ARYNews.tv | Urdu – Har Lamha Bakhabar

Tag: بھارتی فورسز

  • کیانی سیکٹر میں بھارتی فوج کی بلااشتعال فائرنگ‘4شہری زخمی

    کیانی سیکٹر میں بھارتی فوج کی بلااشتعال فائرنگ‘4شہری زخمی

    راولپنڈی: لائن آف کنٹرول پر بھارتی فورسز کی بلااشتعال فائرنگ کے نتیجے میں چار افراد زخمی ہوگئے،پاک فوج نے بھر پور جوابی کارروائی کرتے ہوئے بھارتی فائرنگ کا بھرپور جواب دیا۔

    پاک فوج کے شعبہ تعلقات عامہ آئی ایس پی آر سے جاری ہونے والے بیان کے مطابق بھارتی سرحدی فوج نے لائن آف کنٹرول کے نکیال اور کیانی سیکٹرز پر بھاری اسلحے اور مارٹر گولوں کا بلااشتعال استعمال کرکے سیز فائر معاہدے کی خلاف ورزی کی۔

    آئی ایس پی آر کا کہنا تھا کہ پاکستان آرمی نے موثر جواب دیتے ہوئے عوام کو نشانہ بنانے والی بھارتی بندوقوں کو خاموش کرادیا۔

    ایل او سی پربھارتی فوج کی بلااشتعال فائرنگ‘خاتون زخمی

    دوسری جانب دفتر خارجہ کے ترجمان نفیس ذکریا نے بھی کیانی سیکٹر میں بھارتی اشتعال انگیزی سے زخمی ہونے والے افراد کی تعداد کی تصدیق کی۔

    ترجمان دفتر خارجہ نفیس ذکریا نے سماجی رابطےکی ویب سائٹ ٹویٹر پراپنی ٹوئیٹ میں کہا کہ بھارت کی جانب سے شہریوں کو جان بوجھ کر نشانہ بنایا جانا افسوس ناک ہے، بین الاقوامی برادری اور اقوام متحدہ اس صورت حال کا نوٹس لے، بھارت کی جانب سے خطے کے امن کو خطرے میں ڈالنے کا سلسلہ جاری ہے۔

    واضح رہےکہ گذشتہ ہفتے 2جون کو بھی بھارتی فورسز کی ایل او سی کے نیزہ پیر سیکٹر پر بلااشتعال فائرنگ کے نتیجے میں 2 افراد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • کشمیری حریت رہنما آسیہ اندرابی گرفتار

    کشمیری حریت رہنما آسیہ اندرابی گرفتار

    سری نگر: مقبوضہ کشمیر میں بھارتی سیکورٹی فورسز نے حریت رہنما آسیہ اندرابی کو گرفتار کرلیا۔

    تفصیلات کےمطابق مقبوضہ کشمیر میں قابض بھارتی فورسز کی جانب سے کشمیریوں پرہونے والا ظلم وستم شدت اختیار کرگیا اور بھارتی فورسز نے خاتون کشمیری رہنما آسیہ اندرابی کوگرفتارکرلیا۔

    کشمیری حریت رہنما آسیہ اندرابی کےترجمان کے مطابق انہیں سری نگر کےعلاقے سورا میں واقع ان کے گھر سےگرفتار کیاگیاہے۔

    حریت رہنما کے ترجمان کا کہناہےکہ ایس ایچ او سورا نے پولیس کی اضافی نفری کےساتھ ان کےرہائش گاہ پرچھاپہ مارا اور انہیں گرفتار کرکے اپنے ساتھ لےگئی۔

    مقبوضہ کشمیر میں سوشل میڈیا پر پابندی

    دوسری جانب بھارتی فوج کی جانب سے مقبوضہ کشمیر میں سوشل میڈیا پر مکمل پابندی عائد کردی گئی ہے تاکہ بھارتی فوج کی بربریت کو دنیا سے چھپایا جاسکے۔

    خیال رہےکہ کشمیر خاتون حریت رہنما آسیہ اندرابی کےشوہر کو اس سے قبل گزشتہ روز ہی بھارتی فورسز کی جانب سے حراست میں لے لیاگیاتھا۔

    واضح رہےکہ اس سے قبل گزشتہ سال اکتوبر میں آسیہ اندرابی کو سری نگر میں ان کی قریبی ساتھی فہمیدہ صوفی کے ساتھ اُس وقت گرفتار کیا گیا تھاجب وہ خواتین مظاہرین کی قیادت کر رہی تھیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • بھارتی فورسز اورحکومت انسانی حقوق کی بدترین خلاف ورزی کررہی ہیں: امریکی رپورٹ

    بھارتی فورسز اورحکومت انسانی حقوق کی بدترین خلاف ورزی کررہی ہیں: امریکی رپورٹ

    کراچی: بھارت کے انسان سوز رویے پرامریکی محکمہ خارجہ کی جانب سے جاری کردی رپورٹ میں کہا گیا ہے کہ بھارت میں تشدد اورعصمت دری انسانی حقوق کےاہم مسائل ہیں.

    تفصیلات کے مطابق امریکی محکمہ خارجہ نے بھارت سےمتعلق رپورٹ جاری کی ہے، جس میں امریکا نے انسانی حقوق کی بدترصورتحال پربھارت کو شدید تنقید کا نشانہ بنایا ہے کہ بھارت میں وسیع پیمانے پرانسانی حقوق کی خلاف ورزیاں جاری ہیں، تشدد اورعصمت دری بھی بھارت میں انسانی حقوق کےاہم مسائل ہیں.

    امریکی رپورٹ نے بھارتی فورسزکی خلاف ورزیاں اورماورائےعدالت قتل سنگین مسائل قراردے دیا ہے، رپورٹ میں بتایا گیا کہ جموں کشمیرمیں پیلٹ گن کے استعمال کے باعث 87 عام شہری ہلاک ہوئے ہیں.

    پیلٹ گن کے بےدریغ استعمال سے ہزاروں کشمیری بینائی سے محروم ہوئے ہیں، بھارت میں انسانی حقوق کی پامالی کے خلاف حکومتی سطح پرجوابدہی نہ ہونے کے برابرہے، اس عدم احتساب کے باعث بھارت میں انسانی حقوق کی خلاف ورزی جارہی ہے۔

    عالمی برادری کشمیر میں بھارتی مظالم کا نوٹس لے، وزیراعظم

    گذشتہ سال وزیراعظم نواز شریف نے عالمی برادری سے مقبوضہ کشمیر میں بھارتی مظالم کا نوٹس لینے کا مطالبہ کرتے ہوئے کہا تھا کہ وقت آگیا ہے کہ مسئلے کوکشمیری عوام کی خواہشات کے مطابق حل کیا جائے، اس سلسلے میں عالمی برداری مسئلے کے حل میں کردار ادا کرے۔

  • سری نگر میں بھارتی فوج کی فائرنگ‘4کشمیری نوجوان شہید

    سری نگر میں بھارتی فوج کی فائرنگ‘4کشمیری نوجوان شہید

    سری نگر: مقبوضہ کشمیر میں بھارتی فوج کےکریک ڈاؤن کےدوران فائرنگ سے چار کشمیری نوجوان شہید اور تین زخمی ہوگئے۔

    تفصیلات کےمطابق مقبوضہ کشمیر کےضلع کولگام میں آج صبح اندھا دھند فائرنگ سے 4نہتے اور بےگناہ کشمیری نوجوان شہیداور تین افراد زخمی ہوگئے۔

    ریڈیو پاکستان کی رپورٹ کے مطابق ڈپٹی انسپکٹر جنرل آف پولیس نے میڈیا سے بات کے دوران واقعے کی تصدیق کرتے ہوئے کہا کہ بھارتی فوج کی فائرنگ سے 4 کشمیری نوجوان ہلاک ہوئے۔

    ڈی آئی جی پی نے بتایا کہ واقعہ بھارتی فوج اور پیراملٹری سینٹرل رزرو پولیس کے جانب سے ضلع میں مشترکہ کریک ڈاؤن کی کارروائیوں کے دوران پیش آیا۔

    دوسری جانب ادھر بھارتی میڈیا نے دعویٰ کیا ہے کہ نوپورا کے علاقے کا محاصرہ کرنے پر ہونے والی جھڑپوں کے دوران 2بھارتی فوجی ہلاک جبکہ ایک زخمی ہے۔

    یاد رہےکہ عالمی میڈیا کی رپورٹس کے مطابق بھارتی فوج کی جانب سے فائرنگ کے واقعات سے 150سے زائد کشمیری جان کی بازی ہارچکے ہیں۔

    بھارتی فوج کی جانب سےاستعمال کی گئی پیلٹ گنوں سے کم سے کم 700 سے زائد کشمیری بینائی سے محروم ہوگئےہیں۔

    مزید پڑھیں:اللہ کی رضا بیٹے سے زیادہ اہم ہے،والد برہان وانی

    واضح رہے کہ مقبوضہ کشمیر میں گزشتہ سال 8 جولائی کونوجوان حریت پسند رہنمابرہان وانی کو بھارتی فورسز نےدوساتھیوں سمیت ماوارائےعدالت قتل کیاتھا۔

  • ایل اوسی پر بھارتی جارحیت،4 پاکستانی شہید، 6 بھارتی فوجی بھی ہلاک

    ایل اوسی پر بھارتی جارحیت،4 پاکستانی شہید، 6 بھارتی فوجی بھی ہلاک

    راولپنڈی : لائن آف کنٹرول پربھارتی فورسز کی بلا اشتعال فائرنگ اور گولہ باری سے 4 شہری شہید ہوگئے جب کہ پاکستانی فوج کی جوابی کارروائی کے نتیجے میں 6 بھارتی فوجی اپنی جان سے ہاتھ دھو بیٹھے۔

    تفصیلات کے مطابق بھارتی فورسز کی جانب سے کیرالا سیکٹر،بردہ اور جندروٹ میں شہری آبادی پرصبح 8 بجے بلا اشتعال فائرنگ اور گولہ باری کی گئی جس کے نتیجے میں 4 شہری شہید ہوگئے۔

    آئی ایس پی آر کے ترجمان کے مطابق لائن آف کنٹرول پر بھارتی جارحیت کا نشانہ بننے والوں میں جندروٹ سیکٹر کے الطاف ولد لعل محمد،کیرالہ سیکٹر پر فائرنگ سے نازیہ کوثر زوجہ رشید،بردہ سیکٹر پر بھارتی فوج کی فائرنگ سے عتیق اور تصور شہید ہوئے۔

    آئی ایس پی آر کا کہنا ہے کہ پاک فوج نے بھارتی جارحیت کا بھرپور انداز میں جواب دیتے ہوئے دشمن کی توپیں خاموش کروادیں اور 6 بھارتی فوجیوں کو جہنم واصل کردیا جب کہ کئی بھارتی ٹھکانوں کو بھی نیست و نابود کردیا ۔

    مزید پڑھیں:اقوام متحدہ کے مبصرین کی جی ایچ کیو آمد

    بھارتی فوج کی فائرنگ سے 4 بچوں کی شہادت پر اقوام متحدہ کے مبصرین نے راولپنڈی میں جی ایچ کیو کا دورہ کیا۔ مبصرین کو واقعے کی تفصیلات سے آگاہ کیا گیا اور انہیں دستاویزات دی گئیں۔

    ترجمان دفتر خارجہ کے مطابق اقوام متحدہ کے فوجی مبصرین نے جی ایچ کیو میں فوجی حکام سے ملاقات کی۔ بھارتی فورسز کے ہاتھوں 4 بچوں کی شہادت کی دستاویزات مبصرین کے حوالے کی گئیں اور تحقیقات کا مطالبہ کیا گیا۔

    مزید پڑھیں:ایل او سی: بھارتی فوج کی بلا اشتعال فائرنگ سے 4 بچے شہید، متعدد زخمی

    واضح رہے کہ دوروز قبل سیزفائرکی خلاف ورزی اورکھوئی رٹہ سیکڑپربھارت کی بلااشتعال فائرنگ سے چاربچوں کی شہادت پربھارت کے ڈپٹی ہائی کمشنرکودفترخارجہ طلب کیاگیاتھا۔

  • دفترخارجہ کی بھمبرسیکٹرپر بھارتی اشتعال انگیزی کی شدید مذمت

    دفترخارجہ کی بھمبرسیکٹرپر بھارتی اشتعال انگیزی کی شدید مذمت

    اسلام آباد: دفترخارجہ کےترجمان کا کہناہے کہ بھارت مسلسل بلا اشتعال فائرنگ کررہا ہے اور ایل او سی کی خلاف ورزیوں پر کئی بار بھارتی ہائی کمشنر کو طلب کیا گیا ہے۔

    تفصیلات کےمطابق دفترخارجہ کے ترجمان نفیس زکریا نےبھمبرسیکٹر میں بھارتی فورسز کی جانب سے بلااشتعال فائرنگ کی شدید مذمت کرتے ہوئے کہا کہ بھارتی جارحیت کا پاک فوج کی جانب سے بھرپور جواب دیا گیا۔

    نفیس زکریا کا کہناتھا کہ بھمبر سیکٹر پر وطن کے لیے جان قربان کرنے والے بہادر جوانوں کو سلام پیش کرتے ہیں۔ان کا کہناتھا کہ بھارت نےکشمیریوں پر ظلم وبربریت کی انتہا کردی ہے اور کشمیر سے توجہ ہٹانے کےلیے بھارت اشتعال انگیزی کررہا ہے۔

    وزیر دفاع خواجہ آصف نے بھارتی فورسز کی جانب سے بھمبر سیکٹر پر بلااشتعال فائرنگ کی شدید الفاظ میں مذمت کرتے ہوئے کہا کہ پاک فوج کی جانب سے بھارتی جارحیت پربھرپور جواب دیا گیا۔

    مزید پڑھیں:بھمبرسیکٹر میں بھارت کی اشتعال انگیزی،7 فوجی جوان شہید

    خواجہ آصف کا کہناتھاکہ بھارت خطے کے امن کےلیے خطرے کا باعث ہے اور وہ پاکستان کو دباﺅ میں رکھنا چاہتا ہے لیکن اسے کسی صورت کامیاب نہیں ہونے دیں گے۔

    دوسری جانب وزیر اطلاعات مریم اورنگزیب نے کہا ہے کہ پوری قوم شہید ہونے والے فوجیوں کے ساتھ کھڑی ہے اورہمیں پاک فوج پر فخر ہے،وطن کے دفاع کے لیے کسی قسم کا سمجھوتہ نہیں کیا جائے گا۔

    وزیراطلاعات کا کہنا ہے کہ بھارتی جارحیت کا پاک فوج نے منہ توڑ جواب دیا اور سفارتی سطح پر بھی اسی طرح کا جواب دیا جائے گا۔

  • ورکنگ باؤنڈری پر بلااشتعال فائرنگ،چناب رینجرزکا بھرپورجواب

    ورکنگ باؤنڈری پر بلااشتعال فائرنگ،چناب رینجرزکا بھرپورجواب

    نارووال: بھارتی فوج کی ورکنگ باؤنڈری شکر گڑھ سیکٹر پر بلااشتعال فائرنگ سےدو شہری زخمی ہوگئے۔پنجاب رینجرز نے فائرنگ کا منہ توڑ جواب دیا۔

    تفصیلات کے مطابق بھارت نے ورکنگ باؤنڈری پر ایک بار پھر بلا اشتعال گولہ باری کی ہے ۔شکر گڑھ سیکٹر میں فائرنگ اور گولہ باری میں شہری آبادی کو نشانہ بنایا گیا جس کے نتیجے میں دوعام شہری زخمی اور املاک کو بھی نقصان پہنچا ہے۔

    فائرنگ اور گولہ باری کے باعث ورکنگ باؤنڈری پر سرحدی علاقوں میں شدید خوف وہراس بھی پھیل گیا۔چناب رینجرز نے دشمن کی جارحیت کا منہ توڑ جواب دیا۔بھارتی فائرنگ سے زخمی ہونے والے افراد کواسپتال منتقل کردیا گیا ہے۔

    یاد رہےکہ بھارتی فورسز کی جانب سے ایل اوسی پر بلااشتعال فائرنگ کاپاک فوج کی جانب سے بھرپور جواب دیاگیاتھا۔

    مزید پڑھیں:بھارتی فوج کی ایل او سی پر گولہ باری، خاتون شہید، سات شہری زخمی

    خیال رہےکہ تین روز قبل بھارتی فوج نے ہارٹ اسپرنگ، جند روڈ اور نکیال سیکٹر پربلا اشتعال فائرنگ کی، فائرنگ سے ایک خاتون شہید اور سات شہری زخمی ہوگئے تھے جبکہ پاک فوج کی جوابی فائرنگ میں بھارت کا بھی جانی نقصان ہونے کی اطلاعات تھی۔

    مزید پڑھیں:ایل او سی پر فائرنگ: پاک فوج کا بھرپور جواب،5 بھارتی فوجی ہلاک،4 چوکیاں تباہ

    واضح رہے کہ گزشتہ ہفتے ہونے والی بلااشتعال فائرنگ کا پاک فوج نے بھرپور جواب دیاتھا،جس کے نتیجے میں بھمبر سیکٹر میں بھارتی فوج کی چار چیک پوسٹیں مکمل طور پر تباہ ہوگئیں اور پانچ بھارتی فوجی ہلاک ہوگئے تھے۔

  • ایل او سی پربھارتی فورسز کی فائرنگ،پاک فوج کا منہ توڑجواب

    ایل او سی پربھارتی فورسز کی فائرنگ،پاک فوج کا منہ توڑجواب

    راولپنڈی : بھارتی فورسز کی جانب سے ایل اوسی پر بلااشتعال فائرنگ کاپاک فوج کی جانب سے بھرپور جواب دیاگیا۔

    آئی ایس پی آر کا کہناہے کہ ایل او سی شاہ کوٹ سیکٹر پر بھارتی فورسز کی جانب سے بلا اشتعال فائرنگ کا سلسلہ صبح سات بجکر چالیس منٹ پر شروع ہوا جووقفے وفقے سے جاری ہے۔

    بھارتی فورسز کی جانب سے شاہ کوٹ سیکٹر پر فائرنگ میں کوئی جانی نقصان کی اطلاع نہیں ہے تاہم فائرنگ سے سرحدی دیہاتوں میں خوف وہراس کی فضا ہے۔

    مزید پڑھیں: چھمب سیکٹر بھارتی فوج کی بلا اشتعال فائرنگ، 2 افراد زخمی

    یاد رہے کہ گزشتہ روز چھمب سیکٹر میں بھارتی فوج کی بلا اشتعال فائرنگ سے دو افراد زخمی ہوگئے تھے،پاک فوج کی بھارتی فوج کےخلاف دندان شکن جوابی کارروائی کرکے دشمن کی بندوقیں خاموش کرادی تھیں۔

    مزید پڑھیں:بھارتی فوج کی ایل او سی پر گولہ باری، خاتون شہید، سات شہری زخمی

    دو روز قبل بھی بھارتی فوج نے ہارٹ اسپرنگ، جند روڈ اور نکیال سیکٹر پربلا اشتعال فائرنگ کی، فائرنگ سے ایک خاتون شہید اور سات شہری زخمی ہوگئے تھے جبکہ پاک فوج کی جوابی فائرنگ میں بھارت کا بھی جانی نقصان ہونے کی اطلاعات تھی۔

    مزید پڑھیں: ایل او سی پر فائرنگ: پاک فوج کا بھرپور جواب،5 بھارتی فوجی ہلاک،4 چوکیاں تباہ

    واضح رہے کہ بدھ کو ہونے والی بلااشتعال فائرنگ کا پاک فوج نے بھرپور جواب دیا،جس کے نتیجے میں بھمبر سیکٹر میں بھارتی فوج کی چار چیک پوسٹیں مکمل طور پر تباہ ہوگئیں اور پانچ بھارتی فوجی ہلاک ہوگئے تھے۔

  • بھارتی فوج کی ایک بار پھر ایل او سی پر بلا اشتعال فائرنگ

    بھارتی فوج کی ایک بار پھر ایل او سی پر بلا اشتعال فائرنگ

    راولپنڈی: بھارتی فوج نے ایک بار پھر ایل او سی ورکنگ باؤنڈری پر بلا اشتعال فائرنگ شروع کردی ہے۔ پاک فوج بھارتی فائرنگ کا بھرپور جواب دے رہی ہے۔

    آئی ایس پی آر کے مطابق بھارتی فورسز نے بھمبر اور چپڑاڑ سیکٹر میں بلا اشتعال فائرنگ کی۔ آخری اطلاعات تک بھارتی فورسز کی بلا اشتعال فائرنگ جاری ہے۔

    کل صبح بھی بھارتی سیکیورٹی فورسز نے ایل او سی پر پاکستانی علاقوں میں 2 مختلف مقامات پر بلااشتعال فائرنگ کی تھی جس کے نتیجے میں 1 بچی اور 1 شہری جاں بحق جبکہ 7 افراد زخمی ہوگئے تھے۔

    ایل او سی پر بھارتی فورسز کی بلا اشتعال فائرنگ سے 2 شہریوں کی شہادت پر آج صبح دفتر خارجہ نے بھارتی ڈپٹی کمشنر جے پی سنگھ کو بھی طلب کیا جہاں ڈی جی ساؤتھ ایشیا نے انہیں احتجاجی مراسلہ دیا۔

    دوسری جانب ترجمان دفتر خارجہ کا کہنا ہے کہ بھارت نے رواں سال 90 مرتبہ ایل او سی پر بلا اشتعال فائرنگ کر کے سیز فائر معائدے کی خلاف ورزی کی ہے۔

  • بھارت کشمیرمیں جاری ظلم وبربریت کوفوری بندکرے،اوآئی سی

    بھارت کشمیرمیں جاری ظلم وبربریت کوفوری بندکرے،اوآئی سی

    تاشقند: او آئی سی کے 43ویں اجلاس میں بھارت کی جانب سے کشمیر میں جاری جارحیت کے خلاف قرارداد منظور کرلی گئی۔

    تفصیلات کےمطابق ازبکستان کے دارالحکومت تاشقند میں او آئی سی وزرائے خارجہ کونسل کے43 ویں اجلاس میں مقبوضہ کشمیر میں بھارتی مظالم کی شدید الفاظ میں مذمت کی گئی اور کشمیریوں کے حق کےلیے غیر متزلزل حمایت کا اعادہ کیا ہے۔

    اجلاس میں بھارتی مظالم کے خلاف منظور کی گئی قرارد میں کہا گیا ہے عالمی برادری کشمیرسےمتعلق اپنی خاموشی توڑےاوربھارت سلامتی کونسل کی قراردادوں پرفوری عمل کرے۔

    او آئی سی کےاجلاس میں مطالبہ کیا گیا کہ بھارت کشمیرمیں جاری ظلم وبربریت کوفوری بندکرےبھارت مقبوضہ کشمیرکی ریاستی صورت حال تبدیل نہ کرے۔

    قرارداد میں کہا گیا کہ بھارت اوآئی سی کےخصوصی نمائندوں اور انسانی حقوق کی تنظیموں کومقبوضہ کشمیرجانےکی اجازت دے۔بھارت اورپاکستان کشمیرسمیت تمام مسائل پرمذاکرات کریں کشمیری عوام کےلیےانسانی بنیادوں پرخصوصی فنڈقائم کیاجائے۔

    مزید پڑھیں:او آئی سی کا کشمیر میں جاری بھارتی مظالم پر اظہار مذمت

    یاد رہے کہ اس سے قبل رواں سال جولائی میں  او آئی سی کی جانب سے کشمیر میں جاری بھارتی مظالم کی شدید الفاظ میں مذمت کی گئی تھی۔

    مزید پڑھیں: او آئی سی کا مقبوضہ کشمیرمیں اقوام متحدہ کا فیکٹ فائنڈنگ مشن بھیجنے کا مطالبہ

    واضح رہے کہ گزشتہ روز انقرہ میں او آئی سی نے مقبوضہ کشمیر میں بھارتی ظلم وستم کی شدید مذمت کرتے ہوئے مقبوضہ کشمیرمیں اقوام متحدہ کا فیکٹ فائنڈنگ مشن بھیجنے کا مطالبہ کیا تھا۔