرد یا گیا تھا۔

اسلام آباد: حریت رہنما یاسین ملک کی اہلیہ مشعال ملک نے کہا ہے کہ مقبوضہ کشمیر میں بھارتی فوج کروناوائرس کے مریضوں کو اسپتال منتقل نہیں ہونے دے رہی ہے۔

تفصیلات کے مطابق اپنے ایک بیان میں مشعال ملک کا کہنا تھا کہ بھارتی فوج لاک ڈاؤن کی آڑ میں کشمیریوں پر تشدد کر رہی ہے، مقبوضہ کشمیر میں خوراک شدید قلت ہے، وادی میں انتظامات نہ ہونے سے کرونا پھیلنے کا خطرہ ہے۔

انہوں نے بتایا کہ مقبوضہ کشمیر میں بیماروں کو ادویات تک میسر نہیں، ادویات لینے اور اسپتال جانے والوں کو تشدد کا نشانہ بنایا جاتا ہے، عالمی ادراہ صحت مقبوضہ کشمیر میں صحت کے انتظامات کا جائزہ لے۔

انسانی حقوق کی عالمی تنظیمیں یاسین ملک کے حق میں آواز بلند کریں، مشعال ملک

خیال رہے کہ گزشتہ ماہ مشعال ملک نے میڈیا سے گفتگو کرتے ہوئے کہا تھا کہ بھارتی حکومت اور ایجنسیاں یاسین ملک پر ظلم کے پہاڑ توڑ ہی ہیں، یاسین ملک تہاڑ جیل میں شدید علیل ہیں۔

انہوں نے کہا تھا کہ تحریک کو کچلنے کے لیے 30 سال پرانے کیس کھولے جارہے ہیں، کل یاسین ملک کو اسٹریچر اور ڈرپ لگا کر جج کے سامنے پیش کیا گیا، انسانی حقوق کی عالمی تنظیمیں یاسین ملک کے حق میں آواز بلند کریں، عالمی برادری انسانی حقوق کی خلاف ورزی کا نوٹس لے۔