ARYNews.tv | Urdu – Har Lamha Bakhabar

Tag: بھارتی فورسز

  • مقبوضہ کشمیر میں بھارتی فورسز کی فائرنگ، 2 کشمیری شہید

    مقبوضہ کشمیر میں بھارتی فورسز کی فائرنگ، 2 کشمیری شہید

    سری نگر: قابض بھارتی فورسز نے مقبوضہ کشمیر کے علاقے بڈگام میں فائرنگ کرکے 2 کشمیری نوجوانوں کو شہید کردیا۔

    تفصیلات کے مطابق قابض بھارتی فورسز نے مقبوضہ کشمیر میں ظلم و بربریت جاری رکھتے ہوئے بڈگام میں نام نہاد سرچ آپریشن کے دوران 3 کشمیری نوجوانوں کو فائرنگ کرکے شہید کردیا۔

    کشمیری میڈیا کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیراعلانیہ کرفیو نافذ کردیا گیا ہے، جبکہ انٹرنیٹ اور موبائل فون سروس بھی بند کردی گئی ہے۔

    کشمیری میڈیا کے مطابق بھارتی فورسزنے تلاشی کے بہانے خواتین، بچوں کوگھروں سے نکال دیا۔

    اس سے قبل گزشتہ روز قابض بھارتی فورسز نے مقبوضہ کشمیر کے علاقے شوپیاں میں فائرنگ کرکے 3 کشمیری نوجوانوں کو شہید کردیا تھا

    مقبوضہ کشمیر میں بھارتی مظالم، استاد سمیت7 نوجوان شہید

    بھارتی فورسز نے گزشتہ ہفتے مقبوضہ کشمیر کے علاقے باندی پورہ اورشوپیاں میں نام نہاد سرچ آپریشن کے دوران 7 کشمیری نوجوانوں کوشہید کردیا تھا۔

    واضح رہے کہ مقبوضہ کشمیر میں بھارتی فوج آزادی کی آواز کو دبانے کے لیے مختلف ہتھکنڈے استعمال کررہی ہے اور اب تک ہزاروں کشمیری شہید اور زخمی ہوچکے ہیں۔

  • بھارتی فوج کی ایل او سی چکوٹھی سیکٹر پر بلا اشتعال فائرنگ، 2 شہری شہید 4 زخمی

    بھارتی فوج کی ایل او سی چکوٹھی سیکٹر پر بلا اشتعال فائرنگ، 2 شہری شہید 4 زخمی

    راولپنڈی: لائن آف کنٹرول پر بھارتی فوج کی جانب سے ایک بار پھر بلا اشتعال فائرنگ کی گئی ہے، آئی ایس پی آر کا کہنا ہے کہ بھارتی فوج نے چکوٹھی سیکٹر پر فائرنگ کی۔

    تفصیلات کے مطابق بھارتی فوج کی جانب سے ایل او سی پر آئے روز بلا اشتعال فائرنگ کے واقعات سامنے آ رہے ہیں، آج چکوٹھی سیکٹر پر بھارتی فوج نے فائر کھول دیے۔

    پاک فوج کے شعبہ تعلقات عامہ کا کہنا ہے کہ بھارتی فورسز کی فائرنگ سے خاتون سمیت 2 شہری شہید ہو گئے۔

    آئی ایس پی آر کے اعلامیے میں کہا گیا ہے کہ بھارتی فورسز کی بلا اشتعال فائرنگ کے نتیجے میں چکوٹھی سیکٹر پر 4 پاکستانی شہری بھی زخمی ہوئے۔

    آئی ایس پی آر کے مطابق شہدا میں غلام حسین اور نوشاد بی بی شامل ہیں جب کہ زخمیوں میں راجا محمود، غلام محمد، زاہدہ بی بی اور محمد ذاکر شامل ہیں۔

    یہ بھی پڑھیں:  بھارتی فوج کی ایل او سی کی شہری آبادی پر فائرنگ، دو افراد زخمی

    یاد رہے کہ 6 مارچ کو بھی ایل او سی کے باغسر سیکٹر پر بھارتی فورسز نے اندھا دھند فائرنگ کی تھی، شہری آبادی پر اس فائرنگ سے 2 افراد زخمی ہو گئے تھے۔

    بھارتی فوج کی جانب سے نیزہ پیر، پانڈو، خنجر منور، پٹل اور باغسر سیکٹرز میں بلا اشتعال فائرنگ کی گئی تھی جس کے جواب میں پاک فوج کی جانب سے بھی کارروائی کی گئی اور دشمن کی گنوں کو خاموش کر دیا گیا۔

  • بھارتی فورسز نے 56 گھنٹے سے ضلع کپواڑہ کا محاصرہ کر رکھا ہے: مشعال ملک

    بھارتی فورسز نے 56 گھنٹے سے ضلع کپواڑہ کا محاصرہ کر رکھا ہے: مشعال ملک

    اسلام آباد: حریت رہنما مشعال ملک نے کہا ہے کہ بھارتی فورسز نے 56 گھنٹے سے مقبوضہ کشمیر کے ضلع کپواڑہ کا محاصرہ کر رکھا ہے۔

    تفصیلات کے مطابق میڈیا سے گفتگو کرتے ہوئے حریت رہنما یاسین ملک کی اہلیہ نے کہا کہ بھارتی فورسز چاردیواری کا تقدس پامال کر رہی ہیں، گزشتہ 56 گھنٹے سے بھارتی فوج نے ضلع کپواڑہ کا محاصرہ کر رکھا ہے۔

    [bs-quote quote=”بھارتی فورسز کشمیریوں کے گھروں کو نذرِ آتش کر رہی ہیں۔” style=”style-8″ align=”left”][/bs-quote]

    مشعال ملک کا کہنا تھا کہ قابض فورسز نے تلاشی کے دوران 3 کشمیری نوجوانوں کو شہید کر دیا ہے، بھارتی فوج گھروں میں گھس کر کشمیری خواتین کو ہراساں کر رہی ہے۔

    انھوں نے بتایا کہ بھارتی فورسز نے کشمیری حریت رہنماؤں کو بھی گرفتار کیا ہوا ہے، اور بھارتی فورسز کشمیریوں کے گھروں کو نذرِ آتش کر رہی ہیں۔

    یاد رہے کہ گزشتہ روز مشعال ملک نے پاکستان کی جانب سے بھارتی پائلٹ کی رہائی پر کہا تھا کہ اب بھارت بھی کشمیری رہنماؤں کو رہا کرے، تاکہ وہ اپنے اہل خانہ سے مل سکیں۔

    یہ بھی پڑھیں:  حریت رہنما یاسین ملک کو گرفتار کرلیا گیا

    ان کا کہنا تھا پاکستان کی جانب سے بھارتی قیدی پائلٹ کی رہائی پر پاکستان مبارک باد کا مستحق ہے۔

    واضح رہے کہ مقبوضہ کشمیر کے حریت رہنما یاسین ملک کو بھارتی فورسز نے 23 فروری کو گرفتار کیا ہے، جس کی میر واعظ عمر فاروق نے بھی سخت مذمت کی ہے۔

  • مقبوضہ کشمیر میں بھارتی فورسز کی فائرنگ سے 2 کشمیری شہید

    مقبوضہ کشمیر میں بھارتی فورسز کی فائرنگ سے 2 کشمیری شہید

    سری نگر : قابض بھارتی فورسز نے مقبوضہ کشمیر کےعلاقے شوپیاں میں فائرنگ کرکے 2 کشمیری جوانوں کو شہید کردیا۔

    تفصیلات کے مطابق مقبوضہ کشمیر کے علاقے شوپیاں میں بھارتی فورسز نے ریاستی دہشت گردی کا مظاہرہ کرتے ہوئے سرچ آپریشن کے دوران دو کشمیریوں کو شہید کردیا۔

    ذرائع کا کہنا ہے کہ بھارتی فورسز نے مقبوضہ وادی میں ظلم و بربریت کا بازار گرم کرتے ہوئے شوپیاں کا محاصرہ کرلیا اور گھر گھر تلاشی کے دوران متعدد کشمیریوں کو گرفتار کرلیا۔

    کشمیر میڈیا سروس کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں انٹرنیٹ اور موبائل فون سروس بھی بند کردی گئی ہے۔

    مزید پڑھیں : مقبوضہ کشمیر: بھارتی فوجی کمانڈر کی کشمیری ماؤں کو دھمکی

    برطانوی خبررساں ادارے کی رپورٹ کے مطابق بھارتی فوج کی 15ویں کور کے کمانڈر لیفٹیننٹ جنرل کے ایس ڈھلوں نے 19 فروری کو پریس کانفرنس کرتے ہوئے کشمیری ماؤں کو دھمکی دی تھی کہ اگر اُن کے بچوں نے بھارتی فوج کے آگے سرینڈر نہ کیا تو انہیں مار دیا جائے گا۔

    لیفٹیننٹ جنرل کے ایس ڈھلوں کا کہنا تھا کہ پلوامہ حملے کی منصوبہ بندی کرنے والوں کو آپریشن کر کے مارا جاچکا ہے۔

    مزید پڑھیں : مقبوضہ کشمیرمیں بھارتی فوج کی فائرنگ‘ 4 کشمیری شہید

    واضح رہے کہ تین روز قبل قابض بھارتی فورسز نے مقبوضہ کشمیر کے علاقے پلواما میں فائرنگ کرکے 4 کشمیریوں کو شہید کردیا تھا۔

  • کشمیر: ضلع پلواما میں بھارتی فورسز کی فائرنگ، 2 کشمیری شہید

    کشمیر: ضلع پلواما میں بھارتی فورسز کی فائرنگ، 2 کشمیری شہید

    سری نگر : مقبوضہ کشمیر میں بھارتی فورسز کی فائرنگ سے 2 کشمیری شہید جبکہ آزادی پسند مسلح تنظیم سے جھڑپ میں 4 بھارتی فوجی ہلاک ہوگئے۔

    تفصیلات کے مطابق جنت نظیر وادی کشمیر میں بھارتی فورسز کے کاروان پر خودکش دھماکے بعد سے مقبوضہ کشمیر میں بھارتی فورسز کے ظلم و بربریت میں اضافہ ہوگیا ہے۔

    بھارتی افواج نے ضلع پلواما کا محاصرہ کرکے گھر گھر سرچ آپریشن شروع کردیا اور نام نہاد سرچ آپریشن کے نام پر دو کشمیری جوانوں کو فائرنگ کرکے شہید کردیا۔

    بھارتی میڈیا کا کہنا ہے کہ گزشتہ رات خفیہ اطلاعات موصول ہونے کے بعد شروع ہونے والے سرچ آپریشن کے دوران بھارتی شکنجے سے آزادی کی مسلح جدوجہد کرنے والے افراد سے جھڑپ ہوگئی۔

    حریت پسندوں سے جھڑپ کے دوران میجر سمیت 4 بھارتی فوجی گولی لگنے سے ہلاک ہوگئے، چاروں فوجیوں کا تعلق بھارت کی 55 راشتریا رائفل بٹالین سے تھا۔

    مزید پڑھیں: پلوامہ حملہ : جاوید اختر کے متنازعہ ٹوئٹ پر اداکار شان شاہد کا کرارا جواب

    یاد رہے کہ بدھ کے روز مقبوضہ کشمیر میں بھارتی فوج کے ایک قافلے کو نشانہ بنایا گیا تھا، جس میں 46 فوجی ہلاک ہو ئے تھے جس کے بعد بھارت نے واویلا مچاتے ہوئے پاکستان پر الزام عائد کردیا تھا۔

    بعد ازاں بھارتی فوج نے ضلع پلواما میں آپریشن کے نام پر بربریت کا مظاہرہ کرتے ہوئے گیارہ کشمیری نوجوانوں کو شہید کردیا تھا جبکہ مسلمانوں کو املاک کو بھی نذر آتش کیا گیا تھا۔

    حریت قیادت نے بھارتی بربریت کے خلاف وادی میں ہڑتال کی کال دی تھی، جس پر پورے مقبوضہ کشمیر میں تعلیمی ادارے، کاروباری مراکزبند رہے اورٹرانسپورٹ معطل رہی جبکہ کٹھ پتلی انتظامیہ نے انٹرنیٹ اورموبائل سروس بند کرتے ہوئے مختلف علاقوں میں غیرعلانیہ کرفیو نافذ کردیا تھا۔

  • بھارت مقبوضہ کشمیرمیں انسانی حقوق کی خلاف ورزیوں میں ملوث ہے‘ شاہ محمود قریشی

    بھارت مقبوضہ کشمیرمیں انسانی حقوق کی خلاف ورزیوں میں ملوث ہے‘ شاہ محمود قریشی

    اسلام آباد: وزیرخارجہ شاہ محمود قریشی کا کہنا ہے کہ بھارتی شہریوں کی اکثریت کو یقین ہے کہ وہ جذباتی طور پرکشمیر کو کھوچکے ہیں۔

    تفصیلات کے مطابق وزیرخارجہ شاہ محمود قریشی نے ریڈیو پاکستان سے گفتگو کرتے ہوئے کہا کہ قابض بھارتی فورسز مقبوضہ کشمیر میں انسانی حقوق کی سنگین خلاف ورزیوں میں ملوث ہیں۔

    وزیر خارجہ کا کہنا تھا کہ بھارتی شہریوں کی اکثریت کو یقین ہے کہ وہ جذباتی طور پرکشمیر کو کھوچکے ہیں۔

    شاہ محمود قریشی کا مزید کہنا تھا کہ بھارتی سیاست دان انتخابات میں پاکستان مخالف کارڈ استعمال کرتے ہیں جو غیراخلاقی اور ناقابل قبول ہے۔

    بھارت میں انسانی حقوق کی پامالیاں شام سے بھی بڑا المیہ ہیں، تھنک ٹینک رپورٹ

    یاد رہے کہ رواں ماہ معروف عالمی تھنک ٹینک یورایشیا نے بھارت میں اقلیتوں پرانسانیت سوز مظالم کے حوالے سے اپنی رپورٹ میں تہلکہ خیز انکشافات کرتے ہوئے بھارت میں انسانی حقوق کی پامالیوں کو شام سے بھی بڑا المیہ قرار دیا تھا۔

    رپورٹ میں یورایشیا کی جانب سے مودی سرکار اور بی جے پی کے عسکری ونگ آر ایس ایس پر کڑی تنقید کی گئی تھی، یورایشیا کی رپورٹ میں کہا گیا تھا کہ مقبوضہ کشمیر میں انسانی حقوق کی پامالی پر عالمی برادری اور انسانی حقوق کی تنظیمیں آواز بلند کریں۔

  • کشمیر میں بھارتی فورسز کا سرچ آپریشن، چادر و چار دیواری کا تقدس پامال

    کشمیر میں بھارتی فورسز کا سرچ آپریشن، چادر و چار دیواری کا تقدس پامال

    سری نگر : مقبوضہ کشمیر میں قابض بھارتی فورسز نے سرچ آپریشن کے نام پر شدید سردی میں خواتین اور بچوں کو گھر سے نکلنے پر مجبور کردیا۔

    تفصیلات کے مطابق مقبوضہ کشمیر میں برسوں سے قابض بھارتی فورسز کی جانب سے ریاستی دہشت گردی جاری ہے، قابض فورسز نے نام نہاد سرچ آپریشن کے نام پر ضلع پلواما کے علاقے ترل کی ناکہ بندی کرکے شہریوں کو پریشان کرنا شروع کردیا۔

    کشمیر میڈیا سروس کا کہنا تھا کہ بھارتی افواج نے پلواما میں چادر اور چار دیواری کا تقدس پامال کرتے ہوئے شدید سردی کے باوجود خواتین اور بچوں کو گھروں سے باہر نکلنے پر مجبور کردیا۔

    مقامی میڈیا ذرائع کا کہنا ہے کہ ضلع پلواما اور قریبی علاقوں میں سرچ آپریشن کی وجہ سے موبائل فون، انٹرنیٹ سروس بھی بند ہے۔

    مزید پڑھیں : سال 2018: مقبوضہ کشمیر میں حاملہ خواتین، بچوں اور اسکالر سمیت 355 شہری شہید

    خیال رہے کہ بین الاقوامی تنظیم برائے انصاف اور انسانی حقوق نے سال 2018 کے اختتام پر مقبوضہ کشمیر میں ہونے والے مظالم کی دل دہلا دینے والی رپورٹ جاری کی تھی۔ رپورٹ کے مطابق سال 2018 میں بھی مقبوضہ کشمیر میں بھارتی درندگی عروج پر تھی۔

    سال 2018 میں مقبوضہ کشمیر میں حاملہ خواتین اور بچوں سمیت 355 شہریوں کو شہید کیا گیا۔ شہدا میں 10 سالہ بچہ، حاملہ خواتین اور 3 پی ایچ ڈی اسکالرز بھی شامل ہیں جو بے حس بھارتی فوج کی درندگی کی بھینٹ چڑھ گئے۔

  • مقبوضہ کشمیر میں بھارتی فورسز کی فائرنگ، 10 کشمیری شہید

    مقبوضہ کشمیر میں بھارتی فورسز کی فائرنگ، 10 کشمیری شہید

    سری نگر : قابض بھارتی فورسز نے مقبوضہ کشمیر میں ظلم و بربریت جاری رکھتے ہوئے ضلع پلواما میں10 کشمیری نوجوانوں کو فائرنگ کرکے شہید کردیا۔

    کشمیر میڈیا سروس کے مطابق مقبوضہ کشمیر میں بھارت کی ریاست دہشت گردی جاری ہے، جابر بھارتی افواج نے کشمیر کے ضلع پلواما کا محاصرہ کرکے گھر گھر نام نہاد سرچ آپریشن کررہی ہے۔

    بھارتی فورسز نے گھر گھر تلاشی کے دوران تین کشمیری نوجوانوں کو بے دریغ فائرنگ کرکے شہید کیا جبکہ متعدد نوجوانوں کو حراست میں لے لیا۔

    نوجوانوں کی شہادت پر کشمیری عوام احتجاج کرتی ہوئی سڑکوں پر آئی تو قابض فورسز نے مظاہرین کو اندھا دھند گولیوں کا نشانہ بنایا اور آنسو گیس کے شیل بھی فائر کیے۔

    خبر ایجنسی کے مطابق بھارتی فورسز کی گولیوں کی زد میں آکر احتجاج کرنے والے مزید 8 کشمیری نوجوان شہید ہوگئے جبکہ متعدد زخمی ہیں۔

    کتھ پتلی انتطامیہ نے پلواما اور قریبی علاقوں میں انٹرنیٹ اور موبائل فون سروس بھی بند کردی۔

    حریت رہنما میر واعظ عمر فاروق نے ٹویٹر پر بھارتی فورسز کی ریاستی دہشت گردی کے خلاف مذمتی بیان دیتے ہوئے کہا کہ مقبوضہ کشمیر میں دہشت گردی ریاستی پالیسی کے تحت کی جا رہی ہے۔

    انہوں نے ٹویٹ میں کہا کہ بھارتی فورسز نے آج صبح فائرنگ کرکے دو کشمیری نوجوانوں عامر احمد اور عابد حسین کو شہید درجنوں کو زخمی کیا جبکہ احتجاج کے دوران ہلاک ہونے والوں کی تعداد 8 ہوگئی۔

    میر واعظ کا کہنا تھا کہ بھارتی حکومت کو  کشمیر میں جاری غیر انسانی سلوک کو روکے، موجودہ رویے سے سوائے نفرت و بغاوت کے کچھ حاصل نہیں ہوگا۔

    میر واعظ عمر فاروق نے بھارتی فورسز کے ہاتھوں 10 کشمیری نوجوانوں کی شہادت اور متعدد افراد کے زخمی ہونے کی تصدیق کی۔

    مزید پڑھیں : بھارتی فورسز کی فائرنگ سے 2 کشمیری نوجوان شہید

    یاد رہے کہ دو روز قبل مقبوضہ کشمیر کے علاقے بارہ مولا میں بھارتی فورسز نے نام نہاد سرچ آپریشن کے دوران 2 کشمیری نوجوانوں کو بہیمانہ طریقے سے قتل کردیا تھا۔

    ظالم و جابر بھارتی فورسز نے کشمیری نوجوانوں کو فائرنگ کرکے شہید کیا تھا۔

  • بھارتی فورسز کی فائرنگ سے 2 کشمیری نوجوان شہید

    بھارتی فورسز کی فائرنگ سے 2 کشمیری نوجوان شہید

    سری نگر : مقبوضہ کشمیر  کے علاقے بارا مولا میں قابض بھارتی افواج نے فائرنگ کرکے مزید دو کشمیری نوجوانوں کو شہید کر دیا۔

    تفصیلات کے مطابق مقبوضہ کشمیر کے علاقے بارہ مولا میں بھارتی فورسز نے نام نہاد سرچ آپریشن کے دوران 2 کشمیری نوجوانوں کو بہیمانہ طریقے سے قتل کردیا۔

    کشمیر میڈیا سروس کا کہنا تھا کہ ظالم و جابر بھارتی فورسز نے کشمیری نوجوانوں کو فائرنگ کرکے شہید کیا۔

    کشمیری میڈیا کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیراعلانیہ کرفیو نافذ کردیا گیا ہے، جبکہ انٹرنیٹ اور موبائل فون سروس بھی معطل کردی گئی ہے۔

    کشمیری میڈیا کے مطابق بھارتی فوج کی حالیہ کارروائیوں میں شہید ہونے والے کشمیریوں کی تعداد 30 سے زائد ہوگئی ہے۔

    مزید پڑھیں : کشمیر میں بھارتی فورسز کا سرچ آپریشن، تین کشمیری شہید

    یاد رہے کہ کچھ روز قبل مقبوضہ کشمیر کے دارالحکومت سری نگر کے علاقے مُجگنڈ میں قابض بھارتی فورسز کے رشتریا رائفل گروپ اور اسپیشل آپریشن گروپ نے نام نہاد سرچ آپریشن کے دوران 3 کشمیری نوجوانوں کو ریاستی دہشت گردی کا نشانہ بناکر شہید کردیا تھا۔

    مزید پڑھیں : مقبوضہ کشمیرمیں بھارتی فوج کی فائرنگ‘ 2 کشمیری شہید

    کچھ روز قبل بھی مقبوضہ کشمیر کے علاقے پلواما میں بھارتی فورسز نے نام نہاد سرچ آپریشن کے دوران 2 کشمیری نوجوانوں کو شہید کیا تھا۔

    مزید پڑھیں : مقبوضہ کشمیر میں 18 جوانوں کی شہادت کے خلاف شٹر ڈاؤن ہڑتال

    خیال رہے کہ ماہ نومبر کے آواخر میں مقبوضہ کشمیر میں 18 نوجوانوں کی شہادتوں کے خلاف حریت رہنماؤں کی کال پرمکمل شٹر ڈاؤن ہڑتال کی گئی تھی، ٹرانسپورٹ اور کاروباری مراکز بند تھے۔

  • کشمیر میں بھارتی فورسز کا سرچ آپریشن، تین کشمیری شہید

    کشمیر میں بھارتی فورسز کا سرچ آپریشن، تین کشمیری شہید

    سری نگر: قابض بھارتی فورسز نے مقبوضہ کشمیر میں جاری اپنی پُر تشدد کارروائیوں کے دوران تین کشمیری نوجوان کو شہید کردیا۔

    تفصیلات کے مطابق مقبوضہ کشمیر کے دارالحکومت سری نگر کے علاقے مُجگنڈ میں قابض بھارتی فورسز کے رشتریا رایفل گروپ اور اسپیشل آپریشن گروپ نے نام نہاد سرچ آپریشن کے دوران 3 کشمیری نوجوانوں کو ریاستی دہشت گردی کا نشانہ بناکر شہید کردیا۔

    کشمیر میڈیا سروس کا کہنا ہے کہ وادی کشمیر پر قابض بھارتی فورسز نے سرچ آپریشن کے دوران پانچ رہائشی مکانات کو بھی منہدم کیا گیا ہے جبکہ ابھی تک شہیدوں کی شناخت نہیں ہوسکی ہے۔

    کشمیری میڈیا کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیر اعلانیہ کرفیو نافذ کردیا گیا ہے، جبکہ کٹھ پتلی انتظامیہ نے علاقے میں انٹرنیٹ اور موبائل فون سروس بھی بند کردی گئی ہے۔

    کشمیری میڈیا کے مطابق بھارتی فوج کی حالیہ کارروائیوں میں شہید ہونے والے کشمیریوں کی تعداد 28 سے تجاوز کرگئی ہے۔

    مزید پڑھیں : مقبوضہ کشمیرمیں بھارتی فوج کی فائرنگ‘ 2 کشمیری شہید

    یاد رہے کہ کچھ روز قبل مقبوضہ کشمیر کے علاقے پلواما میں بھارتی فورسز نے نام نہاد سرچ آپریشن کے دوران 2 کشمیری نوجوانوں کو شہید کیا تھا۔

    مزید پڑھیں : مقبوضہ کشمیر میں 18 جوانوں کی شہادت کے خلاف شٹر ڈاؤن ہڑتال

    خیال رہے کہ ماہ نومبر کے آواخر میں مقبوضہ کشمیر میں 18 نوجوانوں کی شہادتوں کے خلاف حریت رہنماؤں کی کال پرمکمل شٹر ڈاؤن ہڑتال کی گئی تھی، ٹرانسپورٹ اور کاروباری مراکز بند تھے۔

    مزید پڑھیں : مقبوضہ کشمیرمیں بھارتی فوج کی فائرنگ‘ 6 کشمیری شہید

    یاد رہے کہ 25 نومبر کو مقبوضہ کشمیر کے ضلع شوپیاں میں بھارتی فورسز نے سرچ آپریشن کے دوران 6 کشمیری نوجوانوں کو شہید کردیا تھا۔

    واضح رہے کہ گزشتہ ماہ کشمیری رہنما میرحفیظ اللہ بھارتی قید سے آزاد ہو کرپہنچے تھے اورانہیں مسلسل نامعلوم نمبرز سے دھمکی آمیز کالز موصول ہو رہی تھیں۔

    کشمیری میڈیا کے مطابق 20 نومبر کو میرحفیظ اللہ کو ان کے گھر میں گھس کر فائرنگ کرکے قتل کردیا گیا۔