ARYNews.tv | Urdu – Har Lamha Bakhabar

Tag: بھارتی فورسز

  • پاکستان سے مسئلہ کشمیر پر ترکی کی اظہار یکجتی

    پاکستان سے مسئلہ کشمیر پر ترکی کی اظہار یکجتی

    استبول: ترک وزیراعظم بن علی یلدرم نے مسئلہ کشمیر کےمعاملے پر پاکستان کے ساتھ اظہار یکجہتی اور کشمیر پر پاکستان کے موقف کی حمایت کی۔

    تفصیلات کےمطابق وزیردفاع خواجہ محمد آصف نے استنبول میں ترک وزیراعظم بن علی یلدرم سے ملاقات کی اور مقبوضہ کشمیر میں بھارتی فورسز کی جانب سے مجموعی انسانی حقوق کی خلاف ورزیوں کے بارے میں ترک وزیراعظم کو آگاہ کیا۔

    ترک وزیراعظم نے وزیر دفاع خواجہ آصف سے ملاقات میں ترکی کی پاکستان کے ساتھ مسئلہ کشمیر پراظہار یکجہتی کی۔

    دریں اثنا،ترکی کےشہر استنبول میں عالمی توانائی کونسل کے اجلاس میں وزیر دفاع نے پاکستان کی نمائندگی کی اوراس کے علاوہ ترکی اور روس کے صدور کے ساتھ تفصیلی ملاقات بھی کی۔

    وزیراعظم پاکستان کے خصوصی ایلچی محمدمحمد پرویز ملک اور محسن شاہ نواز رانجھا نے ترکی کی قومی اسمبلی کے اسپیکر اسماعیل کہرامان سےملاقات کی اور مقبوضہ کشمیر میں نہتے کشمیریوں پر بھارتی فورسز کی جانب سے کیے جانے والے مظالم کے بارے میں آگاہ کیا۔

    انہوں نےترک اسپیکر قومی اسمبلی سے خطے کی سیکیورٹی کی صورتحال کے ساتھ ساتھ لائن آف کنٹرول پر بھارتی فوج کی جانب سے کی جانے والے خلاف ورزیوں کا بھی ذکر کیا۔

    واضح رہے کہ ترکی کی قومی اسمبلی کے اسپیکر نے کشمیر پر مذاکرات اقوام متحدہ کی قرارداوں کے ذریعے حل کرنے کے لیے پاکستان کی حمایت کا اظہار کیا۔

  • مقبوضہ کشمیرمیں‌ بھارتی فوجیوں کی فائرنگ سے 12سالہ بچہ شہید

    مقبوضہ کشمیرمیں‌ بھارتی فوجیوں کی فائرنگ سے 12سالہ بچہ شہید

    سری نگر: مقبوضہ کشمیرمیں بھارتی بربریت،مظاہر ین پرچھروں والی گن سے حملہ،بارہ سالہ بچہ شہید ہوگیا۔ واقعہ کے خلاف کرفیو کے باوجود لوگ سڑکوں پر آگئے۔

    تفصیلات کےمطابق سری نگر میں بھارتی فوج نے پیلٹ گنز سے فائرنگ کی،چھرے لگنے سے بارہ سالہ لڑکا شہید ہوگیا جس کے بعد سری نگر میں کشیدگی پھیل گئی،لوگ کرفیو توڑتے ہوئے گھروں سے نکل آئے اور احتحاج شروع کردیا۔

    قابض بھارتی فوج نے مظاہرین کو روکنے کے لیے شیلنگ اور لاٹھی چارج بھی کیا گیا جس کے نتیجے میں متعدد مظاہرین زخمی ہوگئے۔

    خیال رہے کہ برہان وانی کی شہادت کے بعد مقبوضہ کشمیر میں بھارتی بربریت کا سلسلہ جاری ہے،وادی میں آج92ویں روز بھی کرفیو نافذ اور زندگی مفلوج ہے۔

    یاد رہے کہ گزرے تین ماہ کے دوران بھارتی مظالم کےنتیجے میں ایک سو بیس کے قریب کشمیری شہید ہوچکے ہیں جبکہ پیلٹ گنز کے استعمال کے باعث سیکڑوں کی بینائی بھی چھن چکی ہے۔

    مزید پڑھیں: مقبوضہ کشمیر میں بھارتی فورسز کا مہلک ترین ہتھیاروں کا استعمال، درجنوں افراد نابینا

    واضح رہے کہ کشمیری رہنما برہان وانی کی شہادت کے بعد مقبوضہ کشمیر بدستورکشیدگی کی لپیٹ میں ہے،بھارتی فورسز مہلک ترین ہتھیار استعمال کر رہے ہیں جس سے درجنوں افراد نابینا ہوگئے ہیں۔

  • سیالکوٹ بارڈر پر بھارتی فوج کی بلا اشتعال فائرنگ

    سیالکوٹ بارڈر پر بھارتی فوج کی بلا اشتعال فائرنگ

    سیالکوٹ : بھارتی فورسز کی جانب سے لائن آف کنٹرول کی خلاف ورزی کا سلسلہ تاحال جاری ہے، بھارتی سورماؤں نے ایک بار پھر اپنی ہٹ دھرمی برقرار رکھتے ہوئے سیالکوٹ بارڈر پر بلا اشتعال فائرنگ کی۔

      تاہم فائرنگ کے نتیجے میں کسی قسم کی جانی و مالی نقصان کی اطلاع نہیں ملی ہے،  بھارتی فائرنگ پر پاک فوج نے جوابی کارروائی کرتے ہوئے دشمن کو منہ توڑ جواب دیا اور جس سے بھارتی فوج کی توپیں خاموش ہوگئیں۔

    واضح رہے کہ بھارتی افواج کی جانب سے لائن آف کنٹرول اور ورکنگ باؤنڈری پر جنگ بندی کی خلاف ورزیوں کا سلسلہ گزشتہ ماہ سے جاری ہے، جس میں بتدریج تیزی آرہی ہے۔

    جبکہ اقوام متحدہ کے مبصرین نے بھی کنٹرول لائن کا دورہ کر کے حقائق سے آگاہی حاصل کی ہے ۔ کنٹرول لائن پر بھارت کی مسلسل بلا اشتعال فائرنگ اور گولہ باری سے اب تک متعدد پاکستانی شہید ہو چکے ہیں۔

  • بھارتی فورسز پرحملے میں پاکستان کوملوث کرنے کاالزام بے بنیاد نکلا

    بھارتی فورسز پرحملے میں پاکستان کوملوث کرنے کاالزام بے بنیاد نکلا

    کراچی : اودھم پورمیں بھارتی فورسز کے کانوائےپرحملےمیں پاکستان کوملوث کرنیکاالزام بے بنیاد نکلا۔

    تفصیلات کے مطابق بھارت کا ایک اور جھوٹ بے نقاب ہوگیا۔بھارت پاکستان دشمنی میں کسی حد تک بھی جا سکتا ہے۔ اسی لئے بھارت میں ہونے والا ہر واقعہ پاکستان سے جوڑ دیاجاتا ہے، اور ہر دعوے اور الزام کے بعد اُسے منہ کی کھانی پڑتی ہے۔

    اودھم پور میں بھارتی فورسز کے قافلے پر حملے کے ملزم کو بھارتی میڈیا چیخ چیخ کر فیصل آباد کا رہائشی بتاتا رہا لیکن تحقیقات کے بعد معلوم ہوا کہ ذہنی معذور نوجوان نوید مقبوضہ کشمیر سے تعلق رکھتا ہے۔

    بھارتی خفیہ ایجنسی نے ملزم کو سری نگر منتقل کردیا ہے ۔چند روز قبل بھارتی فورسز کے کانوائے پر حملے کے الزام میں نوجوان کو گرفتار کیا گیا تھا۔

    وزیر کارجہ سرتاج عزیز نے کہا ہے کہ بھارت ہر واقعہ تحقیقات کرائے بغیر اس کا الزام پاکستان کے سر تھوپ دیتا ہے ، ماضی میں اس کے کئی الزمات غلط ثابت ہو چکے ہیں۔

  • بھارتی فورسز بلااشتعال فائرنگ، 12سالہ بچے سمیت 2شہری شہید

    بھارتی فورسز بلااشتعال فائرنگ، 12سالہ بچے سمیت 2شہری شہید

    سیالکوٹ: بھارتی فورسز کی سیالکوٹ کی سرحد پر بلااشتعال فائرنگ سے بارہ سالہ بچے سمیت دو شہری شہید ہوگئے جبکہ پندرہ شہری زخمی بھی ہوئے۔

    بھارتی فورسز کا جنگی جنون جاری ہے، سیالکوٹ کےعلاقے میں عالمی سرحد کی خلاف ورزی کرتے ہوئے پاکستانی آبادی پر بلااشتعال فائرنگ کی، بی ایس ایف نے بزدلی کا مظاہرہ کرتے ہوئےایک بار پھر بجوات سیکٹر پر واقع آبادی کو نشانہ بنایا،  فائرنگ کی زد میں آکر کچھی ماند گاؤں میں بائیس سالہ عدنان موقع پر ہی دم توڑ گیا جبکہ خواتین سمیت متعدد افراد زخمی ہوئے۔

    سُکھیائل گاؤں میں بھارتی فوجیوں کی فائرنگ سے بارہ سالہ بچہ شہید ہوا جبکہ دس شہری زخمی ہوئے۔

      چناب رینجرز نے بھرپورجوابی کارروائی کرتے ہوئے بھارتی بندوقیں خاموش کروائیں، مودی کے اقتدار سنبھالنے کے بعد رواں برس بھارتی فورسز نے پینتیس سے زائد مرتبہ جنگ بندی کی خلاف ورزی کی، جس میں متعدد پاکستانی شہید اور درجنوں زخمی ہوچکے ہیں۔

  • دفتر خارجہ نے بھارتی وزیرداخلہ کا بیان مسترد کردیا

    دفتر خارجہ نے بھارتی وزیرداخلہ کا بیان مسترد کردیا

    اسلام آباد: پاکستان نےبھارتی وزیرداخلہ کا بیان مستر کردیا، بھارتی وزیرداخلہ نےحملہ آوروں کےپاکستان سےداخل ہونے کابیان دیا تھا۔

    دفتر خارجہ کا کہنا ہے کہ بھارتی وزیرداخلہ کابیان خطےمیں امن کےلئےخطرہ ہے، پاکستان ہر قسم کی دہشت گردی کی مذمت کرتا ہے۔

    ترجمان دفترخارجہ کا کہنا ہے کہ بھارت میں دہشتگردی کےواقعےمیں پاکستان کوملوث کرنےپرتشویش ہے، بھارتی میڈیا نےحملےکےدوران ہی پاکستان کوموردِالزام ٹھہرادیا۔

    ترجمان دفتر خارجہ قاضی خلیل اللہ کاکہنا ہے کہ پاکستان نے گورداس پورواقعےپرمذمتی بیان بھی جاری کیاگیاتھا۔

    دفترخارجہ کاکہنا ہے کہ بھارت کے ساتھ تعلقات کی بہتری کے لئے ہر قدم اٹھانے کو تیار ہیں لیکن انڈیا کوبغیرتحقیق الزام تراشیوں سے گریز کرناچاہئے۔

    دوسری جانب وزیر اعظم کے قومی سلامتی اور امور خارجہ کے مشیر سرتاج عزیز نے اسلام آباد میں بھارتی ہائی کمیشن کا دورہ کیا، اس موقع پر انہوں نے بھارت کے سابق صدر ڈاکٹر عبدالکلام کی وفات پر تعزیتی کتاب پر دستخط کئے۔

  • جنگ بندی کے معاہدے کی بھارتی خلاف ورزی قابل مذمت ہے، دفتر خارجہ

    جنگ بندی کے معاہدے کی بھارتی خلاف ورزی قابل مذمت ہے، دفتر خارجہ

    اسلام آباد : بھارت کی جانب سے کنٹرول لائن پر بار بار خلاف ورزی پر اپنے شدید ردعمل کا اظہار کیا ہے، تفصیلات کے مطابق  پاکستان نے بھارت کی ایل او سی پر جنگ بندی معاہدے کی خلاف ورزی پر شدید احتجاج کیا ہے .

    ، ترجمان دفتر خارجہ نے کہا ہے کہ بھارت کی اشتعال انگیزی قابل مذمت ہے۔ بھارت دو ہزار تین کے جنگ بندی معاہدے پر عمل کرے .

    اس سے پہلے بھارتی فورسز نے عید کے روز بھی کنٹرول لائن پر گولہ باری کی ۔ دفتر خارجہ نے بھارت کی جانب سے عید کے روز بھی کنٹرول لائن کی خلاف ورزی پر شدید ردعمل کا اظہار کیا ہے ۔

    ترجمان قاضی خلیل اللہ نے کہا بھارت نے گزشتہ روز دو بار کنٹرول لائن کی خلاف ورزی کی ۔ بھارتی فوج نے راولا کوٹ اور پونچھ سیکٹر میں چھوٹے ہتھیاروں راکٹ ، مارٹر گن اور بھاری مشین گن کا استعمال کیا ۔

    ترجمان کا کہنا ہے کہ بھارتی فورسز کا جارحانہ اقدام اوفا سمجھوتے کی خلاف ورزی ہے ۔ بھارت کی جانب سے جنگ بندی معاہدے کی مسلسل خلاف ورزی پر تشویش ہے ۔

    اس سے پہلے بھارتی فورسز نے عید کے روز بھی کنٹرول لائن پر گولہ باری کی تاہم پاک فوج کی منہ توڑ جوابی کارروائی نے دشمن کی بندوقیں خاموش کرا دیں ۔

  • شکرگڑھ سیکٹرپر بھارتی فورسزکی پھر بلااشتعال فائرنگ

    شکرگڑھ سیکٹرپر بھارتی فورسزکی پھر بلااشتعال فائرنگ

    شکر گڑھ: بھارتی فوج کی جارحیت جاری ہے، شکر گڑھ میں ورکنگ باؤنڈری کے قریب دیہاتوں میں مارٹر گولے برسائے، چناب رینجرز نے بھرپور جوابی کاروائی کی۔

    بھارتی فوج کا ایل اوسی پر سرحدی حدود کی خلاف ورزی کا سلسلہ جاری ہے، بی ایس ایف نے شکر گڑھ سیکٹر پر بلااشتعال فائرنگ کی جبکہ بھارتی فورسز نے سرحدی گاؤں پر مارٹر گولے بھی پھینکے ،جس سے کوئی جانی نقصان نہیں ہوا۔

    چناب رینجرز کے جوانوں کی جانب سے بھرپور جوابی کاروائی میں بھارتی بندوقیں خاموش ہوگئی، بھارتی فوج کی شدید فائرنگ اور گولہ باری کے باعث لوگوں میں شدید خوف ہراس پھیل گیا جب کہ کشیدہ صورتحال کے باعث شہریوں کو محفوظ مقامات پر منتقل ہونے میں بھی دشواری کا سامنا ہے۔

    اس سے قبل بھارت کی جانب سے ظفروال اور شکرگڑھ کے علاقوں پر مارٹرگولے داغے اور فائرنگ بھی کی گئی، بھارتی فوج نے ظفروال سیکٹر میں شہری آبادی پرگولہ باری کی، بھارتی فائرنگ سے رینجرز کے دو اہلکار زخمی ہوئے،  سکھ مال اور ننگل میں زخمی ہونے والا شخص خورشید احمد اور امجد علی کی بیوی زخموں کی تاب نہ لاتے ہوئے دم توڑ گئے جبکہ ایک چودہ سالہ بچی بھی جاں بحق ہوئی۔

    پاکستانی سیکورٹی فورسز نے بھارتی فائرنگ سے متاثر ہونے والے درجنوں دیہات کو خالی کرالیا ہے۔

    جس کے بعد چناب رینجرز نے بھارت کی بلااشتعال فائرنگ کا منہ توڑ جواب دیا، پنجاب رینجرز کی بھرپور جوابی کارروائی میں بھارتی سیکیورٹی فورسز کو بھاری نقصان اٹھانا پڑا، جس میں بھارتی سیکیورٹی فورسز کے پانچ اہلکار جاں بحق ہوئے۔

    گزشتہ برس بھارت میں نریندر مودی کی انتہاء پسند حکومت آنے کے بعد سے بھاتی فورسز کی جانب سے سرحد پر بلا اشتعال فائرنگ اورگولا باری کا سلسلہ جاری ہے جس کے نتیجے میں شہریوں سمیت کئی سیکیورٹی اہلکار شہید ہو چکے ہیں۔

  • سیالکوٹ: بھارتی فوج کی بلا اشتعال فائرنگ، چناب رینجرز کی منہ توڑ جوابی کاروائی

    سیالکوٹ: بھارتی فوج کی بلا اشتعال فائرنگ، چناب رینجرز کی منہ توڑ جوابی کاروائی

    سیالکوٹ: سیالکوٹ کے چارواہ سیکٹر میں بھارتی فوج نے ایک بار پھر بلا اشتعال فائرنگ کردی ہے جس کا منہ توڑ جواب چناب رینجرز کی جانب سے دیا گیا اور بھارتی گنیں خاموش ہو گئیں۔

    بھارتی فوج نے سیالکوٹ ورکنگ باؤنڈری پر کچھ روز کے وقفے کے بعد آج ایک بار پھر جارحیت کا سلسلہ شروع کردیا ہے۔ سیالکوٹ کے چارواہ سیکٹر میں بھارتی فوج نے بلا اشتعال فائرنگ اور گولہ باری کرکے سرحدی دیہاتوں اور چناب رینجرز کی پوسٹوں کو نشانہ بنانے کی کوشش کی ہے۔

    چناب رینجرز کی بھرپور جوابی کارروائی کے نتیجے میں بھارتی فورسز کی گنیں خاموش ہو گئیں ہیں۔ بھارتی فورسز کی فائرنگ اور گولہ باری سے کوئی جانی نقصان نہیں ہواہے۔

    جن سرحدی دیہاتوں کو نشانہ بنایا گیا ان میں دھمال، جروال اور چار واہ سمیت دیگر سرحدی دیہات شامل ہیں۔

  • بھارتی فوج کی پانڈو سیکٹر میں بلااشتعال فائرنگ،1شخص زخمی

    بھارتی فوج کی پانڈو سیکٹر میں بلااشتعال فائرنگ،1شخص زخمی

    مظفرآباد : بھارتی فورسز کی لائن آف کنٹرول پر بلااشتعال فائرنگ سے ایک جوان شہید اور ایک شہری شدید زخمی ہوگیا۔

    پاک فوج کے ترجمان کے مطابق بھارتی فورسز نے ایک بار پھر لائن آف کنٹرول کی خلاف ورزی کرتے ہوئے پانڈو سیکٹر میں بلا اشتعال فائرنگ کی اور مارٹرگولے برسائے۔

    ترجمان پاک فوج کے مطابق بھارتی فائرنگ سے ایک جوان شہید اور ایک شہری زخمی ہوگیا، بھارتی پروپیگنڈے کیخلاف وزیراعظم نوازشریف کے بیان کے کچھ دیر بعد ہی بھارتی فورسز کی جانب سے بلااشتعال فائرنگ کا واقعہ پیش آیا ہے ۔